کانال اشعار شانی

https://t.me/+2tozhR4lwaU3MTY0

گروه متن نوحه با سبک در #مجموعه_کانالهای_مدح_و_مرثیه  ایجاد شد عضو شوید👇👇👇👇👇👇👇 https://t.me/+QcnO-AqZYps3ZWU0

#حضرت_زهرا_س عجب خیالیله بو خامه فکر خامه دوشوب خیالی وار یازا مدحِ بتولِ عُذرانی نه قابلیت له من بتوله مدح یازوم بو نقصِ، نیک عمل، بو وفورِ عصیانی یاراتمیوبدی بیر عورت خدا بو عزتده عزیزه دور ایکی دنیاده بو حیا کانی اگر چه قدری بو دنیاده اولمادی معلوم ولی جزاده گوررسن مقامِ زَهرانی نقدری عرصه گه حشره قویمیوبدی قدم که بیر پیمبره اولماز شَفاعت اَمکانی خدای خلق او گون بولدورور مقاماتین تمامِ خلقه بونون پای حشر دیوانی بو شان صاحبی نه من نجه اولوم مَدّاح نه وار جلالی نون حدّی نه شانی پایانی خانم اوزی بولور امّا عمل خجالتیم بو درد خجلتی مون واردی اوندا درمانی بولاردا رسمیدی ایتمزله سائلی مایوس بو آستانه گلن گورمیوب پشیمانی پناهی مزدی بو اُون دورت وجودین هر بیری سی خصوص فاطمه نون وار بو اَمره رجحانی سوزوم بو باره دَه چوخدی، فرصتیم یوخدی گرک یازام ازل باش لانان بیر عنوانی نجه جلالتی نون یوخ نظیری بیر کَسده اولوب مصیبتی دَه اوز جلالی میزانی یازولا عمرینی اُون سَگز اِیل، بو آز مدّت آغاردی زلفی اولوب سرو قَدی چوگانی آتاسنون کفنی خشک اولمامی شدی هنوز توکولدولر ایوینه تابعانِ شیطانی قاپی دالنا گلوب فاطمه، دِئدی اوتانون قویون اوز حالنه بو بی کس و مُعزانی گیدون کناره عزاداروخ، اَل چکون بیزدن هنوز تازه آتام ترک ایدوب بو دنیانی جواب ویردی اونا ثانیّ ستم پیشه گرکدی بیعته گلسون علیَِّ عمرانی یتشدی بیر یِره امر، آخر اُود دوتوب یاندی او بابِ اَمن که روح الامین دَی دربانی دایاندی فاطمه امّا قاپو دالسندا که داخل اولمیا صحنه مدینه دونانی بالاسی محسن، آتاسی امیرِ بطحایه خبر آپاردی بو اوضاعِ نا گوارانی بویان طرفدن علی گوردی سسلنور فضه که اِی اَلینده اولان جمله مشکل آسانی دایانما گل، خانمیم قانی نه بویاندی آقا اولوبدی سینه سیمی نی رنگِ مرجانی چخوب ولیَِّ خدا صحنِ خانیه گوردی یخوب لا فاطمهء دلفکار و نالانی عباسینی گوتوروب آتدی فاطمه اوسته گوزوم دَه اولدی مجسم بلا بیابانی نه سری وار که او گون گلمدی بلا چولونه همان ولیَِّ خداوند و سرَِّ یزدانی غرض یَدالله اَلیله او قدرتِ داور دوتوبدی فوراً او نا پاک اولان گریبانی یخوب یِره دِئدی بو جراتی ایدنم زیدوز گر اولماسیدی منیله رسول پیمانی بولوب او ظالم علی بیرده تیغ چکمیه جاق علی او کس دَگی ترک ایلسون وصایانی همین بو مطلبه عمروم جه آغلاسام آزدی نجه بیان ایلیوم بو ملالِ عُظمانی قولونی باغلادی روباه لر اسیر ایتدی چکوبله مسجده جبراً او شیرِ هیجانی گوروب بو حالتی زَهرا دوتوب علی اتگین که ساخلاسون او ولیَِّ علیَِّ اَعلانی اولار چکردیله اما بتول قوی مازیدی چکوب یخاردی یوز اوسته او قومِ نادانی دولاندیروب یوزینی قُنفذه دِئدی ثانی بتولدن داخی سلب ایله بو توانانی گوتوردی شمر کیمی تازیانه سین قُنفذ ووروب او بی کسی یاندیردی قلبِ طاهانی علی ولیَِّ خدا شهریارِ خیبر گیر گوروب بو حالتی دولدوردی چشمِ گریانی بیله گمان ایدورم دوشدی زینبی یاده مجسم ایتدی گوزونده او قانلو میدانی ووراندا زینبه دَه تازیانه شمر لعین اوجالدی روحِ ابوالفضلین عرشه افغانی بوراخما توسنِ طبعون لجامینی (شانی) بتول غش ایلدی، اوُل سخن نگهبانی او وقت هوشه گلوب گوردی عرض ایدیر فضه آپاردی مسجده ظلم اَهلی شاهِ مردانی ایدوب اوزینه ایکی نورِ دیده سین همراه گوزینده اولموشدی چون جهانِ ظلمانی یتشدی مسجده بوبکری گوردی منبرده پوزولدی زلفی کیمی حالتِ پریشانی نقدری سخت اولی گور قضیه زَهرایه تصور اِئت ایله ببر حالتِ غم افزانی آتا یرینده گوره خصمِ کردگار اوتوروب ولی دوروب ایاق اوسته ولیَِّ رحمانی #شانی #مجموعه_کانالهای_مدح_و_مرثیه

#حضرت_زهرا_س #مرحوم_استاد_شأنی بخش ۲ حسرتیله بیرده شیرِ داوره باخدی گوزی بیر باخیشدا مرتضانی یاندیروب یاخدی گوزی دل شهادت ذکرینه گویا اولوب آخدی گوزی آقتابِ برجِ عصمت دفعتا" تاپدی زوال چون کفن پوش اولدی جورِ روزگارون خسته سی او اولدیلار آگه بو حاله قلبینون دلبسته سی باغِ جنتّده اولان زینت ایکی گلدسته سی یعنی گُل رخسار حسن ، بیرده حسینِ مه جمال بیر خدا بیرده علی بولدی نه حاله قالدیلار اوزلرین بیردن آنا تابوتی اوسته سالدیلار بیر سوزیله روحِ زهرانین قرارین آلدیلار عرض ایدوبله ساقلیقون تک دور بیزی آغوشه آل بو یانیلقی سوز ایله پوزدی او غم رنجیده سین یاندیریب یاخدی بو دنیانین مصیبت دیده سین آچدی قول ، آغوشه آلدی ایکی نورِ دیده سین آغلادی گوگده ملایک ، یرده شاهِ بی مثال سس یتیشدی یاعلی گیتدی ملکلردن قرار قیل بو شیرین دللری تابوتِ زهرادن کنار خوش دلیله دیندیریب هم ایتدی لطفِ بی شمار تا آیردی نعشِ زهرادن او شاهِ خوش خصال هاردا قالمیشدی او گون یارب همان شیرِ خدا اوندا که اوغلی حسین ایتمیشدی جان عطشان فدا ایلییدی تا ربابی قانلی نعشیندن جُدا سینه سی اوسته که دوشموشدی او مرغِ بسته بال نه یارالیدی بتولین پیکری نه عوریدی نه سینیق خنجر شکسته تیغیله مستوریدی نه یارالی نعشی اوسته اشقیا مأموریدی نه کنارینده حیاسیز دشمنیدی نه رجال اوچ یاشیندا بیر بالا یوخ دور و برده مهربان تار و مار اولسون جهانی نسگل اولدی شیعیان گلمدی شیرِ خدا ، امّا که گلدی ساربان عمّه سی زینبده حتّی داده گلدی احتمال تا اوجالدیب نحس الینده تازیانه ساربان گتدی سکّانِ سماواتی فغانه ساربان نیلدی بولمم او طفلِ خوش زبانه ساربان شه بالاسین سینیه آلدی ، دئدی سینمه ده قال گوردی ال چکمور جفاسیندن او قرآن دشمنی سسلدی وورما آتام نعشین ایا شومِ دنی قوی دوروب گللم آپارسان هر دیاره سن منی باخمارام بوینمدا وار بیر قیدِ الفت تک حِبال(ریسمان) اوز وجودیمده من ارزش بولمرم بیر ارزنه (شأنی) آدین قویدولار امّا حسینیلر منه سنده نومید ایتمه یا زهرا امیدیم وار سنه اولما راضی اوغلوین مدّاحی اولسون پایمال. #شأنی التماس دعای فرج https://telegram.me/ganjine5

