سازسؤز

♦️ ۱۴ مرداد روز " تبریز " ( آذربایجان ) گرامی باد. ◻  ائل دایاغی:                     شانلی تبریز اوجابویلو داغلارین وار، گولر اوزلو باغلارین وار، سینه دولو داغلارین وار،           باشی اوجا شانلی تبریز! سویکنیبسن ائل داغینا، ائینالی یا ائل داغی نا، بو ایلهاملار قایناغینا،           باشی اوجا شانلی تبریز! یازیلمیشدیر تاریخ لرده، نه دوزوم وار سنده درده، هئچ یئنیلمک یوخدور مرده،           باشی اوجا شانلی تبریز! آختار سالار چنلی بئلی، گوستر آشیب - داشان سئلی، سویله بو دور ستار ائلی،          باشی اوجا شانلی تبریز! سنین گوزه ل "ائینالی"ن وار ، پارلاق تاریخ - احوالین وار، شیرین دیل بو شان بالین وار،          باشی اوجا شانلی تبریز! رنگ آلیر گول یاناغیندان، بال سوزولور دوداغیندان، بوی دئییر ائل دایاغیندان،          باشی اوجا شانلی تبریز! وورغونویام ایگید ائلین، فرهاد ییام شیرین دیلین، پولاددان دیر قولون - بئلین،         باشی اوجا شانلی تبریز! قارینداشیق ائللر هامی، اونوتمارام سن آنامی، سندن آلدیم پاک ایلهامی،         باشی اوجا شانلی تبریز! پروفسور دکتر علی اکبر ترابی (حاللاج اوغلو) آذربایجان آشیقلار و شاعیرلر کانالی عزیزلر کانالیمیزی دوسلاریزا تانیدین کانال آشیق غلامرضا علیزاده @sazsoz @sazsoz

♦️ 14 مرداد سالروز صدور فرمان مشروطیت ( انقلاب مشروطه ) گرامی باد. ◻ تبریزین ان قوجامان و مرکزی محله سی:                    راستا کوچه               مشروطه کورپوسو "راستا کوچه بیزیک _ بیزیک" "ائللر ایله دیز به دیزیک" بو کوچه ده ائل ایزی وار، ستارخانین یول _ ریزی وار؛ " سردار" یولون یاخین ائده ر، " انجمن " ه بوردان گئده ر. ایندی ده وار آت شئیهه سی، آتلیلارین گور صئیحه سی، شانلی ائلین حق نفه سی، اونون هایی، اونون سسی، بو کوچه ده جینگیلده ییر، ائل سازیندا دینگیلده ییر، گویون اوزو پاریلداییر، گولله سسی شاریلداییر، " ایلدیریم " ین توپو شاخیر، سنگره ائل سئل تک آخیر. بویلان بیر باخ! او ائل گلیر، ائل دئمیشکن گور سئل گلیر، آت اوستونده اودور " سردار "، اودور " باغوان "، اودور "سالار"؛ گونده ن یانمیش اوزو _ گوزو، پولاددان دیر " سردار " اوزو؛ آرخاسیندا نه انسانلار، قورخو بیلمز نه اصلانلار، بونلار پولاد قالادیرلار، پارلاق تاریخ یارادیرلار. دئمه بونلار سوووشورلار، ایتگین لیگه قوووشورلار؛ همان او یول _ اوایز یاشیر، چونکو شانلی تبریز یاشیر؛ زمان حددین بو ائل آشیر، " حاللاج " عشقی جوشور _داشیر، حق سوزو وار اوره گینده، ائل گوجو وار بیله گینده. پروفسور دکتر علی اکبر ترابی (حاللاج اوغلو) آذربایجان آشیقلار و شاعیرلر کانالی عزیزلر کانالیمیزی دوسلاریزا تانیدین کانال آشیق غلامرضا علیزاده @sazsoz @sazsoz

