قناه قصائد حسينيه كتابه مع ستوريات حسينيه

🌙 تبقى 178 يوم على شهر رمضان المبارك https://t.me/shabkd

وينه الينوح اعلــــه العليل ويومه هالليله روحه املوعـه و مسمومه *** وينه الينوح بحركته اعله ايمامه وينه اليدك ويلطــــم اعله الهامه خلصت حياته بالحــــزن وايامه وين الي روحه بهالمسه مهمومه *** وينه اليواســــــي فاطمــــــه والباقر ايدفنونه امامـــــــك بالتــرايب باجر اهواي المصيبه اهواي كسرة خاطر وظلن بناته املجــــــــــمه مهمومه *** وظلن بناته اميتمـــــــــات ويبجن ياحيف راعي البيت شال اينوحن بثياب ابوهــن والله صار ايطلعن ايشمن ويبجـن والله فوك اهدومه *** ايشمن بثوبـــــــه وطلعن جفيته ماهوه عطره الجان تارس بيته ذكرن ابوهـــــــن ونون الحنيته كل التحبه وشــــــيعته مهظومه *** كل اليحبه امصابه كاســر ظهره دمعه ايتجاره ومـــختنك بالعبره طالع يعزي ايواسي والله الزهره والناعي يقــره بنبـرته الملجومه *** والناعي يقره وباللطم شد حيله ماتم ابو الباقر ننصـــــبه الليله بجرح القصايد والشـعر نرثيله انواس اهاليتــــه البقت مالومه *** الشاعر ابو علي الركابي . https://t.me/shabkd

#عــــــــــاجـــــــــل وضع جثمان السيد الشهيد علي خامنئي في مطار النجف الآن لإحياء واجب العزاء https://t.me/shabkd

ميت هواي يدهري ميت هواي ناري بحشاي احسها. ناري بحشاي خذت حيلي السلسله موتي جان بكربله ميت هواي ========== اني زين العابدين وجرحي دامي أرد أفَصّل موتتي بأخر كلامي اول إجروح الگلب والدنا ضامي وعالترب ذبحوا إخوتي وكل عمامي ضامي الحسين يدنيا. ضامي الحسين بگلبي نارين جوتني. بگلبي نارين وجرح نبلة حرمله موتي جان بكربله ميت هواي ========== جنت اني بكربله وبطفها حاظر شفت ابوي حسين وحده بغربه حاير صوته لسه بإذني اسمعه ماكو ناصر تالي ابن المرتضئ اترضه الحوافر مكّسر ظلوع لكيته. مكّسر اظلوع حيل موجوع ابويه. حيل موجوع لجرحه تبجي النافله. موتي جان بكربله ميت هواي ========== اني اتنفس حزن واتنفس جروح ودمعي من دم عالوجن ياناس مسفوح عالثره عفت انه ابوي حسين مذبوح وصرت مصدر للونين ومصدر النوح انزف آلام مصابي. انزف آلام بنار الإخيام عذابي. بنار الإخيام حسين انظر قاتله. موتي جان بكربله ميت هواي ========== أصعب جروح الگلب سبب مماتي من شفت فوگ الهزل صعدن خواتي زادت آلام المرض وي نايباتي والسبي وجرحه سبب عَجّل وفاتي عالهزل راح ضعنه.      عالهزل راح وفوگ الارماح اهلنه.   فوگ الارماح صعب سبيّ العايله    موتي جان بكربله ========== عشت بعد الواقعه وذيج الرزيه من بعد اهلي هلا بجيت المنيه كل جرح بالطف شفت يصعب عليه لكن اصعبهن شفت عمتي سبيه انطر الموت تراني. انطر الموت حزني تابوت صفالي حزني تابوت بموتي اصيحن ياهلا موتي جان بكربله ميت هواي ========== عاود اعليه الزمان وردت الگوم ماكفاه جروح اهلي وذيج الهموم فوگ عِلتي والهضم تاليها مسموم گلبي من هاي البشر ياناس ملجوم سَمْ الاحقاد ذبحني سم الاحقاد بالغدر عاد عليه. بالغدر عاد نسل جهلوا منزله موتي جان بكربله ميت هواي ========== الشاعر علي النائلي https://t.me/shabkd