#حضرت_زهرا_س #مرحوم_استاد_شأنی بخش ۱ قوی دیوم من یاعلی آغلا نوایه سنده گل👇 بادِ ظلم اسدی گینه طوفان ایدوب بحرِ ملال اولدی یر دارُالمَلالِ عرشِ خدای ذوالجلال آغلیون ای شیعه ایّامِ عزادور آغلیون آغلاماخ چون توشهء روزِ جزادور آغلیون آغلاسا یر گوگ بو ماتمده سزادور آغلیون مصطفا ماتم دوتوب ، آغلار ولیّ لایزال قدسیان یاسه باتوب عرشِ برین آغلار بو گون انبیا ماتم دوتوب ، روحُ الامین آغلار بو گون ای حسینی ایستییَن آغلا حسین آغلار بو گون سن حسینی سن اگر سنده ندور بو اغتفال اشکِ غمله مجتبانون گوزلری دولدی بو گون غصّه دن رخسارِ شاهِ کربلا سولدی بو گون فاطمه رحلت ایدوب زینب یتیم اولدی بو گون وای آنام وای سویلیوب توکدی عذاره اشکِ آل هانسی دلده واردی قدرت ایلسون شرح و بیان فاطمه بو دارِ دنیاده نه لر گوردی عیان شمّه ای عرض ایلسم اوضاعِ حالین شیعیان حالِ ختمِ انبیایه یوز ویرور تغییرِ حال اوندا که جرئت تاپوب دشمن مدینه شاهینه باخمادی زهرای مظلومین فغان و آهینه قلبینی یاندیردیلار اود ویردیلار درگاهینه یاندی درگاهی ، او اود قلبینده چکدی اشتعال بولمورم ثانی نه حاله سالدی اول بی یاوری سسلدی فضّه چاغور گلسون ولیّ داوری پوزدی بو سس غیرتُ الله آدلانان نام آوری گور نولور حالی او مولانون اوزون بیر فکره سال چیخدی صحنِ خانیه تا یخدی صبرین خانه سین تاپدی سوز و سازیده شمعِ عزا پروانه سین گوردی نه حالتده بولمم مصطفی ریحانه سین سالدی فورا" اوز عباسین اوستونه افسرده حال هر زمان کیم حضرتِ صادق دییَن سوز یاد اولور غصّه دن آباد اولان گوگلوم ایوی بر باد اولور حشر اولونجا تک او بیر سوز باعثِ فریاد اولور آغلیوب یانسام یری وار صبح و شام و ماه و سال ای ولیّ عصرِ حاضر ، آیتُ اللهِ صمد جدّوه وی ثانی تاپوب اثنای رهده بی مدد ایمدیده قلبِ رسولی یاندیرور جورِ لَگد بو نه سوزدور گلدی تقریره اولیدیم کاش لال عقل حیراندور خبرده شرح اولان مرقومه دن بیحیا شرم ایتدی نه معصوم و نه معصومه دن جیریله آخر قباله آلدی اول مظلومه دن چالدی یرده ایتدی اول خطّ شریفی پایمال بو ستملردن بتولین اولدی قلبی داغدار گون به گون سولدی سارالدی چون گلِ فصلِ بهار غصّه مرگ اولدی خانم ، عالِمدی حیّ کردگار ایسته سن ائت صادقِ آلِ محمّددن سؤال وقت او وقت اولدی بتول عقبایه رحلت ایلسون محنتینده عالمی غرقِ مصیبت ایلسین آه او ساعتدن که ایستردی وصیّت ایلسون عرض ایدوب گَل گَل عم اوغلی یتدی وقتِ ارتحال بیر بودور عرضیم منی اوندا که درک ایتدی اجل دفن و کفنیمه گیجه مشغول اولوب ایله عمل ایستیرم چون ویرماسون تابوتیمه بیگانه ال روحیمه باری اذیّت ایتمسون قومِ ضلال گلمسون دفنه اولار که قلبیمی یاندوردولار اود ویروب درگاهیمی ظلمیله اودلاندوردیلار حکمِ آیاتی دانوب ، احکامیدن یان دوردولار ناطقِ قرآنین آخر بوینونا سالدیلا شال بیرده مندن قالدی دنیاده نشانه زینبیم تا اولا محنت کشِ دورِ زمانه زینبیم ایمدیدن قوبما ولی گلسون فغانه زینبیم من کیمی زلفی آغارسون قامتی اولسون هلال کربلاده آغلاسا وار حقّی ، منده آغلارام یاندیریب بو سوزِ آهیمله جهانی داغلارام نورِ عینمدور حسین ، من گوزلرینی باغلارام شمرِ بی پروا الیندن زینبیم تاپماز مجال گر چه چوخ زحمت سنه ویردیم بو دوقّوز ایلده من زحمتیم پایانه یتدی ای ولیّ ذولمنن خواهشیم بیرده بودور سندن ایا شاهِ زمن هر زماندا عورت آلسان بیر نجیبه عورت آل بو یتیمه اولادیمه اولسون منیم تک مهربان پرورش ویرسون نجه گلبرگی بسلر باغبان چون پرستاری یتیمون خوشدی اولسون خوش زبان تا یتیمون قالماسون قلبینده اندوه و ملال هم آنالیق ایلسون اوغلوم حسینه من کیمی هم حسنه مهربان اولسون منیم تک سن کیمی وای او گوندن کیم اولار رنگی گلِ سوسن کیمی دادگر یاندوخ ، بو دادی دادسیز اسمادن آل بو حسینیم بیرده جدّیندن امانتدور منه مایهء فخریمدی اسبابِ شفاعتدور منه بیر قیامتدن اوتور هر گون قیامتدور منه ماجرای کربلانی هر زمان قیلّام خیال ایمدیدن یانّام حسینون حالتِ مذبوحینه شمرِ بی پروا چیخاندا سینهء مجروحینه روحیم اینجیر آند اولا ختمِ رسالت روحینه طایرِ روحیم توکر باغِ جناندا پَرّ و بال قوی دیوم من یاعلی آغلا نوایه سنده گَل من گیدنده شوریله کرب و بلایه سنده گل کوفه ده اوّل گجه مطبخ سرایه سنده گل گور حسین اوغلوم اولان منزیلده واردور نه جلال انبیالر باش آچار اوج ایلر عرشه ولوله من یتن ساعت یارالی باشینی آلّام اله سینم اوسته بسلین باشی گورم باتمیش کوله حقلیَم اوندا آنالیق حقّینی قیلّام حلال ادامه دارد🔽🔽🔽 https://telegram.me/ganjine5