(اؤلچور)!! هردن هنر ایمان هئچ اولور قارداش انسانلار بیربیرین پولولان اؤلچور! معرفت شخصیت آداملیق ایتیر چوخلاری قیمتی چولولان اؤلچور! ــــــــــــــــــــــــــــــ دوز سؤز دئییلنده چوخو یان‌ گئچیر یالانا اینانیب یالان آند ایچیـر هر کیمسه اؤز اولگوسون قویوب بیچیر قیزین عصمتینی دولولان اؤلچور! ــــــــــــــــــــــــــ «قیزیل‌قلم»قاتیبدیلار آرانی قاریشیق سالیبلار آغی قارانی سِئله تاپشیرانلار یازیق سارانی آقانین حرمتین قولولان اؤلچور ✍«قیزیل‌قلم»✍ آذربایجان آشیقلار و شاعیرلر کانالی عزیزلر کانالیمیزی دوسلاریزا تانیدین کانال آشیق غلامرضا علیزاده @sazsoz @sazsoz

دلی کؤنول ، نه دیوانه گزیرسن بی وفا دیلبردن سنه یار اولماز. دوز چیخماز ایلقاری ، عهد و پیمانی، هرجاییدا ناموس ، غیرت ، عار اولماز. اوز وئرمه نادانا ، سیرر وئرمه پیسه ، آخیر ، قلبین یا اینجییه ، یا کوسه اوت بیتَر کوک اوسته ، اصلی نه ایسه یووشان بَسله مک له ، چمنزار اولماز . وفالییا اَمَک چَکسن ایتیرمز ، بد اصیل ، نصیحت - اؤیود گؤتورمز قاباق تاغی ، تر شاماما بیتیرمز ، گؤی سؤیود ده حئیوا  اولماز ، نار اولماز تکلیف اولونمامیش بیر یئره وارما ، نر  اولماز مئیداندا  هر بیغی بورما سئیراقوب آداما سن یاخین دورما خائین چیخار ، اوندا دوز ایلقار اولماز. "خسته قاسم" گونو کئچمیش قوجادی، گلن بزیرگاندی ، گئدن خوجادی سرو آغاجی هر آغاجدان اوجادی اصلی قیتدی ، بوداغیندا بار اولماز . خسته قاسم آذربایجان آشیقلار و شاعیرلر کانالی عزیزلر کانالیمیزی دوسلاریزا تانیدین کانال آشیق غلامرضا علیزاده @sazsoz @sazsoz

یوز مین جفا قیلسان منه، من سندن اوز دؤندرمه‌رم. جانیم اولا قوربان سنه! من سندن اوز دؤندرمه‌رم. سئودیم سنی من جان ایله، قۇل اولموشام قوربان ایله، قوی آند ایچیم فورقان ایله، من سندن اوز دؤندرمه‌رم. عیسامیسان، موسامیسان، یا یوسف کنعانمیسان؟ والله کی جانیم جانیسان! من سندن اوز دؤندرمه‌رم. ای «نسیمی»، عاشیقمیسن، حق یولونا صادیقمیسن، کؤزَرمه‌یه لاییقمیسن؟ من سندن اوز دؤندرمه‌رم. سید عمادالدین نسیمی آذربایجان آشیقلار و شاعیرلر کانالی عزیزلر کانالیمیزی دوسلاریزا تانیدین کانال آشیق غلامرضا علیزاده @sazsoz @sazsoz

سوسوز قویو سو دولدورسان سولانماز دولماغیندان دولماماغی یاخشیدیر ایشی دوشجک دوستو یادا سالانین سالماغیندان سالماغی یاخشیدیر پاییز اولجاغ رنگی قاچار یارپیزین دادی اولماز قیشا قالان قارپیزین پیس قوهومون پیس اوغولون پیس قیزین اولماغیندان اولماماغی یاخشیدیر چوخ دانیشسام فایداسی یوخ یالانین فرقی اولماز نامردیله ایلانین موغاماتی اؤرگنمه میش چالانین چالماغیندان چالماماغی یاخشیدیر ای   سید  آغا یاریم آچیب باشینی غم آغاردیب کیرپیگله قاشینی من اؤلندن سونرا یاریم یولسا باشینی یولماغیندان یولماماغی یاخشیدیر آذربایجان آشیقلار و شاعیرلر کانالی عزیزلر کانالیمیزی دوسلاریزا تانیدین کانال آشیق غلامرضا علیزاده @sazsoz @sazsoz

