SHERLAR

*ТОЖИК ҚИЗ* Лаблари шаккарми, ё боли бор? Ой каби юзларида ҳоли бор, Сўзлари ширин тожик қизларин, Сочлари узун, зар рўмоли бор. Қоп қора қошлари қалингина, Салом берар кулиб майингина, Юракдан уради бир кўришда, Аҳволим бўлдику тайингина. Чиройли, чиройли бунча чиройли? Кетворган қомати, юзлари ойли. Ўзбекча гапирса шеваси гўзал, Оҳ, тожик қизлари бунча чиройли. Ярашган дўппию, атлас-у, адрас, Ҳуснига сулувлар қилишар ҳавас, Одоби ҳуснидан чиройли бўлган, Тожик қизларига таърифлар етмас. Дил бердим ақл-у, ҳушимни олди, Кун-у, тун-у, хатто тушимни олди, Кулиб қараб бир нималар дея, Тожик қиз мендан балога қолди. Чиройли, чиройли бунча чиройли? Кетворган қомати, юзлари ойли. Ўзбекча гапирса шеваси гўзал, Оҳ, тожик қизлари бунча чиройли. ✍️Абдумуталиб Эргашалиев Тайёр қўшиқ сотилади https://t.me/+PBE4iXYSD3NPX6fl Ⓜ️anba: @sherlar         ⭐#like_boss👇

Шарт эмас Шарт эмас ҳаммага бирдай ёқишим, Бирма-бир ярақлаб кўнгил олишим. Хушомад кўчасин кезаверсам гар, Бир куни жарликка тайин қулашим. Тушуниб бўлмайди одам зотига, Қуйиб берсанг улар нима хохламас, Атрофда ўрмалар иши битгунча, Фойданг тегмаса гар биров йўқламас. Чарчадим сохтаки кулиб туришдан, Кўкларга кўтариб, ёлғон тўқишдан. Ҳар куни қайталаб ниқоб ортида, Сарлавхаси бир хил китоб ўқишдан. Умр деган узун карвон йўлида, Ҳамманинг ўзига дарди етарли, Банданинг надомат, отар тошлари, Вақтинча бир тегиб ўтиб кетарли. Роббим мени мудом бандаларини, Рози қилиш учун яратган эмас. Жонимга хақлироқ Парвардигорим, Фақат ўзигина ўзи суйса бас. ✍ Зулфия Юсуф https://t.me/+PBE4iXYSD3NPX6fl Ⓜ️anba: @sherlar         ⭐#like_boss👇

🔥Онам билан... Турли туман гап-сўзларни тинглар қулоқ, Давраларга чорлайдилар яқин - йироқ, Сўзлашаман ҳамма билан дўстлар бироқ, Суҳбатларнинг энг яхшиси Онам билан.... Дуосидан қўлим ойни тутиб турар, Эшигимда бахтлар навбат кутиб турар, Ютқазмайди кўнглим доим ютиб турар, Омадларнинг энг яхшиси Онам билан... Болам деса юраккинам дарддан ҳоли, Буколмайди қаддимни ҳеч ғам шамоли, Бошим баланд мағрурликда тоғ мисоли, Савлатларнинг энг яхшиси Онам билан... Топганимга минг барака берар худо, Беҳудага қайғурмайман чекиб нидо, Борликлари бойлигимга жоним фидо, Давлатларнинг энг яхшиси Онам билан... Тиззасига бошим қўйсам яйрар таним, У бор мени енголмайди ҳеч бир ғаним, Оҳ ёнимда туришлари бахтим маним, Рағбатларнинг энг яхшиси Онам билан... Турли туман гап-сўзларни тинглар қулоқ, Давраларга чорлайдилар яқин - йироқ, Сўзлашаман ҳамма билан дўстлар бироқ, Суҳбатларнинг энг яхшиси Онам билан.... 📝Муаллиф: Зоҳид Зиё... https://t.me/+PBE4iXYSD3NPX6fl Ⓜ️anba: @sherlar         ⭐#like_boss👇

