ŞeirKolik | شعرکولیک

📗 "بیر آیی‌نین یانیندایدیم" آدلی اوچونجو حیکایه مجموعه‌می آشاغیداکی آدرئس‌لردن الده ائده‌بیلرسینیز: 🔹۱۰۶ صفحه 🔹جلد شومیز/ قطع رقعی 🔹قیمت: ۲۰۰ تومان 🔹آنلاین کیتابچی‌ تلگرامدا: @online_kitabci  🔹اینستاگرام: https://www.instagram.com/online.kitabci 🔹تلفن: 044-2343730 09147259171 🔹حضوری: اورمیه، خ باکری، کوی وکیل باشی، پلاک ۵۷ 🔹شهرلرده‌کی کیتابچی‌لارین دا آدرئسی یاخین زاماندا بو کانالدان اعلام اولوناجاق. 📕 @oykumuz

https://axar.az/news/gundem/1039316.html

*ایمضا کامپانیاسی* سؤزوموزه سرحد قویولا بیلمز آذربایجان ادبیاتی سرحدلرله دئییل، خالقین تاریخی یادداشی و مدنی ارثی ایله یاشاییر. سون زامانلار سایمان آروزون ادبی موحیط‌ده یاراتدیغی آیری-سئچکی‌لیک، گونئی آذربایجان ادبیاتینین منفعت مقصدی ایله استفاده اولونماسی، ادبیاتین شخصی تأثیر واسطه‌سینه چئوریلمه‌سی و یارادیجی‌لاری بیر-بیریندن اوزاقلاشدیران داورانیشلاری جدی ناراحاتلیق دوغورور. بیز، بو کامپانییانین ایشتیراکچی‌لاری، بیان ائدیریک کی: - سایمان آروز گونئی آذربایجان ادبیاتی‌نین تمثیلچی‌سی حساب اولونا بیلمز. - گونئی–قوزئی ادبی بیرلیگی بوتؤودور و بؤلونمز. - تمثیلچی‌لیک حقوقو یالنیز گونئیین تاریخی و ادبی چکی‌سینه اویغون شخصه عاید اولا بیلر. - هئچ کس ادبیاتی جغرافی خریطه‌لر اساسیندا بؤلمک حقوقونا صاحب دئییل. - گونئی‌ین زنگین ادبی ارثی شخصی ماراق‌لارا اویغون تحریف اولونا و یا مونوپولیایا چئوریله بیلمز. بیز سؤز آزادلیغی‌نین، ادبیاتین داواملیلیغی‌نین و یارادیجی‌لارین حقوق‌لاری‌نین قورونماسی نامینه امضا آتیریق. ادبیاتی پارچالاماغا چالیشانلارا یوخ، اونو بیرلشدیره‌ن‌لره دستک وئریریک. İmza Kampaniyası Sözümüzə Sərhəd Qoyula Bilməz Azərbaycan ədəbiyyatı sərhədlərlə deyil, xalqın tarixi yaddaşı və mədəni irsi ilə yaşayır. Son zamanlar Sayman Aruzun ədəbi mühitdə yaratdığı ayrı-seçkilik, Güney Azərbaycan Ədəbiyyatının mənfəət məqsədi ilə istifadə olunması, ədəbiyyatın şəxsi təsir vasitəsinə çevrilməsi və yaradıcıları bir-birindən uzaqlaşdıran davranışları ciddi narahatlıq doğurur. Biz, bu kampaniyanın iştirakçıları, bəyan edirik ki: - Sayman Aruz Güney Azərbaycan ədəbiyyatının təmsilçisi hesab oluna bilməz. - Cənub–Şimal ədəbi birliyi bütövdür və bölünməz. - Təmsilçilik hüququ yalnız Güneyin tarixi və ədəbi çəkisinə uyğun şəxsə aid ola bilər. - Heç kəs ədəbiyyatı coğrafi xəritələr əsasında bölmək hüququna malik deyil. - Cənubun zəngin ədəbi irsi şəxsi maraqlara uyğun təhrif oluna və ya monopoliyaya çevrilə bilməz. Biz söz azadlığının, ədəbiyyatın davamlılığının və yaradıcıların hüquqlarının qorunması naminə imza atırıq. Ədəbiyyatı parçalamağa çalışanlara yox, onu

اوخویور: #گول‌یاز_محمداووا شعر: #نادر_الهی ‍ یاز دردیمی ساغالتمادی یاراما بیر قیش باغلایین گؤيلومه بولود دؤشه‌یین گؤزومه یاغیش باغلایین تای-توش‌لاری قاناد چالدی زیروه‌لرین اوستون آلدی چیرپینا-چیرپینا قالدی اوره‌ییمه قوش باغلایین بو گون‌لر ده کئچدی بلکه دورنا اولوب کؤچدو بلکه بو قفس ده اوچدو بلکه آیاغینی بوش باغلایین @tonqal2

#برگه_شوندان #مواجهه « مقاومت گاهی برکه آبی است تا شکل ابری سرکش را در خود جا دهد در دل دریاچه‌ ای تشنگی‌اش از جمعیت نمک‌های سر‌در‌گم بالا می رود  بالاتر و ابر و باد و مه و خورشید را به استمداد می‌طلبد. مواجهه ای سهمگین با مرگ...مخالفت با زنجیره‌ای از نیروهای سلبی در حالی که ریشه‌ استوار می کند برای نخشکیدن برای رام نشدن برای سرکشی از فرو رفتن در پذیرشِ اضمحلال. مشتاق برای سفره داری فلامینگوها، اردک‌های سرسفید، اردک‌های سرسبز، آرتمیاها و تمام کی‌هایی که امروز غیابش‌شان، دل زیست بوم دریاچه ارومیه را می سوزاند... دل پهناوری که در گذشته‌ای نه چندان دور یکی از ۹ ذخیره‌گاه کره زمین در ایران بود و اکنون با لباسی نمک‌سود مشغول سوگواری با اندک باقی‌مانده‌هایش است با نمک و لیتیم و جنازه کاکایی‌ها و برکه‌های پراکنده ای به وسعت بال یک سنجاقک. امروز ما از انفعال حزن‌آمیز و از اندوه محض سوژه‌ها گذر کرده ایم ما دریافته‌ایم تسلیم غم‌ها نشویم و عمل را تسلیم انفعال نکنیم. ما دریافته ایم زمانی سرشار از قدرت می شویم که آکنده از عواطف مشترک‌مان بشویم و امروز یکی از عواطف مشترک ما یکی از اضطراب های بالغانه ما عدم بی تفاوتی درباره احتضار دریاچه ارومیه است و بحرانی که اقلیم ما را به لحاظ زیست_محیطی در سراشیبی یک سقوط قرار داده است. » #سولماز_نصرآبادی #شوندان قصد دارد در مسیر کنش‌گری و عدم انفعال، سهمی ولو اندک در فراهم کردن فضایی غیرسفارشی و رها برای نوشتن با موضوع #دریاچه_ارومیه را به اهالی قلم برای خلق اشعاری تاثیر گذار، پیشنهاد بدهد. آثار دریافتی توسط تیمی که به زودی اعلام خواهد شد بررسی و از این میان،آثار منتخب در قالب یک مجموعه شعر منتشر خواهد شد. لطفا آثار خود را در ذیل همین فراخوان به اشتراک بگذارید و یا به حساب کاربری‌هایِ؛ @solmaaz_nasrabadi @Azamkhandan ارسال بفرمایید. لطفا در ارسال اثر به موارد زیر توجه داشته باشید؛ - هر شاعر حداکثر دو اثر می تواند ارسال کند ـ از ارسال اشعار خیلی بلند خودداری بفرمایید زیرا در نظر داریم این اشعار به یک یا دو زبان ترجمه بشوند ـاشعار پیش از این در هیچ صفحه ای منتشر نشده باشند. چنانچه در روند داوری و یا پس از انتخاب از انتشار اشعاری در صفحات دیگر مطلع شویم این آثار از چرخه انتخاب کنار گذاشته خواهند شد. _اشعار باید حاوی مشخصات سراینده؛ اسم و شهرت واقعی و شماره تماس باشند. #مهلت ارسال آثار تا دوازدهم مهرماه ۱۴۰۴ از همراهی و حمایت جامعه ادبی نهایت سپاس و امتنان را داریم. تمدید تا ۸ آبان https://t.me/shavandanpage

