رِماح

غيداً أخاف من شدّة ترفها تذوب لا طواها الحنين وطال هوجاسها

بداية كل ثورة كبرياء من نظرة أستعطاف وش أسوي وانا راسي عزيز وقلبي موالي

بـ أختصار أنا أختصرت المسافه و أنصرفت تاركٍ لرضاك عرض البلاد و طولها بكره أو بعده تعرف إنّي أطيب من عرفت عاد . . ذاك الوقت ؟ مالك لسان تقولها

«أنا البارحة بغيت أعبر ولا الله راد ياكثر الكلام اللي كتبته ولا أرسلته» —صالح النشيرا

‏راحت عسى الله لا يلحّقني مشاريه الرجال ‏تقول كنّي ما خلقت من التراب إلا لها ‏أحفظ لها قيمة غلاها و أنتظرها من شمال ‏ وإذا نستني هذي الدنيا و هذا حالها ‏اما انّي انساها نسى الله من نسى ذاك القبال ‏يا صب روحي صب دلتها على فنجالها - مدغم أبو شيبه

«خيبت ظني مع إنك طيب وغالي وأقفيت منك وأنا مخذول وأغني حتى لو أرجع على اللي ضيقو بالي لا يمكن أرجع على اللي خيبو ظني» —خالد بن مبارك

يحزنّي إن الماضي اللي بنيناه ‏ما هو بـ مثل الواقع اللي نعيشه - عبدالله السراهيد

يقولون العرب " خطأ المملوح مدموح " وبصوره شعريّة قال الشاعر الكبير سعد بن جدلان : زلّة الي يودّه القلب مدموحه ودايمٍ حبه يغطّي عذاريبه

والله ان عذرك سمين ورد عذرك والم وان مواطيها على قلبي مواطي ريشه دامها ماهيب فالشكّات راسك سالم اخيّر من الخوض في موضوعنا تطنيشه مقدر اصخي بك سوا مظلوم ولا ظالم امحق ارضٍ تفقدك وامحق حياه وعيشه

الصبر ضاقت حدُوده والأمل ما راح ديره ‏يا خسارة من يربِّيه الزمان ولا تعلّم ‏مرَّني ليل الهجاد وغشني ريحة عبيره ‏سلّم بعطره على جرح الندم حتى تألّم ‏ما لقيت الِّلي يجاوبني وانا أسئلتي كثيره ‏ليه أغمض ما أنام؟ وليه أفتح وأتحلم؟ ‏وقفتي طالت وفيني من عيُون الناس حيره ‏بين عاقبة الكلام وحسرة الِّلي ما تكلم

وشلون أمِلّ المكابر في الأمور الكبار والكبرياء جزء من نفسي وتكوينها ‏عجزت لا أناظر الدنيا بعين إنكسار ‏أدعس على غارب الأيام وأهينها ‏ما يعتذر بالظروف إلّا عديم القرار وما يبكي من الحياه إلّا مساكينها

تقول انا من سلايل محتمين الدخيل ‏مسعدني انها تحدّاني ب جدّانها ‏منطوقها ما يقول الا الكلام الجميل ‏ ولو خانها لسانها صح اللّٰه لسانها ‏جميلة الوجه سوت ف المحاني جميل ‏من يوم صارت تشوف القلب بستانها

إسمك مخلّدة بالذاكرة تخليد ‏و صورتك بالعيون و بالصدر قصرك ‏الخسارة على اللي يحسبك للصيد ‏و دايم الفوز حظك و النصر نصرك ‏ما تزالين ريمية و شيخة غيد ‏معجزة كل عصر و سيدة عصرك ‏هذي أبيات ذاخرها ليوم العيد ‏اسمعيها و لفيها على خصرك

«ولو يجون خلق الله معك في الطريق أفواج مايسوون عندي رمش عينك وحجانك» —عبدالله بن شايق

يقول محمد بن مربيد : ‏"تغانمت الطريق اللي يجي بيتك من الصوبين ‏احسب اني بشوفك واحسب ان الوقت يمديني" ‏وانتهى بـ : ‏"تركت الدار بيساري وأخذت اول طريق يمين ‏وأنا شهب العلوم تحدني والشوق حاديني"

مع تقدّم الإنسان في مراحل العمر تتبدّل طباعه وتتغير عاداته ويختلف أسلوبه في التعامل مع الحياة تلك التحولات التي يمر بها تدفعه أحيانًا إلى الالتفات لما كان عليه سابقًا فيشتاق لذاته القديمة التي كانت أقرب إلى فطرته وبساطته