#ПРЕМЬЕРА 🔥Мен сизни яшириб қўяман Она... Ғамлар тополмайди изингизни ҳам, Алам ёшлолмайди кўзингизни ҳам, Дардлар эшитмайди сўзингизни ҳам, Мен сизни яшириб қўяман Она... Бу телба дунёнинг ёмонларидан, Қалби муз юзлари сомонларидан, Кексалик келгувчи томонларидан, Мен сизни яшириб қўяман Она... Ажинлар тушмасдан жамолингизга, Қарилик етмасдан камолингизга, Оқ сочлар тегмасдан рўмолингизга, Мен сизни яшириб қўяман Она... Қўлингиз асолар тутмасдан туриб, Умр вужудингиз ютмасдан туриб, Рози бўлишингиз кутмасдан туриб, Мен сизни яшириб қўяман Она... Ҳамонки бағрингиз ғамлардан паноҳ, Улғайдим барига гувоҳман, гувоҳ, Сизни асрамаслик энг катта гуноҳ, Мен сизни яшириб қўяман Она... Жисмингиз оқизмай йиллар сойига, Ўраб райҳонларга, гулга, шойига, Кўнглимнинг энг гўзал кўркам жойига, Мен сизни яшириб қўяман Она... Кўнглимнинг энг гўзал кўркам жойига, Мен сизни яшириб қўяман Она... 📝Муаллиф: Зоҳид Зиё... https://t.me/+PBE4iXYSD3NPX6fl Ⓜ️anba: @sherlar         ⭐#like_boss👇

*ОНАМНИНГ КЎНГЛИ СЕЗАР* Жисмим чекса дард-у, ғам, Хорғинлик руҳим эъзар. Жонимга куйиб ҳар дам, Онамнинг кўнгли сезар. Бошимга ёғса тошлар, Етмай қолса бардошлар, Кўзимдан оқса ёшлар, Онамнинг кўнгли сезар. Синовлар келиб қатор, Ҳолим танг бўлса абгор, Жим турсам қилмай ошкор, Онамнинг кўнгли сезар. Ишларим юрмаса ҳеч, Омадим кулмаса ҳеч, Дуо қилиб эрта кеч, Онамнинг кўнгли сезар. Нур юзлари ой каби, Бордир меҳрининг таъми, Кўпайса елкам ғами, Онамнинг кўнгли сезар. Чин муҳлиси, санъатим, Пойдевори қудратим, Сиз ва отам давлатим, Сизлар бор умрим безар. ✍Абдумуталиб Эргашалиев Тайёр қўшиқ сотилади мурожат учун https://t.me/+PBE4iXYSD3NPX6fl Ⓜ️anba: @sherlar         ⭐#like_boss👇

#ПРЕМЬЕРА 🔥Чарчамадим... Озоринг ошиб кетган дамлардан чарчамадим, Аламлардан кўздаги намлардан чарчамадим, Чарчадим дунё иши мадоримни қуритса, Лек шунда ҳам сен берган ғамлардан чарчамадим... Ошиғингга бахт эмас дард беришни танладинг, Юрагига армондан гард беришни танладинг, Сени дея жонимни гаровларга қўйсам мен, Шунда ҳам имкон эмас шарт беришни танладинг... Ситамларингга хўп хўп дейишдан чарчамадим, Минг ҳайдадинг минг мартта, келишдан чарчамадим, Бўлди мени тинч қўйинг сиздан чарчадим дейсан, Лек шунда ҳам мен сени севишдан чарчамадим... Ғуруримни кўзимдан узоқларга отган мен, Андуҳлардан кўксимни заҳга бериб ётган мен, Бу ишқнинг бозорида олганим дард изтироб, Лекин сенга меҳримни энг арзонга сотган мен... Йилларки соғинчингни ютишдан чарчамадим, Шамоллардан ифоринг тутишдан чарчамадим, Сенку менсиз бахтлардан чарчаб кетгандирсан лек, Мен келар деб йўлингни кутишдан чарчамадим... 📝Муаллиф: Зоҳид Зиё... https://t.me/+PBE4iXYSD3NPX6fl Ⓜ️anba: @sherlar         ⭐#like_boss👇