. داها چوخ گوز من گوز'و قیش'ی گئنیش دئمک اولا بیلیر آش‌خانامیزین کیچی‌جیک سوفره‌سی‌نین قیراغیندا داریسقال‌لیق‌دان زورلا بیربیریمیزین آردیندان او اوز-بو اوزه گئچیب قاب می قاشیق دالی‌جا سیجاجیق چایلا چؤره‌یین همیشه دئییب دانیشان آتالی آنالی سئوگی قوخویان خفیف ایلیملی اسینتی‌سی‌نی بلله‌ییم‌ده توتوب قوروماغا ساخلاماق ایسته‌دیییم دیرلی وار-یوخومدور سانمیشام آنی‌سی‌نی آنماقدان ساخیندیغیم‌دیر بیلمیشم گؤزومدن ایراق توتدوغوم کارا گلیر ائشیدیر قولاغیم تک چیمخیرمالارلا چیخیشمانین اورتا یانی ببک‌سیز قاش‌سیز گؤزو دیر قاپی‌دیر اَیری بیچیم‌ده اولانین دوز اوداسی‌نا... بلکه بیر گون اوره‌ییمه بو دا او دا سینادیر اؤرتولمز دیر آولودور اونلا بونون آراسی‌نی بولماغا قوجامان بیر آرا... گئچید توم آنلاشمازلیقلارین سیجاق سازاق 'نه ده پیس‌دیر‌' دئدیییمیز کؤتولویون شوم اوزونه باخ آنام لاپ ایندی‌جه چاییمی دییشدی؛ سئوگی‌سی هر زامان آیاق‌اوسته ایدی یازیغین! تکجه اونو گؤردوم من سئوگی‌سی آیاغی‌نین اوست‌ده اولان قالان باشقا اوره‌یینده داشیییردی دئییردی‌لر گوز آتامین ایستی باخیشی‌نین گؤزلریمه قوردوغو گوون کؤرپوسو اوره‌ییمین داها نه ایسته‌دییی‌نی بیلمه‌ین یومشاق گیزیلتی‌سی گیزی دؤشو دیمدییین‌دن ایره‌لی قازی دوداغی چاتلاق قیزی‌دیر نارینجه چالان گیتاری‌ بیلگی‌‌سیزلی‌یه قارشی قیر سیزی آتاری یای'لا قیش'ین نه اوغلانی نه ده قیزی... اوغلان‌قیزی... گئی‌'یی... گای'ی... یای'ین یاز'ین قولابانی قیش'ین بانی داغ باغی‌نین کورن آتی‌نین یالقیز یاغیز آغیزیندان فیشقیریب قوپان ساریم‌سوو ایلغیم کؤپوکدور #شهرام_گلکار @hayatdanqalanbiran .

🎙 #گؤزه‌لر ین ایکنجی فصلینین دوققوزونجو ائپیزودوندا، ادبیاتین و دوشونجه تاریخینین ان دیقت چکیجی قاوراملاریندان بیرینی ـ #آیرونی ـ قونو ائتمیشم. آیرونی، یالنیزجا آلای یا دا میزاح دئییل‌دیر؛ اینسانین اؤز دوشونجه‌لرینه، اینانجلارینا و دونیایا قارشی آلدیغی مصافه‌نی آنلاتان درین بیر بیلینج حالی‌دیر. بو ائپیزوددا آیرونی‌نین تاریخ بویونجا کئچیردییی دؤنوشومو ـ سقراط‌دان رومانتیک‌لره، اوردان مدرن اله‌شتیرمن‌لره قدر ـ آددیم آددیم ایزله‌میشم. بیر سونراکی بؤلوم‌ده ایسه، آیرونی‌نین مدرن ادبیات‌داکی یانسیتمالارینا، چاغداش یازارلاردا نئجه یئنیدن شکیلله‌ندییینه یؤنه‌له‌جم. Music: 1- Max Richter - On the Nature of Daylight; 2- Jannos Eolou - Forgiveness from the Trees (2004) 🌐 https://t.me/sharifmardi

📗 کئچن گئجه خییوودا چوخ دیرلی شاعیر و یازار دوست‌لار قوناغیم ایدیلار. حمید هریسچی، محمدرضا چالقین، علی چاغلا و عیسی زینی ایله صوبحه‌ قده‌ر خاطیره‌لی بیر ادبی اوتوروموموز اولدو. بو ویدئودا سایین حمید هریسچی اؤز شعرلریندن بیرینی بیزه دیکلمه ائدیر... 📕 @oykumuz

https://kulis.az/xeber/media/hemid-herisci-tebrizde-musahibe-verdi-bakida-tebrizsiz-her-sey-tenezzule-mehkumdur-63104

