عِبرة وعَبرة -د.شَيْمَاءمِشْرِف

Channel photo removed

فهرس لباقي قنواتي https://t.me/drShaymaf

وقد يستضعفونك بسبب من يستندون إليه من باطل.. فيظلمونك ويفترون عليك.. ولا يبالون بآخرة.. ولا يبالون بسهام الليل.. فلا تظلم نفسك ببكاء ورقاد.. وقم وارفع يديك.. وفرغ بين يدي مولاك كل الحمم بصدرك. ففيها الشفاء ورفع الشقاء. #شَيْمَامِشْرِف

ماكنش بيننا أكتر من محادثتين تلاتة على الماسنجر مجرد استفسارات يعني مش سهاري ايه السر اللي مخليني كل شوية اتذكر Samar Elbaroudi بعد وفاتها و ادعي لها ؟!!! ربي يتولى أولادها و يحفظهم و يرفع درجتها و يرزقها جنة الفردوس اتذكرها و ادعي لها و أفكر يا ترى ربي هيسخر لي اللي يدعي لي بعد وفاتي؟!! 😢 👇👇👇ده آخر منشور لسمر الله يرحمها و يرفع درجتها #دشيمامشرف

ليه البيضة اللي في ايدي اليمين اللي خبطتها في ١٠ بيضات كانوا في اليد اليسار البيضة فضلت سليمة للآخر و العشرة اتكسروا عوزة تفسير علمي مش مجرد ان دي بيضة مفترية معتدية و العشرة دول غلابة مكسير الجناح #دشيمامشرف

لقيت اشعار باضافتي لجروب كبير دخلت اشوف هل هستفيد منه شيء لقيته مجرد حكاوي و سهاري بس بصراحة الناس شعلة نشاط و فراغ المنشور الواحد عليه بال ٧ الاف تعليق متخيلين و ناس بتقول بقالها ساعتين فطسانة من الضحك من التعليقات و لسه ما وصلتش للتعليقات الاولى طيب و بعدين يا جماعة لما نقعد ساعتين بس فمنشور واحد فين حق بيتنا و عيالنا فين حق ربنا فين حق نفسنا علينا ماهو أي حد إذا دخل جروبات كبيرة زي مجموعة كيبر (kersh/health / hormone keepers ) و مجموعة الفاشونستات ( ماما/ دكتورة/ محجبة فاشونستا ) و مجموعات الطبيخ و تنظيف البيت و السهاري و الفضفضة و الدعم النفسي و القصص المؤلفة ..... الخ و خد له لفة في المنشورات و تاه في دهاليز التعليقات ايه بقى لتربية نفسه و عياله ؟؟؟ ضنوا بوقتكم يا جماعة عن قراية حكاوي فاضية و تعليقات مالهاش آخر بتستنزف العمر العمر غالي طالما بتقروا اهه و بالساعات جهزوا جدول بكتب نافعة تقروها شوفوا بتحبوا تقروا في ايه و نقترح لكم كتب واللي ما يعرفش مالا يسع المسلم جهله يبتدي بيه عشان الجهالة و الجاهلية اللي بنشوفها في المنشورات و التعليقات يا أهل الخير ( أَن تَقُولَ نَفْسٌ يَا حَسْرَتَا عَلَىٰ مَا فَرَّطتُ فِي جَنبِ اللَّهِ) من الحسرات يوم القيامة للي هيدخلوا الجنة انهم يلاقوا ساعة خلت من ذكر الله فما بالكم أعاذنا الله و إياكم من حسرة أهل النار يا جماعة الخير بالورقة و القلم نظموا يومكم و اعطوا لكل ذي حق حقه و حاسبوا نفسكم قبل ما تتحاسبوا و شوفوا وقتكم راح في ايه!!! قال رسول الله ‎ﷺ لا تزولَ قدَما عبدٍ يومَ القيامةِ حتَّى يسألَ عن عُمُرِهِ فيمَ أفناهُ ؟ وعن علمِهِ فيمَ فعلَ فيهِ ؟ وعن مالِهِ مِن أينَ اكتسبَهُ ؟ وفيمَ أنفقَهُ ؟ وعن جسمِهِ فيمَ أبلاهُ ؟ #دشيمامشرف

