عَـلـىٓ عـَـهـدِيٓ🖤.

‏﴿إِنَّ اللَّهَ لَذُو فَضْلٍ عَلَى النَّاسِ وَلَٰكِنَّ أَكْثَرَ النَّاسِ لَا يَشْكُرُونَ﴾🖤.

يمكن أنا ما بعتبر حالي كتومة ع قد ما بشوف إن هاد الأشي تغاضي..! أنا تغاضيت عن كثير شغلات أنتَ حتى ما بتتحمل تفكر فيها بتغاضى عن زعلي وعن مواقف ممكن إنها توقف حياة كاملة تركت كل شي صار ورا ضهري وكملت حياتي عادي تغاضيت عن كلام بجرح وعن فقدان ناس كتير غالية ع قلبي لو بدي احط ببالي كان بتشوفني ليل نهار عم ببكي وهالأشي كان اصعب من طلوع الروح نفسه ومع هيك أنجبرت إني اتغاضى عن هالزعل كمان مرقت الحياة وأنا عم بتغاضى عن كثير شغلات لا تركتها بقلبي تخنقني ولا حتى طلعتها لحدا وعرف ضعفي صدقني ونصيحة من قلبي تعلم تتغاضى لوجه الله لأنو اذا بدك تركز ع اي شي مش حلو بصير بحياتك مش راح تعيش🖤.

كنت دايماً أتمنى من ربي العوض المناسب لألي..! وكنت دايماً ادعي يقرب مني كل خير وبوقت دعواتي بكون ع يقين إنو بيوم راحيستجيب وبعد فترة من بعدي عن الناس و رفضي من اني اقرب من الناس لحتى اكون مرتاحة البال ربنا بعتلي إياك ربنا بعتلي اياك كشخص خلاني ارجع أوثق بالناس وأرجع احب الحياة بعد ما فقدت شغفيي.. إيماني فيك كبير ومحبتي لألك يوم عن يوم بتزيد ، ثقتي فيك كبيرة وراح امشي معك للأخير لانو بالوقت الي بكون معك فيه أنا بأمان بوجودك حتى لو الطريق صعب انا راضية بكلشي فيك بسيئاتك قبل حسناتك، وطول ما انت بحياتي راح اضل شايفتك العوض الخير لألي ربنا بعتلي اياك ليرضيني وبكل مرة ومُرة راح اختارك يروح هالروح🖤.

الحب الزايد عن حدو بيقتلك..! في أشياء لما نحبها زيادة عن الحد يلي بتستاهلو بتقتلنا بدون ما نحس على حالنا بنكون متعلّقين فيها وبنحبها بطريقة ممكن تضرنا وتأذينا ، بتكون إنتَ غرقان بمشاعر حُبك ، ومش مدرك لعواقب يلي قاعد بتعملو بتظل هيك لحتى تكتشف إنك بلشت تخسر حالك ، تخسر يلي فيك ، تخسر كل إشي حلو فيك بس لإنك بتحب هاد الأشي بتنجبر بوقتها تاخذ قرار صعب عليك يا تترك الاشي يلي بتحبو عشان إنتَ تكمّل وتكون بخير ، يا بتستمر بهاد الحب ، لحد ما تقضي على حالك أوقات الإنسحاب بكون أحسن من أنك تتمسك بِـ ناس مريضة🖤.

خليك فاهم دايماً انو الي بدو اياك بفضى عشانك..! والي معني فيك رح يحاول بكل الطرق عشانك ، وقصة مش فاضي اسمها مماطله فاضيه ألفوها شوية ناس وتكاثرت !! الي مش فاضي بفضى عشانك ، والي بدو اياك يحارب الدنيا عشانك.. حتى لو كل الدنيا كانت ضدكم مستعد يعمل كلشي عشانك ، خُد بني ادم بحس بوجودك وقيمتك بدون ما تعاتب ، او تحكيلو شوفني بدون ما تسّمعو كلام وتحكيلو انك موجود..! اختار بني ادم ما بمثل عليك المحبه وبعمل معك لحظات عشم عشان تتعلق فيه اختار الي بعرف قيمتك اختار الي بشوفك بدون ما تلفتلو انتباه الحب ما بيجي لحالو ، وللأسف مش كافي ليبني علاقة اه الحب مش كافي ، عشان ما بخلق من العدم الحب بخلق من الاهتمام والثقة والغيرة والاحترام المتبادل ، حبو بعضكم اعطو بعضكم كل الاهتمام الازم عشان تقدرو تأسسوا علاقة ناجحه🖤.