حیکایه‌ده‌کی حادیثه‌لر خیالی اولسالار دا، گئرچکده‌کی او اصیل اوشاقلیق تراژدیام دا وار ایدی بطنینده. من حیکایه‌نی یازارکن یاشارین آلین یازیسی اوزه‌رینده باشقا شئی‌لر دوشونموشدوم. حیکایه‌نین قهرمانی آنجاق یاراندیقدان سونرا باشقا یولو سئچدی. من هئچ زامان یاشاری پیچاق الینده، اؤز باشینی کسمک قرارینا گلمیش بیریسی کیمی تصور ائتمه‌میشدیم. او اؤزو بو ایشی گؤردو. حیکایه‌نی یازارکن یاشارین بو سئچیمیندن چوخ متاثر اولدوم. -- گله‌جکده، اؤزونوزو بیر یازار اولاراق هاردا گؤرورسونوز؟ -- داها دوغروسو ایندییه‌جن بو سوالین اوزه‌رینده دوشونمه‌میشم. من آنلیق دویغولارین اوغلویام._ گولور. -- حیکایه‌نین بو گونکو جمعیته تاثیری ندیر؟ -- اصلینده بو سوالی جمعیت اؤزو جوابلایاجاق‌. من یازارکن بونلاری دوشونمورم. من تکجه اؤزومه تاثیر بوراخاجاق شئی‌لری قلمه آلیرام. -- بس اوندا سیز، جمعیته هانسیسا تاثیری بوراخماق اوچون دئییل، اؤزونوز اوچون یازیرسینیز، ائله‌می؟ بو حاقدا داها گئنیش معلومات وئره‌رسینیزمی؟ -- بوتون یازیچی‌لار بئله‌دیرلر. اونلار تکجه اؤزلرینه تاثیر بوراخان شئی‌لردن یازیرلار. بئله اولمازسا یازی‌لاری قورو و روحسوز سطیرلردن باشقا هئچ نه دئییلدیر. ساده‌جه هر یازیچی‌نین فرقلی باخیش بوجاغی واردیر. اؤزومو بو توپلومون بیر عضوو کیمی نظره آلدیقدا، آرزو دیلک‌لریمی ده توپلومون آرزو دیلک‌لری کیمی نظره آلیرام. توپلومدان اولان تاثراتین طبیعی کی، هامیسی منی ائتکی‌لندیرمیر. توپلومدا منی هر شئیدن چون ائتکی‌لندیرن مساله، اینسانلارین روحی و پئسیخولوژیک احوالاتی‌دیر، ماراغیمی چکن اونلارین ندن بو قده‌ر بیر بیریندن فرقلی اولدوقلاری و یا فرقلی دوشوندوکلری کیمی مساله‌لردیر. یازیچی‌لار عمومیتده ایچلرینده یاشادیقلاری اینسانلارین احوالاتیندان چوخ متاثر اولان اینسانلاردیرلار، او اینسانلارین یاشادیقلاری حسیاتی دریندن یاشاییرلار. آنجاق بونون تکجه یولونون اؤزلرینی او اینسانلارین یئرینه قویوب "من اونلارین یئرینه اولسایدیم، نه ائدردیم؟" دئیه دوشونمه‌لریندن کئچیر. مساله‌یه بو آچی‌دان باخدیغیمیزدان یئنه ده بو سؤزه چاتیریق: هر یازیچی تکجه اؤزونه تاثیر بوراخان شئی‌لردن یازیر و بو هئچ ده او یازیچی‌نین اجتماعی اولای‌لارین قارشیسیندا ائتکی‌سیز داورانماسی آنلامینا گلمیر. -- موصاحیبه‌یه واخت آییردیغینیز اوچون سیزه مینتدارلیغیمی بیلدیریرم. -- چوخ ساغ اولون. من ده سیزه و کولیس سایتینداکی همکارلارینیزدان تشکور ائدیرم. 📗 موصاحیبه‌نی آپاران: علی چاغلا ⭕️ @oykumuz

شاعیرلریمیز رامیز روشنین بوتون اثرلرینی گؤنئی‌ده تورک دیلی‌نین عرب الفباسینا کؤچوروبلر. مودئرن شعریمیزده ده تورکیه شعرلرینین اؤنملی رولو اولوبدور. شعریمیزده بلکه ده "احمدیسم" دئیه آوانقارد بیر آخیمدان سؤز ائتمک یئرسیز اولمازدی. مودئرن شعریمیزین بیرینجی نسلی تورکییه‌نین اؤنملی شاعیرلرینی ایلک مرحله‌ده احمد کایانین ماهنی‌لارینین واسیطه‌سی ایله تانیدی و سئودی. بو تانیشلیق مودئرن شعریمیزده کیچیک مقیاسلی بیر ادبی رونئسانس نئجه‌لییینی داشییان بیر آغیرلیغا صاحیب ایدی. احمد کایانین ماهنی لاری ایلک دفعه اولاراق آرامیزدا بؤیوک مانع کیمی دوران الفبا فرقلی‌لیبی سددینی آشیب کئچمیشدی، آرتیق تورکییه مودئرن شعرینه گیریش قاپیسی اوزه‌ریمیزه آچیلمیشدی. شعریمیزده تورکییه شاعیرلرینین تاثیری لازیمی قده‌ر هله آراشدیریلماییبدیر. نثر یازانلاریمیز دا اؤز نؤوبه‌لرینده بو حرکتدن تاثیرلندیلر. آرتیق اونلار دا تورکجه‌نی لاتین الفباسی ایله اوخوماغا باشلادیلار. اونلار جومله قورولوشلارینی صرف نحو کیتابلاریندان دئییل، پاموکون، کامال عبداللهین رومانلاریندان اؤیره‌نیردیلر. سون ایل‌لرده همن گنج نسیل، نثر ساحه‌سینده اؤنملی اثرلر یارادیبلار. رومانلاریمیز، حیکایه کیتابلاریمیز آرد آردا ایشیق اوزو گؤرمکده‌دیرلر. بو سیرادا قوزئی آذربایجانداکی شاعیر و یازارلاریمیزین، بو یئنیجه آیاق توتان آوانقاردلیغی دستکله‌مه‌لرینین چوخ اؤنملی رولو اولابیله‌جه‌ییینی وورغولامالی‌یام بوردان. تاسسوفله بو دستک یا یوخدور، یا دا چوخ آزدیر. او تایداکی باجی قارداش‌لاریمیزدان اولان اوماجاقلاریمیز بوندان داها یوکسک‌دیر. اونلار بو تاریخی دستک‌لرینی لاییقینجه یئرینه چاتدیرماییبلار. -- بین‌الخالق "محمود کاشغرلی" موکافاتینی قازاندیغینیز زامان قوزئی آذربایجاندا، همچنین تورک دونیاسیندا ماراق گؤستریلدیمی؟ -- بو مؤوضویا تورکییه‌ده لاییقینجه ماراق گؤستریلدی، تئلویزیون کانال‌لاری بئش دفعه چئشیدلی تورک اؤلکه‌لرینین لهجه‌لری ایله خبری تصویری اولاراق یاییملادیلار، موکافات مراسیمینه مخصوص مخابیرلرینی گؤندردیلر، ادبی ژورنال‌لاردا اثرین اؤزونو ده ووردولار. باشقا تورک اؤلکه‌لرینده خبرین نئجه اینعکاسی اولدوغونو بیلمیرم. آنجاق قوزئی آذربایجاندا، حتی ادبی چئوره‌لرده ده هئچ بیر سس صداسی اولمادی. نه بیر رپورتاژ، نه بیر خبر، نه بیر تبریک دئمک!... حتی بیر ژورنال دا منیمله علاقه ساخلاییب حیکایه‌نی یاییملاماق قرارینا گلمه‌دی. بو منیم اوچون تمامی ایله بیر خیال قیریقلیغی ایدی. نئجه اولسا "قیرمیزیم" حیکایه‌سی گونئی آذربایجان مودئرن نثرینین ایلک بین‌الخالق موکافاتینی قازانمیش اثر ایدی، منجه بو هم ده اونلار اوچون اؤنملی بیر حادیثه اولمالی ایدی. گونئی آذربایجان ادبیاتی‌نین سؤزده نوماینده‌سی آدی ایله قوزئی آذربایجاندا فعالیت گؤسترن او آداملار بو مساله‌ده هانسی مؤوقعده دوردولار؟ یئری وار اونلاردان بئله ساحه‌لرده بویونلارینا دوشن وظیفه‌لریندن سواللار سوروشولسون. مگر سیز اوردا گونئی آذربایجان ادبیاتی آلتیندا فعالیت ایله ائتمیرسینیز؟ ندن بو مؤوضوعا عایید بیر رئیاکسییا گؤسترمه‌دینیز؟ عمومیتده بو موضوداکی اتوموسفئری یاخشی گؤرمه‌دیم. بوتون بونلار بیر طرفده دورسون. بیر یازار اثرلرینی قازانابیله‌جه‌یی هر هانسی بیر موکافات و یا الده ائده‌جه‌یی توپلومداکی اینسانلارین بیه‌نیشی اوچون دئییلدیر یازدیغی، هر یازار یارادیجیلیغی اثناسیندا ، یازدیغی پروسئس ایچریسینده اصیل موکافاتینی قازانیر. "قیرمیزیم" آدلی حیکایه‌لر کیتابینی یازماق سیراسیندا حقیقتن من بو احوالاتی یاشادیم. و بو منیم اوچون یئترلی ایدی. آنجاق خیال دونیاسیندان باشقا گئرچک دونیانین دا موناسیبت‌لرینی اونوتمامالی‌ییق موطلق. -- "قیرمیزیم" آدلی حیکایه‌نیزین لیت‌موتیوی ندیر؟ -- بو حیکایه ایکی قارداشین سئوگی‌لرینی روایت ائدیر. یاشار آدلی کیچیک قارداش بیر خوروزون عاشیقی‌دیر، بؤیوگو ایسه بیر قیزین. حیکایه بو ایکی سئوگی‌نین توققوشماسیندان اورتایا چیخیر. -- بعضی حیکایه‌لر رئال حیاتدا باش وئرن حادیثه‌لردیر. بس بو حیکایه‌نین حیاتینیزدا ، یاخود بیرینین حیاتیندا رئاللیغی اولوبدورمو؟ -- منیم خیال دونیاسینداکی خوروزومدان باشقا، گئرچک دونیادا دا بیر قیرمیزی خوروزوم وار ایدی. اوشاقلیق چاغلاریمدا، ایلک دفعه اولاراق سئوگی‌نین نه اولدوغونو ائله او خوروزلا داددیم. ایلک سئوگیلیم بیر خوروز اولوب. اونون زیبیل قوتوسونداکی آغزی آچیق قالمیش کسیلی باشینی گونلرجه یوخومدا گؤردوم. همشه "ایندی هاردادیر؟" دئیه دوشونوب دوروردوم. بیر ده گؤردوم کی، او قیرمیزی گؤزل خوروزوم بو بویدا دونیادا منیم بو بالاجا بئینیمدن باشقا هئچ بیر یئرده یاشامیر آرتیق. اوتوز ایل سونرا بو احوالاتی " قیرمیزیم" حیکایه‌سینده یاشایاجاقدیم.