للسجاد ع خلصت يا ناس عمري الأهل بيتي ادموعي تجري  والكَـطع ذاك النحر كل وكت شابع قهر هذا حالي ١📜 انه زين العابدين العمره ضاع ابكربله البل حبل شدو خواته وعمتَّه أم الهله انه ذاك الما بقاله بس صور ذبحت هله الشاف ابوه اعله الترايب دم وريده امغسله عفته بالدم جسمه سابح وفوكَـه كوم احجار طايح منظره يبجي الصخر كل وكت شابع قهر هذا حالي ٢📜📜 انه زين العابدين الضيمه ما مر وسده الغيرت ارسومه البواجي والحزن ظل شاهده انه ذاك البل حصيره ويلي جَمَّع والده ونزله اللحده ابدموعه ابلايه راسه وسده اوسدت ابنه اعله صدره البل سهم حزوله نحره العمره جان اشكم شهر كل وكت شابع قهر هذا حالي ٣📜📜📜 انه زين العابدين الحزني بي تحجي البشر عمري خلص بالمناحه وخاوه دلالي القهر يافرح يلفيني وانه بيدي دافن جم نحر وعيني شافت الاعوجيه امن الابو كسرت ظهر عَشره صعدت فوكَـ صدره اكَـبال عيني اكسَرت ظهره ويمه ما واحد حضر كل وكت شابع قهر هذا حالي ٤📜📜📜📜 انه زين العابدين الكل حياته ابلا صبح حالي اشبهه ببو اليمه الراسه شالو عالرمح اجروحي ما تنعد جثيره بالألف واكثر جرح كلشي يوجعني امن اسولف على الحافر والذبح من يجي طار الحوافر اعليه يرجع يوم عاشر وليلته الخلصت سهر كل وكت شابع قهر هذا حالي ٥📜📜📜📜📜 انه زين العابدين الحده ابضعنه الأجنبي الخلص ايام وليالي يمشي بدروب السبي الجامعه حزت ركَـبتي وما رحمني الناصبي ولا رحم عمتي العقيله ولا عيالات النبي الشام ذبحت كل حياتي  ومني باكَـت امنياتي المرني ما مر ابشر كل وكت شابع قهر هذا حالي ٦📜📜📜📜📜📜 انه زين العابدين المارحم حاله الزمن اليوم وافتني المنيه بسم غدر اهل الفتن خلي اهود امن البواجي المنهن اعيوني عمن الموت ارحم من حياتي الخلصتهه بالمحن ينتظر يوم المنيه العمته مشوهه سبيه ما يظل عنده نظر كل وكت شابع قهر هذا حالي //////////////////////////////////////////// ✍️🏻 كلمات #موسى_الخادم ٢٠٢٦ https://t.me/shabkd

يمج يا شريفة اليوم نبچي وتنزل الدمعة نبچي وصوتنه انعليه وكل العالم تسمعه =================؛ يمچ ياشريفة اليوم يربات العزوبية اصعب حاجة عند الناس يمچ سهلة مگضية ماخاب الإجاچ وراد حاجاته يعلويه واليگصدها ضل ربحان فارغ دوم مترجعه ==================؛ يا بت الحسن من چان ماخله احد ابعازة وتكرمين كلمن جاج خير امن الله يتجازة والغاز الكرم والجود يمكم واضحة الغازه ابوكت الضلمة جانت ناس انتم جنتم الشمعة ==================؛ يوم الواقعة انت هناك شفتي حسين وامصابه واحد واحد يوموتون اصحابه ورة اصحابه والتميتو بعد احسين والماي النذل جابه واحدهم غده ابلا راس والنسوان منفجعة =============-؛ اطفال وكهل وكبار كلها اتلوذ يم بابج من كل صوب اجينه انريد نعزي المهدي بمصابج شكرا للحتوف اهواي يمنه شلون من جابج خله العالم اعله الباب يمج كلها منجمعه ================؛ بعدج مادريتي الصار يا علوية السادة طبن بعدج اعله النوك للكوفان وازياده متي لخاطر المتعوب يصحه وياخذ امراده طحتي لخاطر الموجوع وانت هواي من وجعة =============؛ ضل خالد ذكركم دوم ضل طول الزمن يبقه حبل الله المتين الزين وانتو العروة الوثقه والعاداكم اهل البيت غير الحرگ مايلقه يامن رحتو لجل الدين ضل الكم بعد رجعه ***؛ محمد رعد الكعبي https://t.me/shabkd