انا عارفة أنك تعبان كتير الفترة هاي..! بس أنتَ المفروض تفهم انو ربنا مش ضدك ومش ضد سعادتك كل أشي بصير معك بالحياة بكون في لألو حكمة من ربنا وما تفكر انو ربنا ناسيك لاء بالعكس ربنا عالم بتعبك ، وعالم بصعوبة حياتك عالم انو طاقتك شبه خلصت بس خليك عارف انو برغم كل هاد ربنا مستحيل يتركك بموقف صعب عليك وعن قريب راح تعرف حكمة الي أنتَ مريت فيه وصبرت عليه ما تخاف ربنا مش راح يضيعك ولا راح يتركك وراح يعوض قلبك بعوض كثير كبير وبعمرك ما كنت تتخيلو أصلاً هانت كتير والله فَـ ياريت تسلم أمرك لربك بدون حاجة أي بني أدم🖤.

حبيتك غريب..! بس ما اتوقعت بيوم يكون هالغريب اكثر حدا قريب ع قلبي ، ولا كنت متوقعة أنو أحبك لهدرجة انا جد مكنتش حتى متقبلة فكرة الحب كلها بس وقعت فيه هو وبعمري ما أتخيلت أحب بني ادم بهاي الطريقة وأعطي كل هالحب من كل قلبي حرفياً أول مرة بتعلق ببني ادم لهدرجة هاي وأنا معو الضحكة ما بتروح من وجهي وكمية الراحة الي بكون فيها وأنت معي صعب اقدر اوصفها يروح هالروح🖤.

ما بهمني ماضيك على قد ما بهمني حاضرك..! كيف رح تتعامل معي وكيف راح تكون ، رح تكون حنون ولا قاسي ، أو يا ترى صعب أو سهل أو راح تحبني بعيوبي وتحب كلشي فيني لأنو محدا ما عندو عيوب كلنا مجملين حالنا بعيوبنا ما بهمني كيف كنت وشو كنت من قبل ما تدخل حياتي اللي بهمني أنت تكون الشخص الي راح يحلي حياتي ويحليني وبهمني كيف راح تتناقش بمستقبلنا ، بهمني كيف راح تتعامل معي بدون تهجم وعصبية یا تری راح تكون الدوا الي منكون محتاجينو لجرح ما بطيب الا اذا اخدنا دوا يجبر الجرح ويداوي الحنية بتخطف قلبي بشكل ما بقدر أوصفلك اياه بنقدر نكمل حياتنا وأحنا حنونين بدون حقد وعدم تفاهم وبالآخر برجع وبكرر أول كلمتين بأنو ما بهني ماضيك على قد ما بهمني مستقبلك معي🖤.

الحب مش بحاجة يوم واحد لتثبت محبتك لهاد الشخص..! حلو تختلفو وترجعو تتصالحو وتتفقو الحب هو تنين بيفهمو بعض وبيسندو بعض وبكونو الامان لقلوب بعض ، طرفين متفاهمين وعارفين أنو الحياة أكبر من مجرد كلام وهدايا ، طرفين بقدرو ظروف بعض وبحاربوها ليحققو أحلامهم الحب بحاجة زلمة أفعالو بتسبق أقوالو حتى يحافظ على البنت ويكون سند الها وهي سند الو الحب ما بيتقيم بكبر الهدية وصغرها ولا بكتر الحكي الحب بحاجة أشخاص ناضجة وصادقة بمشاعرها الحب هاد رزق من ربنا🖤.

