ថេង​ ច័ន្ទ​សង្វារ​/THENG Chan-Sangvar

សូមកោតសរសើរ និងវាយតម្លៃខ្ពស់ចំពោះថ្នាក់ដឹកនាំប្រតិភូសហព័ន្ធកីឡាទាំងអស់ ដែលខិតខំលើកស្ទួយវិស័យកីឡានៅកម្ពុជា និងអរគុណដល់កីឡាករ កីឡាការិនីទាំងអស់ដែលទន្ទឹមនឹងចំណង់ចំណូលចិត្ត គឺមានទឹកចិត្តខិតខំ និងលះបង់ដើម្បីវិស័យកីឡា។ ពីនេះទៅមុខ យើងរួមគា្នសាកល្បងផ្នត់គំនិតថ្មីលើវិស័យកីឡា ដោយធ្វើឱ្យកីឡារស់នៅជាមួយយើងជារៀងរហូត ស្របតាមទិសស្លោក “កីឡារស់ក្នុងសន្តិភាព” ដោយផ្តើមការគិតគូរលើការធានាថាកម្ពុជាអាចរស់បានដោយឯករាជ្យម្ចាស់ការ និងធានាថាប្រជាជនកម្ពុជារួមទាំងអ្នកកីឡា មានដំបូលលើក្បាល ម្ហូបលើតុ មានការងារធ្វើ មានប្រាក់ចំណូល កូនទៅរៀន មានពេលលំហែ នោះនឹងបង្កលក្ខណៈឱ្យទេពកោសល្យ និងចំណង់ចំណូលចិត្តរបស់មនុស្សម្នាក់ៗកាន់តែលេចឡើងក្នុងកម្រិតមួយកាន់តែច្រើន ដែលវាក៍ផ្សារភ្ជាប់ជាមួយនឹងការផ្តើមពីការអប់រំកុមារតូច ដោយរៀបចំថ្នាក់រៀនឱ្យបានស្រឡះ បន្ទប់ទឹកស្អាតបាត និងទីធ្លាសម្រាប់លេងនិងលំហែ ដើម្បីពង្រឹងកាយសម្បទា និងកសាងទំនាក់ទំនង ផ្នត់គំនិត ព្រមទាំងទម្លាប់នៃការរស់នៅ ។ ជំនួបសម្ដែងការគួរសមជាមួយប្រតិភូកីឡាសហព័ន្ធកីឡាតៃក្វាន់ដូ ITF សហព័ន្ធកីឡាឡើងភំ្នកម្ពុជា និងសហព័ន្ធកីឡាបាល់បោះរទេះជនពិការកម្ពុជា (១៤-០៨-២០២៦) #ក្រសួងរៀបចំដែនដីនគរូបនីយកម្មនិងសំណង់​#MLMUPC

ក្រសួងរៀបចំដែនដី នគរូបនីយកម្ម និងសំណង់ និងសាកលវិទ្យាល័យជាតិគ្រប់គ្រង បានលើកយកទិន្នន័យ ដែលទទួលបានតាមរយៈការរុករកទិន្នន័យ និងការវិភាគទិន្នន័យ ដើម្បីធ្វើឱ្យការតាក់តែងគោលនយោបាយលំនៅឋានរបស់ក្រសួងកាន់តែគត់មត់ និងឆ្លើយតបទៅនឹងភាពជាក់ស្តែង និងតម្រូវការរបស់ប្រជាជនកម្ពុជា។ បទបង្ហាញស្តីពីរបាយការណ៍ស្រាវជ្រាវស្តីពី “លំនៅឋានតម្លៃសមរម្យ” ដោយសាកលវិទ្យាល័យជាតិគ្រប់គ្រង ។ (១២-០៨-២០២៦) #លំនៅឋានតម្លៃសមរម្យ #ផ្ទះសម្បែងសម្រាប់ប្រជាជនគ្រប់រូបនិងតជំនាន់ #ប្រជាជនគ្រប់រូបមានលំនៅឋានរស់នៅសមរម្យ #ទ្រនំសុភមង្គល​ #ក្រសួងរៀបចំដែនដីនគរូបនីយកម្មនិងសំណង់ #MLMUPC ————————- ព័ត៌មានពីឯកឧត្តម ថេង​ ច័ន្ទសង្វារ 🌐 Facebook 🌐 TikTok 🌐 Telegram 🌐 YouTube 🌐 Instagram 🌐 Website