*ЗЎР БЎЛИБ КЕТАМИЗ* Йўқчилик йигитга синов дегани, Шукур дейман ноним бордир егани, Ҳали бизларга бир давр келади, Зўр бўлиб кетамиз, Ҳудо ҳохласа. Йигит ризқи доим кўчада бўлар, Тиним билмаганлар роҳатин кўрар, Ният яхши бўлса ортиғин берар, Зўр бўлиб кетамиз, Ҳудо ҳохласа. Билакда куч тўла, мия ғич ақл, Муҳими ҳаракат, ишонч ва сабр, Ҳалол бўлиб доим, бўлмасак бахил, Зўр бўлиб кетамиз, Ҳудо ҳохласа. Ота онам қилиб турсалар  дуо, Ишларим ўнгидан келар доимо, Ҳаракат қилганга беради Ҳудо! Зўр бўлиб кетамиз, Ҳудо ҳохласа. Йигит кўрки, лафзи, сўзи биландир, Дадил қадам босган изи биландир, Йигитни омади ўзи биландир, Зўр бўлиб кетамиз, Ҳудо ҳохласа. Виждонни унутмай, иймондан кечмай, Юрган тўғри йўлдан сира адашмай, Адо этар фарз-у, қарзни унутмай, Зўр бўлиб кетамиз, Ҳудо ҳохласа. ✍Абдумуталиб Эргашалиев https://t.me/+PBE4iXYSD3NPX6fl Ⓜ️anba: @sherlar         ⭐#like_boss👇

🔥Меники бўлмаган фақат сен қолдинг... Юракни озорлаб тўймайди фироқ, Манзиллар яқину кўнгиллар йироқ, Мен нени хоҳласам эришдим бироқ, Меники бўлмаган фақат сен қолдинг... Дилимга ҳаваслар тўлдирди дунё, Гуллатди гоҳида сўлдирди дунё, Бўлмаган ишимни бўлдирди дунё, Меники бўлмаган фақат сен қолдинг... Эсласам кўзимда пайдо бўлар нам, Ичимни ёритмас ёқилса ҳам шам, Ҳамма нарсам бору ҳаётда эркам, Меники бўлмаган фақат сен қолдинг... Ишқимни сойларга сўзлаб ўтяпман, Висолинг ҳаёлда кўзлаб ўтяпман, Йилларки кечалар бўзлаб ўтяпман, Меники бўлмаган фақат сен қолдинг... Мени суйганларга менинг хушим йўқ, Оҳ сени кўрмаган бирор тушим йўқ, Қўлимда нима бор бунга ишим йўқ, Меники бўлмаган фақат сен қолдинг... Бахтлиман деб қўяр гоҳида тилим, Инкор қилаверар барчасин дилим, Борлиги қувончим бўлган севгилим, Меники бўлмаган фақат сен қолдинг... Юракни ҳар кеча қийнайди фироқ, Манзиллар яқину кўнгиллар йироқ, Мен нени хоҳласам эришдим бироқ, Меники бўлмаган фақат сен қолдинг... 📝Муаллиф: Зоҳид Зиё... https://t.me/+PBE4iXYSD3NPX6fl Ⓜ️anba: @sherlar         ⭐#like_boss👇

«ЎЗБЕКИСТОН, ОЛҒА ЎЗБЕГИМ» Савлатингга ярашсин номинг, Оқла ўзбек шараф-у шонинг, Дунё кўрсин, келди давронинг, Ўзбекистон, олға ўзбегим! Рақиблардан чўчима хечам, «Стадион»да мухлисларинг жам, Интилганни қўллайди эгам, Ўзбекистон, олға ўзбегим! Шамолдек елтўп сари дадил, Рақибларни алдаб бирма бир, «Гол»лар уриб тантаналар қил, Ўзбекистон, олға ўзбегим! Тарихларга мухрлансин ном, Ғалабалар бўлсин бардавом, Мақсад сари тинимсиз мудом, Ўзбекистон, олға ўзбегим! ✍Абдумуталиб Эргашалиев Қўшиқ ва идея учун муаллиф рухсатини олинг(руҳсатсиз қилинган қўшиқлар қонунан жавобгарликка тортилади) https://t.me/+PBE4iXYSD3NPX6fl Ⓜ️anba: @sherlar         ⭐#like_boss👇

