Sara Shalapy

في حاجه اتعلمتها مؤخرًا.. إن الراحة مش عكس الإنجاز، وإننا مش لازم نفضل طول الوقت بنجري عشان نحس إننا بنتقدم. 🤍 أوقات بنفضل حاسين إن لازم نكون بنعمل حاجة مفيدة طول الوقت.. بنذاكر، نتعلم، نشتغل، ... ولما ييجي يوم نحس إننا معملناش فيه حاجة، بنلوم نفسنا ونحس بالذنب. بس الحقيقة إننا مش آلات ولا روبوتس 😌🤷🏻‍♀️ في أيام بنحتاج نرتاح فيها، وأيام بنكون محتاجين نبعد شوية عن كل حاجة، وأيام كل اللي نقدر نعمله إننا نحاول نكمل. وده عادي. 🤍 المهم بس إننا منستسلمش لفكرة إن الوقت كله يعدي من غير ما نعمل حاجه لنفسنا. خد وقتك.. ارتاح.. ولما تكون مستعد، ابدأ من جديد. 🌱 مش لازم كل يوم يكون فيه إنجاز كبير.. بس خليه يوم ليه معنى. 🤍 #عشرينات_واعية Sara Shalapy ✍️

وأنا بدور على مصادر أتعلم منها في مجال الجودة وسلامة الغذاء، لقيت إن مش أي محتوى بيكون مرتب أو عملي. من الصفحات اللي فعلًا استفدت منها هي صفحة "كواليتو ". 🌱 لو لسه بتبدأ، هتلاقي أساسيات المجال بشكل مبسط ✨ ولو بتجهز لانترڤيو، هتلاقي أسئلة تساعدك تستعد😉 ولو بتدور على شغل، هتلاقي فرص عمل بتنزل بشكل مستمر. ف لو مهتم بالمجال ده ، حطها ضمن الصفحات اللي بتتابعها. 🤍 لينك الصفحة https://www.facebook.com/profile.php?id=61589678396853&mibextid=ZbWKwL

السر الخفي للانضباط: أن تفعل الشيء رغم أنك لا تريده الآن… لأنك تريد نتيجته لاحقًا.

📢 لو أنت طالب في كلية من الكليات الطبية أو في مدرسة تمريض... البوست ده ليك. في فرصة حلوة جدًا لو حابب تطور من نفسك وتتعلم حاجة هتفيدك في دراستك ومستقبلك. فتح التقديم للدفعة الثانية من سفراء سلامة المرضى التابعة لوزارة الصحة والسكان. البرنامج أونلاين، وهتتعلم فيه مهارات مهمة زي التواصل، حل المشكلات، وإدارة التغيير، بالإضافة لموضوعات سلامة المرضى ومكافحة العدوى وسلامة الأدوية. وفي النهاية هتحصل على شهادة معتمدة من وزارة الصحة والسكان ومنظمة الصحة العالمية (WHO)، وكمان فرصة تشارك في فعاليات ومؤتمرات خاصة بسلامة المرضى. لو شايف إن الفرصة مناسبة ليك، متفوتهاش… يمكن تكون خطوة صغيرة دلوقتي، لكنها تفتحلك فرص أكبر بعد كده. 🌱 📌 لينك التقديم: https://safeer.gapsafety.site ولو مهتم بفرص زي دي، تابع قناة الواتساب دي هتفيدك 👇 https://whatsapp.com/channel/0029VbCoRqJHAdNPws2iBL3w #فرص_تدريب #تطوير_الذات #طلاب_الجامعة Sara Shalapy ✍️

يا شباب 👋 لو حد محتاج يعمل CV احترافي أو يطور الـ CV الحالي بتاعه، أنا بقدم خدمة كتابة CV متوافق مع ATS للطلاب والخريجين. ✔️ تنظيم احترافي للمحتوى ✔️ مناسب للتقديم على التدريب والشغل ✔️ إبراز المهارات والخبرات بشكل أفضل للتفاصيل ابعت رساله دلوقتي على @sarasoo77 أو واتساب على 01014741874