آذربایجان آشیقلار و شاعیرلر کانالی عزیزلر کانالیمیزی دوسلاریزا تانیدین کانال آشیق غلامرضا علیزاده @sazsoz @sazsoz

آذربایجان ادبیاتی‌نین بیر قولو دا گئتدی الله رحمت ائله‌سین 🤲🏻 نریمان حسن زاده آدین، سؤزون قلبیمیزده ابدی یاشایاجاق! روحون شاد اولسون اوستاد! نریمان حسن‌زاده|۱۹۳۱ - ۲۰۲۶| وفات ائتدی دونیا بیر نردیوان‌دی                           قالخاندا مئهریبان‌دی                           ائننده نه یامان‌دی                        نریمان حسن‌زاده ديلين چوخ شيريندی اوره‌يين آجی اوزونه غم داشی يامانا دونيا بير عؤمور باخمیسان منه قيقاجی گلميشم اليندن آمانا دونيا... قالديردين گؤيلره دومان تک آهين صنعت مئيدانيندا آشيق اَمراهين صمد‌ وورغون كيمی سؤز قيبله‌گاهين نئيله‌دين، آپاردين هايانا دونيا                      ستار گول‌محمدی آذربایجان آشیقلار و شاعیرلر کانالی عزیزلر کانالیمیزی دوسلاریزا تانیدین کانال آشیق غلامرضا علیزاده @sazsoz @sazsoz

داها آرزین نه‌ده قالدی چوخدا بئله اولما اوشاق حقيقته گل ياناشاق اَيری دوروب دوز دانيشاق ساتان ساتدی آلان آلدی داها آرزین نه‌ده قالدی واخت اولوب كی چوخ سَنه‌ده آخيب زامان ترسينه‌ده حاق بوغولوب چوخ سينه‌ده سانما بونلار بير ميثالدی داها آرزین نه‌ده قالدی توپ‌توفنگ‌سيز ياخشی چاپدين گؤر كندينه نه‌لر ياپدين شر ايچينده خئيير تاپدين آج نه بيلر هئيوا كالدی داها آرزین نه‌ده قالدی عؤمرون بويو دؤنه-دؤنه حسرت‌ايدين بير آغ گونه گونش دوغدو قيش عؤمرونه سن گول آچدين گول سارالدی داها آرزین نه‌ده قالدی اوخوماميش يازی يازدين هر غمينه قبير قازدين هئچ اؤزون‌ ده اينانمازدين طالع گتدی باخت اوجالدی داها آرزین نه‌ده قالدی بير پالازا بورونردين ايلان كيمی سورونردين هر قاپيدا گؤرونردين حيات سنه ايندی بالدی داها آرزین نه‌ده قالدی بير گئجه‌ده ساوادلاندين لوت قوش‌ايدين قانادلاندين کئچميشينله عينادلاندين ايندی مالين باشقا مالدی داها آرزین نه‌ده قالدی وار ايستردين وارا چاتدين چاتماز آرزولارا چاتدين گؤر هاردايدين هارا چاتدين سن قالاندين ائل بوشالدی داها آرزین نه‌ده قالدی مؤجوزه‌دير چارخين ايشی ائركک اولور بعضن ديشی سن ده بوگون اولدون كيشی گئينديين تيرمه شالدی داها آرزین نه‌ده قالدی سن «ستار»ی سۆزمه بئله اوره‌یينی اوزمه بئله مغرور-مغرور گزمه بئله دونيا يامان حال با حالدی داها آرزین نه‌ده قالدی. ستار گول محمدی آذربایجان آشیقلار و شاعیرلر کانالی عزیزلر کانالیمیزی دوسلاریزا تانیدین کانال آشیق غلامرضا علیزاده @sazsoz @sazsoz