📕 کولیس سایتی‌نین غفور امامی‌زاده خیاوی ایله موصاحیبه‌سی -- سیزی "قیرمیزیم" آدلی حیکایه‌نیز ایله تانییریق. اؤزونوزو اوخوجولارا نئجه تایتدیرماق ایسته‌ییرسینیز؟ -- اؤزونو تانیماق ایسته‌ین بیر یازار. من چوخراق یازارکن دوشونه‌بیلیرم. بو اوزدندیر یازیرام. -- ادبی یارادیجیلیغینیز حاقدا معلومات وئره‌رسینیزمی؟ -- بو حاقدا ایلک اؤنجه حیکایه‌ کیتاب‌لاریما ایشاره ائده‌بیلرم. "قیرمیزیم" و "سوموک‌لری قالمیشدی" آدلی کیتاب‌لاریم چاپ اولوب. چاپ آلتیندا اولان اوچونجو کیتابیمین آدی ایسه "بیر آیی‌نین یانیندایدیم"دیر. عمومیتده مینیمال حیکایه‌لری احتوا ائدن دؤردونجو اثریم ایسه رئداکتورلوق سویه‌سینده‌دیر. من شعر ده یازیردیم، آنجاق ایلهام پری‌سی چوخداندیر منی یالقیز بوراخدیغی اوچون، قارشیلیق اولاراق من ده اونو ترک ائتدیم. ایندییه قده‌ر یازدیغیم شعرلرین ساییسی آلتمیشی آشماز. یاشماق درگی‌سینین قوروجو و باش یازارلاریندان اولموشام. باشقا بیر چوخ ادبی ژورنال‌لاردا اثرلریم درج ائدیلیبدیر. ادبی تنقید، سیاسی ایجتماعی مساله‌لر و چئوره دوغا ایله علاقه‌دار بیر چوخ مقاله‌لریم چاپ اولوب. آلمانیا و آمئریکا ادبیاتیندان هله یاییملانمامیش کؤچورمه‌لریم وار. 2016جی ایلده "قیرمیزیم" آدلی اثریم بین‌الخالق "کاشغرلی محمود" موکافاتینین بیرینجی‌سی اولوبدور. -- هانسی فونکسییالار غفور خییوولونون نثره اوز گتیرمه‌سینه سبب اولدو؟ -- من اوشاقلیق دؤوروندن شخصی احوالاتیمی اؤزوم اوچون یازیردیم. یازی‌لاریمین تکجه اوخوجوسو ایسه اؤزوم ایدیم. بو هر شئیدن چوخ منیم اوچون تسلی قایناغی و ایلنجه حؤکمو وار ایدی. سونرالار ایشیمی داها آرتیق جیددی‌یه آلدیم. یازارکن اؤزومله علاقه‌دار باشقا شئی‌لر ده کشف ائتدیم. تانیدیغیم و بیلدیییم بیر شئیین اوزه‌رینده اصلینده باشقا شکیلده دوشوندویومو کشف ائتمک، یازماق واسیطه‌سی ایله الده ائتدیییم بیرینجی قازانجیم ایدی. اوندان سونرا ایدی "من باشقا آدام‌لار اوچون ده یازابیلرم" دئیه دوشونوب دوردوقلاریم اولدو. 22 یاشیما قده‌ر ادبی پارچالار، شخصی خاطیره‌لر و شعر کیمی فورمالاردا قلمه آلدیغیم یازی‌لاریم حیکایه‌یه دوغرو یؤنه‌لدی. ایلک حیکایه‌می ده ائله او یاش‌لاریمدا یازدیم. حیکایه یازماق هر شئیدن چوخ حیاتین اؤزونه بنزه‌ییر. حیاتدا نئجه حادیثه‌لرین سنی هارا سوروکله‌یه‌جه‌یینی بیلمه‌دییین کیمی، حیکایه‌ده ده نئچه صفحه و یا حتی نئچه سطیر سونرا نه باش وئره‌جه‌یی سنین اوچون بللی دئییل. بو، حیاتی و بئینیمیزده‌کی احتمالاتی گئرچک دونیادا باش وئرمه‌دن خیالدا یاشاماق دئمکدیر. ایشین بوراسی منیم اوچون چوخ ماراقلی‌ ایدی. -- آذربایجان چاغداش ادبیاتیندا نثر ژانرینی نئجه دیرلندیریرسینیز؟ -- قارشیمیزدا اوزون اوزادی بیر یول وار. نثریمیز هله باتی اؤلکه‌لری ادبیاتی ایله مقایسه‌ده دانیشماغا چوخ سؤزو یوخدور. آنجاق گئنه ده توتدوغو یولونا داوام ائتمکده‌دیر. قوزئی آذربایجان مستقیل اولدوقدان سونرا نثر ساحه‌سینده اؤنملی اثرلر یازیلدی. گونئی‌ده آنجاق دوروم او قده‌ر ده راضی ائله‌مه‌لی دئییلدی. گونئی‌ده‌کی نثر یازانلاریمیزین بیر چوخو عمومیتده فارسجا اوخویوب تورکجه یازماق عنعنه‌سینه هله ده باغلی‌دیرلار، (هله فارسجا اوخویوب فارسجا یازانلارلا ایشیم یوخ، اونلاری آذربایجان ادبیاتینا داخیل بیلمیرم) اصیل مودئرن نثر یازان نسلیمیز تورکجه اوخویوب، تورکجه یازان گنج‌لرین ایچیندن چیخاجاقدیر. بو اصیل حرکتین نیشانه‌لرینی سون ایل‌لرده چاپ اولان اثرلریمیزن ایچینده گؤرمک اولار. ارتیق نثر اورون‌لریمیز شعریمیزله چییین چییینه ایره‌لی‌له‌مکده‌دیر. یازارلاریمیز "نثریمیز گلیشمزسه بوتون ادبیاتیمیز گئریده قالار" گئرچه‌یینی آرتیق قبول ائتمکده‌دیرلر. -- گونئیده‌کی گنج یازارلارین گله‌جکده قلوباللاشماق، دونیا ادبیاتی‌نین اوغورلو سیاهی‌سینه آدلارینین کئچمک احتمالی وارمی؟ -- بو تورپاقدا فرقلی دؤورلرده بؤیوک شاعیر و یازارلار باش قالدیریب. بونلارین اورتاق خصوصیت‌لری یازی لارینی فارس دیلینده یازیب یاراتمالاری‌ اولوبدور. سون دؤورلرده ادبیاتچی‌لاریمیزدا بیر اؤزونه دؤنوش حرکتین تاثیری ایله دیل اؤن پلانا گلیب چیخمیشدیر و ادبیاتچی‌لاریمیز یازی‌لارینی اؤز آنا دیل‌لرینده یازماغا باشلاییبلار. ایللر بویو آنا دیل‌لرینده یازمایان بو نسیل، طبیعی کی دونیا سویه‌سینده ده بیر اثر هله‌هله یارادابیلمه‌یه‌جک. ادبیاتین دیلده باش وئرن بیر حادیثه اولدوغونو قبول ائدرسک، بو ایددیعا منطیقه اویغون بیر سؤزدور. سون ایل‌لرده تورکییه و قوزئی آذربایجاندان کؤچور‌لن مودئرن ادبی اثرلر اؤز دامغاسینی ادبیاتیمیزا ووروبدور. یازارلاریمیز آرتیق اورهان پاموکو، کامال عبداللهی، الیف شفقی، یاشار کامالی، مولود سولئیمانلی‌نی، ایسماییل شیخلی‌نی، آفاق مسعودو فارسجا ترجومه‌لری ایله دئییل تورک دیلیندن اوخویورلار.

