Shahrixon 1-son texnikum kanali.

Shahrixon tuman 1-son texnikumida “Karyera kuni” mehnat yarmarkasi o‘tkazildi Mamlakatimizda yoshlar bandligini ta’minlash va ularni haratda qo‘llab-quvvatlashga qaratilgan “Dolzarb 90 kun” tadbirlari doirasida Shahrixon tuman 1-son texnikumida bitiruvchilar uchun “Karyera kuni” mehnat yarmarkasi tashkil etildi. Ushbu tadbirdan ko‘zlangan asosiy maqsad — texnikum bitiruvchilarini egallagan mutaxassisliklari bo‘yicha munosib ish o‘rinlariga joylashtirish, ularni hududdagi ish beruvchilar bilan bevosita uchrashtirish hamda mehnat bozoriga moslashuv jarayonini jadallashtirishdan iborat bo‘ldi. Tadbirlarga tumandagi yirik ishlab chiqarish korxonalari, xususiy tadbirkorlik subyektlari hamda davlat va nodavlat tashkilotlarining vakillari taklif etildi. Yarmarkada ish beruvchilar o‘zlarida mavjud bo‘lgan vakant ish o‘rinlari, yaratilgan mehnat va maishiy sharoitlar hamda ish haqi miqdorlari haqida batafsil ma’lumot berishdi. https://t.me/shahrixontuman1son

Shahrixon tuman 1-son texnikumida 2026–2027 o‘quv yiliga puxta tayyorgarlik ko‘rish maqsadida qator amaliy ishlar amalga oshirildi. Yangi o‘quv yilini zamonaviy sharoitda boshlash hamda ta’lim sifatini yanada oshirish maqsadida texnikumning kompyuter yo‘nalishlari uchun o‘quv xonalari zamonaviy kompyuter jamlanmalari bilan to‘liq jihozlandi. Mazkur kompyuterlar o‘quvchilarning axborot texnologiyalari sohasidagi nazariy va amaliy bilimlarini mustahkamlash, zamonaviy dasturiy vositalar bilan ishlash ko‘nikmalarini rivojlantirish hamda o‘quv jarayonini samarali tashkil etishga xizmat qiladi. Shuningdek, texnikum hududida xavfsizlik va ichki nazorat tizimini kuchaytirish maqsadida kirish eshigi oldiga Face ID texnologiyasi asosida ishlovchi zamonaviy biometrik qurilmalar o‘rnatildi. Ushbu tizim pedagog va texnik xodimlar hamda o‘quvchilarning texnikum hududiga kirib-chiqishini elektron tarzda nazorat qilish, davomatni aniq yuritish va xavfsizlikni ta’minlash imkonini beradi.

📌 Payshanba – Rahbar va yoshlar uchrashuvi Shahrixon tuman 1-son texnikumida “Payshanba – Yoshlar kuni” doirasida navbatdagi “Rahbar va yoshlar uchrashuvi” bo‘lib o‘tdi. Uchrashuv davomida texnikum rahbariyati hamda o‘quvchi-yoshlar o‘rtasida ochiq muloqot tashkil etildi. Unda ta'lim sifati, kasb-hunar egallash, bo‘sh vaqtni mazmunli tashkil etish, yoshlarni qo‘llab-quvvatlash hamda ularning taklif va tashabbuslari muhokama qilindi. Shuningdek, yoshlarni vatanparvarlik ruhida tarbiyalash, zamonaviy kasblarni puxta egallash, yaratilayotgan imkoniyatlardan samarali foydalanish hamda jamiyat hayotida faol ishtirok etish yuzasidan tavsiya va tushuntirishlar berildi. Bunday uchrashuvlar yoshlarning fikr va tashabbuslarini qo‘llab-quvvatlash, ularning muammolarini o‘rganish hamda kelajakka bo‘lgan ishonchini yanada mustahkamlashga xizmat qiladi. https://t.me/shahrixontuman1son