ثم جال بخاطري أن أطهو تلك الوصفة القديمة فطهوتها و لما تذوقتها لم تكن مضبوطة فزدت بعضا من هذا لا ليست كما كانت أينقصها ذاك؟؟ ربما لا ليس هو أيضا زدت أشياء وأشياء كثيرة لعلها تصبح -كما كانت في سالف الأيام - لذيذة إلى أن أدركت أن طبختي لا تحمل رائحة أيام خلت أو صور صحبة تفرقت أدركت أني أبحث عن طعم سعادة كانت بها الروح تشرق تخيلت أنها قد تعيد بعضا من شباب قلب شاخ و بالهموم و الأحزان أُغرق بحثت فيها عن لذة اجتماع شملنا الذي تفرق أيقنت أن السر لم يكن في مكوناتها فلن يعود ما مضى فتوقفت عن محاولة تحسينها و صُدِدت عنها في الجنة كل الأماني فحسبنا الله و كفى 💔💔💔 #دشيمامشرف

قعدت فترة كده ادعي بأني أنسى كل المواقف اللي ضايقتني و أحزنتني بعدها حصل لي كذا حالة اول حالة بقيت أنسى كل شيء حلو بوحش بالطبيخ اللي علنار بالعيال نفسهم فضلت استغفر استغفر و ادعي ربنا ان ذاكرتي ترجع لي الحمد لله رجعت و شوية لقيت نفسي فعلا نسيت المواقف اللي ضايقتني و احزنتني فقط و ده خلاني افقد حذري و أقع في ذات الحفرة و النقرة و الضحضيرة و أكرر نفس الغلطات ففهمت الحكمة من أني أفضل فاكرة كللللل المواقف المحزنة و اللي ضايقتني فرضيت و قرت عيني و بطلت أدعي بالنسيان و بقيت أدعي بالصبر و الرضا و بالأجر #دشيمامشرف

اللي بيحبك مهما كانت ظروفك بتبعدك عنه غصب عنك هيحفر في الصخر و يقرب منك الحب ما بيتداراش مفيش حاجة اسمها حب معاه اهمال أو قسوة أو أذى الحب ما بيتشريش بس خليك جدع اللي بيشتري ودك رد له الحب حبين #دشيمامشرف

أكتر فيديو على قناتي خلال سنتين عامل زي الفيديو بتاع الست اللي بتعمل محشي هي و سلايفها خلال يومين و اقل من ساعتين تلاتة لبتوع المهرجانات الحمد لله ان العلم لا يكال بالباذنجان و الكوسة

على الصفحة الشخصية و الجروبات العامة جدال و نقاش و خلافات بعضها بيحرق الدم تقول خلاص بلاها و تدخل جروبات التخسيس و الرياضة و الماكياجات و ترتيب البيت تحس انك عاوز تولع فنفسك تدخل جروبات السفر تلاقيهم بيشتروا كاميرات و بيتواصوا باحلى الاماكن و النصايح و الترتيبات و الدنيا بمبي اوي و الحسد في الجروبات دي عيني عينك بلا حياء و الذنوب في الجروبات دي بالكوم لانها بقت استعراض للصور الشخصية في اوضاع سينيمائية و المعاكسات و التلميحات تمرض القلب تدخل جروبات احداث النهاية تلاقي خلاص بيخزنوا الحبوب و البقول عشان الكوكب اللي هيخبط في كوكبنا فشهر ابريل و غير نيبرو اللي قرب بس مش فاكرة صراحة امتى و خلاص خلاص هنموت كلنا بإذن الله الفيسبوك بقى جوه مسموم زي الحقيقة و اكتر ما تطولش فيه عشان سلامك النفسي مصحفك كتبك بيتك اهلك ماتضيعش حالك في مالا ينفع بل يضر #دشيمامشرف