حضرت رقیه سلام الله علیها _ مرحوم شانی بو خرابه یر که آل حیدره مکاندور عمّه پرشکسته عندلیبه یاخشی آشیاندور عمّه ایتمرم خرابه یردن عمّه جان سنه شکایت هر قدر بلا یتیشسه بیزلره اولور سعادت سن اوزون بُلورسن امّا سختیدور غم شماتت شامیان شماتت ایلر چوخ منه گراندور عمّه خار دامنینده گل تک غنچه لیقدا سولموشام من بو گروه اشقیایه دستگیر اولموشام من ایتمیشم ز بسکه شیون عمّه جان یورولموشام من شغلیم آه و داد و شیون، مونسیم فغاندور عمّه گر دیسم که شمر الیندن جانه دویموشام خطادور عالم وفاده قلبیم هر بلایه آشنادور چون بابام قبول ایدوبدور بو اسارته رضادور هر قدر بلا بو جانه گلسه نوش جاندور عمّه شام قیزلاری گیینسون اگنینه لباس فاخر هی گَلوب صباح و شامی ایلسون بیزه تفاخر قالمارام یقیناً اُلّم بو دیاریده من آخِر بو خرابه مدفنیم دور بو منه عیاندور عمّه قاز مزاریمی خرابه قوی منیم مکانیم اولسون عندلیب تک پوزولموش گلشن آشیانیم اولسون توزلی‌قبریم‌اوسته‌گَلسون‌"شانی"‌نوحه‌خوانیم‌اولسون نوحه‌قیلسون ایتسون‌افغان،‌(شانی)‌خوش‌زباندور‌عمّه #شانی #حضرت_رقیه

@shoaravamadehin

#کوچ_‌از_قتلگاه #مرحوم_استاد_شأنی اسیرِ شمرِ کافرم ایدوم نه چاره من حسین یارالی پیکرون سنون قویوبلا بی کفن حسین سالوبلا قتلگاهیدن بو قصدیله گذاریمی که آرتورام جنازه وی گورنده آه و زاریمی رجالِ کوفه حیف اولا آلوب منیم کناریمی دویونجا سس چکنمورم جنازن اوسته من حسین او بلبلم چتین بیله صفالی گلستان تاپوم سپاهِ شام و کوفه دن محالیدور امان تاپوم گزوم یارالی نعشیوه که بلکه سایبان تاپوم نه واردی دفن و کفن ایدن ، نه بیر گلوب گیدن حسین بو گوندی یا که آی سالور گوگه شعاع شفق شفق و یا کلامِ حقّدور دوشوب یره ورق ورق وصال بزمیدور مگر قویوبلا گُل طبق طبق نه بیله گلستان اولور ، نه بیله بیر چمن حسین سالوبلا هانسی بیر شهین جنازه سین بو حالته تعجّبم بو فرقهء لئامده رذالته گرانبها لباسلر دوتوم گیدوبدی غارته نولوبدی مندن آلدیقون او کهنه پیرهن حسین او کهنه کوینگون سنه گوروبله یوخ لیاقتی گرکدی سرخ رنگ اولا لباسِ شاه زینتی اودور ایدوب گروهِ کین بیله بیوک جسارتی دوشوب بو حاله سرّی وار بو نازنین بدن حسین عبث دگل که تربتون اولوبدی عالمه شفا بو دورت آغاج کویر چول ، تاپوب چمن کیمی صفا دوتوم که ایتمیوب حیا امیرِ لشگرِ جفا سُمِ سمندِ اشقیا اوتانمیوب ندن حسین؟ آنام بتول سینه سی دگلدی یوخسا بسترون؟ اولیدی کور گوزلریم گورنده بیله پیکرون سکینه کاش گورمسون سنون کسوک بلکلرون رقیّه نی هلاک ایدر بو غصّه بو محن حسین سالوبدی آتشِ ستم شراره قلبِ زینبه یوخوندی ال دییم که قوی دوباره قلبِ زینبه کسیک بیلک لرونله قیل اشاره قلبِ زینبه‌ که بلکه خاطریم تاپا تسلّی تازه دن حسین فلک ایدوب مساعدت ، قوی دی خصم پنجه سی بلالی خسته جانیمی ایدوبدی قمچی رنجه سی یتیم داریلیق غمی ، اسیریلیق شکنجه سی آلوب قُوای جسمیمی سالوبدی حسّدن حسین دوشوبدی نطقیدن داخی بو صبره منتخب باجون یانان چادردا چوخ چکوب شکنجه و تَعَب باجون گیچن گیجه نه حالیله قیلوب نمازِ شب باجون گواه دی او حاله بیر خدای ذوالمنن حسین ازلده هر بلایه من سنیله شرکت ایتمیشم اودور هامی مصیبت و بلایه طاقت ایتمیشم یاناندا خیمه لر ایله بیر عالی همّت ایتمیشم سُووب او اهتمامیمی امامِ ممتحن حسین وفای عهدیمی هامی جهانه ثابت ایلدیم قوای نطقی شِکوه دن کلامه صامت ایلدیم دله دوتوب بالالارون تمام ساکت ایلدیم یانان چادردا ایلدیم غریبه انجمن حسین اگر چه بو گچن گجه یاتانمادی قیزون رباب چیخوب یانان خیامیدن کناره دلده اضطراب گزردی قان دولان چولی آدون دلینده دلکباب محبّتیله سسلدون او نازنینی سن حسین دوشندی سینَن اوسته تا عزیزه دخترون سنون اوزین ایتوردی هولیله شریکِ غملرون سنون بالاوی تاپماقا ایکی بلالی خواهرون سنون ایله ایتوردی اوزلرین که یوخ اونی بیلن حسین اگر چه (شأنی) آشنا اولوب هامی قواعده تسلّطِ فنونیدن و لیک وار نه فایده حسین قبول ایتمسه نه سجع و وزن و قاعده حسین توجّه ایلسه یازار گوزل سخن حسین. #شأنی التماس دعای فرج https://telegram.me/ganjine5

#کوچ_‌از_قتلگاه #مرحوم_استاد_شأنی زبانحال حضرت لیلا سلام الله علیها در کوچ از قتلگاه نجه گوندوز گوزومده دونمه سین شامه علی اکبر سنی دفن ایتمه میش من عازمم شامه علی اکبر دیمه الفت کسوب سندن بو تئزلیقدا دویوب گیتدیم علایق رختینی جان و جگر دلدن سویوب گیتدیم علاجیم اولمادی نعشون اوغول یرده قویوب گیتدیم اسیرم دستگیرم لشگرِ شامه علی اکبر منیم اشکیم کیمی گوزده سنون زخمونده سان ویرمز بیله بیر ظلمی بیر کس گورمیوب گورمز نشان ویرمز نجه بی رحمدور گور سنگدل دشمن امان ویرمز دوتام ماتم سنون تک بیر دل آرامه علی اکبر سونوب شمعِ وصالون شعله لندی نارِ هجرانون اوزون سو ایچمدون صحرالره سو تک آخوب قانون بولن یوخ صورتِ احوالینی بیچاره لیلانون بولور قمچی ضرورتدور قرا جامه علی اکبر نه لازم شرحِ مطلب ظلمیده بیدادِ اعدایه بو صورتده عیاندور عینِ مطلب اهلِ معنایه سنه قاتل اولان نیلر نگهبان اولسا لیلایه قالان بیر ظلمینی گور ویرمز اتمامه علی اکبر؟ نجه ممکندی سنسیز بیرده لیلانون یوزی گولسون نجه یانّام جوان اوغلی ئولنلرده چتین بولسون ئولونجه سینه ده بیر حسرتیم قالدی آنان ئولسون جوان ئولدون جهاندا یتمدون کامه علی اکبر اگر چه آنانون گلشنِ عیشی خزان اولدی جوان اوغلی ئولوب ناکام ، باغری قانیله دولدی ولی هانسی آنا اوغلی ئولن گونده اسیر اولدی گله لعنت بو دورانه بو ایّامه علی اکبر دونر قانه گوگل باخدوقجا گوز بو قان دولان چشمه اوجالسا شیونیم بولّم گلور مأمولر خشمه یانار قلبیم ، اولور جاری یوزه گوزدن ایکی چشمه اوغول چوخ تشنه سن باخ بو ایکی جامه علی اکبر دیوللر کربلادن شامه قرخ منزل مسافت وار منازل سِیری وار ، اغیار وار ، بیمِ اسارت وار باشیم اوسته اوغول مأمورِ بی رحم و مروّت وار مکدّر اولما گر گوندرمسم نامه علی اکبر نه زحمت بولمورم وار دشمنه بو داد و شیوندن امان ویرمز دویونجا نعشون اوسته ایلیم شیون اوجالسا هر اسیرین ناله سی قمچی وورار دشمن دایانّوخ بیز ولی مشکلدی ایتامه علی اکبر حجاز اهلین مخالفلر گوروب هر یاندا یالقوزلار گلوب شوره نوا باشلار ، آتا داغی گورن قیزلار اوغول وای ناله سیله دولدوروب دشتی اوغولسوزلار گوز آچ گور نه محشردور نه هنگامه علی اکبر ئولونجه عکسِ رویون زایل اولماز صفحهء دلدن آدیم لیلادی ، نه مجنون ، دییم لیلا دوشم دلدن وفاسیز قوی آدیمی تا وارام سالسام آدون دلدن خوشام گویچک بو اسمه بو گوزل نامه علی اکبر گلنده سن منه یولّاردا لطفِ کامل ایلردون منی چوخ احترامیله سوارِ محمل ایلردون اننده هانسی منزیلده دیزیوی حایل ایلردون باخان حیران قالاردی بیله اکرامه علی اکبر اوغول بیرده آناوا لطفِ خاصّون آشکار ایله مرتّب محملیم یوخدور دییم باخ افتخار ایله شکسته محمله باری منی دور سن سوار ایله مسافردور آنان آخر گیدور شامه علی اکبر اوغول (شأنینی) قورتار بو فشار و رنج و محنتدن اوغول وای ناله سین گوردون ایشیتدی تا او عورتدن همان یرده دوروب سالدی سنی یاده محبّتدن همین عنوانیله آلدی اله خامه علی اکبر. #شأنی التماس دعای فرج https://telegram.me/ganjine5

