تحصيلي - sara

انا صراحة كنت حابه انزل لكم مصادر بالقناة مثل تجميعات وشروحات ولكن يوم شفت محمد منزلها وقفت لان ترتيبه افضل بكثيييير، من اكثر القنوات الي فادتني بالتحصيلي مراح تتشتتون معه وافضل شي ان كل شي مجاني الله يكتب اجره هذا فهرس المصادر https://t.me/moh_5519/833

بسم الله الرحمن الرحيم معكم سارة خريجة 2024 وبفضل الله حصلت على الدرجة الكاملة بالتحصيلي، واليوم بإذن الله راح اكتب تجربتي واتمنى انكم تستفيدون ولو بلقليل، طبعًا اعتذر على التأخر بكتابة التجربة ⏰ مدة مذاكرتي: انا بديت قبل الأختبار ب6 شهور انصحكم مرههه تبدون بدري لان اذا بديتوا بدري بترتاحون وتذاكرون براحتكم، حاولوا تخلصون القدرات بالترم الأول وبعدها ابدوا تحصيلي 📕 مصادر التاسيس: كتاب ناصر عبدالكريم، بعض الدروس ذاكرتها من المنهج 🧲الفيزياء: اكثر مادة كنت احبها خصوصًا مع شرح فرح تجننن افضل معلمة بالفيزياء بتستمتعون معها طريقتي كنت اذاكر معاها مع كتاب ناصر وهي تضيف معلومات وكنت اسجلها بنفس الكتاب، فيه بعض الدروس ماكنت فاهمتها فرجعت للمنهج 🧪الكيمياء: ذاكرتها مع الاستاذ محمد العمري وصراحة شرحه مره جميل ومفهوم وفيه بعض الاشياء ماكنت فاهمتها وشفتها مع فرح برضوا تشرح كيمياء 🧮الرياضيات: كانت اكثر مادة اكرهها ولكن شرح مهند سهلها لي ذاكرتها من ناصر واذا مافهمت شي اروح اشوف شرح فرح، فرح افضل معلمة شارحه كل المواد ماعدا الأحياء 🧬الأحياء: ذاكرته بشكل كامل مع المنهج مع الاستاذ احمد سكول كنت اذاكر فصل فصل وبعد ماخلص كل فصل اروح اتدرب على تجميعات الحوت لان احمد سكول شارحها التدريب: اهم جزئية كانت عندي ذاكرت اغلب التجميعات صحيح انها مكررة الأسئلة ولكن طورت مستواي وبذكر لكم التجميعات الي ذاكرتها -تجميعات غشام (الأفضل) - تجميعات الكنز - تجميع الحوت فترات - تجميع فرح - تجميع سايفر - بصمة فرح - المحصلة - اهم 400 سؤال النصائح: ⁃ لا تخلون مادة وتبدون بمادة ثانية اذا خلصت تاسيس الفيزياء مثلاً ابدا بتاسيس الكيمياء مع حل تجميعات الفيزياء ⁃ لا تشتتون نفسكم بكثرة المصادر ⁃ مايحتاج تضيعون فلوسكم تقدرون تجيبون الدرجة بمصادر مجانية - المراجعة مهمة جدًا جدًا واخيراً الله يوفقكم ويرزقكم الدرجة الي تطمحون لها انتم اسعوا واجتهدوا وربي مارح يضيع لكم تعب بإذن الله واستمتعوا بمذاكرة التحصيلي لانها امتع بمراحل من القدرات دائمًا وابدًا وكلوا اموركم لله واسعوا وبإذن الله النتائج تكون مرضيه جدًا ( وأنْ ليس للإنسان إلا ماسعى ، وأنّ سعيه سوف يُرى ، ثم يُجزاه الجزاء الأوفى) 💖💖

السلام عليكم منورين .. معكم سارة الحمد لله قدرت احصل على درجة 100 بالتحصيلي في كلا الفترتين، بالأيام الجاية بنزل لكم تجربتي بشكل مفصل وملفات و اشياء مهمة للتحصيلي 💕

Channel created