‏صلاة الفجر ليست يقظة جسد إنما هي يقظة قلب ذاق أسرار الصلة بـ الله وروح عرفت طريقها إلى الله فهنيئًا لمن قام يصليها . ‏قوموا وتذوقوا جنّة الدُنيا💙.

(( نزلـه كربلائيــة )) ــــــــــــــــــــــــــــــــ ردت غريـــبـه بــت عـلي لــخوتــها ما تـــنـوصـف من السبي حالـتـــها تـــفـطــر الگـــلب عالمنذبح ونـتها (( يحسين اگعد زيـنـب صاحت )) ــــــــــــــــــــــــــــــــ بـس الـيـتـامه الكربــلـه مــن ردت ركضـــت لگـبرك بالمدامع عـثـرت ملهـوفـه اجـــتك عالبعد ما گدرت (( مـشـتـاگــه اشـوفـك يالغالي )) ــــــــــــــــــــــــــــــــ ملجـوم گـلـب الحـره يا بـو الأكــبر وصيح شفت بعينــي ذبـح المنحر وشفت الصدر يحسين من اتكسـر (( وجــروحك گطـعت لو تـنـزف )) ــــــــــــــــــــــــــــــــ يبن أمي من شفت الشمر جدامي حـز بوريدك والنحر ضــــــل دامــي ما ينجبر كسر الكلــــــب بــيـــامـي (( ما غاب المنظر من عـينـــي )) ــــــــــــــــــــــــــــــــ ما ريـــد الجمك والـــجروح اهوايه بدرب السبي احتاجـينه خويه الرايه اتـرفرف عـلـيـنه وأنتم الوفــــايــــه (( اتمـنـينه العـبــاس او يــانــه )) ــــــــــــــــــــــــــــــــ لگـبرك وصلـنـه يابو اليمه اوننحب ضعن السبايه من الصحاري امترب وخلافك مــن المـاي ابـــد مانشرب (( يالـضـامـي اعياك عطشانه )) ــــــــــــــــــــــــــــــــ الشاعر خالد جودي العارضي https://t.me/shabkd