#کوچ_از_قتلگاه #مرحوم_استاد_شأنی زبانحال امام حسین علیه السّلام ای نائبهء زهرا ، وی کانِ حیا زینب دختِ ولیّ یکتا ، ناموسِ خدا زینب رحمی نکند اعدا بر حالِ یتیمانم ای عمده پرستارِ جمعِ اسرا زینب گفتم به تو ای خواهر در حینِ وداعِ خود هرگز منما حتّی آهسته نوا زینب ترسم که کند خنده بر گریهء تو دشمن آزرده شود روحِ خاتونِ جزا زینب دیشب بِبَرم آمد بیشرم شتربانم آیا تو در آن ساعت بودی به کجا زینب تقدیر چنین بوده بر عکسِ خیالِ تو بی غسل و کفن بینی تو نعشِ مرا زینب آن پیرهنِ کهنه کز زیر بِبَر کردم نگذاشت به تن او را این اهلِ جفا زینب. #شأنی التماس دعای فرج https://telegram.me/ganjine5

#غارت #غارت_خیام #مرحوم_استاد_شأنی زبانحال حضرت زینب سلام الله علیها لشگر ال آچدی غارته ، قارداش حسین اماندی گَل اولما رضا حقارته خیمه لرون تالاندی گَل بسکه آلوب سپاهِ دون خیمه لرین کنارینی هر قاچانون کسور یولین آرتیرور آه و زارینی دوتموش حسابسیز قوشون کرب و بلا دیارینی زینبون عزّتی حسین ، دورِ زمان دولاندی گل ایلوری بیله هلهله لشگرِ کینه هارداسان؟ یتدی صدای غلغله عرشِ برینه هارداسان؟ بنزیری بیر سولان گُله نازلی سکینه هارداسان؟ آفتِ بادِ ظلمیدن گلشنمیز خزاندی گل عربدهء عراقیان ، بانگِ غریو و کوسِ نای زمزمهء حجازیان ، ناله و داد و آه و وای بیر بالا سسلوری امان بیر بالا قیز چکر هرای بیر بالا باشدا اللری سسلر عمو اماندی گل هر بالانون حبیب سسی تا که یتور قولاقینه سسلنور عمّه هر نفس ، تئز یتورم سُراقینه چیگنیمی ویرمیشم ز بس قمچلرین قباقینه زلفوم ، الیم ، یوزوم ، گوزوم ، جمله قانا بویاندی گل بسکه ایدوب محاصره دوره نی اشقیای شوم سبقت ایدولّه بیر بیره خیمیه ایتماقا هجوم ایش یتشوب چتین یره ، چاریه یوخ داخی یولوم ای اولان عالَمه امان چاره سیزم اماندی گل دایرهء محبّته صدقیله قویموشام قدم گلمَمیشم شکایته گر یتیشوبدی هر ستم من دوزرم مصیبته ، الفت ایدوب منیله غم سن که مدیرِ عشقسن ، عالی بیر امتحاندی گل قلب آلیشوب دوتوب شرر ، دیگِ ملال ایدوبدی جوش گوزلریم عارضه توکور متصّل اشکِ خاکپوش ایلیه بیلکه اشگِ تر ، شعلهء آتشی خموش وجهی اودور عذاریمه سیل کیمی رواندی گل بادِ خزانیله سولوب گلشنِ وصل لاله سی جامِ فراق تک دولوب اشگیله گوز پیاله سی صیدِ کمندِ ظلم اولوب صحنِ حرم غزاله سی مسکنی آب و دانه دن خالی بیر آشیاندی گل بادیهء فراقیدور ، قانلا دولوبدی باده لر آتلی لار آت دولاندیرور ، نعره چکور پیاده لر لشگری تا گورور دوشور وحشته شاهزاده لر وحشت و اضطرابیدن جمله سی باغریقاندی گل طایرِ گلشنِ ارم لازمِ احترامیدور صیدِ کبوترِ حرم یانه مگر حرامیدور کعبه غزالی لاجرم دامِ بلایه رامیدور آه نه روزگار اولوب ، آه نجه زماندی گَل پنجهء ظلم عجب سیخار زینبی پیچ و تابیله بیر بالا خیمه دن چیخار دیشره قاچار شتابیله آتلی گوروب ووروب یخار ، غیظیله چوخ عتابیله وار خطر احتمالی چون دل بونا ناگراندی گل آتلی وورار بالاسینی بیکس آنا باخا باخا سسلر اوشاق آناسینی اشکی یوزه آخا آخا آل باجوین صداسینی ذکریم اولوب اَخا اخا زجر و عتاب قیزلارا زینبه چوخ گراندی گل سَنج و رَباب و چنگیله نغمه سرا اولاندا شور اهلِ وفا او هنگیله ناله چکور سیزیلداشور محنتِ رنگ و رنگیله بحرِ ملال و غم داشور غرقِ غمِ و یَمِ اَلَم ، زینبِ ناتواندی گل (شأنی) دیمه که شاعرم ، شُهره دی خوش فصاحتیم فنّ عروضه ماهرم ، کامل اولوب مهارتیم سویله همیشه قاصرم ، نصرته واردی حاجتیم ای منه خوش نفس ویرن ، نصرته خوش زماندی گل. #شأنی التماس دعای فرج https://telegram.me/ganjine5

