History with Seva

Ulug‘bek Rashitov nima uchun diskvalifikatsiya qilingani haqida gapirib berdi Aytishicha, uning chetlatilishi qonidan doping yoki taqiqlangan modda topilgani bilan bog‘liq emas. Sportchi o‘zining yashash joyi bilan bog‘liq ma'lumotlarni taqdim etmagani uchun jazolangan. Ya'ni Doping-tahlil agentligidagilar istalgan sportchini istalgan vaqtda tekshirish vakolatiga ega. Ular to‘satdan atletlarning yashash joyiga kelib qolishi va tekshiruvdan o‘tkazishi mumkin. Ulug‘bek esa tekshiruvchilar kelganda o‘zi bergan manzilida bo‘lmagan. 👉 @xushnudbek 👈

Davlat xavfsizlik xizmati: Texnik jihatdan tartibga solish sohasida nazorat inspeksiyasining Samarqand viloyati bo‘limi bosh mutaxassisi Paxtachi tumanidagi MChJlardan biriga qarashli g‘isht zavodida nazorat tekshiruvini amalga oshirish vaqtida aniqlangan kamchiliklarni bo‘rttirib, go‘yoki 226 mln so‘mlik sifatsiz g‘isht mahsulotlari ishlab chiqarilgan va realizatsiya qilinganini aytgan. So‘ngra, u o‘tkazilgan tekshiruv yuzasidan tuzishi lozim bo‘lgan bayonnomada ushbu jarimani 25 mln so‘mgacha kamaytirish evaziga 3 ming AQSh dollari talab qilgan. O‘tkazilgan tezkor tadbirlar davomida u o‘z xizmat xonasida 2 ming 500 dollarni pora sifatida olgan vaqtida ushlandi. Hozirda ushbu mansabdor shaxsga nisbatan Jinoyat kodeksining 210-moddasi 2-qismi “v” bandi bilan jinoyat ishi qo‘zg‘atilib, qamoq ehtiyot chorasi qo‘llanildi. 👉 @xushnudbek 👈

Kasbiy (ijodiy) imtihoni bor abituriyentlar uchun ruxsatnomalar chiqdi. my.uzbmb.uz saytidagi shaxsiy kabinet orqali yuklab olishingiz mumkin. Oddiy yo’nalishlarga hujjat topshirgan abituriyentlar uchun ruxsatnomalar ham tayyorlanmoqda. 👉 @xushnudbek 👈

Shavkat Mirziyoyev Eronga nisbatan olib borilgan harbiy harakatlar bo‘yicha munosabat bildirdi Davlat rahbari ushbu harakatlar butun mintaqani urush girdobiga tortishi va keng miqyosdagi ekologik halokat o‘chog‘ining vujudga kelish xavfini tug‘dirganini ta’kidladi. Shuningdek, Eron va Isroil o‘rtasida o‘t ochishni to‘xtatish bo‘yicha erishilgan kelishuvni O‘zbekiston tomoni qo‘llab-quvvatlashini bildirildi. Prezident bu qarorni mintaqadagi keskinlikni yumshatish va xavfsizlikni tiklash yo‘lidagi muhim qadam sifatida baholadi. “Bu kelishuv barcha muammolarni diplomatik va konstruktiv muzokaralar yoʻli bilan hal etish uchun mustahkam zamin yaratishiga ishonamiz”, — dedi Prezident. Shuningdek, ommaviy qirg‘in qurollarini tarqatmaslik va ularni ishlatishdan tiyilish masalasi global xavfsizlikning eng dolzarb yo‘nalishlaridan biri ekani ta’kidlandi. Shavkat Mirziyoyev dunyo hamjamiyatini yana bir bor yadro qurolidan xoli hududlar geografiyasini kengaytirishga chaqirdi. 👉 @xushnudbek 👈

❌ Magistratura uchun qabul haligacha ochilmadi #abituriyent ✅ 9-sinf bitiruvchilari uchun texnikumlarga qabul davom etmoqda. Bugungacha 91 ming 594 ta ariza kelib tushgan. Qabul 20-iyulgacha (shu kuni ham) davom etadi. ✅ Akademik litseylarga ham ariza qabul qilish davom etmoqda. Bugungacha 41 ming 243 ta ariza kelib tushgan. Qabul 10-iyulgacha (shu kuni ham) davom etadi. 👉 @xushnudbek 👈

🇺🇿🇦🇫Shavkat Mirziyoyev Ozarbayjonning Xonkendi shahrida Afg‘oniston Bosh vazirining iqtisodiy masalalar bo‘yicha o‘rinbosari vazifasini bajaruvchi Mulla Abdul G‘ani Barodar bilan uchrashdi. Savdo-iqtisodiyot, transport-logistika, energetika sohalaridagi o‘zaro manfaatli hamkorlikni yanada kengaytirishning dolzarb jihatlari muhokama qilindi. Strategik muhim mintaqaviy loyiha - Transafg‘on temir yo‘lini qurish loyihasini jadallashtirish muhimligi qayd etildi. 👉 @xushnudbek 👈

