مُرُوْءَة

على سور قلبي لا تغرك جموع الناس ترى ماورى بيبانه إلا مداهيلك

أغليّك وأشريك بالغالي ولا أبيع ‏وأمشي دروبك ولو إنها طويله وإن ضاع عُمري فـ وجهك جعله يضيع ‏على الأقل ضاع في حاجه جميله

درّةٍ بانت إلين استسمح البدر وجبينه ‏العذر منها، وقفّى يوم فكّت له حلاها جات تمشي كنها تسأل تقول الزين وينه ‏يوم صار الليل مجدولٍ تفلّه من وراها لو يناظرها من استأمن بدعوة والدينه ‏تنحبس نفسه ليامن وقفت عنده وجاها

عليَك شهر الله يتبارك هِلاله ‏من ليلة صيامه إلى ليلة العيّد

لو نظرت بعين قلبك شفتني ‏مامعي مخلوق يستاهل غلاك

زلّ يا وَجْه الرِّضا ساعة مغيبي ‏ما بقَى في طارف الأيَّام، دِيْرة آه من طرقة معاذيرك، وطيبي ‏كأنت أحلى سالفة، وألذّ سيْرة أعْرِفك من شقَّت الأحداث جيبي ‏جِيْت خيلٍ في قفص صدري مغيْرة كيف أسجّ من الحقايق، يا حبيبي ‏وأنت حتّى فـ التفاصيْل الصغيْرة

يا شبيه النور لا منّه تسلّل ‏للمكان اللي تغطيه الستاير أنت رمشك مثل ما يذبح، يظلّل ‏فيه ميلاف الحنون وفيه ثاير السماء تمطر والأزهار تْبللّ ‏لا ضحك وجهك عقب هلّ العباير أنت ما ينقال لك إلا تدلّل ‏الدلال اللي تغذّيه الضماير

علم فراغك لايجي في إنشغالي ‏ماجيت أكمل في حياتك فراغات

إن كنت تجهلّني ف أخذ مني التعريف ‏أنا دربٍ ما تقدر بوجهين تسلكني ‏أنا أكبر من التلميع و البهّرجه و الزيف ‏لا غبت أنفقد وإن جيت ربي مجملني

كانت شكوكي يقين وكان ظنّي صايب ‏يوم تومي لي ورى طوال الدروب يدينه ‏لا يقول ان المسافة ماتجيب الغايب ‏البنادم لا أشتهى قلبه، مشت رجلينه

يابوي بشرني عسى القبر ممطور ‏جانا المطر بشر عسى خيره اسقاك ‏وعسى البرد حبه على القبر منثور ‏بشر عسى جنة هل الخلد مثواك

‏طلّي، ومدِّي كفِّك الفيّاض واستدركيني، واسرقي ضوحي من لعثمتك، لحِزْنك الفضفاض كيف أكتبك فيني، وفي لوحي؟ ما زلت أحبّ بـ قلبي المرْتاض وبماضي أحزاني وْبـ جروحي للشعر روح، وللكلام أغراض ولك شعري إليَا سال، ومزوحي! قدرت أسجّ مع العرب، وأعتاض لكن عجزت أنزعك من روحي

أسكني بين الضلوع الكايدات و زميّ ‏وأنحري قلبي بحدّ السيف و الشبريه

تعال ونِلم النسّايم في وعدك ونحنّي الريضان ونكحّل هلا ونسمي الحزّات تبشر في سعدك وندنى لأدنى نبض فينا ونْعلا ويبدأ حديث الماء يسلسل مِن بردك قصة حياة الماء من أولها إلى

يطيح جفن الليل وأهزّ كتفه نجمٍ يشع وباقي الليل مطفي وأحاكي الجدران عن وصف غرفة ماتشبه الجدران ويطول وصفي وتثاوب الجدران وأظهر لشرفة تحت السماء وأسكّر الباب خلفي

يلعب على قلبي لعوب ‏مدري وش اخرها معاه ‏لا هو مخلينا نتوب ‏ولا هو منسينا غلاه

ان تبسمت قلت الموعد شفاك ‏وان تمنعت،بـ أنفاسي دعيتك وان طلبت الغلا قلت الغلا جاك ‏وان سكنت الخفوق البيت بيتك

مرّه كتبت القصيد لـ عين رعبوبه ‏ومرّه نهبت القصايد من محاجرها ‏يا طفلة النور كنّ الشمس لعبوبه ‏بـ الغرّة اللي تضاحك لي بشايرها ‏هي توبة الذنب ولا ما بها توبه ؟ ‏أو زلّةٍ شجرت بـ كفوف غافرها ‏مرّه يلومون شاعر خانت دروبه ‏ومرّه تخون المدينة حلم شاعرها

جيت يمّك يا بعد من لد يمّي ‏غرتٍ كل الشموس تيّمها ان ضميت أشرب سواليفك بدمي ‏وان تثاقلت الدروب ازمها ‏ وان خذتني منك عينٍ ما تسمي ‏العن الدنيا وابوها وامها

‏مابقى لك في مشاويري مسافه ‏اعتقد حنا .. وصلنا للأخير ‏الندم و العذر و دموع الحسافه ‏مالها قيمه بعد موت الضمير ‏خايف من البُعد؟ لا لاتخافه ‏لاتخاف البُعد و أحبابك كثير ‏اشكر احساسك على قلّ الكلافه ‏ياكبير طحت من عيني صغير