ليه القرآن بيبدأ بسورة الفاتحة؟ وليه شرط لصحة الصَّلاة إنك تقرأ الفاتحة؟ وانك تقول "اهدِنا الصَّراط المُستَقيم"؟ علشان تفهم ان أكبر همومَك في الحياة لازم تكون الصِّراط المُستقيم وان أخطَر مَخاوفك انك تكون من الضَّالّين، أو من المَغضوب عليهم فـ المفروض ان التِّكرار يولِّد استقرار المَعنىٰ في القلب وهنا الشَّريعة بتعلِّمك ان أهم مخاوفك في الحياة انك تضلّ عن الصِّراط المُستقيم. بالتالي هموم الدُّنيا مش حلَّها انك تاخد دروس في حقارة الدُّنيا لأ.. حلول هموم الدُّنيا بيكون عن طريق تضخيم هموم الآخرة لإن تضخيم الهموم الأُخرويَّة بيصغَّر تلقائيًا حجم الهموم الدُّنيوية في عينك.. - د.أحمد عبدالمُنعم

ومع فجر الجمعة📿🕌 اللهم ببركة الصلاة على حبيبك مُحمد ﷺ ، نسألك أن تفرّج همومنا، وتُذهِب الحزن عن قلوبنا، وتُنزل علينا من السعادة والبشائر ما يفوق أمنياتنا، وتُجيب الخير من دعواتنا، وأن يُدرِكنا لُطفك، ويشملنا عفوك، وتحاوطنا ببركتك.. اليوم وكل يوم.. يارب العالمين.♥️🤲

قبل ما تشتكي إن يومك مفيهوش بركة... اسأل نفسك: بدأت يومك بإيه؟ جرب تدي أول 60 دقيقة من يومك لربنا: 📖 30 دقيقة قرآن. 🤍 10 دقايق صلاة على النبي ﷺ. 🌿 10 دقايق استغفار. ✨ 10 دقايق تحوقل. مش هقولك حياتك هتتغير في يوم وليلة... بس هقولك إنك هتحس بفرق حقيقي مع المداومة. لأن البركة مش دايمًا بتبان في عدد الساعات... أوقات بتبان في اللي بتنجزه في الساعات دي. ❤️ #عشرينات_واعية #رحلة_التطوير #خطوة_أفضل #استغل_وقتك #قرب_من_ربنا Sara Shalapy ✍️

كل ما الواحد بيكبر بيزيد يقينه في حاجة واحدة بس.. {يَقُولُونَ هَلْ لَنَا مِنَ الْأَمْرِ مِنْ شَيْءٍ قُلْ إِنَّ الْأَمْرَ كُلَّهُ لِلَّهِ} كل حالك من توفيق ورزق وهداية وبركة لله، كله لله.. بإرادة الله.. بقدر الله ليس لك من الأمر شيء، ما عليك إلا السعي، وما شاء الله كان، وما لم يشأ لم يكن. م/ شريف علي

انسى المنطق وأنت بتدعي قول كل اللي نفسك فيه، خلي عندك حسن ظن بالله ومتشغلش بالك الدعوه دي هتتحقق إمتى وإزاي، ده لأنه الله. - أحمد عامر.

من أجمل ما قال الشيخ الشعراوي رحمه الله:- ‏"إياك وأن تخاف شيئا قبل حدوثه .. وأصرف فكرك وخوفك عن الغيبيات فهي في علم الله، وأعلم أن البلاء إذا نزل على العبد ينزل معه اللطف، فإذا تصورت البلاء قبل أن يقع فقد استقبلت البلاء بدون لطف وأهلكت روحك، عليك أن تتيقن أن لك رب قيوم لا ينام، فاطمئن به، وتوكل عليه، واستبشر".💜

من بعد العيد هيبقى قدامك اختيارين... يا إما تعتبره بداية جديدة، وتبدأ تاخد خطوات حقيقية ناحية الحاجات اللي نفسك تحققها، حتى لو كانت صغيرة. ويا إما ترجع لنفس الروتين، ونفس التأجيل، ونفس فكرة: "لما الظروف تبقى أحسن هبدأ." بس افتكر إنه نفس التفكير، ونفس العادات، هتوصلك غالبًا لنفس النتائج. أما التغيير الحقيقي... فيبدأ بقرار، يتبعه خطوة، ثم استمرار برغم كل العقبات