#ПРЕМЬЕРА 🔥Чўпон ютиб кетди... Бир замонда бир юрт қўйнида, Жуда гўзал масжид бор эди... Бир имом ҳам бор эди унда, У имомга омад ёр эди... Дарс берарди Аллоҳ илмидан, Еса фақат ҳалол ер эди, Гоҳ гоҳида сўзин сўнгида, Чўпон ютиб кетди дер эди... Талабалар ҳайрондир бундан, Кўп айтарди бу гапни имом... Тушунишмас эди ҳеч бири, Воқифмасди бу ажиб сирдан... Тўпланишди улар бир куни, Бир савол бор ғазабдан қайтинг, Такрорлайсиз шу гапни кўп бор, Чўпон нени ютдилар айтинг... Имом кулиб чордона қурди, Сўз бошлади бизлар ёш эдик... Дўстим билан таҳорат олиб, Бирга намоз ўқиймиз дедик... Ибодатни бошлар онимиз, Келиб қолди узоқдан чўпон... Сизлар билан ибодат қилсам, Берасизми дедилар имкон... Бирга намоз ўқидик кейин, Хушимизга бир хис урилди... Келинг дуо қилайлик дея... Чўпон бизга қараб бурилди... Мен бошладим бир масжид бўлса, Имом бўлсам қанийди роббим... Гар бандангга бир имкон берсанг, Каломингдан дарс берар эдим... Дўстим айтди ё парвардигор, Қўли очиқ бойлардан бўлай... Эҳсон қилай ночорга ёрдам, Қарздорлар қарзларин тўлай... Ўша онда чўпон қўл очиб, Биз кутмаган дуони қилди... Мен сендан минг розиман тангрим, Сен ҳам мендан рози бўл энди... Йиллар ўтди мен масжиддаман, Дарс бераман ёшу қарига... Дуоларим ижобат бўлган, Шукур қилгум буни барига... Дўстим ҳам у катта шахарда, Бойлардан ҳам бой бўлиб кетган... Аниқ билдим у он сўраган, Дуосига ижобат етган... У пайтда сўраган барча, Нарсамизга эгамиз бугун... Демак чўпон ютиб кетибди, Ҳақдан ризо сўрагани учун... Бир пайтлар бизлар тилаган, Дуоларга ижобат етди... Оддийгина қўй боқиб юрган, Чўпон биздан олдинлаб кетди... 📝Муаллиф: Зоҳид Зиё.... https://t.me/+PBE4iXYSD3NPX6fl Ⓜ️anba: @sherlar         ⭐#like_boss👇

Шу шеьрни секингина синфдошларга тарқатиб қўямиз !!! 🔥Унутмагин мени синфдош... Йиллар қувиб ўтди йилларни, Ташлаб кетди ёшлик бағритош... Эслаб юргин ушбу кунларни, Унутмагин мени Синфдош... Улғайибмиз шунча йил бирга, Бугун йиллар кирмоқда тилга, Бироз алам тўлмоқда дилга, Унутмагин мени Синфдош... Мактаб томон шошмаймиз энди, Дарслардан ҳам қочмаймиз энди, Қизларга сув сочмаймиз энди, Унутмагин мени Синфдош... Кўздан ёшни тиёлмаябман, Бу қандай ҳис билолмаябман, Йиғлаяпман кулолмаябман, Унутмагин мени Синфдош... Энди менга айтмайсан сира, -Юр мактабга борамиз жўра, Осонгина айрилдик зўр-а, Унутмагин мени Синфдош... Катта ҳаёт бошланар секин, Энди билим олмаймиз текин, Ҳаётда не бўлсину лекин, Унутмагин мени Синфдош... Хайр мактаб, синфхоналар, Бугун сенга тўлар нолалар, Қўнғироқни чалинг болалар, Унутмагин мени Синфдош... 📝 Муаллиф: Зоҳид Зиё... https://t.me/+PBE4iXYSD3NPX6fl Ⓜ️anba: @sherlar         ⭐#like_boss👇