#غارت #غارت_خیام #مرحوم_استاد_شأنی او ساعتیکه حسینون آلیشدی خرگاهی فلکده خرگهِ غم قوردی زینبون آهی چکیلدی دودهء آهیله نُه قبابه قرا اولوندی ماتمه آماده ماه تا ماهی هانی بولن نجه یاندی خیَم ، کیم اود ووردی دیسم ملاله گتورّم امامِ آگاهی نه غارت اولدی؟ نه تاراج؟ اونی بولر اهلی آچوق سوزی دیماقا نطقیمون وار اکراهی ولیّ حق باشینی نیزیه ووران لشگر تصوّر ائت نجه سویماز ولیّةُ اللّهی نه نوعی عمّهء ساداتی سویدولار سادات - ئولونجه آغلاسا آزدور نه سال و نه ماهی معذّب اولدی ابوالفضل روحی رضواندا که دفعِ ظلمه یتیشمزدی دستِ کوتاهی اولار که اکبر و عبّاسیدن آجیقلیدی بهانه ایلدی تاراجِ خرگهِ شاهی الینده قمچی کسوب خردا قیزلارین قاباقین اولوردی سد ،ّ ستمله قاچانلارین راهی گورنده آتلی گلور هولدن اوزین ایتیرور اوشاقلارین اوجالور عرشه آهِ جان کاهی بیری گورور که گلور آتلی ، جدّینی چاغیرور بیری امیدِ تمامیله سسلر آللّهی بیری تاپانموری یول گه صاقا صولا گیدوری گهی دورور قاییدور خیمیه طرف گاهی بیریسینون بدنی کِتفی زَنبَقه بنزر و لیک رنگِ عذاری نشان ویرور کاهی رقیّه آتلی گورنده دوشردی نه حاله؟ سودان کناره دوشنده نشان ویرور ماهی جلال و شوکتی هر چند گیتدی تالانه ولی حسینون اله گلدی عمده دلخواهی او غارت ایلوری آلِ امیّه نی رسوا جهانیانه بو مطلب اولوندی آگاهی نه سوزیدی (شأنی) که نوکِ قلمدن اود توکولور نشان ویرور نفسون اودلانان خرگاهی. #شأنی التماس دعای فرج https://telegram.me/ganjine5

#راه_شام #زبانحال_‌زینب_کبری_س #مرحوم_استاد_شأنی زبانحال حضرت زینب سلام الله علیها به سر مقدس سیدالشهدا در راه شام نیزده ده باشون دلیلِ شاهراهیمدور منیم هر دیاره گیتسه گلّم ، قبله گاهیمدور منیم سن ئولن گوندن اسیرم بو سپاهِ شامه من گون کیمی باشون گوروب صبحی یتورّم شامه من هر غمه صبر ایلرم گلّم دالونجا شامه من سن گیدیرسن ، بس یقین گلماخ صلاحیمدور منیم سن جدا اوسته گزرسن چوللری اصحابیله منده گلّم باشوین آردینجا بو احبابیله رسمدور دائم یول ایلر کاروان مهتابیله نیزه باشیندا باشون بو یولدا ماهیمدور منیم کوچ ایدنده کربلادن کوفیه تجّارِ غم موسمِ سؤدائیدی ، چوخ گرمیدی بازارِ غم کاملا" بار ایلدیم خوانِ بلادن بارِ غم توشهء راه ایتمیشم ، غم زاد راهیمدور منیم قوملار اوسته جسمیوی گوردوم قالوب بی سایبان نیزه و اوخلار دولوب ، یوخ خنجر و پیکانه سان بیر دویونجا آغلیام من ویرمدی دشمن امان گوردولر از بس مؤثّر سوزِ آهیمدور منیم قویدی قربان تک وجودون قسمته دشمنلرون شمرِ دون کسدی باشون ، اوز ساربانون اللرون کوچ ایدن ساعتده گوردوم باشسیز السیز پیکرون پورِ عمران تک او صحرا جلوه گاهیمدور منیم پیکرون گوردوم قالوب توپراقلار اوسته بیکفن نه گلن وار نه گیدن نه بیر جنازن دفن ایدن بیر زادا گلمز گمانیم باخدیم اول صحراده من بیر آغارمیش غصّه دن زلفِ سیاهیمدور منیم (شأنیم) درویشِ عشقِ شاهِ مردانم نه غم دفتریم کشکولیدور ، الده تَبَرزینیم قلم دلده هو حق ، گوزده یاش ، مولا چاقورّام دمبدم یالقوز ایولر کنجی ، کنجِ خانقاهیمدور منیم. #شأنی التماس دعای فرج https://telegram.me/ganjine5

#آرزوی_‌زیارت #کوچ_از_قتلگاه #مرحوم_استاد_شأنی بهار فصلی دوشنده گوزوم گلستانه آچلمیان اورگیم لاله تک دونر قانه بو رسمیدور گیده هر کیمسه سِیرِ گلزاره فرحلنور اورگی ، گیرم اولسا غمخانه ولی باخاندا گُله گُل کیمی سارالّام من یتر ملال دلِ عندلیبِ خوش خوانه حسینیلر داخی بیره گَلون گُل ایگلمیاخ خرابه ده اوتوراق گیتمیاخ گلستانه چون اکبر ئولدی خرابه نشین اولوب لیلا گرگ ایداخ تبعیّت او زار و نالانه گورنده نیزه ده شهزاده اکبرین باشینی باخاردی زلفینه باخمازدی دستهء ریحانه گر ایستسن باخاسان ای گوزوم گلستانه دیارِ شهریوی ترک ائت ، دولان غریبانه سراغ ایله او یری کربلادی بیر آدی باخوب او روضیه میل ایتمه باغِ رضوانه گورن او صحنی بهشتِ برینه میل ایتمز سزادی زائری قاره گیه بو عنوانه اولوم حسین آقا غمناک قبریوه قربان بو جمعی ایسته بو ایل عیدِ ماهِ قربانه او قبر اگر منه عمریمده اولماسا قسمت بو حسرت همره اولور پای قبره گور یا نه بیر عمردور که حسین ، گاه کربلا دئموشم اورک او یردی دوشه گر گذاریم هر یانه نصیب اولا هامی حسرت چکلنلریله بِله سلام ایدوب ال ال اوسته دوراخ ذلیلانه چوخ ایستورم دولانیم بیر او قبریوین باشینا سووَر بو رسمیدی شمعِ وصالی پروانه مُخیَّر اولسا بهشتیله کربلا فرضا" بهشتی ایستمز هر کیم گر اولسا فرزانه نچون او یرده دعا مستجاب اولور بی شک بهشت حاصل اولور اوردان اهلِ عرفانه علاوه ال که یته اکبرین یاتان یرینه دگل او ال داخی لایق شرارِ نیرانه او دل که ایلیه عبّاسیله حسینه سلام روادی بیرده او دل نارِ دوزخه یانه ولی بو شرطیله که عارفا" بحقّ اولا اورک گوزیله باخا سَرورِ شهیدانه قلم ازلده گلستان و گل سوزی یازدی دوباره شرح ویرم ایسترم او عنوانه غریبه سِیر و صفا وار او گلستان ایچره گل اوسته ناله چکور عندلیب مستانه او گلشنین گلی قاسمدی ، بلبلی آناسی ویرون تسلّی خاطر مادرِ نالانه حسین پیکرینون هر یاراسی بیر گلدور که ایمدیده گلور عطری مشامِ هر جانه او عطر خیمه ده یتدی مشامینه تا کیم بلالی زینبی چکدی بلالی میدانه هی عطرین آلدی دولاندی او قان دولان دشتی که سِیرِ عشقیده یتدی وصالِ جانانه ولی بیر عاشقه اولموب نصیب بیله وصال مگر او وادی سیناده پورِ عمرانه او ارنی سویلدی بو سویلوب ءَاَنتَ اَخی؟ او محو اولدی ، بو گَلدی دله دلیرانه دئدی یارالی آنام حقّینه دانیش دله گل نشان ویر آخر اوزیوی بو واله حیرانه آنا آدین باجیدان تا ایشیتدی تشنه اوغول ادب نثار ایلدی اسمِ خیرِ نسوانه دئدی آنام باجی گَل گل حسینیووم زینب نه آه و ناله دی دولدورموسان بیابانه یازولّا پیکری مستوریدی امام زمان نه نوعی پرده چکوم مطلبِ نمایانه باخوب او گود دولی لخت نیزه دور اوخدور بدن گورونموری اودلاندی گلدی افغانه اگر صحیح اولا حتماً او مقتلین یازیسی ئولنجه آغلاسام آزدور بو دردِ پنهانه یازار دوزلدی اوتوردی یارالی جانیله که تسلیت ویره اول زینبِ پریشانه دل آچدی دردِ دله تا او دلربائیله کدر یتیشدی دلِ پاکِ شیرِ یزدانه او طور عشقیده زهرا ، علی ، پیمبر ، حسن باخاردی زینبیله شهریارِ عطشانه علی دییردی حسین وای ، بتول جان زینب قیزیم نه گوندی بو ؟ لعنت بو دورِ دورانه منیم یریمه ده اوپ اوغلومون یارالارینی سرشگِ چشمیله سو سپ ، بو نعشِ شان شانه یری واریدی دییدی آناسینا زینب بغیشله زینبیوی ای رسوله ریحانه اوپوم حسینمون آخر هاراسینی آناجان؟ یارا یارایه یتوب ، باخ سِنان و پیکانه او قدر آغلادی آغلاتدی دشمنی حتّی فغان و ناله سی اود سالدی قلبِ عدوانه دئدی حسین بولوسن بیرزادا گمانیم یوخ اساسِ زینتِ شاهانه گیتدی تالانه... دولاندی دوره او گون گیچدی عزّتیم واریدی گیدوبدی غارته قالمور اساسِ شاهانه... نجفده یاتما بابا کربلایه ایله گذر زمانه گور نه مساعد دی آلِ سفیانه... چکولّه شامه ، حسینون دوروب اذان ویروری یتیم اوشاقلارین ایلور سپرده سبحانه بولور که کوفه ده بیر مجلس ایلیوب برپا علیم امامی ایدوب دعوت ابنِ مرجانه. #شأنی ‌التماس دعای فرج https://telegram.me/ganjine5