الثـــوره الزينــبيه ــ الخطبه الهاشميه متداد الكربله متداد الكربله °°°°°°°°°°°°°°°°° امتــــــــــداد الثورة حســــين الشهيد ثـوره ســـــــــوت زيـنب وذلـت يزيـد كيد كيــــدك وســـعه ســعيك ما يفيد ابوجه صاحت وبتده الطف من جديد اوگفت مثل المناره ــ ونعم بنت الغياره خطـبتها زلزله متـداد الكربله °°°°°°°°°°°°°°°°°°° والله كدها ام عون بت خير النسه كلفه خطبـــــــــــتها وابـد ما تنسه اكبر الســـــــان ابحچيها اتخورسه آيه اســـــمها واجب احنه انقدسه جبل بالغاظريه ــ ونعم يالهاشميه  لضــعنها كافله مـتداد الكربله °°°°°°°°°°°°°°°°°° ثورة الحــــره انتصار ومفخره ابكربله ايســـموها لبوة حيدره دورها يمثل نبي ما چــــن مره وبيها كل افعال سبع الگنــطره العصف يشبه حجيها ــ اكضمت يمهم بچيها ابمسير العايله مـتداد الكريله °°°°°°°°°°°°°°°°°°°°°°° والله ماچن خطبه سوة ملحمه بنت ابوها وعالشـجاعه امعلمه هزت اعروش الطـغات الظالمه هم خليفه الفاطمه وهم عالمه اميره ويعرفوها ـ تجسد دور اخوها ابعزمها اتمثله مــتداد الكربله °°°°°°°°°°°°°°°°°° وحـــــــــده كلمـــتها وابـد ماتنثني لو تريد ابدعـوه تفنيــــــــــنهم فني هاي زينب يعني جيش الطف شني يســــــجد التــاريخ يمـها وينـحني حقيقه اومو روايه ـ وتضل للخوه رايه شجاعه ومرجله متــــداد الكربله °°°°°°°°°°°°°°°°°°°° ✍الخادم كامل السعيدي https://t.me/shabkd

ابلايه راس حسين عفته اعله الترب ورحت للشام بهظم عنه غصب ======================== رحت للشام بدمعتي وحيرتي ودري راح أطول عليه رحلتي ومن دمه ظليت اهلن دمعتي والايتام وياي مدمعه يصب ورحت للشام بهظم عنه غصب ======================== يصب مدمعه اليتامه من دمه وعله حسين أرواحهم متألمه وكل مسه يندبون حماي الحمه شلون ترضاهه اليتامه تنضرب ورحت للشام بهظم عنه غصب ======================= بقت يم حسين روحي ابكربله من السبي ومن الاجروح معلعله وشفت چتاله يقود القافله صحت كون الموت مني يقترب ورحت للشام بهظم عنه غصب ====================== كون ميته ولا اشوفه ينسحگ وخنصره عن چف يمينه يفترگ من يطيح اخيامي عگبه تحترگ وتحدي بضعوني يابو الأكبر غرب ورحت للشام بهظم عنه غصب ======================= رحت وتمنيت عنه مارحت كون بالطف وي أبو الأكبر متت وعميه ريت وللجراله ماشفت بعد ما ادري الي شضام الدرب ورحت للشام بهظم عنه غصب ======================= الشاعر احسان الحميداوي https://t.me/shabkd

ليلة الدفن لميتك من جوه الحافر يابواجروحي واتمنه الموت ابتشييعك ياخذ روحي غريب حسين سليب حسين ــــــــــــــــــــــــــــــــــــــ آنه اول واحد اليدفن حياته انه واحد غربه صارت ذكرياته انه واحد سبو عماته وخواته انه واحد شيع الخير بعباته كل ميت من يدفنونه.. كامل جسمه وانته إبلا راس ولاخنصر. يابواليمه غريب حسين سليب حسين ــــــــــــــــــــــــــــــــــــــ آنه واحد باكت اعيونه المدامع انه عكب أهلي بقيت انسان ضايع آنه عظمي أمن الجلد يابويه طالع آنه عن عماتي مااكدر ادافع يحسين وجابتني الدمعه..والحنيه آنه الميت واشعر أنته..التدفن بيه غريب حسين..سليب حسين ــــــــــــــــــــــــــــــــــــــ بويه لوتكعد تشوف اشصار بيه جيتك الليله وعفت عمتي السبيه الك جايب شبكه من بنتك رقيه وبوسه أمن اسكينه حاظنهه بديه اشلون أدفن واحد بالعالم..مايتعوض يابويه الخيل امضعفتك.. من كثر الرض غريب حسين..سليب حسين ــــــــــــــــــــــــــــــــــــــ آنه كعبه وللحزن أذن بلالي ماي آنه وانذبح مني زلالي ميت ويدفنله ميت هذا حالي ابحاله وحده انساك اله أدفن خيالي مادام الصوره التوجعني.. ابنص اعيوني ماانساك الحد ما انسم..ويدفنوني غريب حسين..سليب حسين ــــــــــــــــــــــــــــــــــــــ بويه يم جسمك أهل دمع النواضر آه واويلاه شمسويه الحوافر مثل سبحه وتنكطع طشار صاير بالحصيره راح اشيعك للمكابر ادفن والمنحر حاجاني.. وضل يهمسلي ابصدري المتكسر يالتدفن.. وسد طفلي غريب حسين سليب حسين ــــــــــــــــــــــــــــــــــــــ بويه سلمنه اعله اهلنه الفاركونه عالنبي وحيدر عله الزهره الحنونه ليش الانحبهم يبويه مايجونه راحو وليش بسفرهم ماخذونه سجادك واتمنه ابكبرك..تغمض عيني يابويه وكون اوياك أدفن..كل اسنيني غريب حسين..سليب حسين الشاعر محمد الجماسي https://t.me/shabkd