#ПРЕМЬЕРА 🔥Онам билан бирор ёққа борганим йўқ... Чарчамадим толиқмадим дунё кезиб, Нафсим учун хизмат қилиб хорганим йўқ... Бугун виждон юрагимни қўйди эзиб, Онам билан бирор ёққа борганим йўқ... Денгизларни кўриб келдим ёрим билан, Дўстим билан бола-чақа борим билан, Қандай яшаб юрибман бу орим билан, Онам билан бирор ёққа борганим йўқ... Ким учун бу топганларим ҳашлаганим, Уятмасми дунёга дил ташлаганим, Жуда тўғри мен кўнглимни ғашлаганим, Онам билан бирор ёққа борганим йўқ... Махшаргача сиз ёнимда туринг дея, Болангиз бор энди давр суринг дея, Айлантириб келай қани юринг дея, Онам билан бирор ёққа борганим йўқ... Оҳ Онамсиз кўнгил уйим ҳароб ахир, Волидамсиз ўтган дамлар сароб ахир, Унга хизмат қилиш улкан савоб ахир, Онам билан бирор ёққа борганим йўқ... Денгизларни кўриб келдим ёрим билан, Дўстим билан бола-чақа борим билан, Қандай яшаб юрибман бу орим билан, Онам билан бирор ёққа борганим йўқ... 📝Муаллиф: Зоҳид Зиё.... https://t.me/+PBE4iXYSD3NPX6fl Ⓜ️anba: @sherlar         ⭐#like_boss👇

*МАКТАБДАГИ СИНФДОШЛАРИМ* Бир партада ўтирдик бизлар, Синфдошим ўғил-у, қизлар, Эсдан чиқмас қадирдонсизлар, Мактабдаги синфдошларим! Кўзларимдан оқар ёшларим, Эй дўстларим, қадрдонларим, Сизлар билан ўтган онларим, Мактабдаги синфдошларим! Кулгулари шарқироқ сойдек, Юзлар ширмон, тенгсиз чиройдек, Эй синфдош қизларим ойдек, Мактабдаги синфдошларим! Жонимга жон, жигарим бари, Чин елкадош, дўстларнинг сари, Кўздан ўтар кетса сал нари, Мактабдаги синфдошларим! Йиқилганда қўлим тутгансиз, Ҳафалашсак тез унутгансиз, Туғишгандек бўлиб кетгансиз, Мактабдаги синфдошларим! Бири кўз-у, бири қошларим, Бугун кўзда тинмас ёшларим, Оқибатли қадрли доим, Мактабдаги синфдошларим! ✍Абдумуталиб Эргашалиев Қўшиқ ва идея учун муаллиф рухсатини олинг(руҳсатсиз қилинган қўшиқлар қонунан жавобгарликка тортилади) https://t.me/+PBE4iXYSD3NPX6fl Ⓜ️anba: @sherlar         ⭐#like_boss👇

*ОНАМНИНГ КЎНГЛИ СЕЗАР* Жисмим чекса дард-у, ғам, Хорғинлик руҳим эъзар. Жонимга куйиб ҳар дам, Онамнинг кўнгли сезар. Бошимга ёғса тошлар, Етмай қолса бардошлар, Кўзимдан оқса ёшлар, Онамнинг кўнгли сезар. Синовлар келиб қатор, Ҳолим танг бўлса абгор, Жим турсам қилмай ошкор, Онамнинг кўнгли сезар. Ишларим юрмаса ҳеч, Омадим кулмаса ҳеч, Дуо қилиб эрта кеч, Онамнинг кўнгли сезар. Нур юзлари ой каби, Бордир меҳрининг таъми, Кўпайса елкам ғами, Онамнинг кўнгли сезар. Чин муҳлиси, санъатим, Пойдевори қудратим, Сиз ва отам давлатим, Сизлар бор умрим безар. ✍Абдумуталиб Эргашалиев Қўшиқ ва идея учун муаллиф рухсатини олинг(руҳсатсиз қилинган қўшиқлар қонунан жавобгарликка тортилади) https://t.me/+PBE4iXYSD3NPX6fl Ⓜ️anba: @sherlar         ⭐#like_boss👇