https://kulis.az/xeber/media/guneyli-yazici-onun-zibil-qutusundaki-kesili-basini-gunlerle-yuxumda-gordum-musahibe-62599

آذربایجان جمهوریتینین تانینمیش کولیس.آز سایتیندا دَیرلی یازار غفور امامی‌زاده‌نین موصاحیبه‌سینی اوخویا بیلرسیز. #غفور_خیوولو #علی_چاغلا #موصاحیبه #ادبیات https://kulis.az/xeber/media/guneyli-yazici-onun-zibil-qutusundaki-kesili-basini-gunlerle-yuxumda-gordum-musahibe-62599

دلی دومرول تاماشاسی 🎭 یازیچی: شاهین مرادی یؤنتمن: محمد سالار قلی زاده‌ بلیت ساتیشلاری باشلاندی شهریور آیی‌نین ۱۵، ۱۶، ۱۷سی ⬅️ بلیط ساتیشی #ادبیات_ائوى @AdabiyatEvi

پائول سئلان اوچون شعر، قارانیلقدا سس، حیاتین دیبین‌دن گلن چاغیریشدیر. آذربایجانلی یازار کامال عابدوللاه "اونوتماقا کیمسه یوخ" رومانیندا بهرام دایی‌نین: "گل، سسیم‌دن یاپیش، گل، بالاسی. کئچ بوردان. سسیم‌دن یاپیش!" – دئیه‌رک ف.ق‌-نی سیرلی قارانیلقدا ایت‌مه‌یه قویماماسی و قیلاووز اولماسی کیمی، یازماق دا منیم اوچون قارانیلقدا سس‌دیر، چاغیریشدیر، ییخیلماماق اوچون یاپیشاجاغیم بیر شئی‌دیر. بعضن ائله حیس ائدیرم کی، یازماسام، او قارانیلقدا ایتیب باتارام. سانکی هاراداسا، ایچیم‌ده بیر بهرام دایی منه سسله‌نیر: "سسیم‌دن یاپیش!" و من هر دفعه یازاندا، بو سس‌دن یاپیشیرام، اونون آردینجا گدیرم. یازماق منیم اوچون یالنیز یازیچی‌لیق دئییل، ایتیب باتماماق اوچون اؤزومه اوزاتدیغیم بیر ال، بیر یول تاپماقدیر. یازماق منیم اوچون، ساده‌جه، کاغیذ اوزره سؤزلر دئییل. یازماق حیاتین باشقا بیر اؤلچوده یاشانماسیدیر، اونودولموش آنلاری گئری قایتارماق، برپا ائتمک‌دیر؛ اؤزومو یئنی‌دن درک ائتمک و سطیرلرین آراسیندا حیاتین جانلی سسینی ائشتمک‌دیر. - سیزه دائیما سطیرلرین آراسیندا حیاتین جانلی سسینی ائشتمه‌یی آروزلاییرېق. چوخ سا‌غ اولون! دعوئتینیز و خوش دیلکلرینیز اوچون تشککور ائدیرم. سیزه ده اوغورلار آروزلاییرام. قایناق:www.kulis.az https://t.me/Adabiyyatsevanlar