آج‌گؤزلۆلۆک‌ = طمع ورزی اؤتَک = تاریخ سؤمۆرگه = مستعمره یئتینج = حق قالؽجؽلؽق = ماندگاری اوْلای‌ = حادثه اؤزَنلی = با دقت قۏشۇق، قۏشقۇ = شعر سالدؽرؽ = حمله سۇنماق = تقدیم کردن ائتکی = تاثیر قۇشاتؽلماق = محاصره شدن کَسین = قطعی یؤنَتکیسل = سیاسی یؤنتکی = سیاست کؤتو = بد کؤتو قۇللانماق = سوء استفاده سۆره = مدت اۇلۇسلارآراسؽ = بین الملل چـوْخۇنلۇق = اکثریت آنؽمساماق = یادآوری اۇغراماق = مواجه شدن، معروض ماندن قۇتلاماق = گرامی داشتن مۇتلۇ = خوشبخت گؤرۆش، باخؽش = دیدگاه آلان = ساحه، عرصه دَگَر = ارزش چاغداش = معاصر سۏیچۇ = نژادپرست، فاشیست ایتگی = زیان گؤرۆنۆش = ظاهر اؤکۆنمَک = پشیمان شدن یالنؽزجا = ساده جه آوچؽ = شکارچی ساواش اۇچاغؽ = هواپیما آذربایجان آشیقلار و شاعیرلر کانالی عزیزلر کانالیمیزی دوسلاریزا تانیدین کانال آشیق غلامرضا علیزاده @sazsoz @sazsoz

اؤیله مستم‌، بیلمزم کیم مئی نه‌دیر، مینا نه‌دیر، گول نه‌دیر، بولبول نه‌دیر، سونبول نه‌دیر، صحرا نه‌دیر. اود توتوب جانیم سراسر یاندی، امّا بیلمه‌دیم: دل نه‌دیر، دلبر نه‌دیر، باشیمدا بو سئودا نه‌دیر. بیلمه‌دیم عؤمرومده هرگز کفر و ایمان هانسی‌دیر، احمد و محمود کیم‌دیر، موسیٖ و عیسیٰ نه‌دیر. شاهبازِ اوجِ وحدت، واحد و حیّ و قدیم، خالقِ ارض و سما، اول فرد و بی‌همتا نه‌دیر. تورَّهاتی قوی کناره، رقصه گل دیوانه‌وار، گل خرابات ایچره، گؤر بو شورش و غوغا نه‌دیر! دُردِ صافی گؤزله‌مک واختی دئییل، ساقی، آمان! شیشه وئر، پیمانه وئر، ساغر نه‌دیر، صهبا نه‌دیر؟! دور، گؤزون قوربانی‌یام، مستانه گل، رندانه وئر، چوخ دئمه جمشیددن، اسکندر و دارا نه‌دیر؟! شاهدِ خلوت‌نشینیم ائتدی رخسارین عیان، عاشقِ دیوانه، گل گؤر ظاهر و اِخفا نه‌دیر! یئتدی عؤمرون آخره، سن بیر «نباتی!» بیلمه‌دین، کیمدی بو گؤزدن باخان، یا دیلده بو گویا نه‌دیر. آذربایجان آشیقلار و شاعیرلر کانالی عزیزلر کانالیمیزی دوسلاریزا تانیدین کانال آشیق غلامرضا علیزاده @sazsoz @sazsoz ابوالقاسم نباتی