أتأكد وأقتنع بشكل نهائي إنو الشخص إللي غاب عنك أكتر من مرة رح يغيب ألف مرة..! وإللي كسر بخاطرك مرة رح يرجع ويكسره مليون مرة وإللي تعود إنو بكل مرة يبعد فيها ويرجع يلاقيك مش رح يوقف والشخص إللي ضامن طيبة قلبك وحنيتك بكل مرة هو إللي رح يكسرك لأنو بكل بساطة انت حسستو بقيمتو وأعطيتو أكبر من حجمو وأول ما يشوف حالو رح يشوف حالو عليك انت بس فَـ المشكلة هلأ مشكلتك انتَ وبنفس الوقت الحل عندك انتَ أعطي كل شخص متل ما بتشوف منو وريح راسك من كل هالصراعات والأذى النفسي🖤.

يمكن السبب الوحيد اللي مخليني أضحك وأمزح و أكون هالشخص الإيجابي يلي شايفينو الناس قدامهم رغم انكساري ووجعي يلي عايشة فيه..! هو قناعتي إنو كلنا بنعاني بحياتنا، كل واحد اللي فيه مكفيه وما حد راح يستحمل همي فوق همه كل واحد فينا مخبي أشياء جوات قلبو ومتحمل ألمه ووجعه لحاله ويمكن برضو إيماني التام بإنو الكلمة الحلوة بترفع هالشخص وبتسندو ابتسامة وضحكة بتغير يومو بكل تفاصيله، حركة لطيفة بسيطة بتدخل الفرحة على قلبو المكسور... فراعوا المشاعر واجبروا الخواطر، اختاروا كلماتكم وتلطفوا بأفعالكم، كونو سند لبعضكم🖤.

مستحيل أقتنع..! قد ما قابلت ناس بحياتي ولغاية اليوم مستحيل أقتنع إنه العشرة والأيام مقياس للعلاقات لأنه لليوم كتير من الناس ما بتعرف شو يعني عشرة كتير تعاملت مع ناس واكتشفت إنه في ناس بيثمر فيها معروف واحد وكتير ناس على مدى سنين طويلة ما بيثمر فيها أي اشي بحياتي ما رح أغير تفكيري ورح أضل مقتنعة بفكرة وحدة بس إنه فعلياً في ناس عندها أصل وناس قليله أصل وما بيثمر فيهم الخير بالمرة وما بيستاهلو يتعاشرو معنا ويكونو جزء من حياتنا🖤.

بتعرفو هاد الشخص الي بعرفك من جواك ومستحيل يصدق حكي الناس عنك..! بيجي عندك بتمسخر عليهم بحكيلك شو حكو وهو كيف دافع وسكتهم ومستحيل يفهمك غلط ودايما بعرف قلبك وبعرف نيتك وحنيتك وتفكيرك وبعطيك الف عذر ومستحيل يشك فيك حبيت هالشخص الي بوثق فيني أكثر من حالو وعمرو بحياتو ما شك فيني أو فهمني غلط حبيت شخص إذا شاف مني غلط بعطيني الف عذر وبضل يفهم فيني شو الصح حبيت شخص بخاف عليّ وبحب وجودي وبحب كلشي فيني حبيت شخص بعرفني من جوا وبعرف قلبي وبفهمني من نظره بدون ما احكي حبيت شخص بعمرو ما نسي اشي عني أو تفصيل بخصني🖤.

في شخص بتلتقي فيه ، بتحس إنو كُل حواسك محتاجة وجودو بحياتك..! كُل مشاعرك المنيحة والسيئة بدها إياه ما بتتخيل فكرة غيابه عنك ، ولا ممكن تستوعب إنو ممكن بيوم يكون بعيد عنك ، بتتمسك فيه ! لإنك عارف إنو الي متلو ما ضلّ منهم ، وإنو بكل سلبياته ، أحسن من غيره . بيجيك بعد فترة من التعب ، بعد سنين من البُعد عن الناس ، برجعك إنسان تحب الحياة من جديد بيعطيك أمل جديد لتعيش ، بزرع فيك الطمأنينة ، وبرسم الإبتسامة على ملامحك طول الوقت وكأنو القدر حطو بطريقك، وحطّك بطريقو لتكملوا بعض🖤.