بوگونکو محیط‌ده تنقیدین آزالماسی‌نین سبب‌لری موختلیف اولا بیلر: سوسیال و سیاسی فاکتورلار، قاپالی ادبی محیط، یاخود یازیچی‌لار آراسیندا قارشی‌لیقلی تنقیده قارشی احتیاطلی یاناشماق. آما آچیق تنقید و ساغلام موذاکیره محیطی اولماسا، ادبییات اینکیشافدان قالاجاق. - شاعرلر ناثیرلردن چوخ‌دور. سیزجه، بیز نییه حئکایه یازمیریق؟ منجه، بیزیم ادبییاتیمیزدا شعره اولان ماراغین کؤکلری هم تاریخی، هم‌ ده مدنی سببلره باغلی‌دیر. شعر عصرلر بویو بیزیم ادبی دوشونجه سیستمی‌میزین اساس دایاقلاریندان بیری اولوب و دیلیمیزین ریتمیک-موسیقی‌لی خصوصیت‌لری ده بو ماراغی گوجلندیریب. باخمایاراق کی، بیزده سیز دئدیینیز کیمی، ایستاتیستیکالار شعرین آغیر باسدیغینی گؤستریر، – نرمالدا نثر نومونه‌لری چوخ اولمالی‌ایدی، – آما بو تکجه بیزه خاص دئییل. عمومیتله دونیادا دا شعر یازانلارین سایی حئکایه یازانلاردان چوخ‌دور. بونون سببی، هم شعرین داها ایندیویدیوال اولماسی، هم‌ده قیسا و ییغجام ایفاده ایمکانلارینا گؤره داها ال‌چاتان گؤرونمه‌سی‌دیر. بونون‌لا بئله، سون ایللرده بیزده ده نثره مئیلین آرتدیغینی و منطیقی بیر نثر حرکتی یارانماسینی گؤرو‌روک. آردی-آردا حیکایه، رومان کیتابلاریمیز چاپ اولور و بو چوخ اومید‌وئرجی‌دیر. همچنین آذربایجان جمهوریتینده چاپ اولان حیکایه‌لر، رومانلار و دونیا ادبییاتیندان اولان ترجومه‌لر ده بو حرکتین گوجلنمه‌سینه یاردیم ائدیر. دیگر طرفدن، بیزده ادبی قزئت و ژورنال‌لارین محدودلوغو، نثرین واختیندا یایغینلاشماماسینا و نثر حرکتی‌نین گئجیکمه‌سینه تأثیر ائدن عامیللردندیر. ادبی تنقیدین و موذاکیره محیطینین ضعیف اولماسی دا نثر یازانلاری گؤرونمز ائدیر. سوسیال مدیا و اجتماعی شبکه‌لر ایسه داها چوخ قیسا متن‌لره و شعر فورماتینا اویغون بیر بازا تقدیم ائدیر. بو سببدن، بعضن هانسی‌سا سانتیمانتال، شخصی اورک سؤزلری بئله شعر کیمی تقدیم اولونور. بو دا شعرین حددن آرتیق چوخ یازیلدیغی تصوّرونو یارادیر. هم نظمین، هم نثرین اؤزگون ایمکانلاری، اوزونه‌مخصوص ایفاده گوجو وار. مسئله، ادبی ژانرلاری موقاییسه ائدیب، هانسی‌نین اوستو‌ن اولدوغونو معین‌لشدیریمک دئییل، اونلارین بیر-بیرینی تاماملاماسینی و زئگینلشدیریمه‌سینی تامین ائتمک‌دیر. - سیزی شاعر کیمی تانییریق. نثر نومونه‌سی یاراتماغی دوشونورسونوزمو؟ البتّه! تکجه شئعر یازماغا آند ایچمه‌میشم کی. بیلیرسیز، صنعتین موختلف قؤلاری بیر-بیرینه تأثیر ائدیر و بیر-بیری‌له علاقه‌لیدیر. یعنی، بیر ساحه‌ده چالیشان انسان، دیگر ساحه‌لرده ده اؤزونو سینایا و یئنی اثرلر یارادا بیلر. هردن ماراغیم اولدوغونا و سئودییمه گؤره گرافیک دیزاین‌لا دا مشغول اولورام. شعره گلدیگده ایسه... من اؤنجه‌لر حکایه و مقاله‌لر ده یازمیشام، بعضی‌لری ژورنال‌لاردا درج اولوب. بو سوالینیز منه کئچمیشده فارسجا چیخان بیر ژورنال اوچون ترجومه ائتدییم فاضیل حوسنو داغلارجایا وئریلن اوخشار سوالی خاطیرلاتدی. اوندان دا نثر و حکایه یازیب-یازمایاجاغی سوروشولموشدو و او، "یوخ، من، ساده‌جه، بیر گؤز اوخوماق و ایکی بارماق یازماق اوچون قالانا قدر شعر یازاجام" – دئیه جواب وئرمیشدی. من ایسه دئییرم کی مندن ده گؤز، بارماقلار و دوشونه‌جه‌ییم بئیین قالانا قدر یازاجاغام اما ژانری اؤنجه‌دن آییرد ائتمک چتین‌دیر. یعنی، بو، شعر ده اولا بیلر، نثر ده، حتی باشقا بیر ایفاده فورماسی دا. اساس اولان، یازماقدیر. - یازماق نه‌دیر؟ منیم اوچون یازماق، سادجه، باجاریق و یا شخصی هوس دئییل. یازماق حیاتین یازیلی وئریسیاسی‌دیر. آما بو وئریسیا‌دا بعضی الچاتمازلار، ال چاتان اولور، ایمکان‌سیزلیقلار، ایمکان تاپیر، روحو‌مون یارالاری اوناریلیر، بوشلوقلار دولور. هر دفعه یازاندا، سانکی حیاتي یئنی‌دن قورورام، ایچیمده‌کی خائوسو سؤزلره چئویریب، نظاملاییرام. زیگموند فروید صنعتکارین یارادیجی‌لیغی‌نی، بیر چئشید، اوزونوموعالجه کیمی گؤروردو – اینسانین درین قورخو‌لاری، با‌سدیریلمیش آرو‌زولاری، شعورآلتی‌نین قارانلیق سیرلری محض یازیدا اوز ایفاده‌سینی تاپیر. ریلکه دییردی کی، “سیز شعر یازمامالی‌سینیز. یوخ، اگر یازمادان یاشایا بیلمیرسینیز، آنجاق اوندا یازمالیسینیز.” منیم اوچون ده یازماق، قاچیلما‌زدیر. "صاباحین شئعیر، پلاتون گونش دوغولونجا پرینت آلدیم کؤلگه‌لری قورخولاریم‌لا اوزله‌شمَلی‌ایدیم تراپیستم 'یاز قورخولارینی' دئمیشدی شعر قورخولارین کؤلگه‌سی دئییل‌می؟" من یازارا‌ق شعورآلتیمداکی کؤلگه‌لری گون ایشیغینا چیخاریرام. تی. اس. الیوت دئییردی کی، “شعر دو‌یغولارین ایفاده‌سی دئییل، دو‌یغولارین قورتولوشودور.” من ده یازماق‌لا تکجه دو‌یغولاریمی ایفاده ائتمیرم، اونلاری آزاد ائدیر و اوزوم ده آزاد اولورام.