*ЁМҒИРДА ҲЎЛ БЎЛГАН ҚИЗ* Ёмғирда ҳўл бўлган қиз, Кўзёши кўл бўлган қиз, Севсам, мени менсимай, Кейин севиб қолган қиз. Ошиқ эдим, зор эдим, Сиздан умидвор эдим. Ҳавас эмасди ишқим, Чиндан кўнгли бор эдим. Гул тутдим, гулдастамас, Лек, севдим чин, ҳар нафас, Бахт пулда бўлса агар, Севманг, майли шарт эмас. Тўғри, мен зўр эмасдим, Ёш эдим, ғўр эмасдим, Сиздай танноз қизларга, Ғурурим ер қилмасдим. Миниб кибр отини, Танлар йигит зотини, Мен сизга тенг эмасман, Бўлинг бойнинг хотини. Омад кулди менга ҳам, Пул бор, мошина, уй ҳам, Онам топган қиз яхши, Севманг мени эндиям. ✍Абдумуталиб Эргашалиев Қўшиқ ва идея учун муаллиф рухсатини олинг(руҳсатсиз қилинган қўшиқлар қонунан жавобгарликка тортилади) https://t.me/+PBE4iXYSD3NPX6fl Ⓜ️anba: @sherlar         ⭐#like_boss👇

#ПРЕМЬЕРА 🔥Ҳамма дардга дорим Онам... Юзлари гулнорим Онам, Чин ҳазинам борим Онам, Борлиги бахт, меҳри шифо, Ҳамма дардга дорим Онам... Умри достон умри ғазал, Онам шундай буюк азал, Бўлсам бемор, бўлсам касал, Ҳамма дардга дорим Онам... Кўзларим ёш намкор эмас, Кўнглим ғамга хамкор эмас, Ўзга даво даркор эмас, Ҳамма дардга дорим Онам... Болам деса тинглар оним, Қуршаб олар меҳр ёним, Оғримайди зарра жоним, Ҳамма дардга дорим Онам... Шерикмасман армонларга, Армон берган фармонларга, Ишим тушмас дармонларга, Ҳамма дардга дорим Онам... Юзлари гулнорим Онам, Чин хазинам борим Онам, Борлиги бахт, меҳри шифо, Ҳамма дардга дорим Онам... 📝Муаллиф: Зоҳид Зиё.... https://t.me/+PBE4iXYSD3NPX6fl Ⓜ️anba: @sherlar         ⭐#like_boss👇

#ПРЕМЬЕРА 🔥Шартмиди Она... Мунғайиб қолибсан, қариб қолибсан, Берганим изтироб дардмиди Она... Кўрдим йўлларимга қараб толибсан, Келар деб кутишинг шартмиди Она... Қачон қулоқ тутдим кўнгил нолангга, Сабабман кўзингдан оққан жолангга, Заррача қадрингни билмас болангга, Меҳрлар тутишинг шартмиди Она... Бир мартта яшайман яйраб қолай деб, Мен нодон нафсимга беравердим зеб, Келардим бир куни дунёдан панд еб, Соғинчим ютишинг шартмиди Она... Қаламкаш шоири замонинг учун, Кўксинга санчилган камонинг учун, Менингдек бир телба ёмонинг учун, Жон нисо этишинг шартмиди Она.... Келар деб кутишинг шартмиди Она, Соғинчим ютишинг шартмиди Она, Заррача қадрингни билмас болангга, Меҳрлар тутишинг шартмиди Она... 📝Муаллиф: Зоҳид Зиё.... https://t.me/+PBE4iXYSD3NPX6fl Ⓜ️anba: @sherlar         #like_boss 👇