عده ای نیز بی مهری و بی توجهی های وافری در حق آن روا داشت و با بی رضایتی او رضای حق را به سخطش برگزید. مع الوصف آن عاشق وارسته پس از عمری کوتاه ولی پر بار چنانچه مرحوم عاصی شاعر اهل بیت (علیهم السلام ) در ماده تاریخی فوت او را آورده در آخر ذی القعده ۱۳۶۹ خاموش و بزم عارفان را تاریک گردانید. و در قم بخاک سپرده شد شد خموش این شمع بزم عارفان / در ختام ماه ذی القعده حرام سال تاریخش بزد ( عاصی ) رقم / شد چو عباسّیه از او آخر کلام دریغ و افسوس که بسان قدرش قبرش نیز مجهول ماند ولی در قلب محبان اهل بیت و ارباب کمال و ادب دوستان چنان جایگاه رفیعی دارد که کمتر مجلس و محفلی است که از اشعار ناب و رسایش بی بهره گشته و عایدی بر روح والایش واصل نگردد. اثری از استاد، در باب قمر بنی هاشم نام اثر: زبانحال قمر منیر بنی هاشم (ع) بو مشکه دگن اوخ منی مایوس ایلدی چوخ ای کاش دگیدی گوزومه مشکه دگن اوخ بستیدی حیاتیم بو سووا جاندان اوساندیم سو مشگیمه اوخ دگدی اوزوم جانه دایاندیم اصغر عطشه من شرر خجلته یاندیم ای کاش دگیدی گوزومه مشکه دگن اوخ من جان بکفم وقفدی بو جانیم حسینه یوخ باکیم ئولومدن ولی ای لشکر کینه ویر موشدی منه بو قوروموش مشگی سکینه ای کاش دگیدی گوزومه مشکه دگن اوخ گوردوم عطشندن سارالوب صورت اصغر پوزدی پوزولان حالتیمی حالت اصغر آز یاره ویرون بسدی منه خجلت اصغر ای کاش دگیدی گوزومه مشکه دگن اوخ چون اهل وفا کوی وفاده منی یوخلار تصدیق ویروب احسن ائدر عشقنه چوخلار بیر گلشن فردوس ایلیوب سینمی اوخلار ای کاش دگیدی گوزومه مشکه دگن اوخ اوخ جسمیمه مایلدی منیم من اوخا مایل بو اوخ نیه بس گتدی خطا اولمادی حایل مشگ اوسته دگوب زحمتیمی ایلدی زایل ای کاش دگیدی گوزومه مشکه دگن اوخ جان ویرماقا جانانه بوگون تا هوسیم وار داد ائتسم حسینیم کیمی بیر دادرسیم وار عجز ایلمرم دشمنیمه تا نفسیم وار ای کاش دگیدی گوزومه مشکه دگن اوخ لایق دگیل هر چند بو جان بو باش حسینه اما منی ایتمیشدی آتام یولداش حسینه من نوکرم هزگز دگلم قارداش حسینه ای کاش دگیدی گوزومه مشکه دگن اوخ چوخ سعی و تلاش ایلدیم آخر اوز ایشیمده قردیم نقدر دشمنی بو بیر یریشمده قول گتدی دیردیم آپاروم مشگی دیشیمده ای کاش دگیدی گوزومه مشکه دگن اوخ تا سو اله گلدی غم و دردیم آزالیشدی مین همتیمون ضدینه بیر تیر آلیشدی سو آخدی گوزوم باخدی اورک یاندی آلیشدی ای کاش دگیدی گوزومه مشکه دگن اوخ سو وعده سینه چونکه دیموشدوم گوزوم اوسته تا سو واریدی من واریدیم اوز سوزوم اوسته قالسیدی سوقولسوز سورونردیم یوزوم اوسته ای کاش دگیدی گوزومه مشکه دگن اوخ مین جانیم اولا ویرماقا بیر ذره یوخ اکراه لازمدی اولا باشدا نثار قدم شاه قول گتدی باشیم قالدی بو دور علت دلخواه ای کاش دگیدی گوزومه مشکه دگن اوخ بولمم یترم آخر عمرومده مرامه لطفیله گلور شه اوزی دیدار غلامه خوشدور بو باشی اوندا قویام پای امامه ای کاش دگیدی گوزومه مشکه دگن اوخ هر چند چوخالدوقجا یارا خجلیت آزالماز اما آزالور اوخ چوخی مندن صورا قالماز دشمنده قالان اوخ مگر آراممی آلماز ای کاش دگیدی گوزومه مشکه دگن اوخ چوخ سعی ایلدیم من بو سووون حفظنه مطلق شاهد سوزومه بو کسیلن الدی بو بیرق مقصود دله اولمادیم افسوس موفق ای کاش دگیدی گوزومه مشکه دگن اوخ (شانی ) اوزووی صدقیله بو درگهه سالدون مقصود دلون حضرت عباسدن آلدون صد حیف بیر حسرتده او سرور کیمی قالدون ای کاش دگیدی گوزومه مشکه دگن اوخ آخاردی سو کیمی قانی قلم اولان قولدان یازاردی صفحه ی میدانه قانیله یا حق منبع: کلیات دیوان مرحوم استاد فرزانه حسین شانی جلد اول و دوم، انتشارات منشور تبریز سال 138

