shamil_teolog

Шамильский район 🤍

( заказной )

Дун хведал дие дуг1а дуда к1очонгейинал К1удаэбелалъ дида абулаан г1емераб, Г1акълу бич1ч1изе г1еч1ев гьит1инав дов васасда Замана боржун инин рак1алдаго бук1инч1о. Бат1ияб т1аг1амалъул квен бук1уна херазул Халкъалъего гьуинаб калам бук1уна гьезул, Гьанже гьеб дий камуна камич1елги ратила Кват1ун ккелалде гьабе гьел ч1ах1иязул адаб. Ч1ух1ун хьвадун г1емерал рач1ел к1очараб агьлу Улбузул адаб рехун рах1аталда хьвадула, Доб къиямасеб къоялъ Къадирасда цере ч1ун Къавмалъ кьелебин жаваб жакъасеб хьвадиялъухъ. Шамиль теолог

Гъогъолъа къват1иве Къах1ивеги ун Къо мадрасаялъе дица кьелилан, Мух1аммад вахъана ниятги гьабун Гьеб бук1ун бихьула ахираб сапар… Ракьалда къо лъуг1ун къадар щолелъул Щафиг1ас сабаблъун мадрас гьабурав, Гьенив т1охде вахун гъоркьеги рехун Гъогъолъа г1алим чи нилъей камуна. Муг1аллим мун анин матаг1илзаби Г1одулел рак1алгун ралагьун руго, Г1амал жиндир берцин бералги къанщун Къах1ив къадарги щун щапун ун вуго. Мун лъалез дуй кьолеб къимат раг1идал Раг1аби г1еларо г1амал дур бицун, Г1илму малъанщиназ нуг1лъиги гьабун Бет1ергьан Аллагьас алжан кьейги дуй. Дунял гьадинаб жо диналъул вацал Цолъун рач1а цадахъ г1умру гьабизе, Г1олохъанав васас сапар бухьанин Берал рагье гьанже жамаг1ат чаг1и. Шамиль теолог

Я долго шёл к этой цели, долго решался на этот шаг. И вот уже совсем скоро я объявлю время и место, где мы наконец сможем увидеться и собраться вместе !

Принимаю заказы 💻

Говорю стихами о том, что болит у каждого… Нилъер Дагъистаналда цо-цо коч1охъабазда Кидаго дунялалда рук1унин кколеб буго, Кутакаб маг1на бугеб умумуца нахъ тарал Тамашаял шиг1раби бокьадухъе хисула. Хисугейин абуни, мун тушманлъун лъугьуна Абич1ого танани рек1елъ ургъел бук1уна, Бокьулеб маг1арул мац1 миллат цоязул улка Коч1охъабаца хвезе, рехун кинго теларо ! Рахъине гьарунани гьанже ясазул улбул Унтун рак1гун хвелаан хиянат гьезул бихьун, Бихьун къогун къиматго къадруялда нахъ тараб Тарбия буссун бугеб базаралде бихьулищ… Бихьинчи руччабигун рестораназда кьурдун Рокъов щвейгун щейх вахъун малъардизе лъугьуна, Лъик1аб квешалъул бицун квер мегжидаги бахъун Борч1араб къо ясалгун цоцоязда к1очона… Шамиль теолог

Къулч1изе к1олареб жо к1алалъ х1анч1угейилан Ч1ах1ияз г1иссиназда г1емераб малъулаан, Аманаталъе кьураб черхгун маг1ишаталъул Г1ун бач1унеб г1елалъе ургъелго гьеч1ин ккола. Гьанже мискинзабаца бечедазда нахъ рилъун Руччаби махсарде кквей квешго г1емерлъун буго, Рокъой лъадиги рехун рестораназда свердун Саяхъал ясал гьанже васаз хьихьулел руго. Намус нич т1аг1ун буго, т1олалго беццлъун руго Балагьалде гъун ясал свердулел руго жакъа, Жив живас гьава бокьун бахчун мунагьал гьарун Гьанже Дагъистналъул лъугьунеб жо лъаларо… Шамиль теолог

Нухда данде кканани, бихьинчиясе нух кьун Кьохъ бихьана жейгиги жакъаги г1адат ц1унун, Г1адат миллат к1очараб лъараг1лъиялъул гьаб халкъ Херав чи данд кканиги нух кьоларо ясаца Суриларо нечараб чарлъиларо х1инкъараб Х1акъ цоцазул т1обалеб бук1ана цо замана, Бокьараб жо бицунеб ясазда нич к1очараб К1ал чорокаб черх хъупаб бач1ун буго замана Нухда данде ккаралъе дуца нух кьеч1онани Ч1ух1иялда яч1уней ясалъ тункун рехула, Лъалхъиялъул бицине иргацин щолеб гьеч1о Щолеб мехалъ аск1орг1ан дорег1ан къалелани… Къимат маг1арулазул къойил дагьлъулеб буго Дагьлъаниги ц1унулеб улкаги камун гьеч1о, Киг1ан зах1матлъаниги лъималазе дарс лъолел Умумузул наслаби баркала буго нужей. Шамиль теолог

Бихьиназе бат1ияб, руччабазе бат1ияб Бет1ергьанас рет1ине рет1ел бижараб буго, Т1аса бахъун хьвадулел дол ясал г1емерлъидал Г1акса рет1ел рет1унел ясал махсарде ккана. Дир т1аждал бициналде бер добехун буссаян Рет1ел бахъун хьвадулел рехула гьанже цере, Бокьаралъул бицани, цин духъго балагьеян Бугеб г1унк1ут1иялъул лъийниги ургъел гьеч1о. Амма цо унти буго, унтун киналго руго Кутакалда дин ислам к1очон нилъеда буго, Дунял г1алам мекъ хьвадун доб х1укму хисуларо Х1арамаб х1арамлъуда х1укму ч1араб бук1уна. Балагьуге чидаде, чилъи нилъерго ц1уне Чанги чи мекъ хьвадиялъ дуе нух рагьуларо, Доб цебе умумуца ирсалъе тараб намус Ясаца рет1лидалъун т1упулеб буго малакь. Шамиль Теолог

Мои корни — рядом со мной. Дедушки и прадедушки — сила, которая живёт во мне.

Всех вижу … кто сохраняет, отправляет дальше, поддерживает, всем спасибо 🫂