ضياء الجنة

اللهم ختامًا موفقًا، اللهم ختام رحمة ومغفرة، اللهم ختام عتق وخير، ختام فلاح، اللهم ختامًا يدخلنا جنانك ويبعدنا عن نيرانك.

الدعاء… باب الله الذي لا يغلق مرات الإنسان يوصل لمرحلة من اليأس يحس بروحه ما بيده اي شيء، لا حول ولا قوة يغير وضعه ويطلع من الخراب البي بهيج لحظات يبقى باب واحد مفتوح دائماً باب الدعاء باب الله اللي ابد ما ينسد الدعاء كلام بينك وبين ربك بس كون الكلام طالع من كل كلبك تطلع كل اللي يخوفك همومك كل شيء مضوجك تكول التريده والله يسمعك الله دوم يسمعنة بس احنى بعيدين ومرات ندعي بس ماكو اجابة فنحس إن الدعاء ما فاد بس بل واقع إن الله ما يرد دعاء عبده عبث يمكن ينطيك اللي طلبته ويمكن يدفع عنك بلاء ما تعرفه ويمكن يؤخره لوقت يكون أفضل إلك.

دعاء اليوم الخامس والعشرين من شهر رمضان: اللَّهُمَّ اجْعَلْنِي فِيهِ مُحِبَّاً لِأَوْلِيَائِكَ، وَمُعادِياً لِأَعْدائِكَ، مُسْتَنَا بِسُنَّةِ خَاتَمِ أَنْبِيَائِكَ، يَا عَاصِمَ قُلُوبِ النَّبِيِّينَ.

_دعاء اليوم الرابع والعشرين من شهر رمضان : اللَّهُمَّ إِنِّي أَسْأَلُكَ فِيهِ مَا يُرْضِيكَ، وَأَعُوذُ بِكَ مِمَّا يُؤْذِيكَ، وَأَسْأَلُكَ التَّوْفِيقَ فِيهِ لِأَنْ أُطِيعَكَ وَلَا أَعْصِيَكَ، يا جواد السَّائِلِينَ.🤎

ليش بعض الناس ما تعرف تعتذر؟ الاعتذار مو ضعف مثل ما يتصور البعض بالعكس، الاعتذار شجاعة هواي ناس يخطئون وكلنا نخطأ، لكن من يجي وقت الاعتذار يتراجعون. يمكن لأنهم يحسون إنُ كلمة "آسف" تقلل من مكانته. بس بل واقع غير هذا تماماً. الإنسان اللي يعتذر هو إنسان واعي ويعرف أن الخطأ جزء من طبيعة البشر. ماكو إنسان كامل وكلنا نغلط بس الفرق الحقيقي مو بين اللي يغلط واللي ما يغلط، بل بين اللي يعترف بخطأه واللي ما يعترف ويصرّ عليه. يعني ممكن تنهي علاقة علمود رفضت أن تعتذر؟ لازم الأنسان يكون اوعى من هيج، وحالياً أحنى بشهر فضيل تصالحوا ولا تخلون بينكم وبين اي شخص حقد والاعتذار ما يصغّر الإنسان… بالعكس، يرفع قدره عند الله والناس. ونعتذر على الأنقطاع بس ضروف 🤎🍀.

قال الامام علي (ع) لا تُجعَل هَمكَ حَب الناسِ لَكَ فالناسِ قلُوبُهم مَثقَلَبة قَدِ تُحِبكَ اليَومَ وَتكرهَك غَداً، وليكن همك كيف يحبك رب الناس فإنه ان احبك جعل أفئدة الناس تهواك ♡

خير اللَّه قادم فلا يُحزنُك مُر الحيّاة.

الاستهزاء شعور لحظي، يمكن تحس منه إنك قوي أو مسيطر على الشخص الثاني، بس هالشي وهمي وما يدوم. الحقيقة إنه الاستهزاء يجرح الشخص ويقلل ثقته بنفسه، وحتى لو ما بين، الداخل يتألم ويزعل وأنتَ من تجي وتسهزء بي شنو غايتك تضحك الناس علي؟ باجر عگبة هم يجي واحد ويضحك الناس عليك يمكن ما تطلع بيك بس يجوز تطلع بأولادك. بينما إذا جربت تحچي كلام حلو لشخص، حتى لو شوية، تحس براحة حقيقية، لأنك أسعدت واحد ولو بشي بسيط. الفطرة تميل للخير، والكلام الطيب يرفع من احترام الناس إلك ويخلي قلبك مرتاح. وعن الدين والأخلاق، الاستهزاء حرام وظلم للناس، والكلام الطيب والأفعال الحلوة ترفع الإنسان قدام الله والناس.