💜

كفاية راحة.. العيد خلص والمذاكرة مستنيانا! 😅📚 العيد كان جميل، والأكل كان أحلى، والاجازه حلوه والراحة جميلة 🤗 بس خلاص دلوقتي لازم نرجع للمذاكرة! 🤦‍♀️ الامتحانات مش هتستنى، وكلنا تقريبًا في نفس المود، مكسلين ومش قادرين نبدأ، وعايشين في وهم "هبدأ بكرة" اللي مش بييجي خالص 🥴 متقلقوش 😌 النهاردة هقولكم شوية نصائح هتساعدكم ترجعوا للمذاكرة وبتركيز 😉 🎯 إزاي نصحصح ونرجع للمذاكرة بتركيز؟ 1️⃣ ابدأ بحاجة بسيطة : متبدأش بحاجة صعبة، ذاكر حاجات صغيرة الأول عشان ترجع بهدوء وتدخل المود. 2️⃣ ذاكر بذكاء مش بوقت طويل : جرب طريقة البومودورو (25 دقيقة مذاكرة – 5 دقايق راحة) عشان تقدر تذاكر بسهولة ومن غير ما تحس بملل. 3️⃣ حركة بسيطة هتفرق :جرب تتحرك شوية قبل ما تذاكر، حتى لو مشي سريع، هيساعدك تركز أكتر وتحس بالنشاط. وأهو تهضم الكحك اللي مش عارف تسيبه وتقوم 🤡 4️⃣ الموبايل مش هيطير📱 : مش لازم تقفله خالص، بس حطه بعيد عنك شوية عشان تقدر تذاكر من غير ما يتشتت انتباهك. هو آه دي أجازة وحقك تلعب، بس الامتحانات والمذاكرة محدش هيعملهم بدالك.😌 5️⃣ المكافآت حلوة : ذاكر جزء بسيط، وكافئ نفسك بحاجة تحبها، حتى لو آخر قطعة من شوكولاتة من العيد! 😆 6️⃣ ذاكر مع حد يشجعك : لو بتحب الجو الجماعي، اتفق مع حد تذاكروا سوا، حتى لو أونلاين، وأهو تستفيدوا من وقت الفيديو كول اللي بيضيع في الكلام الفاضي 😏 المهم تاخد القرار وتبدأ.. يلا نرجع للمذاكره من تاني! 💪🔥 Sara Shalapy ✍️

📌5 كورسات مجانية هتغيّر مستقبلك الوظيفي!! فرص التوظيف و الترقية بتيجي لما تتطور من نفسك بكورسات فيها محتوى عملي وده بالظبط اللي برنامج LINK هيساعدك توصله. البرنامج مقدم من eyouth، وفيه 5 كورسات مجانية في أهم المجالات المطلوبة في سوق العمل :- (التسويق الرقمي – الموارد البشرية – تطوير الأعمال – تحليل البيانات – التحليل المالي). الدراسة أونلاين بالكامل يعني هتقدر تدرس في الوقت والمكان اللي يناسبك. شروط التسجيل :- ▪️إنك تكون خريج جامعة أو مدرسة حكومية. ▪️وفي واحد من المحافظات دي :- (سوهاج – المنيا – بني سويف – أسيوط – الجيزة – الشرقية). يلا سجل دلوقتي! https://landing.link.eyouthlearning.com/ نتمنى لكم تجربة تعليمية مميزة بالتوفيق والسداد لمزيد من الفرص يمكنك متابعة القناه https://whatsapp.com/channel/0029VaNLeM6J93wRhTI88A1k

جاهز تبدأ رحلة إبداعية جديدة مع Canva؟ 🤩 يمكن بتعرف تستخدمه… بس عمرك استخدمته صح؟ 🤔 Canvaمش مجرد تطبيق تصميم ده أداة قوية هتساعدك في شغلك، دراستك، وهتساعدك تبني هويتك الرقمية بشكل احترافي سواء على لينكدان أو في أي مكان. وعشان كده كيان سند شباب الدلتا مجهزّين لكم سلسلة سيشنات تدريبية عملية وبـ شهادة معتمدة من وزارة الشباب والرياضة! في السيشنات دي هنتعلم خطوة بخطوة: ✨ ازاي تعمل Personal Branding محترم على LinkedIn ✨ ازاي تصمم Presentation يشد الانتباه في الجامعة أو الشغل ✨ ازاي تطور المحتوى البصري لو بتقدم محتوى أو شغلك محتاج شكل أقوى والأجمل؟ الـ Sessions دي مش للديزاينرز بس… دي لأي حد عايز يطور طريقة عرضه لنفسه وشغله ويخلي حياته أسهل! تفاصيل الكورس هنا : https://www.facebook.com/share/p/18FzVDK2wB/