گئتمک ایسته‌ینلر آرخایا باخماز، مین دفعه آرخاما باخیب گئدیرم. الیمی الیندن هیجران قوپاریر، طالعین چاییندا آخیب گئدیرم. یاشادیق حیاتین گرچکلرینی، بعضا ده اونوتدوق گرکلره رینی. او دورو عشقینین چیچکلرینی، بو وورغون قلبیمه تاخیب گئدیرم. آیریلیق باختیما یامان داش ووروب، نه دئسن غم-کدر باشا-باش ووروب. قلبیمی قلبینله قوشالاشدیریب، قورو جسیمیم ایله چیخیب گئدیرم... من سنی اؤزوم تک اینانیب سئودیم، یاتیب خیالینلا، اویانیب سئودیم. دونیا قارشی‌سیندا دایانیب سئودیم،   دونیامی باشیما ییخیب گئدیرم. قاییبین قلبینده خاطیره‌لرین ایللردیر یئر سالیب، دریندن درین. اینانما!  یالاندیر،  اونلاردان بیرین_ دئسم ده یاندیریب یاخیب گئدیرم مین دفعه آرخاما باخیب گئدیرم آذربایجان آشیقلار و شاعیرلر کانالی عزیزلر کانالیمیزی دوسلاریزا تانیدین کانال آشیق غلامرضا علیزاده @sazsoz @sazsoz علی رشتبر قاییب

قوشما چورک تاپیلمیر شهرده هرنه وار هرنه ایسته سن سئویملی مهربان اورک تاپیلمیر چوخو دُویوزدورور ایتین پیشیگین چوخلو انسان لارا چورک تاپیلمیر .......... یتیم لره گولن دوداق ،دا یوخدو قارانلیق گئجه یه چیراق دا، یوخدو کیشی دن آد قالیب پاپاق دا یوخدو سورونو قورت یئییر کوپک تاپیلمیر ...............‌‌‌ اَلین امدای نا چتین، اَل، یئته او شیرین آرزولار دوندو حسرته جهنم دن‌  یول بولمادیق  جنته دئدیگین جنت ده ،ملک تاپیلمیر ،......‌‌‌‌‌‌.......... هرکیمسه اوزیوکون آنجاق داشی ییر دیری لرده اولوم سایاق یاشی ییر کمک لیک دن هانمی قاچیب اوشویور ییخیلیب اولسن ده کومک تاپیلمیر حیدر بابایی آذربایجان آشیقلار و شاعیرلر کانالی عزیزلر کانالیمیزی دوسلاریزا تانیدین کانال آشیق غلامرضا علیزاده @sazsoz @sazsoz

وفالی چیرکینه جان قوربان ائیله وفاسیز گوزه لین  دوشمه دالینجا قوی سنی اوُلدورسون غیرتلی دوشمن تعصب سیز   قؤهوما دالدالانینجا عبس یئره چالما  میخ  گئتمز داشا چتین دوز گئدنلر  یؤلوندان چاشا سوبای قال دونیادا  آروادسیز یاشا غیرت سیز  کیشینین قیزین آلینجا زیارت  ائتماغا  کعبه گوزلدیر انسان چاتسا بو مطلبه گوزلدیر سونسوز لوغون مین مرتبه گوزلدیر بئــــیار قیزین  بئ فر اوغلون اولونجا عوُمور امانت دیر  مناف   بیل گینن چالیش یاخشی لارینان اولفت قیل گینان اوزات قؤل قیچیوی   ییخیل اوُل گینن مـیــنت آلتدا  دانلاق آلتدا  قالینجا ✍شاعیرمناف آذربایجان آشیقلار و شاعیرلر کانالی عزیزلر کانالیمیزی دوسلاریزا تانیدین کانال آشیق غلامرضا علیزاده @sazsoz @sazsoz

بو دونیا ازل دن بئله دی قارداش! کسردن دوشه نی داشا چکیرلر ! پاپاغین یان قویوب، گزیر گوناهکار _ گوناهسیزی  برکه _ بوشا چکیرلر ! دوغرو دانیشانا قورورلار تورو ، أل سیز_ آیاقسیزا قازمیرلار گورو یاوان یییه ن لره قییمیرلار شورو _ یاغلی ییه ن لری  آشا چکیرلر ! بئله زمانه دن نئیله سین کاسیب؟! خئییر فغان ائدیب، شر قولاق آسیب باشی اولانلارین باشیندان باسیب _ باشی اولمایانی باشا چکیرلر ! "علی صفر اوغلو" داغا دؤندو درد ! وفاسیز فلک له  گل  اویناما  نرد مردی  قووا _ قووا  ائدیرلر نامرد _ حاققی _ عدالتی شیشیه چکیرلر ! ✍علی صفر اوغلو ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌ آذربایجان آشیقلار و شاعیرلر کانالی عزیزلر کانالیمیزی دوسلاریزا تانیدین کانال آشیق غلامرضا علیزاده @sazsoz @sazsoz