ن مرد فرهیخته را آن طوری که بود هیچ وقت هیچ کس نشناخت و

زندگینامه شاعر و مداح اهل بیت: مرحوم حسین شانی اهل تبریز نامش حسین و شهرت یا تخلّص شعری اش ( شأنی ) است اگرچه خود بی ادعا و آلایش است و در کمال تواضع و فروتنی و مناعت طبع چنین نامی را سنگین می پندارد اوز وجودیمده من ارزش بلمرم بیرارزنه (شأنی) آدین قویدیلار امّا حسینی لر منه سنده نومید ایتمه یازهرا امیدیم وار سنه راضی اولما اوغلوین مدّاحی اولسون پایمال از تاریخ ولادتش اطلاعات درست و زیادی در دست نیست امّا تولدش بین سالهای ۱۳۳۰ الی ۱۳۳۵ ه.ق در تبریز (محله نوبر ، و بعدها ساکن محله سیلاب تبریز و بعدا" ساکن مشهد مقدس) می باشد که بعداً به مشهدالرضا رحل اقامت نمود و تا پایان عمر مفید و معنوی کوتاهش مقیم جوار رحمت ثامن الائمه بوده و رنجهای بسیاری را در طول دوران زندگی اندکش متحمل شده است . او بسیاری از آثار بی بدیل و شاهکارهای مرثیه ترکی را در عنفوان جوانی خلق کرده و فعالیت ممتد ادبی، مذهبیش به نخستین سالهای عمر وی برمی گردد. شاعر همواره با دیو فقر و تنگدستی گلاویز بوده و مدام از این حیث صعوبت زیادی را به دوش کشیده و جان خود را نیز در این راه از دست داده است زیرا چنین نقل است در کارخانه قندی مشغول به کار بوده و به علت سختی کار و زیان آور بودن مریض شده و پس از کش و قوص فراوان و گویا ابتلا به بیماری سلّ ندای حق را لبیک گفته است حتی حسرت چاپ سروده هایش را نیز با خود به آرامگاه ابدی خویش در قم می برد. دیمرم (شأنی) ملاحتده مسلّمدی سوزوم بوقدر وارکه بهار ابری تک آغلاردی گوزوم حیف اولا طبع کتابه دگلم قادر اوزوم ور نه وار نطق و بیانیم گجه لر صبحه کیمی چنانچه از معمّرین نقل است و از بطون اشعارش بر می آید رقیبی متمّول و مغرض داشته که از بد روزگار و گرفتاری به کابوس احتیاج مدتی شاگردیش را اختیار می کند که آزرده خاطر و مشوش از این ماجرا است . علاقه کسمه میشم بی سبب جماعتدن تجّرد عالمینه هر گجه گذار ایلرم رفیقیلر چوخی بیگانه دور حقیقتدن اوزومی مجمع بیگانه دن کنار ایلرم رقیب فخری بودور فقردن فراغتی وار او جاه و عزّته من فقره افتخار ایلرم شأنی علیه الرحمه شاعری سوخته دل ، متّقی و فرزانه است که اشعارش سرشار از تنوع احساسات ، باریکی اندیشه ، رقت خیال و علوّ تفکرات است که شاید بدین سان آثار او را از دیگر صاحب نامان در این عرصه و هم قلمانش متمایز ساخته و متفاوت گردانیده است. ویروب روز ازل هر شاعره دل صاحبی بیر دل / دل اهلی اولسا آنلار سنده امّا اوزگه بیر دل وار اگر فخر ایله سن (شأنی) بوفخرونده مذمّت یوخ / که طبعونده تسلّط نطق و نظمونده تسلسل وار حسین کان کرمدور منبع جود و سخاوتدور / که اوندا حرمت مهمان وار اکرام سائل وار علاقه وافر و دلبستگی شدید و زایدالوصف شاعر به پرچمدار باوفای دشت نینوا ابوالفضل با وفا باعث شده تا در این عرصه مراثی ماندگار شیوایی منظوم گرداند که در سپهر ادبیات نوحه و مراثی چون نگین تابانی درخشش و خودنمایی کند. گچمرم بو نقطه حسّاسیدن / چکمرم اَل دامن عباسیدن گرچه اهتمام و کوشش شاعر معروف به سرودن مدایح و مراثی خاندان رسالت بوده و خصوصاً به زبان ترکی آثار ماندگار و رسایی آفریده ولی تسلط کامل به فنون عروض و قافیه و صانیع لفظی و معنوی بدیع داشته و به نحو مطلوبی طبع آزمایی کرده است و شاید به جرأت می توان او را سرآمد همه شاعران مرثیه سرای عصر خود دانست. (شأنی) نظم شعری رسومنه سنکه آشناسن بلا کلام کسر و ضمیّله معتبر دگل گلسه ردیف سکون لام لیک قافیه سجعدن دوشر زاید اولسا بیر حرف والسّلام قافیه دوتار کیم چوله گُلی نازنین قیزیم سوبگولوم رباب ولی چنان باور عمیق و معنوی بر افکار شاعر نادره گوی مستولی است که تسلط بر فنون شعری در نظرش بدون توجهات معشوقش پشیزی نمی ارزد و به غیر از اربابش توجه به غیر ندارد. اگرچه (شأنی ) آشنا اولوب هامی قواعده / تسلّط فنوندن و لیک وارنه فائده حسین قبول ایتمسه نه سجع زین نه قاعده/ حسین توجه ایلسه یازار گوزل سخن حسین حقیقتاً شأنی در عرصه ادبیات مراثی خالقی است بی نظیر که خدای قافیه گفتن برایش سخنی گزاف نیست زیرا قوافی اشعارش سحر گونه است و تقلید و نظیره به سروده هایش راه پیدا نکره و خود قافیه افرین در این عرصه است و بسیار نسبت به تقلید از هم قلمانش حسّاس بود و وسواس قابل تحسینی در این زمینه دارد تا جائیکه در چکامه احوالات حضرت علی اکبر (ع) پس از اتمام متوجه میشود شاعر اهلبیت میرزا یوسف شهاب در آن ردیف و قافیه شعری داشته و چنین زبان به اعتذار گشوده و چون نادمین بیاض صفحه را مزّین می کند که : (شأنی) وار شکری بونون یوخدور سنی تشویق ایدن / نشر ایدن اشعاریوی تحسین ایدن تصدیق دیدن سوز دگل فکری بولر الهامیدور تحقیق ایدن / ملهم غیبی دیدی پنهانی گلدیم گل باجی شکرینه عاجزدی دل بو نطق بو آغلار گوزون / ای خدای لم یزل دللّردن آگهسن اوزون گور ممشدیم من (شهابون) بو ردیف اوسته سوزون / نظم ایدن گونده همین عنوانی گلدیم گل باجی آ