عگيلي لدفن الاجساد الطاهره يا دفان احسين اشلونه ؟ يادفان احسين اشلونه ؟ ____ يا دفان ابن امي اشحاله خوما خليت امن اوصاله السحگتهن عشرة خياله واعظامه الامست مطحونه ____ ايگللها او تهمل دم عينه يا عمتي ريت اتشوفينه بالگاع احسين اموزعينه يكسر ظهر الي يشوفونه ____ ساعه اضلوعه اجمع واحسبهن ساعه اوذر من جسمه اجمعهن والخنصر يا عمه اكلفهن ياخي عون الي يلگونه ____ عمه اعله التربان اموذر ما ينشال . الله او اكبر اشما حاولت ارفع ما اگدر خله الروح اتون مسحونه ____ شلته اعله احصيره او نزلته لا غسلته او لا چفنته ياعمه ابلا خد وسدته بس منحر متغير لونه ____ وسدته ابلا خد بس نحره او عبدالله وسدته ابصدره ياعمه ما ضلت عبره والمثلي خل تعمه اعيونه ____ وللعباس امشيت ابحسره كوكب. چيف انًزله ابگبره ياعمه ابلا يمنه او يسره وآثار الجربه اعله امتونه ____ دافنهم جيتچ بجروحي موت حيلي وني او نوحي اوياهم ريتن دافن روحي او لا تبقه ابهل هم مسجونه ____ الشاعر ابو فاطمة الطائي https://t.me/shabkd

باچـر من انطر ســوگ ياخويه وعرجه النوگ من يحمينه ......... يا واليـنه ــ⊱☆☆☆☆❀☆☆☆☆⊰ــ صعـبه باچر      من نســـافر ابرفجت الذبحو زلمنه وآني وحدي    ونسوه عندي ولا كفـــيل ولا علمنه بنص الســـوگ لو طبينه خويه اعداك تشمت بينه هاي اشــــــلون يا والينه مهضومــــــــين ونسبينه اتمنيت الموت اوياك ولا تفتـر بيـه اعـداك وتأذينه ………… يا والينه ــ⊱☆☆☆☆❀☆☆☆☆⊰ــ لو دخـــــــلنه    ابدون اهلنه ابديرة اجـــــناب وســــــبايه والله هضمه    شلون اكضمه دمعــي ينـزل عالعــــــــــبايه محتــفلين خويه اعدانه وبينه الناس هل شمتانه ريتــك كون هسه اويانه وبيـنه اتعود يا رجــوانه اخ اشگد شلنه اجروح وممنـوعين امن النوح شگد عانينه ……… يا والينه ــ⊱☆☆☆☆❀☆☆☆☆⊰ــ ياكفيلي      ماتجيلي ابعازتك والله اليتامه عذبوهم     روعوهم فارگو طعم السلامه يتمـــنون جيـتك ليهم يالرواي گـــوم ارويهم رحمه اعداك لا مابيهم حيل ازغار ومچتفيهم عازتهــم بس ملگاك تحظر سيف ابيمناك وتنجينه ……… ياولينه ــ⊱☆☆☆☆❀☆☆☆☆⊰ــ ياعمدنه        ياسندنه الحگ ايحشمن خواتك چتفوهن       سلبوهن انهض ابداعت غـلاتك يالدگيـت صــــــدرك ليهن شوف اشـصار بعدك بيهن يـا عبـــاس ما تلفيــــــهن السان اعداك طال اعليهن ويجروهن بحــبال ماضل الهــن كفال اشسوو بينه .…… يا وليــنه ــ⊱☆☆☆☆❀☆☆☆☆⊰ــ الناگه بالبر    خوفي تعثر خويه وتطيــــــح رقـــيه والله حيره    وآنه اسيره حرمه ميصـــح شي بديه ريتـــك كون حاظر يمي ومني تزيل كربي وهمي يا عبــــاس يا بعد امــي ترضه اعداك تلفض اسمي اوصوتي اخلافك سمعوه وطــول الخـــــدر شافوه افزع لينه …… يا والينه ــ⊱☆☆☆☆❀☆☆☆☆⊰ــ         الخادم ✍كامل السعيدي https://t.me/shabkd