Рӯмолингни ӯраб ол қизим Дунё сени алдаб қӯймасин, Ота - онанг ӯтда куймасин, Майли хеч ким ёниб, суймасин, Рӯмолингни ӯраб ол қизим. Кӯз, кӯз қилма қош- кӯзингни, Бежантирма ойдин юзингни, Номахрамдан асра ӯзингни, Рӯмолингни ӯраб ол қизим. Чиройингни бозорга солма, Пардаси йӯқ дераза бӯлма, Махшар куни уятда қолма, Рӯмолингни ӯраб ол қизим. Беш кун дунё ӯтиб кетади, Бир кун қуёш мангу ботади, Сабр қилган бахтга етади, Рӯмолингни ӯраб ол қизим. Ҳавас қилма яланг бошларга, Дунёга ӯч қалби тошларга, Охиратда йиғлар  ёшларга, Рӯмолингни ӯраб ол қизим. Гарчи улар кӯрсалар ёмон, Оллоҳ сени қӯллагай ҳар он, Унутмагин бу дунё ёлғон, Рӯмолингни ӯраб ол қизим. Ҳар фарзида бӯлсангда қоим, Панохида юрарсан доим, Иффатингни сақла гулойим, Рӯмолингни ӯраб ол қизим. ✍ Зулфия Юсуф ❌Муаллиф рухсатисиз тегилмасин.Марожат учун @Zulfiya_Yusuf https://t.me/+PBE4iXYSD3NPX6fl Ⓜ️anba: @sherlar       👍  #like_boss 👇

Ўзгарган дўстим Салом аликларинг наридан бери, Худди бу оламда сендан йўқ зўри, Сени дўст билганим пешонам шўри, Пуллари кўпайиб ўзгарган дўстим. Давралардан кўнглинг безор бўлибди, Кекайган гавданга кибр тўлибди, Бойлик иштиёқи не куйга солибди, Пуллари кўпайиб ўзгарган дўстим. Оқибат риштаси олислаб ўтди, Вафоинг тиллога сотилиб кетди, Ҳаётинг зўр экан қулоққа етди, Пуллари кўпайиб ўзгарган дўстим. Унутма ҳаммамиз оддий бандамиз, Ким паст-у ким баланд синов кундамиз, Омонат дунёда кетар жондамиз, Пуллари кўпайиб ўзгарган дўстим. ✍ Зулфия Юсуф. Муоожат учун:@Zulfiya_Yusuf https://t.me/+PBE4iXYSD3NPX6fl Ⓜ️anba: @sherlar         ⭐#Yulduzchani_boss👇

#PRЕMYERA 🔥Meni ishqim yedi Ona, yedi Ona... Yuzlarimda kulgular bor edi Ona, Yuragimda tuyg‘ular bor edi Ona, Xolin ko‘ring endi mag‘rur bolangizni, Meni ishqim yedi Ona, yedi Ona... O‘xshab qoldim bugun motamsarolarga, Quvonchi yo‘q g‘amgin baxti qarolarga, Tuzlar sepib qalbimdagi yarolarga, Meni ishqim yedi Ona, yedi Ona... Alamlar ko‘p ko‘ngilginam dargohida, Nishondaman armonlarning nigohida, Asrolmadi muhabbat ham panohida, Meni ishqim yedi Ona, yedi Ona... Qo‘l cho‘zganim qo‘llarimdan yiroq bo‘ldi, Baxtmikan deb intilganim firoq bo‘ldi, Oh umrimning qolgan qismi so‘roq bo‘ldi, Meni ishqim yedi Ona, yedi Ona... Bir paytlar kular edim endi esa, Dod solaman kimdir holing qanday desa, Hamma odam ishq qo‘lidan asal yesa, Meni ishqim yedi Ona, yedi Ona... Yuzlarimda kulgular bor edi Ona, Yuragimda tuyg‘ular bor edi Ona, Bir quchoqlang endi g‘amgin bolangizni, Meni ishqim yedi Ona, yedi Ona... 📝Muallif: Zohid Ziyo... https://t.me/+PBE4iXYSD3NPX6fl Ⓜ️anba: @sherlar         ⭐#Yulduzchani_boss👇