مـَن كانت لهُ حاجةً عند الله • ˚.ꪆৎ ‏اللَّهُمَّ إِنِّي أَسْأَلُكَ بِحَقِّ مُحَمَّدٍ وَعَلِيٍّ (صَلَوَاتُكَ اللَّهُمَّ عَلَيْهِمَا) فَإِنَّهُمَا لَهُمَا عِندَكَ شَأْنٌ مِنَ الشَّأْنِ، وَقَدْرٌ مِنَ الْقَدْرِ، فَبِحَقِّ ذَلِكَ الشَّأْنِ وَذَلِكَ الْقَدْرِ أَنْ تُصَلِّيَ عَلَى مُحَمَّدٍ وَآلِ مُحَمَّدٍ، وَأَنْ تَفْعَلَ بِي كَذَا وَكَذَا.

اللهم اجعل هذا الصباح خيرًا وبركةً، وافتح لنا فيه أبواب رزقك، واحفظنا من كل سوء، وقرّبنا إليك بما تحب وترضى.

طبينة بعام دراسي جديد، يعني بداية جديدة وفرصة ذهبية ترسم بيها مستقبلك. الدراسة مو بس كتب وواجبات، هي اللي تحدد حياتك الجاية، وإذا استهنت بيها تخسر هواي. فكر شراح يصير إذا اجتهدت وقريت؟ شنو الفايدة الك؟ نجاح، مستقبل زين، وراحة بال. وتذكر تعب أهلك وفلوسهم اللي جاي ينطوها، كل هذا حتى يشوفوك بمكان أحسن، مو حتى تروح للدوام بس تسخت وتضيع وقتك وبعظ من اهلنة ماكملوا دراسة ولا عاشو هاي العيشة فيردون يشوفنة انحقق الما حققو همة الدراسة صعبة وتحتاج جهد، بس التعب نفسه هو طريق النجاح ليش غيرك ينجح وأنت تبقى بمكانك؟ شنو الفايدة إذا رسبت وضيعت سنة من عمرك ؟ النجاح ما يجي بسهولة، يجي للّي يتعب مو للي مستهين خلي هالعام بداية حقيقية، وابدأ من هسه ارسم طريقك. ومو معناها مستقبلك ضايع اذا ما مكمل دراسة مو كلشي بالدراسة بالمدرسة، بس الأكيد إنو العلم والتعلّم هو اللي يرفع الإنسان ويغير حياته. إذا ما كملت دراسة، الدنيا ما توقف، تگدر تعلّم نفسك بطرق ثانية: دورات، كتب، شغل، خبرة… أي شي يضيفلك ويكبر عقلك.

الي ترفضه من الحرام.. الله يرده الك أضعاف بالحلال الله منعنة من الحرام بس يعوضنة بل حلال يعني من يجيك طريق حرام فلوس، علاقة، أو أي شي يبعدك عن رضاه وتتركه لوجهه الكريم، الله ما يضيعك.. بالعكس يفتحلك أبواب ما متخيلها مثلاً تترك فلوس مشبوهة؟ الله يرزقك بالحلال رزق واسع ويباركلك بيه تبتعد عن علاقة محرمة؟ الله يعوضك بحب صادق بالحلال وراحة بال. تصبر عن شهوة حرام؟ الله ينطيك نور بقلبك ولذة بالطاعة. اترك الحرام لله.. والله ينطيك أحسن من عنده بالحلال الخسارة مو بترك الحرام، الخسارة الحقيقية إن الواحد يبيع آخرته ودنياه على شهوة لحظة.