ترجومه تکجه متنی باشقا بیر دیله چئویردمک دئییل، هم ده همین مدنیتین دویغو و دۆشونجه دونیاسی ایله، بیر چشید دیالوق قورماقدیر. شعر منیم اوچون، ساده‌جه، بیر ایفاده واسیطه‌سی دئییل، هم ده انسان تجربه‌سینین ایچ قاتلارینی اوزه چیخارتماق اوچون بیر ایمکان‌دیر. ادبیات منیم اوچون هم داخلی آزادلیغین، هم ده مدنیتلر آراسی آنلاشمانین بیر ایفاده‌سی‌دیر. - بس بو مدنیتلر آراسی آنلاشمادا ادبیات ایدئولوگییاسینی هانسی ایدئولوگیالاردان اوستوْن توتورسوز؟ ادبیات منیم اوچون ایدئولوگیالارین، ملتلرین و سرحدلرین اؤته‌سینده‌دیر، چونکی او، موختلیف دونیاگؤروشلرینین دیالوقونا آچیق بیر پلاتفورمادیر و فرقلی مدنیتلرین آزادلیغینی، اونلارین هر بیرینی تقدیم ائتدیی گؤزللییی، دیرینی کشف ائدیب، بیر-بیرینی آنلاماغین، حقوقلارینی تانیماغین ان گؤزل یوللاریندان بیری‌دیر. ایدئولوگیالار معین چرچیوه‌لر ایچینده اولدوغو حالدا، ادبیات آزاد، سرحدسیز بیر ساحه‌دیر و انسانلارین تولئرانت اولمالاری، حیاتا معنا باغیشلامالارینا ایمکان یارادیر. من ادبیاتی ایدئولوگیالاری تبلیغ ائدن دئییل، اونلاری سوال آلتینا قویان، انسانلیغین دَیرینی اؤنه چیخاردان حیات طرزی کیمی گؤرورم. - سیزجه، تکجه یازماق بسدیر، یوخسا بیر ادبی اثری، اونا یازیلان تنقیدی متنلر قلوباللاشدیریر؟ بعضن اثرین اؤزونون‌ ده سینیرلاری آشماق و باشقا خالق‌لار طرفیندن سئوگیله اوخونما شانسی وار تک‌باشینا. بو اثرین هم استئتیکا، هم‌ده مضمون باخیمین‌دان دونیانین دامارینی توتماسی، دویغو و معنا قاتلاری‌نین هر بیر اوخوجویا اؤزل شکیلده توخونماسی ایله مومکوندور. دیگر طرفدن‌ده بو آرا دا ترجومه‌چی‌لرین ده بؤیوک پایی وار، ترجومه‌چی‌لر سانکی اثره باشقا اؤلکه‌لره گئتمک اوچون پاسپورت وئریر و اونون باشقا اؤلکه‌ده یاشایا بیله‌جه‌ینی ساغلاییر. آما عمومیت‌ده، بیر اثرین قلوبال سویه‌ده تانینماسی و دیرلندیرلمه‌سی یالنیز اونون اؤزونه مخصوص خصوصیت‌لری ایله دئییل، هم‌ده اونا داییر یازیلمیش تنقیدی متنلر، تحلیل‌لر و موذاکیره‌لر واسیطه‌سیله گئرچک‌لشیر. بو باخیمدان، تنقیدی دوشونجه‌نین رولو چوخ بؤیوک‌دور. بئله‌لیکله، ادبی اثر تک‌باشینا دا اؤنم قازانا بیلر، آما اونون قلوباللاشماغی و داها گئنیش اوخوجو کوتله‌لرینه یاییلماسی، هم‌ده بو اثره داییر یارادیلان تنقیدی موذاکیره‌لردن کئچیر. - بس اوز ادبییاتیمیزدا تنقیدین وضعیتی نئجه‌دیر؟ ۲۰۰۰‌جی ایللر ادبییاتیمیزدا شخصی بلو‌ق‌لارین آکتیو دؤورو ایدی. اینترنتین ادبییاتچی‌لار آراسیندا یاییلماسی نتیجه‌سینده یازارلار بیر-بیرینی داها چوخ اوخویور و تنقیدی مقاله‌لر یازیر‌دیلار. بو پروسئس هم یئنی ادبی اوسلو‌بلارین میدانا چیخماسینا، هم‌ده بعضی استعدادلی ادبییاتچی‌لارین تانینماسینا شرایط یاراتدی. او دؤورده تنقید و ادبی موباحیثه‌لر داها فعال ایدی، چونکی ادبی قزئت‌لر و اونیویرسیته ژورنال‌لاری دا بو آخینا دستک وئریردی. بو دؤورده تانینمیش یازار و تنقیدچی‌لر: همت شهبازی، ایواز طاها، نادر اظهری، اولکر اوجقار، جعفر بزرگ امین، افرسیاب نوراللهی، ارسطو مجرد، بولود مورادی و دیگرلری ادبییاتیمیزا بؤیوک تأثیر ائدیب. خصوصیله، ایواز طاها عمومی تنقید، ائله‌جه‌ ده ادبیات فلسفه‌سی ساحه‌سینده «شعر وارلیغین ائوی‌دیر» و «نئجه یازاق؟» آدلی کیتابلاری ایله، همت شهبازی ایسه «معاصر آذربایجان شعرینین تنقیدی» (فارسجا) کیتابی ایله بو پروسه‌یه یؤن وئرن‌لردن ایدی. سونراکی ایللرده همت شهبازی تنقید ساحه‌سینده داها دا درین‌لشدی: ایکی جیلدلیک «آذربایجان شعرینده مدرنیسم»، «پست‌مدرنیزمین دورومو»، «حکایه‌نین ایمکانلاری»، «مدرنیته و مدرنلیک» (ترجومه)، و «تحکیه قورولوشو» کیتابلاری ایله ادبیاتیمیزا جیدی توحفه‌لر وئردی. همچنین صالح عطایی «بو ائکیزلر» کیتابی و افرسیاب نوراللهی ده «شعریمیزین اوزاق یولچولوغوندا» آدلی کیتابی ایله ادبی تنقید ساحه‌سینده اوز مؤقع‌لرینی تصدیق ائتدیلر. آما زمان کئچدیجه بو دینامیکا ضعیفلمه‌یه باشلادی. بو گون شاعیر و یازیچی‌لارین سایی آرتسا دا، تنقیدچی‌لر دئمک اولار کی، یوخ حدینده‌دیر. البته، بعضی استثنا‌لاری چیخماق شرطی ایله. او جومله‌دن محمد ناصری کیمی تنقیدچی‌لر کی، ویدئوفورمات‌دا تنقیدی چیخیشلار ائدیر، ادبی محیطیمیزه تؤحفه وئریر، آما بیر چوخ ادبیاتچی دا سوسور، آچیق تنقیده ماراق گؤسترمیر. حال‌بوکی، تنقید یالنیز اثرلری آنالیز ائدیب دیرلندیرمک دئییل، هم‌ده ادبیاتین اینکیشافی اوچون ضروری اولان دیالوق و دوشونجه پلاتفورما‌سینی فورمالاشدیرماقدیر. ادبیات تنقیدسیز آخسایا بیلر، چونکی تنقید اولمادان یارادیجی‌لیق، بیر چئشید، اؤز-اؤزونو تکرارلاماغا باشلاییر، درینلیک و ایستیقامت قازانماقدا چتینلیک چکیر.