غياب التقوى خلى التنابز بالألقاب و المن و الأذى أصبح متبادل بين المسلمين على شبكات التواصل فيروس كرونا خلى القلوب تطفح بأسوأ ما فيها كل ما بلد عربي مسلم شقيق يعلن أنه قفل مع مصر الطيران أو الحدود تلاقي سيل من الشتايم على مصر و المصريين للأسف بما إننا كتير و أكتر من الهم على قلب حكومتنا و العالم كله فزي ما الحلو فينا كتير للأسف الوحش كتير بردو صوت الوحش بقى عالي و سبابه بيسمع و خلاص بيتنسي الحلو في الهيصة ماتنقلوش يا جماعة تويتات شتايم اخواننا في الخليج او السودان دي نميمة بتوغر الصدور لأنها صادرة من البعض بردو مش من الكل و زيهم زينا عندهم الحلو و عندهم الوحش ما تنجرفوش في التعليقات و تردو و تتبادلوا السباب و تنزلوا بنفسكم لمستويات انتم لا تقبلوها لنفسكم و في غنى عن الذنوب دي كلها و اللي شتم او سخر بتاخده العزة بالأثم و بيفضل يعلي و يعلي لحد اسفل سافلين فليه كده لا بردنا هننتصر في الغزوة و لا بتعليقاتنا هنفتح عكة اعذروهم بردو يا جماعة وضع المصريين المشردين في انحاء العالم لا يسر و لأن للأسف مافي (الْمُسْلِمُ أَخُو الْمُسْلِمِ، لَا يَظْلِمُهُ، وَلَا يَخْذُلُهُ، وَلَا يَكْذِبُهُ، وَلَا يَحْقِرُهُ، التَّقْوَى هَاهُنَا، وَيُشِيرُ إلَى صَدْرِهِ ثَلَاثَ مَرَّاتٍ، بِحَسْبِ امْرِئٍ مِنْ الشَّرِّ أَنْ يَحْقِرَ أَخَاهُ الْمُسْلِمَ، ) فاصبح المصري مش أخو السوداني و لا أخو السعودي و لا اخو حد المؤلم ان اي بلد ( كافر ) لما اصابته الكورونا ما قالش مشوا المصريين من هنا ولا قرفونا المصريين ولا اي حاجة من اللي أي بلد ( مسلم ) بيقولها الكلام اللي بيتقال بيوغر الصدر و يوقف النفوس بيقولوه و كأننا خلاص هنقفل الحدود و هنقطع الطيران و كل العلاقات ليوم الدين ليه كده ايه اللي وصل شعوب مسلمة لكده انا لله و انا اليه راجعون و الله نفسي فخيمة فحتة مش تبع اي بلد الان عذرت ال ١١٨ سوري اللي راحوا القطب الشمالي رغم التلج و البراكين باختيارهم بعد ما ضاقت بهم الأرض بما رحبت و ضاقت عليهم أنفسهم و لا حول ولا قوة الا بالله و إنا لله و إنا إليه راجعون اول تعليق #دشيمامشرف

و أحن ليوم كنت أحضن صغيرتي و أقبلها و لا أخاف الكورونا و تدق رسائل جوالي من الأحباب أن اشتقنا فزورونا يبدو أن كثير منا قد عبد العجل فحق علينا أن لا نقول لا مساس و لا حول ولا قوة الا بالله #دشيمامشرف

قبل الكورونا مع أذكاري كنت لازم أدعي بأن الله يعافينا من الكفر و الفقر و أن يصب علينا الرزق صبا و لا يجعل رزقنا كدا ( بتعب و شقاء كبير يعني ) و يبارك لنا فيما رزقنا بسبب الكورونا و لله الحمد و المنة مصدر دخلنا تأثر بشكل كبير فمع أذكاري بقيت أدعي بأن يعافينا من الكفر و الفقر و أن يصب علينا ( الستر و العفو و العافية صبا ) و يبارك لنا فيما رزقنا مش مهم دخلك أد ايه المهم فيه ستر و بركة و لا لأ #دشيمامشرف