#امان_نامه #مرحوم_استاد_شأنی قسمتی از مثنوی ۱۲۰۰ بیتی عبّاسیّهء شأنی عصرِ تاسوعا یازار اهلِ علوم وارد اولدی کربلایه شمرِ شوم تا قدم قویدی او دشته بو لعین قتلِ شاهِ کربلا اولدی یقین تا آتندان اَندی بو شومِ عجول سسلدی جنّتده زهرا وای اوغول تا گوروب ابنِ زیادین نامه سین آلدی پیغمبر اله عمّامه سین تا بولوب ایمان ایوین ایلر خراب آچدی باشین ووردی باشه بوتراب تا باخوب بو حاله شاهِ ممتحن قارداشیم وای سسلدی مسموم حسن نامهء ابنِ زیادی ماحَصَل ویردی ابنِ سعده بو شومِ دغل اولدی صوندان بو شریرِ نابکار سمتِ اردوی حسینه رهسپار تا یاخونلاشدی خیامِ اطهره یوز دوتوب عبّاسِ نیکو اختره چون عرب هر کیمسه نی ایتسه صدا بیر خصوصی لفظیله ایلر ندا یعنی هر کیم سسلسه اقوامینی طایفه اسمیله سسلر نامینی شمر منظور ایتدی بو عنوانلاری هانی سسلندی باجیم اوغلانلاری سسلدی هر قدر اول تخمِ زنا ایتمدی عبّاس اصلا" اعتنا شه باخیب سردارینون رفتارینه اعتنا ایتمور اونون گفتارینه سویلدی قارداش بودور رأیِ صواب گر چه فاسقدور ولی گیت ویر جواب گوردی عبّاس اول فدای راهِ دین لازمُ الاِجرادی امرِ شاهِ دین گلدی یوز افسوسیله ، مین آهیله یوز دوتوب شمره تمام اکراهیله ایتدی فرمایش ندور آیا سوزون مقصدِ قلبون بیان ایله اوزون بیحیا نه شرم قیلدی نه حجاب ویردی عبّاسِ جوانه بیر جواب خلق اولاندان عالَمِ پُر شور و شر گلمیوب بو بیحیالیقدا بشر او جوابی ایلیوب واضح بیان ابنِ طاوس اوز لهوفینده عیان سویلدی جنگ ایلمه فرمان گتور گَل یزیده بیعت ائت ایمان گتور آلمیشام قارداشلارونلا توأمان اوز امیریمدن سنه خطّ امان ایسته سن دنیاده هر منصب ویرور عزّ و جاه و لشگر و مرکب ویرور یوخ او لشگرده به جز قتل و قتال وار بو لشگرده هامی جاه و جلال یوخ او لشگرده به جز شمشیر و تیر وار بو لشگرده ریاست بی نظیر یوخ او لشگرده به جز تیغ و سِنان وار بو لشگرده اساس و خانمان تا ایشیتدی بو سوزی اولجانِ پاک اِبتِسام ایلوب دئدی تَبَّت یَداک ابتسام : تبسُّم کردن لعنِ حق گلسین یزیده هم سنه هم او بیدین که امان ویرمیش منه من گَلوم تاجِ سریمدن ال چکوم؟ سیّدیمدن سَروریمدن ال چکوم؟ پارهء قلبِ پیمبردن دویوم؟ بینِ اعداده اونی یالقوز قویوم؟ ایلیوم جاهِ جهانی اختیار؟ بیعتِ آلِ زنانی اختیار؟ بسدی قورتار طول ویرمه مطلبه سالما وحشت قلبِ زارِ زینبه سن منیله صحبته ویردوقجا طول اضطراب ایلر دلِ دختِ بتول چون منه دلبسته دور آلِ حسین ناگراندی قلبِ اطفالِ حسین ایلدی رجعت اباالفضلِ رشید شمر اولوب اوز حیله سیندن ناامید... #شأنی التماس دعای فرج https://telegram.me/ganjine5

#قتلگاه #راز_و_نیاز_حضرت #مرحوم_استاد_شأنی چون هر زمان حقیقته یول وار مَجازیدن منع ایتمه اهلِ عشقی بیر امرِ مُجازیدن باریکدور بو نکته سرِ زلفِ یار تک عاشق اولان ال اوزمز او زلفِ درازیدن ای دل محبّت اهلیسن اول هر بلایه رام چوخ ایتمه شِکوه بو فلکِ حقّه بازیدن شهدِ وصال و زهرِ فراقین تفاوتی اولماز محبّت اهلینه ، ال چک بو نازیدن بلبل اولان گرکدی آلا ناله مشقینی گلزارِ کربلاده اولان نغمه سازیدن آغزیندان اوخ وروبلا گینه ال گوتورموری محبوبِ بی نیازیله راز و نیازیدن قالموبدی دلده دردی ، تاپوب خاطری صفا اوچ شعبه بیر خدنگ ایلین کشفِ رازیدن اوچ گوندی تشنه لبلرینه دگمیوبدی سو صبر ایلوری مرامه یتور سوز و سازیدن سویلور الهی سندن اوتور ال گوتورموشم اکبر کیمی او خوش سخن و دلنوازیدن قارداشیم اوخلاریله آچوب پَر سچیلموری - قافِ وفاده شهپر آچان شاهبازیدن ایستوب او گون ایوینده قیلا بیر نمازِ عشق درک ایلیه فضیلتی سوز و گدازیدن اوخ گلدی سو گتوردی ، دئدی یوخدی سو حسین لازمدی بو نماز اولا قان دستمازیدن بیر سجدیه کفایت ایدوب چار رُکندن زهّادی بُهت آپاردی بو عالی نمازیدن مجروح سجده گاهینی قویدی قوم اوستونه ممتاز اولوب او سجده سی بو امتیازیدن قالدی بدن او حالیده امّا اوجالدی باش تکبیر عرشه اوج ایدوب اول سرفرازیدن اهلِ عراقی کوفه ده مبهوت ایلدی قانلی باشی تلاوتِ لحنِ حجازیدن بو کوفه نین گزارشِ اوضاعیدی ، ایشیت - بیر شمّه شامیده اولونان پیشوازیدن چیخمیشدی وهن اوزیله تماشایه مرد و زن اسبابِ موسقیله دف و نای و سازیدن. #شأنی التماس دعای فرج https://telegram.me/ganjine5

#تخلص باخ بیر صفای خاطرِ (صحّافه) (شأنیا) دولدوردی صفحه نی دیمدی اکتفادی بو قویدی دیارِ طوسیده بیر یادگارِ عشق عشق اهلی تا گوروب دییه نظم آزمادی بو. ایسته سن (شأنی) اولا اثبات عین و قاف و شین نوحه یاز ، گَل شیونه چک دلدن آهِ آتشین ویردی دم (صحاف) اودور سوز گلدی بیله دلنشین گَل اوغول قتلیمده هارون ایلین تدبیره باخ. نطقِ (شأنی)(طوریه) هر چند اولماز هم طراز لیک ایستردی اولا شاعرلر ایچره سرفراز اولدی اول استادِ کامل مطلعیله نغمه ساز آغلاما ای آغلادان دنیانی قارداش آغلاما. تنگ اولوب گوگلون ایدوب سن (شأنیا) یادِ وطن صبریوی الدن آلوبدور ذوقِ استادِ وطن یعنی (سعدیّ زمان) اول فخرِ افرادِ وطن سنده فخر ائت ، سوز یازاندا اوّل آغلا ، ساده یاز.. (شأنی) عزیزیوین دلین روزِ وداع داغلادون سیلِ سرشگون عارضه گوردیله خلق باغلادون یعنی (صحافیله) ایله قول بویون اولدون آغلادون یاد ایتدون حسین نجه آل عبادن آیریلور. ایسته سن بو عالمده (شأنیا) هر سوزون سنون آبدار اولا خامه دن آخان سوزلرون کیمی ، قوی سرشکِ چشمون نثار اولا بسکه خوشدی (صحاف) مطلعی ، وار یری دمادم کرار اولا ساخلا ناقه می کارواندان واردی بیر قالان گیتمه ساربان. (شأنی) (حسینِ کاتب) ایلوبدی بیله تصویب بو ناتمام نوحه اولسون تمام تعقیب مرحوم اولان (شهابی) یاده سالوب بو ترتیب قارداش باشون جداده قرآن تلاوت ایلر. (صابرا) بو نوحه ده (شأنی) سنه ائتدی کمک گر قبول اولسا اولور البّته اجروز مشترک گوئیا بیله دئدی اول قطبِ افلاک و سَمَک گَل گتوردوم من شبیهِ حُسنِ طاهانی باجی. (شأنی) بو طفل ربابون گوزیدور دم ویرن نوحیه مطلق اوزیدور سوز ربابوندی نه (صابر) سوزیدور آغلاما ای گل خندانیم اوغول. احسن جهاندا (شأنیا) رسمِ وفانی آتمادون یعنی زمینِ صدقدن تخمِ صداقت قازمادون (صرّافین) اشعارین گوروب زهرا وداعین یازمادون تا نوحه خوانیندن اوزی گوندردی رخصت فاطمه. بیر نفر بو مطلعین تعقیبینی ایتدی تقاضا (موسوی) (ذوقی) دئدی لا ، (شأنی) لیک اولدی پذیرا گور دیمز (دلریش) اولان زهرا غمینده بیله آیا بنتِ طاها ، یعنی زهرا ترک ایدوبدور بو جهانی.