گَرَک گئتسم گؤزوم کیمی قورویام ، یا قیسمت داغلارا بیرده قاییتسام . اوجاق داشلارینی باسام باغریما ، او کولی سوورولموش یوردا قاییتسام. دؤزدوم هر عذابا - دؤزدوم هر آها ، گوناهسیز اولسام دا  باتدیم گوناها ، من ائله گؤز،اودون گؤرموشم داها ، قوزونو  وئرمه رم  قوردا قاییتسام . بیر ایگید،عؤمرونو وئرسم ده  یئله ، دردی اوره ییمده شله دیر - شله ییر قایا کؤکسونه سیغینیب هله یوز ایل یاشییارام اوردا قاییتسام. نئیله یر کامیله غمین قوشونو ؟! همیشه دیک توتوب گزر  باشینی حسرتین - هیجرانین  آتیب داشینی سون قویوب مؤحنته - درده، قاییتسام. کامیل طبیب آذربایجان آشیقلار و شاعیرلر کانالی عزیزلر کانالیمیزی دوسلاریزا تانیدین کانال آشیق غلامرضا علیزاده @sazsoz @sazsoz

بویله قورولوبدو چرخی گردیشین بیر گونون ایچینده مین بوساط إیلر سحر کرمیندن شعله لر  ساچار آخشام غضبیندن ظولومات  إیلر إله کی  دونیایا  گلدی  سیم  و  زر عدالت  اوستونه  حکم اولوندو شر احتیاج اونونده قول اولدو بشر هره بیر مقصدله عبادت إیلر اسکندر  تیمورلنک  چنگیز  هاردادی دارا چکن لرین  اوزو  داردادی بایقوشون  یوواسی  سارایلاردادی اونو  دویمویان  شاه  جنایت  إیلر آغا اولماسا نوکر اولارمی ظولمکار  اولمیان  بیر آغا وارمی ادراک دویمویانی عاغیل دویارمی هر کس طالعیندن شکایت ایلر غمکش  دییر اولما کسیجی  قددار قفیل ترسه  دوشر آچماز بیر  آچار ضابیط  اولر  وزیر چاشار آت قاچار سیراوی عسگرده شاهی مات ایلر غمکش الله وئردی آذربایجان آشیقلار و شاعیرلر کانالی عزیزلر کانالیمیزی دوسلاریزا تانیدین کانال آشیق غلامرضا علیزاده @sazsoz @sazsoz

سنین حسرتیندن سنین دردیندن چؤللره دۆشمۆشم خبرین وارمؽ؟ چؽخا بیلمه ییرم ائل آراسؽنا دیللره دۆشمۆشم خبرین وارمؽ؟ سۏن گئدیشین بیر ایل اۏلدۇ سئوگیلیم سارالدی گول رنگیم سۏلدۇ سئوگیلیم آخؽ بیزه دئ نه اۏلدۇ سئوگیلیم یولارا دۆشمۆشم خبرین وارمؽ؟ آخؽر گؤزلریمین یاشؽ سئل کیمین آی سئوگیلیم عؤمۆر کئچیر یئل کیمین سن اصلی اۏلمۇسان من کرم کیمین کؤلره دۆشمۆشم خبرین وارمؽ؟ آی سئوگیلیم بۏرانداسان قارداسان هئچ بیلمیرم چتینده سن دارداسان گؤزله ییرم یۏللارؽنؽ هارداسان کؤنلۆمه دۆشۆبسن خبرین وارمؽ؟ قلبیمه دۆشۆبسن خبرین وارمؽ؟ سۏن گئدیشین بیر ایل اۏلدۇ سئوگیلیم سارالدی گول رنگیم سۏلدۇ سئوگیلیم آخؽ بیزه دئ نه اۏلدۇ سئوگیلیم یولارا دۆشمۆشم خبرین وارمؽ؟ آی سئوگیلیم بۏرانداسان قارداسان هئچ بیلمیرم چتینده سن دارداسان گؤزله ییرم یۏللارؽنؽ هارداسان کؤنلۆمه دۆشۆبسن خبرین وارمؽ؟ قلبیمه دۆشۆبسن خبرین وارمؽ؟ چؤللره دۆشمۆشم خبرین وارمؽ؟ دیللره دۆشمۆشم خبرین وارمؽ؟ آذربایجان آشیقلار و شاعیرلر کانالی عزیزلر کانالیمیزی دوسلاریزا تانیدین کانال آشیق غلامرضا علیزاده @sazsoz @sazsoz

