The Lost science 🧭"Bac2025"

كل عام وانتو بخير 💚 انشالله سنة خير عالجميع ب اذن الله انشالله سنة خير ع سوريا و اهلها احلامكن رح تتحق ب تعبكن، اتعبو رح توصلو اتعبو وتحملو وآمنو.... كلشي بتآمنو فيه موجود كلشي بتآمنو فيه رح يصير 💚✨

🟢 #عاااجل || سيتم إلغاء مادة التربية الوطنية في امتحانات البكالوريا، وتعويض درجاتها بمادة التربية الدينية 🤯💚 - وزير التربية ©️ @SyrianUN #أكثر_من_مجرد_قناة #مصدركم 💯 ✅

الفتنة نائمة لعن الله من ايقظها 💚

الدرس الرابع هوي عبارة عن الهرمونات النباتية افكارو الرئيسية كرمال تجمعو افكاركن وتخزنو المعلومات بشكل منظم رح رتبلكن الامور 🙋‍♂️🤍 اول شي بيبلش الحديث عن انو كيف النبات بيعرف شو عم يعمل وبيعمل سلوكيات متل الازهار بالربيع والنضج بالصيف وسقوط اوراق بالخريف ف عرفنا انو الموضوع بيرجع ل عوامل خارجية بيئية وهاد منطقي وكمان عوامل داخلية هيي المورثاات( يلي هوي اساس كل كائن حي بالمجرة) وال هرمونات يلي عبارة متل ما قلتكن من قبل عن لغة تواصل وتنظيم داخل الكائن الحي ف متل الانسان ما عندو لغة سميناها هرمونات الكائن النبات عندو لغة رح نسميها مواد تنسيق نباتية ببساطة لانها مواد بتنسق الامور الحيوية داخل النبات من نمو وازهار ونضج والى اخر الكلام... المهم العلماء بلشو ب كم تجربة ل يفهمو كم ظاهرة ل يكتشفو لاحقا كذا مادة تنسيق نباتي رح ندرسهن والاهم منهن هيي مادة سماها العالم فنت بال "أوكسين" وببساطة الها وظائف كتير اهمها واشملها هيي مادة بتساهم بالنمو بس هل النمو عشوائي ؟! قال طبعا لا هي المادة بتساهم بالنمو مو كانها مادة غذائية مهمة للبناء بل هيي مادة مانها غذائية للخلايا بحد ذاتهابل هيي عبارة عن رمزية وهي الرمزية بتفرق بين خلية وخلية وهاد يلي بيخلي هنيك مصطلح مهم" اسمو التركيز الامثل للاوكسين" ف كل نسيج عندو تركيز للاوكسين بيخليه ينمو ب افضل شكل ف اذا نقص بينقص النمو تبع النسيج وحتى اذا زاد تخيل عزيزي الصدمة برضو  بينقص النمو لانو متل ما قلتلكن هيي رمزية لغوية وليست مادة غذائية ... فالبتالي هاد الشي مهم كرمال عند تركيز معين يعطيني جذر وعند تركيز تاني يعطيني ساق وهيك وانت ماشي وهي العملية وفكرة فروقات التركيز والرمزية اللغوية للأوكسين عند الخلايا المختلفة رح نشوفها هي المؤثر الاساسي ب افكار الانجذابات وكونو اجينا عالانجذابات ف رح نشوف انجذابين انجذاب ارضي ..... انجذاب ضوئي ...... بالانجذاب الضوئي رح نفهم انو لما تجي الشمس عالقمة النامية (مكان تشكل الاوكسين يا شريك) بيتشكل الاوكسين 🌚🤍 وبعدها بينتشر عالساق بالانتشار وبالجاذبية والفكرة بلي بتصير انو الاوكسين زلمة ابيض البشرة والشمس بتحرقو ف بيتخرب مفعولو  وهاد اسمو الهدم الضوئي وبالتالي المناطق يلي بتجيها الشمس ما بتنمو بالدرجة الكافية والمنطقة العتمة بتنمو اكتر وبالمنطق بيميل الكوليوبتيل وبالمختصر هاد هوي الهدم الضوئي .. وهيك معلومات عرضية: الاوكسين بيمرق من الآغار بس ما بيمرق من الميكا واذا شربنا الاغار اوكسين رح يشتغل متلو متل شغل القمة النامية ويلي الخلايا النباتية تنمو وبالتالي منهرف انو الموضوع يلي بيخلي الخلايا تباشر بالنمو هوي الاوكسين بالمقام الاول شواء جاي من القمة او من اي مكان تاني وهاد الشي مهم بالزراعة💚🙋‍♂️ وعنا الانجذاب الأرضي يلي هوي ببساطة معتمد ب شكل اساسي ف كرة التركيز الامثل للاوكسين والفرق بين الجذر والساق ب نسبة الاوكسين المطلوبة وبالتالي الجذر نتيجة هاد الحكي بينمو بالاتجاه المعاكس لنمو لساق ... وبعد كل هي الادعاءات ب خصوص الاوكسينات وقدراتها كان لازم يعطونا دليل انهن عنجد بيعملو هيك ف خبرونا بالضبط كيف الاوكسين وبيخلي الخلايا تنمو رح نزللكن عنو فيديو كونو شي حيوي ولذيذ 🌚🤍 وبعدها رح نشوف عمل مواد تنسيق اخرى بعد ما هرمنا في دراسة الاوكسينات فرح نشوف كم مثال محكي عليهن وكم مثال ما محكي عليهن بس محطوطين ب جدول والمهم هدول حفظ ما كتير في حكي عليهن بس بيوضحو شي كتيير مهم انو لكل وظيفة وشغلة منشوفها عالنبات الها مادة تنسيق بتنظمها وما بتصير بس لانو الجو هيك بدو لا لا لا الخلايا الها حق في تقرير مصيرها امة نباتية تستحق الحياة والحرية ف بالتالي قرارها من راسها ومن مواد تنسيقها 🤍🙋‍♂️