موشح كربلاء وحرم آل محمد حرم هاشم فارگت وليانها والخيم تتلاهب بنيرانها ــــــــــــــــــــــــــــ مابگت بس اليتامه والحرم وين گعدن حتى ماظلت خيم إتحيرن من طاح شيّال العلم چان كافلهن گمر عدنانها ــــــــــــــــــــــــــــ علي الأكبر گطعّــــو جسمه وذر وليله يمه تنادي بلسان القهر راح تعبي ياعلي وراح السهر وروحي ظلت گابعه بأحزانها ــــــــــــــــــــــــــــ وجاسم العريس رمله نادته ياشباب الماتهنه بزفته والسيوف بدمه المنحر حنته شلون عفت امك يدم شريانها ــــــــــــــــــــــــــــ شلون حال ام الرضيـع الفاجده والده وشيصير گلب الوالده إتشوف إبنها إمصوّب بسهم العده والمهد ظل خالي من سلوانها ــــــــــــــــــــــــــــ زينب المظلومه بيهه چم جرح شحالها وشافت حسين المنذبح جسمه بالميدان راسه عالرمح زهرة المختار سيد أكوانها ــــــــــــــــــــــــــــ حشمتهن زينب وماعدها حيل للشريعه إمشنه نگصد للچفيل إدخيلك إنگله يبن حامي الدخيل للسمه اخيمنه صعد دخانها ــــــــــــــــــــــــــــ چني بالعباس جسمه عالنهر واسمعت لن صوت من عنده صدر من عقيلة هاشم بحزنه إعتذر چفوفه مگطوعات من ذرعانها ــــــــــــــــــــــــــــ الشاعر فراس المحمداوي https://t.me/shabkd