الذنوب الله سبحانه وتعالى ما حرّم الذنوب عبث، كل ذنب بيه أضرار دنيوية وأخروية. من الناحية الدنيوية: أغلب الذنوب تخرب حياة الإنسان مثلًا: الكذب يضيّع الثقة ويهز هيبة الإنسان، الغيبة تزرع العداوة وتكسر سمعة الناس، وكل وحدة من هاي الذنوب إذا انتشرت تدمر المجتمع وتخليه مليان فوضى وظلم. أما من الناحية النفسية والروحية: الذنوب ما تجيب غير هم وضيق. الواحد إذا سوا ذنب راح يظل يفكر بي وتأنيب الضمير يلاحقه، يمكن يضحك بذاك الوقت أو يحس لذة مؤقتة، بس بعدين يجيه فراغ وضيق، لأن المعصية تطفّي نور القلب وتخلي الإنسان بعيد عن الله وعن الراحة الحقيقية. ومن جانب ثاني: الذنوب تصير مثل حجاب بين الإنسان والجنة، تمنعه من الطاعة وتخليه غارق بالذنوب أكثر وأكثر. والله سبحانه ما حرمها إلا لأنه يريد بينا الخير والرحمة والمغفرة فالمختصر: كل ذنب بيه ضريبة دنيوية قبل الأخروية. الله عز وجل حرّم الذنوب حتى يحافظ على إنسانيتنا، علاقاتنا، صحتنا النفسية والجسدية

نبارك للشيعة في مشارق الأرض ومغاربها ذكرى تنصيب حجة الله على خلقه، قائم آل محمد المنتقم الثائر الإمام المهدي عجل الله فرجه الشريف. فهذا اليوم العظيم الذي وصفه أمير المؤمنين عليه السلام بأنه يوم أقر الله به عين آل محمد، وسمّاه بأسماء كثيرة منها: يوم الغدير الثاني، يوم الاستراحة، يوم تنفيس الكربة، ويوم عيد الله الأكبر. وهو يوم تتجلى فيه البركة وتستجاب فيه الدعوات. ونسأل الله تعالى بحق هذا اليوم أن يرزقنا رؤية الإمام، وأن يجعلنا من أنصاره وأعوانه والمستشهدين بين يديه.

القرب من الله راحةٌ لا يعرفها إلا من ذاقها.

راح أگلكم طريقة كلش حلوة وفعّالة للتخلص من الذنوب، للشيخ علي المياحي ------------------- الفكرة تبدي من دفتر صغير، أو حتى ملاحظات التلفون، وتبدي تكتب بيها ذنوبك. بالبداية راح تحس روحك ما عندك غير كم ذنب بسيط، بس من تبدي تغور وتراجع نفسك زين، راح تنصدم وتكتشف إنك غاطس بوادي مليان ذنوب غافل عنها. يمكن تحتاج أيام كاملة حتى تجمعهن وتدوّنهن. ꪆৎ من توصل لهنا، يبلش الجهاد الحقيقي. تبدي بذنب تحس نفسك تكدر تتركه بسهولة، وتتمرن عليه، وراها تنتقل للأصعب فالأصعب، لحد ما توصل لأكبر ذنب عندك. كل ذنب لازم تجاهد نفسك أربعين يوم حتى تبطل عنه. الأربعين يوم تعتبر امتحان لإرادتك وصبرك، وكل يوم لازم تحرص بيه ما ترجع له. ꪆৎ وحتى إذا خلصت الأربعين يوم، لا تگول خلص، تبقى النفس خَدّاعة وما تتأمن فلازم دوم تبقى صاحي وتجاهد نفسك حتى تبقى بعيد عن المعصية وتعيش بقلب نضيف. هل كلام مذكور بكتاب رحلة عشق🌱.

أكو ناس يكولون: "أنت عندك ذنوب ليش تصلي؟" أو "آني عندي ذنوب، خل أتوب وبعدين أصلي"، بس تعال فكر، منو الي ما عنده ذنوب؟ كل إنسان معرض للخطأ العصبية ذنب، سماع الأغاني ذنب، الغيبة ذنب… حياتنا كلها ابتلاءات وذنوب تحاصرنا. بس الصلاة تبقى خط الدفاع الأول، الله سبحانه وتعالى كَال: "إن الصلاة تنهى عن الفحشاء والمنكر". يعني حتى إذا الواحد يصلي وهو عنده ذنوب، الصلاة شوية شوية تردعه وتخليه يبتعد عن المعاصي. حتى كُبار العلماء وأهل الدين، مو بيوم وليلة تخلصوا من ذنوبهم، أكو منهم أخذت وياهم سنين طويلة. فإنت لا تيأس، إذا سويت ذنب، استغفر وتوب فوراً. عندك وقت، والله غفور رحيم. المهم توبة صادقة، مو توبة بالكلام بس. ولا تخلي الشيطان يوسوسلك ويكلك: " الله بعد ما يغفرلك"، لأن هذا التفكير نفسه أكبر ذنب والله يقول: "قُل يا عباديَ الذين أسرفوا على أنفسهم لا تقنطوا من رحمة الله، إن الله يغفر الذنوب جميعاً".