كوني مع شخص بطلع فيكي كل يوم كأنو بشوفك لأول مرة..! شخص نظرتو الك مليانة إحترام ومحبة وحنية شخص بيهتم لتفاصيلك وملامحك وبحسسك انو ما في بالعالم بنات غيرك شخص بتحسي معو بالأمان والراحة لإنهم من المشاعر الي صار نادر نحس فيها مع أي انسان كوني مع شخص ما بشغل بالك بالتفكير بنواياه، ولا بتركك محتارة بتصرفاته لمولدنة ولا بشو قاعد بيعمل بغيابك ولا بخليكي تفكري للحظة انو ممكن يتخلى عنك ويخذلك كوني مع شخص ما عندك شك بإخلاصه ولا عندك تساؤلات عن مدى حبه الك شخص بحبك لدرجة تخليكي تحبي حالك شخص ما بخاف انو يمدحك شخص بتحسي معو انك بتستاهلي كل اشي حلو بالدنيا شخص ما بخاف من نجاحك، شخص برفع راسو فيكي وبحكيلك بعد كل انجاز بتحققيه "أنا فخور فيكي" كوني مع زلمة مش مع ذكر عشان تكوني بعلاقة بترفعك لفوق🖤.

راح يجي يوم وتدور عليها بين كل هالوجوه الي بحياتك ، راح تدور ع الوجه الي كان ع حقيقتو بدون أي قناع...! ع ملامح الحب الي كانت الك وأنتَ بأيدك ضيعتها وراح تدور عليها بكلشي بذكرك فيها ، بس مش راح تلاقيها وكنت متل الغبي مفكر كل البنات متل بعض ، بس نسيت أنو القلوب بعمرها ما كانت متل بعض وهي قلبها كان حقيقي بحبك حُب صافي وهيك قلب بيلتقى مرة بالعمر...مرة وحدة بس...! والي لازم تفهمو بأنك وقت تجيب وردة بوقتها أحسن من أنك تجيب نجمة من السما بعد ما الوقت يعدي وأنك تحكي كلمة حلوة بالوقت الصح أحسن من انك تكتبلها جريدة بعد ما تبرد المشاعر وأنك تيجي دقيقة وحدة بس بالوقت الصح أحسن من أنك تيجي سنة بعد ما يفوت الأوان بعمرك ما تأجل شغلة حلوة ولا تبخل بمشاعرك لانو محدا ضامن اشي لبعدين🖤.

تقول والدة شهيدنا البطل وسام الحَنون أبو وطن اللّه يرد جثامين جميع الشهداء المحتجزة و يجمعني بجثمان ابني لاني اشتقتله صح هو مستشهد بس أنا اشتقتله لأني ما شفته قبل ما يستشهد و حابة كثير إني أشوفه لأني مشتاقيتله كثير كثير 💔. تخيل تشتاق لنور عيونك ابنك أخوك أبوك المحتجز تستنى بکل لهفة عشان تبلل نار شوقك بس للآسف راجع شهيد أنتِ بتفكر في خيارين أحلاهما مُر بين إنك مش مستوعب أنه خلص سندك راح و بين شو هي أمنيتك ! تِدفنهُ في قبر وصفتي وجعنا كُلنا يا خالتي لأنه فعلاً اشتقنالهم 💔💔💔.

جَبَر اللّٰهُ قلوبَكم فَردًا فَردًا..🖤 وحقّق لكُم كُلّ دعوةٍ خرَجَت من أعماقِ قلوبِكُم وكُلّ دعوة لم تستطيعوا تَرتيبها لكِن اللّٰه يعلمها ثبَّتَ اللّٰه قلوبكم على دينه، وحُبّه، وحُسن عبادته، ورزَقكم من سِعتهِ أضعَاف ما تتَمنّون🖤.

﴿ لَا يُكَلِّفُ اللَّهُ نَفْسًا إِلَّا وُسْعَهَا﴾  مواساة ربانّية .. لن يحملك الله سبحانه أكبر من طاقتك ، فكن على يقين واطمئن واصبر🖤.

هَنيئَاً لِقلوبٍ سَجَدَت لِرَبِّهَا فَجرَاً. لَا تَتَنَاسُو صَلاةُ الفَجرِ ، يا راغِبي الجَنَّة🖤.