SAMARQAND VILOYATI SPORT BOSHQARMASI

🖐 Samarqand shahrida “Besh tashabbus olimpiadasi” doirasida stol tennisi bo‘yicha viloyat bosqichi bellashuvlari bo'lib o'tdi Samarqand o'yin turlari va yengil atletika bo'yicha ixtisoslashtirilgan sport maktabida “Besh tashabbus olimpiadasi” doirasida stol tennisi bo‘yicha viloyat bosqichi musobaqasi o'tkazildi. 📑 Mahalla yoshlari o'rtasida tashkil etilgan mazkur musobaqa avvalida viloyat sport boshqarmasi boshlig'i Jasur Nurmanov ishtirok etib, sportchilarning viloyat va respublika bosqichida yuqori o'rinlarni olishiga ishonch bildirdi.   ➡️Viloyat bosqichida 16 ta tuman va shaharlardan saralangan, tuman (shahar) bosqichlarida g‘olib bo‘lgan 16-21, 22-26 hamda 27-30 yosh toifalaridagi mahalla yoshlari qizg'in bahs olib borishdi. 🏆 Musobaqa yakunida g‘oliblar nomi aniqlanib, ular keyingi respublika bosqichida qatnashish imkoniga ega bo'lishdi hamda esdalik sovg'alari bilan taqdirlandi. Boshqarmaning rasmiy sahifalari: 📝Telegram | 📝Facebook | 💻 Instagram|🎞Youtube

📍 Samarqanddagi sport-ta’lim muassasalariga zamonaviy sport jihozlari topshirildi 📑 O‘zbekiston Respublikasi davlat mustaqilligining 35 yilligi arafasida Samarqand viloyatidagi sport-ta’lim muassasalari moddiy-texnik bazasini mustahkamlashga qaratilgan navbatdagi amaliy ishlar amalga oshirildi. ✔️ Bugun Samarqand o‘yin turlari va yengil atletika bo‘yicha ixtisoslashtirilgan sport maktabida shu munosabat bilan o‘tkazilgan tadbirda viloyat sport boshqarmasi boshlig‘i J.Nurmanov so‘zga chiqib, yoshlarni sportga keng jalb etish, ular uchun munosib sharoitlar yaratish hamda mashg‘ulotlar sifatini yanada oshirish borasida amalga oshirilayotgan ishlar haqida to‘xtaldi. ✔️ Ta’kidlanganidek, sport muassasalarining zamonaviy jihozlar bilan ta’minlanishi sportchilar tayyorgarligi samaradorligini oshirishda muhim omil hisoblanadi. Zamonaviy va sifatli sport anjomlari mashg‘ulotlarni ilg‘or talablar asosida tashkil etish, yosh sportchilarning mahoratini oshirish hamda yangi iqtidorlarni kashf etishda muhim ahamiyat kasb etadi. ✅ Tadbir davomida Sport vazirligi tomonidan taqdim etilgan to'qqiz turdagi 1 500 dan ortiq zamonaviy sport jihozlari, sport anjomlari va 10 000 dan ortiq sport kiyimlari viloyatdagi sport maktablari hamda ixtisoslashtirilgan sport-ta’lim muassasalariga belgilangan tartibda topshirildi. 🔺 Yangi jihozlar sportchilarning mashg‘ulotlarini yanada sifatli va samarali tashkil etish bilan birga, viloyatda sport turlarini rivojlantirish va yuqori natijalarga erishish uchun qo‘shimcha imkoniyat yaratadi. Zero, bugun yosh sportchilar uchun yaratilayotgan qulay sharoit va imkoniyatlar ertaga xalqaro sport maydonlarida yurtimiz bayrog‘ini baland ko‘taradigan chempionlar safini kengaytirishga xizmat qiladi. Boshqarmaning rasmiy sahifalari: 📝Telegram | 📝Facebook | 💻Instagram|🎞Youtube