آغلاماق فیکیریم یوخ ایدی، واللاه! ندَنسه گؤزومون یاشی تؤکولدو. بابامین یوردوندا داشلاری گؤردوم، کؤنول ساراییمین داشی تؤکولدو. تاپمادیم ائومیزده بیرین؛ آغلادیم، بوش گؤردوم هامینین یئرین؛ آغلادیم، ائومیزین آسلانین، شیرین آغلادیم، هؤنکورتومه قونوم-قونشو تؤکولدو. یوخویموش آتالی-آنالی گونلر، یوخ ایمیش ننه‌لی-بابالی گونلر. هاوایا سوورولدو هاوالی گونلر، بیرین یاشادیم‌سا، بئشی تؤکولدو. ‏ائله‌ بیل خیالا دالیب ائویمیز، قلبیم‌تک توتولوب، دولوب ائویمیز، آی آللاه، نه گونه قالیب ائویمیز! باشیما دونیانین ایشی تؤکولدو. کول اولدوم، «دومان»تک یاییلدیم داغا، سیندیم، دؤزَنمه‌دیم آغیر سیناغا. یایین قیزماریندا اود یاغا-یاغا، اوستومه داغلارین قیشی تؤکولدو... عدالت دومان. آذربایجان آشیقلار و شاعیرلر کانالی عزیزلر کانالیمیزی دوسلاریزا تانیدین کانال آشیق غلامرضا علیزاده @sazsoz @sazsoz

. بو دونیادا گؤردویوموز دؤورانین بیر آدی دا شُهرت ایمیش سن دئمه آلدانمیشیق حیله سینه زامانین شُهرتی ده مؤحنت ایمیش سن دئمه آغزیمیزدا بال دادماسی حیاتین آلا چکیب آلداتماسی حیاتین واخت اوتوروب باش قاتماسی حیاتین بیزه بؤیوک حورمت ایمیش سن دئمه آغ قارانین،‌ قارا آغین اوستونده داغ سینه نین، سینه داغین اوستونده بِئش گون گزمک بو تورپاغین اوستونده بوینوموزا میننت ایمیش سن دئمه . بیر آز عؤمور خرجله میشیک هر آیدا بیز اونودا کج دویموشوق نه فایدا !‌ جفا چکیب قوردوغوموز سارای دا بیر قوروجا زحمت ایمیش سن دئمه . جفا یوکو گؤتورورموش دوغرولوق عاغلی باشدان ایتیریرمیش دوغرولوق باشا بلا گتیریرمیش دوغرولوق اَیری لیک ده ثروت ایمیش سن دئمه . کیم دوزَلتسه اَیری دوران چول لاری اونلاریمیش زمانه نین قول لاری بو دونیادا ییغدیغیمیز پول لاری عاغلیمیزا قیمت ایمیش سن دئمه . من بهمنم آلدانمیشام نه یامان بیله - ‌بیله،‌ دویا - ‌دویا  آی آمان بو حیاتی کئف بیلمیشدیم بیر زامان یئرلی - ‌ دیبلی دهشت ایمیش سن دئمه. بهمن وطن اوغلو @sazsoz کانال آشیق غلامرضا علیزاده @sazsoz بیزنن یولبیر اولون 💚🙏👆👆👆