❗️Uzoq kutilgan qaror vanihoyat qabul qilindi. Endi xususiy oliygohlarga ham litsenziya berish boshlanadi Vazirlar Mahkamasining “Respublikada nodavlat ta’lim xizmatlari sifatini oshirishning qo‘shimcha chora-tadbirlari to‘g‘risida”gi 403-sonli qarori qabul qilindi, deya xabar bermoqda O‘zA. 📄 Qaror bilan, nodavlat OTMlar faoliyatini litsenziyalashning qo‘shimcha shartlari sifatida quyidagilar belgilandi: 🔹 tashkil etilayotgan oliy ta'lim tashkilotining konsepsiyasi taqdim etiladi; MAQSAD: ta’lim sohasiga kimlar kirib kelyapti, ularning qo‘lida malakali kadrlari bormi, uzoq muddatli istiqbolda qanday rejalarni o‘z oldiga maqsad qilgan, sifatni ta’minlash uchun nimalar qilishmoqchi, kabi savollarga javob olish. 🔹 nodavlat oliy ta'lim tashkilotining dastlabki ustav fondi (ustav kapitali) 2 mln AQSH dollari ekvivalentidan kam bo‘lmagan miqdorda shakllantiriladi (keyinchalik talabalar sonining ko‘payib borishiga mutanosib ravishda ustav fondi oshirib boriladi); MAQSAD: talabalarga yetarli sharoit yaratish uchun dastlabki mablag‘lar tikilishini ta’minlash. Bunda ta’sischilar ustav fondidagi mablag‘larni moddiy-texnik bazasini shakllantirish, o‘quv dasturlari uchun zarur jihozlar va dasturiy ta’minotlarni sotib olishga sarflashi mumkin. Aslida uncha katta bo‘lmagan va barcha sharoitlarga ega oliygoh ochish uchun taxminan 10-15 mln AQSH dollari ketadi. 🔹 350 ming AQSH dollari ekvivalentidagi mablag‘lar tijorat banklaridagi depozitlarga zaxiraga joylashtiriladi; MAQSAD: mabodo qaysidir xususiy oliygoh turli sabablarga ko‘ra (ta’sischilari o‘zaro kelisholmay qoldi yoki bankrot bo‘ldi, qoidalarni bajarmagani uchun litsenziyasi olib qo‘yildi va h.k.) yopilib ketsa, o‘sha yerda o‘qiyotgan talabalarning kontrakt pullarini qaytarib berish kafolatini ta’minlash. 🔹 tashkil etilayotgan OTMning bino va inshootlari maydoni 5 ming kv/metrdan kam bo‘lmasligi lozim. Bunda bino universitetning o‘z mulki bo‘lishi shart emas, kamida 5 yil muddatga tuzilgan ijara (tekin foydalanish) shartnomasi asosida ish boshlash ham mumkin; MAQSAD: kamida institut maqomiga ega bo‘lish uchun talabalarni o‘qitadigan binosi yetarli darajada maydonga ega bo‘lishi kerak, xuddi o‘quv markazlariga o‘xshab 5-6 ta xona bilan oliygoh ochishmasin, deyishmoqda. 🔹 OTM tashkil etilgan vaqtdan boshlab dastlabki 5 yil davomida yillik sof foydasining kamida 80 foizi, keyingi yillarda esa kamida 50 foizi mazkur ta’lim tashkilotining asosiy faoliyatini rivojlantirishga yo‘naltiriladi. MAQSAD: xususiy oliygohlarni faqat “soqqa ishlash” uchun ochishmasin, o‘zining topgan pulini ta’limga sarflashsin, deyishmoqda. Aslida ham universitetlar daromad oladigan maskanlar emas. Normal ishlaydigan va doim sifatga e’tibor beradigan universitetlar 30-40-yilda ham daromadga chiqa olmaydi, faqat zarar bilan chiqadi. Chunki ta’lim sohasi muntazam reinvestitsiya talab qiladi. 1 so‘m pul topsa, 2 so‘m qilib qaytarib, yana universitetga tikish kerak bo‘ladi. Masalan, talabalarning kontraktidan 1 mlrd so‘m pul tushdi, shuning 500 mln so‘mini yechib olib, uy sotib olay, deyilmaydi. 🗓 Ushbu qaror rasmiy e’lon qilingan kundan e’tiboran 3 oy o‘tgach kuchga kiradi. ❗️Qaror kuchga kirgunga qadar litsenziya olgan tadbirkorlik subyektlari 2026-yil 1-yanvarga qadar o‘z faoliyatini yangi litsenziya talablari va shartlari asosida tashkil etishi lozim. 👉 @xushnudbek 👈

🚧 Toshkentdagi Rohat aylanma yo‘li vaqtincha yopildi Ushbu hududda yo‘l ta'mirlash ishlari olib borilmoqda. Shu munosabat bilan, 26, 54, 110, 119, 128, 174-sonli avtobus yo‘nalishlarining harakati quyidagicha o‘zgartiriladi: ➡️ Shaharning markaziy qismi tomon: THAY – Ohangrabo – Uysozlar – Uysozlar-2 – Izzat – Shohimardon – Ohangaron shoh ko‘chasi orqali. ⬅️ Qaytish yo‘nalishi: Shohimardon – Katta Yangiobod – Shohsanam – Tolqariq – THAY ko‘chalari orqali. ❗️Ta’mirlash ishlari davomida transport harakati cheklanishi va tirbandliklar yuzaga kelishi mumkin. Zarurat tug‘ilganda, yo‘nalishlarga qo‘shimcha o‘zgartirishlar kiritilishi mumkinligi ma’lum qilindi. 👉 @xushnudbek 👈