فرصتك للانضمام لكيان "سند شباب الدلتا" – أحد كيانات وزارة الشباب والرياضة 🌟 لو عندك الرغبة في تطوير مهاراتك والمشاركة في كيان له بصمة حقيقية، نعلن عن فتح باب الانضمام لكيان "سند شباب الدلتا"، أحد أبرز الكيانات التابعة لوزارة الشباب والرياضة المصرية ❤️ ليه تنضم لـ سند شباب الدلتا؟ إحنا مش مجرد تجمع شبابي، إحنا كيان بيتحرك على الأرض ولينا تواجد في فعاليات ومسابقات قوية، زي مشاركتنا الأخيرة في برنامج "العباقرة": 🔗 شوف لقطات من مشاركتنا هنا https://www.facebook.com/share/v/1CBcmD8sjh/ مجالات الانضمام (اللجان): عندنا لجان تخصصية متنوعة تقدر من خلالها تبرز موهبتك وتتعلم مهارات جديدة، تعرف على تفاصيل كل لجنة من هنا: 🔗 بوست تعريف اللجان على صفحة الكيان الرسمية على الفيسبوك https://www.facebook.com/share/1EhF5MGu2X/ خطوات التسجيل: التسجيل متاح الآن من خلال الاستمارة الرسمية الموجودة في بوست وزارة الشباب والرياضة: 🔗 رابط التسجيل والاستمارة https://www.facebook.com/share/1G4oBWz5r2/ تقدروا تشوفوا رأي الأستاذ مايكل المصري عن الكيان: https://www.facebook.com/share/r/1DD3Fi4NAA/?mibextid=wwXIfr تقدروا تتابعوا صفحتنا الرسمية عشان تعرفوا أكتر عن أنشطتنا.. ومستنيينكم تكونوا جزء من فريقنا ومن مسيرة نجاحنا الجاية❤️

‏يقول جيمس كلير في كتاب العادات الذريّة: من غير المنطقي أن تواصل الرغبة في شيء لا تملك الاستعداد لبذل الجهد من أجله. إن لم تكن مستعدًا لأسلوب الحياة الذي يقود إلى الهدف، فتخلَّ عن الرغبة! أن ترغب في النتيجة دون أن تحب الرحلة، هو طريق مضمون نحو الخيبة. "النجاح نتيجة…وعاداتك هي السبب".

لو حاسس بالقلق والخوف من المستقبل.. قول الأذكار دي • "إِنَّ وَلِيِّيَ اللَّهُ الَّذِي نَزَّلَ الْكِتَابَ ۖ وَهُوَ يَتَوَلَّى الصَّالِحِينَ".. خليها على سبحتك 100 مرة في اليوم.. فربنا يتولى أمرك ويخرجك من ضيق الخوف لسعة الطمأنينة • "حَسْبُنَا اللَّهُ سَيُؤْتِينَا اللَّهُ مِن فَضْلِهِ وَرَسُولُهُ إِنَّا إِلَى اللَّهِ رَاغِبُونَ".. برضو على سبحتك 100 مرة في اليوم.. ليها أثر كبير في تفريج الكربات وتأمين القلوب 📌مقتبس من أحد فيديوهات الشيخ مصطفى حسني Sara Shalapy ✍️

الدنيا صعبة والزمن اللي عايشين فيه دلوقتي فيه تسارع رهيب في الأحداث.. فبلاش ٣ حاجات... بلاش شعور بالاستحقاقية، بلاش سخط على الأقدار، بلاش جلد ذات. واستبدلهم بـ ٣ حاجات... كثرة الذكر لأنها تورث الرضا والاطمئنان... الرفيق الطيب، زوجة أو زوج أو صاحب.. وإذا ما فيش ادعي، ادعي بيهم... لأن وجودهم ونس.. و دوام الاجتهاد مع حسن التخطيط مع الخلوة من وقت للتاني. لأن الشكل ده من الحياة بيخليك حقيقي مسلم وراضي... ربنا يهون على كل مُصاب، ويفتح على كل مُجتهد... يا رب... يا وهاب. - د. مهند درديري