تجميعات سنة ثانية أسنان| زليتن📚

هذي صورة الادابتر الي يركب عاللو سبيد هاند بيس واتركب عليه بيرات الهاي سبيد

عملي_كراون بالنسبة للعملي

جربوا تجيبوا معاكم  water spray ولا كحول المهم تبخوا السن في نص الشغل وجففوها حيوضحلكم لو فيه irregularity  ولا اي حاجه تبي تعديل وامسحوا الفينش لاين بالفرشه باش يكون واضح وميقعدش فيه غبرة البريباريشن. هدين نسمي فيهن كماليات بس تفرق في الخدمه هلبااا ✨ ربي يبارك في يديكم ويسدد خطاكم 🌼

Proximal view

ركزوا عالفوسا كيف الريدكشن والراونديشن جيهة الميزيال والديستال يعني مافيش Angles  عند incisal third . لازم جيهة الفينش لاين ميزيالي وديستالي يكونوا مساويات بعض مش وحده اعلا من التانية لما تجي تشوفوها. لازم جيهة conglum ميكونش angulated هلبا حتى هوا.

لو تركزوا عالفينش لاين هنا يبان مسطح وكانه مقطوع قطع، هك المقصد من full ceramic

ركزوا عالفرق بين الويل والديسك . الديسك رقيق بينما الويل لا.

Disk bur هذا البير يستخدم في الفينشنق لما تكمل بريباريشن يحول اي regularity  ويدير smoothing للسن ولو حد عرف يدير كونترول كويس بيه يقدر يجي جيهة الفنش لاين ويمشي عليه شوي يعدله ويخليه مقطوع قطع. الحق البير هذا منقذ وبالذات بسبب سترس الامتحان ممكن ادير regulation  والفينش لاين يجي مش مساوى فهذا يعدل الوضع. شوفوا شركة الرواسي في زليتن ولا شركة المجد في طرابلس اعتقد عندهم .

Wheel bur هذا زي الفليم ياكل جيهة الفوسا بس نديروا بيه ريدكشن جيهة الانسايزل ايضا ولاغنى عنه صراحة.

Flame bur تلقوه في الشاملة مصراته، وظيفته يدير بريباريشن لل fossa جيهة اللينقوال.

ركزوا علي نهاية كل واحد فيهم . أفضل بير يلي في الوسط، بعدها يلي ع اليمين،"يلي في الوسط اطول شوي من يلي ع اليمين" واخر واحد تبع الشامله :)

هذا يبان علي round شوي بس حتى هوا كويس هلبا في الخدمه ويبي في النهاية تمشي بعده ب disk بير يواسي الفينش لاين يخليه يبان flat. حتى هوا خديته من كشك الكلية وقاعد احسن من البير الي من الشامله.

حتى هذا Flat end خديته من كشك الكلية. مريح في الخدمه هلباااا ويعطي في فنش لاين ممتاز ومياكلش بزيادة وتقدر تتحكم بيه اكثر من الاول . البير الاول فلات اكثر منه بس هذا احسن.

ال Finsh line المطلوب منكم هوا Full ceramic  يعني تبان حاشية السن بعد البري كأنها مقطوعه قطع ومسطحه وتو نزيد نوضحها القدام، مع انه بعض الدكاترة  لما تسألوهم شن نوع الفينش لاين يقولوا عادي اي نوع بس في النهاية يحاسبوا علي اساس فل سيرامك، لذلك خودها من قصيرها خير 🌚. أول بير حتحتاجوه هوا Flat end يعني النهاية متاعه مسطح زي مافي الصورة. طبعا البيرات فيهن لاتش في آخرهن، دلالة علي انه مخصصات لل low speed. البير هذا تلقوه في شركة الشاملة "مصراته. مميزاته: يعطي في فنش لاين ممتاز عيوبه: انه مش ثابت هلبا في الهاند بيس "يلق لقان  لما تخدم بيه" ويبي كونترول هلبا بيديك هالشيء يتعب شوي بس عموما كويس وهلبا خدموا بيه.

أول شيء الي عنده قدرة مادية وامكانيته تسمح ياخد مايكرومتر فالافضل انه يشريه، لانه ضغط الكلية واطي هلبا ويادوب ياكل في السن والهاند بيس مدهوكات وقدمن هلبا، والمايكرومتر حيكون علي استعمالك الشخصي وخدمه نظيفه وتتحكم بالسرعه والهاند بيس جودتها كويسه، طبعا مش شرط الي ميقدرش يشري يأجر بين كل فترة وفترة ويدرب بيه، لانه لما تدرب وتجرب بروحك وبالشوي عليك في الحوش لين توصل لوضعيه معينه وطريقه في البريباريشن تريحك وتعتمدها بعدين، عكس لما تكون محدود بوقت المعامل وايام معينه في الاسبوع. بالنسبة للي ناوي ياخد ميكرومتر فافضل نوعية هاند بيس زي الي في الصورة، في نوعية تانيه فيها زي السكارة جيهة البير بس جربتهن الاثنين ويعتبر مافيش فرق هلبا بينهن.

#عملي_كراون بالنسبة للعملي : إلي بدايته صح وبيتعب وبيبدل مجهود، في الامتحان حيرتاح هلبا ويعرف كيف يدير كونترول علي روحه ويلحق يتم السن ويديرلها حتى فينشنق. حنقوللكم شن تاخدوا من بيرات وشن افضل نوعية  السنة الي فاتت هرمنا باش القينا بيرات نوعيتها كويسه وتساعد في الخدمه🥲 . خودوا الي نقوللكم عليه وبإذن الله حتبدعوا فيه العملي 🌸

السلام عليكم ورحمة الله وبركاته