Ⓜ Toshkent metropolitenining "Paxtakor" bekatida ona va bola xonasi hamda hojatxona ochildi "Amir Temur xiyoboni" metro bekatida ham tez orada hojatxona va ona va bola xonasi foydalanishga topshiriladi. Bundan tashqari, yana 6 ta bekatda shunday joylarni qurish rejalashtirilgan. 👉 @xushnudbek 👈

Davlat xavfsizlik xizmati: Namangan viloyati “Kosonsoy tuman yo‘llardan foydalanish” UK ishchisi o‘zganing ishonchiga kirib, go‘yoki o‘zida qalbaki 20 ming AQSH dollari borligini va uni haqiqiy 14 ming dollarga sotishini aytgan. O‘tkazilgan tezkor tadbirda unitar korxona ishchisi xaridorga qalbaki 8 ming AQSH dollarini bergan vaqtida ushlandi. Shuningdek, u mazkur qalbaki xorijiy valyutani Kosonsoy tumanida yashovchi 1985-yilda tug‘ilgan shaxsdan, u esa 1992-yilda tug‘ilgan boshqa bir fuqarodan olgani aniqlanib, ular ham protsessual tartibda ushlandi. Holat yuzasidan qonunbuzarlarga nisbatan Jinoyat Kodeksining 176-moddasi 3-qismi “a” bandi bilan jinoyat ishi qo‘zg‘atilib, qamoq ehtiyot chorasi qo‘llanildi. 👉 @xushnudbek 👈

🎓 Oliy ta’lim orzusi bor, lekin unga vaqt qani? Biznes, shaxsiy rejalar va kundalik tashvishlar orzularni kechiktirib qo‘yishi mumkin. Lekin ilmdan voz kechishga hojat yo‘q! Axir ISFTda masofaviy taʼlim olish — uydan chiqmay, hayot tarzini o‘zgartirmay, jarayon ichida o‘qish imkoniyati. Masofaviy ta’lim shakli yo‘nalishlari: 1. Moliya sohasida boshqaruv 2. Buxgalteriya hisobi va moliya 3. Biznes va menejment 4. Xalqaro munosabatlar 5. Psixologiya 6. Bank ishi va audit 7. Iqtisodiyot 8. Marketing 9. Axborot tizimlari va texnologiyalari 10. Menejment ✅️ Kontrakt narxlari 9 375 000 so‘mdan boshlanadi. Hujjatlarni onlayn topshirish uchun qabul ochiq. Oliy maʼlumotli bo‘lish orzusi armon bo‘lib qolmasin — uni ISFT bilan bugunoq amalga oshiring! 📄 Litsenziya (№ 441247, 12.10.2021-y.) 🌐 admission.isft.uz | ☎️ +998555061717 Telegram | Instagram | Veb-sayt | Qabul-bot | Reklama

❗️Mashina olib berish bahonasida 843 kishini chuv tushirganlikda ayblanayotgan guruh a'zolari qo‘lga olindi Ma’lum qilinishicha, 9 kishidan iborat ushbu guruh 25 ta MChJ ("Umid avto companies", “Umid Avto Lizing”, “Group Of Companies Ual”, “Orient Auto”,“Orient Avto-Lizing”, “Imkon Avto Markaz”, “Avtovariant” va boshqalar) tashkil etgan holda mijozlar bilan past foizda (6-12%) avtomashina yetkazib berish bo‘yicha avans shartnomalari tuzgan. Ular avtomobillarni 120 kun ichida yetkazib berishni va'da qilgan. Biroq shartnoma shartlari bajarilmasdan, fuqarolardan kelib tushgan mablag‘lar o‘zlashtirib kelingani aniqlangan. Holat yuzasidan Jinoyat kodeksining 168-moddasi 4-qismi “a, v” bandlari bilan qo‘zg‘atilgan jinoyat ishi doirasida 843 nafar fuqarolar jabrlanuvchi deb topilgan bo‘lib, umumiy 50,1 mlrd so‘m zarar aniqlangan. MChJlarga tegishli 339 dona transport vositasi xatlangan. Ishga aloqador 9 nafar shaxsga nisbatan ayblov e’lon qilinib, “qamoq” ehtiyot chorasi qo‘llanilgan. Suratdagi shaxslarning jinoiy faoliyatidan xabardor bo‘lgan, shuningdek yuqoridagi MChJlarning noqonuniy faoliyatidan jabrlangan fuqarolar Tezkor shtabga yoki 102 qisqa raqamiga murojaat qilishlari mumkin. Manzil: Taras Shevchenko ko‘chasi, 62. Tel.: (71) 256-79-39 👉 @xushnudbek 👈