ليلة_الوحشه شلون ليله اتمر عليها بلا اهلهــا ولا وليهـا -- اه يزينب ــــــــــــــــــــــــــــــــــــــــــــــــــــــــــــــــ🪶 ليلة احزان ومصيبه ليلة تسمى غريبه اليله ماعدها ولي ايبين اخيال العقيله فوك تل لو عالهزيله واهي زينب بت علي الشامت يشتم يجيها بلا اهلهــــا ولا وليهـا -- اه يزينب ــــــــــــــــــــــــــــــــــــــــــــــــــــــــــــــــ🪶 مخــدره والهاشميه الحره هاي الفاطميه ضلت ابلايه اخو على الرمح راس الكفلها ولا اخو يفزع لجلها مگيده بين العدو تنظـــر اخوتها ابجيها بلا اهلهــــا ولا وليهـا -- اه يزينب ــــــــــــــــــــــــــــــــــــــــــــــــــــــــــــــــ🪶 ياحرمه للساده اسبوها ابلا ابوها ولا اخوها زينب اهيه ام الحزن تيتمت من زغر سنها والمصايب لفن يمها فوك ناكتها وتون يا اخو ايكول انه ليها بلا اهلهــــا ولا وليهـا -- اه يزينب ــــــــــــــــــــــــــــــــــــــــــــــــــــــــــــــــ🪶 ليلة الوحشه عليها وجيش ظالم يحدي بيها و شلون تاليها بقت ضلت بنوح وصبوره زينب الحره الغيوره لليسر حرمه ومشت بالخرابه كـــل بجيها بلا اهلهــــا ولا وليهـا -- اه يزينب ــــــــــــــــــــــــــــــــــــــــــــــــــــــــــــــــ🪶 الدنيه ماتركت اثرها وكبر للحـره كسرها وتجرعت زينب آلم يادمــــع ينفع حزنها ياليل يحملها على ونها بنارها نار الخيم الحزن حط روحه بيها بلا اهلهــــا ولا وليهـا -- اه يزينب ــــــــــــــــــــــــــــــــــــــــــــــــــــــــــــــــ🪶 الشاعـر : فيصل عاشــور المنصوري https://t.me/shabkd

الوداع الوداع يا حبيبي يا حسين

عظم الله لنا ولكم الأجر با هاذه المصاب الجلل و هوه ليله ستشهاد الإمام الحسين عليه سلام

نزال يوم العاشر يوم عاشر والمصايب بيه تهل هجموا اعله حسين بارماح ونبل حيدر .. حيدر..حيدر ..حيدر * هجموا اعله حسين في ارض الطفوف زلم خيل صفوف تتبعها الصفوف وعلى الشريعه طاحن زنود وجفوف والاطفال الشردت ويلحكها خوف حيدر … حيدر..حيدر * يوم عاشر والجره موت انرسم اتفرهد الصيوان حركوها الخيم وعلى النهر طاحن زنود وي العلم والحرم بصياحها تلوذ الحرم حيدر.. حيدر.. حيدر.. حيدر *** كربله و بيها مصاب الي جره علي الاكبر طاح جثه موذره والحسين الكوم كطعوا خنصره قاسم العريس جثه مطبره حيدر…حيدر..حيدر…حيدر *** وزينب الراحت اسيره اعله الهزل فوك ذبح اخوانها زاد الحمل جم يتيم يلوذ بيها وجم طفل بلايه محمل جتفوها بالحبل **** كربله شكبره مصابج كربله انذبح عندج ابن عبد الوله على الغبره ظل وحيد بهل الفله عيونه تشبح من خذوها العايله حيدر.. حيدر…حيدر…حيدر * مشت عنه زينب وزينب مره ما كسرها الصبر حره معتبره رغم كل الي حدث والي جره بت علي حيدر اميره ومفخره حيدر.. حيدر.. حيدر.. حيدر ::::/.::/:/؛:/؛:/؛:/::/://:///://:////// الخادم شوقي الخباز https://t.me/shabkd