کولیس.آز سایتینا ایستینادلا علی چاغلا'نین "زامان پاشازاده "ایله موصاحیبه‌سینی تقدیم ائدیریک - اوزونوزو نئجه حیس ائدیرسیز؟ تعطیلده‌یَم، سیزین‌له موصاحیبه‌یه حاضیرلاشمیشام. - شاعرین اوخو‌جو طرفیندن سئویلمه‌سی، اونون شعرلرینین ازبَرلنمه‌سی هانسی سببلردن آسیلی‌دیر؟ بو سوالی جووابلاماق اوچون هم اوخو‌جو کوتله‌سینی، هم ده شعر نؤعونو چئشیدله‌مه‌لییک. البته، شعر نوعونو آییرد ائدندن سونرا اوخو‌جونون دا کیملی‌یی معلوم اولور. معلوم اولور کی، اونون شعردن گؤزلَنتی‌سی نه‌دیر. اوخو‌جونون گؤزلنتی‌سی اساس مسئله‌دیر، منجه، آما بعضن گؤزلنیلمَزلیک ده بعضی اوخو‌جونون گؤزلنتی‌لریندندیر. بئله‌لیک‌له، اؤزتله‌سک، اوخو‌جو وار، اؤز بللی ذؤوق، ایستک، هیجان و ماراقلارینی شعرده آختاریر، اوخو‌جو دا وار، یئنی بیر دونیا، کشف و شاشقینلیق آختاریر، داها دوغروسو، ذؤوق و ماراغینی قطعیت‌سیزلیک تشکیل ائدیر، - دئیه‌ردیم. طبیعی‌کی، شاعر بونلاری اؤزو اوچون آیدینلاشدیرارسا، یارادیجی‌لیغی ماراقلا قارشیلاناجاق. - آذربایجان ادبیاتیندا شعر هانسی یئرده‌دیر؟ من موقاییسه‌نی چوخ اویغون گؤرمه‌سم ده، بعضن قاچینیلمازدیر. بیلدییینیز کیمی غرب‌ده یارانان ادبی جریّانلار و ادبیات نمونه‌لری ایسته‌ر-ایسته‌مز بیزده ده اؤرنک گؤتورولور و یارادیجی‌لیغیمیزدا او استانداردلارا ییه‌لنمک ایسته‌ییریک. آما الده اولان سونوج، هله‌لیک عمومی‌لشمه‌میش و شخصی یارادیجی‌لیق سویه‌سینده‌دیر، یعنی، اولا بیلَر، ادبیاتیمیزدا بیر سیرا یازار و شاعر کیفیت باخیمیندان دونیا ادبیاتینین بوشقابینا قویولاسی اثر ایره‌لی سورسون. آما بو، بوتونلوکله ادبیاتیمیزی ایفاده ائده‌جک اوبراز اولاراق تانینماسین. تورکیه ادبیاتیندا، مودرن ادبیات کونتئکستینده "بیرینجی (قریب) و ایکینجی یئنی"، فارس ادبیاتیندا ایسه "یئنی شعر"، "آغ شعر"، "حجم"، "یئتمیشلر" و باشقا جریّانلار یارانیب، مانیفئستلری اورتایا چیخدی، بو جریّانلار تام اورژینال اولماسا دا، هر حالدا تجربه‌لرینین بیزه وئردییی فایدالار دانیلمازدیر. بیزده بو ایشلر واختیندا گؤرولمه‌دی، داها چوخ او جریّانلارین داوام‌چیسی کیمی چیخیش ائتدیک. بیر یاندان دا آذربایجان ادبیاتی دئدیکده دقیقلشدیریلمه‌سی گرَکن گئنیش بیر جغرافیا گؤز اؤنونه گلیر. منلیک اولسا، بیز "آذربایجان ادبیاتی" آنلایشینی داها گنیش بیر چره‌چیوه‌ده، تورک ادبیاتینین بیر پارچاسی اولاراق دا دوشونه بیله‌ریک. نئجه کی، موختلف اؤلکه‌لر داخل اولماق‌لا ایسپان و عرب دیللی ادبیات دئیه تانینمیش ادبیاتلار وار، آما او تای ایله بو تایین بوتون اورتاقیقلارینا باخمایاراق آذربایجان ادبیاتینین بو قواللاری آراسیندا موختلف سببلردن واحید پلاتفورما یارانماییب. بو سبب‌دن، آذربایجان ادبیاتیندا شعرین سویه‌سینی موذاکیریه ائدَركن، هم فردی استعدادلارین اوغورلارینی، هم ده ادبیاتیمیزین جریّانلار و واحید پلاتفورمالار یاراتماقدا گجیك‌دییینی نظره آلمالیییق. - بیر آز دا سیزین ادبی یارادیجیلیغینیزلا تانیش اولاق. منیم ادبی یارادیجیلیغیمین تملینی سربست شعرلر تشکیل ائدیر. یارادیجیلیغیمداکی اساس خطلردن بيری، انسانی اوز باخیش بوجاغیمدان روایت ائتمک، اونون ضدیتلرینی، ایچ دیالوقو و حیات‌لا اولان ایلیشکی‌سینی پوئتیک دیل ایله آنلاتماقدیر. "آینادا اؤل-دیریلمک" (2019، "پارلاق قلم" نشریاتی) آدلی ایلک کیتابیم بو موضوعلارین ان اؤنملی ایفاده واسیطه‌لریندن بیری‌دیر. بو کیتابدا فردی‌لیک‌له اونیوئرساللیق آراسیندا کورپو قورماقا چالیشمیشام؛ انسانین داخلی دونیاسی، اونون چئوره و دونیا ایله موناسیبتی، میتولوژیا و آرخئتیپ باخیش، ائله‌جه‌ده بوگونکو انسانین بئیین اوغراشمالاری اثرین اساس نووه‌سینی تشکیل ائدیر. دونیا پوئزیاسینا اولان ماراغیم، منی "آلت-شیفت شعر" (2024، "پارلاق قلم" نشر یاتی) آدلی ترجومه آنتولوگیاسینی حاضیرلاماغا یؤنه‌لتدی. عزیز دوستوم و قلمداشیم عیسی زینی ایله اورتاق چئویردیییمیز بو اثر، موختلیف اؤلکه‌لردن اولان شاعرلرین سسلرینی آذربایجان اوخوجوسونا تانیدتیراراق، دونیا ادبیاتی ایله یئرلی ادبیات آراسیندا بیر دیالوق یاراتماق مقصدینی گودور. منجه، فرقلی مدنیتلرین ادبیاتینی اؤیرنمک و بو زنگینلییی پایلاشماق هم ذؤوق وئریجی، هم ده مسئولیتلی ایش‌دیر. اونا گؤره بو ایش اوچون خرجه‌لدیییمیز یئددی ایله و وئردیییمیز امه‌یه دیه‌ردی. عینی زاماندا شعرلریمین فارس دیلینه ترجومه اولوناراق، ثریا خانیم خلیق خیاوی‌نین ترجومه‌سی ایله - دیوار آویخته از عکس – "شکیلدن آسیلمیش دیوار" (2023، "شالگردن" نشریاتی) آدی آلتیندا نشر اولونماسی منیم اوچون ماراقلی بیر تجربه ایدی. بو منیم یارادیجیلیغیمین فرقلی دیل و مدنیتله قارشیلاشماسی باخیمیندان اؤنملی ایدی.