الدرس الرابع هوي عبارة عن الهرمونات النباتية افكارو الرئيسية كرمال تجمعو افكاركن وتخزنو المعلومات بشكل منظم رح رتبلكن الامور 🙋‍♂️🤍

طيب الاغلبية ما عم تدرس وهاد الشي قمة الواقعية شكرا ل واقعيتكن واكابريتكن 🙋‍♂️💚 اليوم 19/1/2024 الفحص النصفي قريب وانكن تطلعو من الفصل الاول مو مخلصين الفصل الاول كمان قمة الواقعية والاكابرية 💚🙋‍♂️ وللاسف من قمة الواقعية ايضا القول الآتي: ((إنما المرء ايام اذا ذهب يومه ذهب بعضه)) نحتا مجرد ايام متعاقبة ولما نخسر ايامنا منخسر جزء من انفسنا 😕🤍 خليكن واقعيين ل بكرا بعدها بعتقد صار وقت ترجعو تفرضو احلامكن ع واقعكن💚

عم تدرسو عالذمة؟؟ 😁💚

هي الدرس التالت يا جماعة يلي حابب يفهمو ويدرسو ب شكل لطيف او يعيد دراسته ويثبت معلوماتو 🙋‍♂️💚 https://youtu.be/jUd0D5SqPXk?si=Iqh38Nol_7Hvmc-w

طمنو بالكن بخصوص الاتمتة 🙋‍♂️💚

هالمرة ماني مخربط حلو ل نشوف 😂

اخر افكار الهرمونات كانت بالدرس التالت يلي هوي جوهر تنظيم الافراز الهرموني وكيف انو الغدد وافرازاتها عبر التلقيم الراجع الايجابي والتلقيم الراجع السلبي عم ينظمو حالهن ب حالهن هل بتعتقدو انو نحنا ك شعب سوري هلق بحاجة نكون هيك؟ انا بعتقد ومؤمن جدا ب انو لازم نكون هيك لازم نراجع المجتمع دائما وننقحه ب استمرار ب حيث نقدر ننظم ونتحكم بمجتمعنا ب ارادتنا الحرة بدون اي تدخلات خارجية متل ما T3 وT4 بيعملو 💚 واذا بتتذكرو كمان عنا تنظيم عبر ثنائيات هرمونية متعاكسة وهاد الشي بيأكد انو نحنا بحاجة للاختلاف ب مجتمعنا كرمال نقدر ننظم الكثير من الامور ب اسلوب راقي وصحيح ف لازم نحترم اختلافنا لانو مهم جدا جدا جدا متل ما الكالسيتونين والباراثورمون بيشتغلو وانا متاكد انكن لما درستوهن حسيتوهن اعداء وعكس بعض مع انهن عم يسعو ل نفس الهدف هوي توازن الكالسيوم بالدم عند حدوده الطبيعية واختلاف تاثيراتن هوي يلي خلاهن ينجحو 🙋‍♂️💚 طالما رب العالمين نظم اجسامنا بهي الطرق ما بتعتقدو انو هاد هوي الاسلوب الصحيح للتنظيم طبعا بالاضافة ل امور اخرى مساعدة و مهمة بالتاكيد 💚 حبيت اربطلكن بين اجسامنا والواقع دايما منلاقي شبه كبير فكرو فيها 😄💚

لا لا لا 😂 اسف يا جماعة جواب هي الاتمتة(الغشاء) انا خربط ب السوال وعدلت بس كاني رجعت بعتت السوال الغلط سامحوني رجاءً😂💚

بداية خفيفة ب سؤال اتمتة عن الهرمونات💚🙋‍♂️

عدنا يا شباب المستقبل ✌️💚