نزله للوداع الوداع الوداع نور عيني ياحسين ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، هاي اخر ليله / وبدمع وتهيله / زينب وتشكيله / خويه ياضنوة علي خويه لو عفتوني / المن اتخلوني / وين ادير اعيوني / لو رحلتو كل هلي منهو اليحامينه / خويه يابو اسكينه / منهو يبقه لينه / عكب عينك يالولي راح اضل راح اضل لالي ناصر لامعين ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، مايضل كل غالي / ابقه وابلاوالي / هيــجي يصبح حالي / عكب كل ذاك الخدر انه جنت امخدره / انه ابويه حيدره / تالي اضل امحيـره / وابقه بيدين الشمر انه بت عز ودلال / انه بت خير الرجال/ تالي اضل بيد الانذال / وامشي لديار اليسر بالحبال بالحبال امشي مجتوفه الايدين ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، لو يصيرن باجــــر/يـبقه كــلبي الصابر/بالمصايـــب حاير/والنوايـــب والمحن مـحسـبـتــها الهايـــه/ابـــقه بين اعدايه/اوماتضل حمايــه /او ينسلب هذا الظعن محسبت دنـيـــــايه /تـــــاخذ الوليايه /وتغــــدر انـــــه اويايه/ وبيه يغدر هالزمن راح اشوف راح اشوف ضيم من الظالمين باجــــرتروح الزلم/وحدي بالايتام الـــم /بس صياح او بس شتم /اعداكم ايراوونه ابقه وحدي بكربله/حايــــره ابهالعايله/اوبس مدامع هامله/اودمه تجري اعيونه تحتـــــرك كل هالخيم /ادموع واهات والم /اتصيح ايتام اوحرم/وين حامي اظعونه والكفيل والكفيل لايسار اولا يمين ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، باجرايصير المصاب /تبتدي رحلة عذاب /انت نايـــم عالتراب /وانـه امشي اميسره امشي واعيوني تهل /مجتـفـيني بالحبل /امركبيني اعله الهزل /اوراح اطب جم ديره تنظر وتسال الناس /والحــــجي ايشيب الراس /وين كافلها عباس /وين راعي الغيره شرد اكول شرد اكول اسكت ابكلبي الونين ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، اسمع اودمعي يهيل اومن دمه المدمع يسيل هاي بت حامي الدخيل /تالي تبقه ابلاحمه هيجي خلاني الزمن /امكــبعه بضيم اومحن / وانه ابويه ابو الحسن/وانه امي فاطمه الف وسفه عالوكت /الخله دمعاتي تـكـت/وهـيجي خلاني صرت /لـيـــه بسهامه رمه بالنحيب بالنحيب اكضي كل هاي السنين ////////////////////////////////////////////// https://t.me/shabkd

نزله للاكبر حي الله المبچي الزلم حي الله ،،،،،،،،،،،،،،،،،،،،،،،،،،،،،،،،،،،،،،،،،،،،،،، اكبرها طــــــــــب وياحلات اكبرها طشرها بعــــد ايــدي الزلم طشرها للكوفــــــــــــه نص وللنجف عبرها گام مـــــــن اديها يكضها ويشمرها بس ريشه عوزه ورايه بي مــــن عمامه هواي صاحولـــه كافل زينب من طـــــــب للمسنايه ،،،،،،،،،،،،،،،،،،،،،،،،،،،،،،،،،،،،،،،،،،،،،، الاكبر عشيره مــــــن الزلم يسواله يحلاله مـــــــن يلبس درع يحلاله مـــو ياهـــــــو گام ورجف الخياله هــــــذا اليـــــــــرد العيله عالعياله خيـل وزلـــــــم شيبها مــــــــن الركض تعبها روس نتـــرس واديها محد گـــــدر يحسبها ،،،،،،،،،،،،،،،،،،،،،،،،،،،،،،،،،،،،،،،،،،،،،،، خلها تنشـــــــــد عالنـــــــفس خلها ضيع هواها الاكبـــــــــــــر ومنواها الماتبچي الاكبـــــــر بالحرب بچاها سواها نسوان الزلــــــــــــــم سوها ابـــن اليوازن سيـــفه كيفه الحرب وبكيــفـه محــــــد يمنعه اعليها ماخـــذها دوم بحيفه ،،،،،،،،،،،،،،،،،،،،،،،،،،،،،،،،،،،،،،،،،،،، حي الله الاكبــر والحسين يشوفه داس اعله روس البالعرك معروفـه بچفوفه يثلم مـــن يطگ بجفوفه مچتوفه وگفتله الزلــــم مچتوفه شاب وثجيـل اعناده مبچيــــــها دم القاده ماينوگف يـــم سيفه بي چويه من الساده ،،،،،،،،،،،،،،،،،،،،،،،،،،،،،،،،،،،،،،،، مصطفئ الصالحي https://t.me/shabkd