Shingil

🏝️ Milliarderlar apokalipsis ehtimoliga qarshi o‘zlariga boshpanalar qurishda davom etmoqda — Argentinada 32 000 gektarlik rancho barpo etilyapti: hajmi uchta Parijga teng va o‘zining internetiga ega. U yerda allaqachon uylar, quyosh panellari va uchish-qo‘nish…

🏝️ Milliarderlar apokalipsis ehtimoliga qarshi o‘zlariga boshpanalar qurishda davom etmoqda — Argentinada 32 000 gektarlik rancho barpo etilyapti: hajmi uchta Parijga teng va o‘zining internetiga ega. U yerda allaqachon uylar, quyosh panellari va uchish-qo‘nish yo‘lagi bor. Loyihaga 10 million dollar sarmoya kiritilgan, serverlar ishdan chiqqan taqdirda esa sun’iy intellekt modellarini kompyuterga yuklab olib, o‘z internetlarini yaratishmoqda. Loyihaga boshqa o‘ta boylar ham qo‘shilishni istashmoqda, biroq u yerga faqat tanish-bilishchilik orqali kirish mumkin. Shunchaki pul bilan kiritishmaydi. 📟 DigiTech

Marjon билан APACHI брендининг реклама кампаниясида хизмат қилаяпмиз. Бошлаганимизга кўп бўлмади, лекин натижалар зўр, деярли ҳар куни реклама билан юрган машиналарни кўчада кўриб қоламиз. Бошқа компаниялар билан музокара қилаётганимизда улар ҳам шуни таъкидлашаяпти, Apachi ни кўп кўраяпмиз, роса зўр чиқибди дейишади. Бу албатта, маркетологнинг машаққатли меҳнати натижаси ҳам. Чунки формат, қадоқ, нейминг, ранглар, креатив зўр ишланган, кўрганда диққатни тортади, эсда қолади, ҳамкасбим Аннага респект) Албатта, маҳсулот ҳам зўр чиққан, нарх ва сифат мутаносиблиги меъёрда. Яхши нишани эгаллашаяпти. Бугун бир маҳсулотни бозорга опкириш нархи арзонмас. Маҳсулот зўр бўлса уёғига кучли маркетинг ва пул керак бўлади. Deya компанияси Apachi брендини бозорга опкириш учун мана шу уч факторни бир жойга жамлай олди, маҳсулот + маркетинг + ресурслар = натижа зўр. Бугун Ўзбекистон бўйича салкам 30 000 савдо дўконларида Apachi бор, сотилиш тезлиги ҳам ўртачадан юқори.

Бензин кўчаларда баклажкаларда сотиладиган даврлар эсинглардами? Россияда шу кунлар яқин шекилли. Бензин дефицит. Бу дефицит орқасидан машиналарга метан ўрнатиш бошланиши, кейин эса метан заправкалар кўпайишиям мумкин. Таниш ҳолми?

Умр жуда қисқа, биз буни унутиб қўйишимиз учун шайтон "узун орзулар" деган инструментдан яхши фойдаланади.

Бир пайтлар ярим ҳимоямиз энг кучли чизиғимиз бўларди: Жепаров, Ҳайдаров, Аҳмедов, Кападзелар ўйнаган пайтларни айтаяпман. Бугунги жамоамизда эса ўша чизиқ жуда кучсиз экан. Эссиз. Мундиалдан кейин аввалроқ ёшларимизни чемпион қилган, ҳозирда Нефтчи тренери (Исмоиловмиди?) бўлган йигитни Каннаваро ўрнига тренер қилиб қўйиш керак.

Футбол бўйича жаҳон чемпионатларини кўришни 1986 йилдан бошлаганман. Ўзимизни жамоамиз ҳар сафар мундиалга йўлланмадан қуруқ қолганда қанчадан-қанча асабларимиз кетган) Бугунги кунни кўп кутганмиз. Болалар яхши ўйнаб беришади деб ишонаман. Оптимистик…

Футбол бўйича жаҳон чемпионатларини кўришни 1986 йилдан бошлаганман. Ўзимизни жамоамиз ҳар сафар мундиалга йўлланмадан қуруқ қолганда қанчадан-қанча асабларимиз кетган) Бугунги кунни кўп кутганмиз. Болалар яхши ўйнаб беришади деб ишонаман. Оптимистик тахмин: Ўзбекистон 2:2 Португалия Нима қипти оптимист бўлсак?)

Фируз дўстимизни ўйлантирган мана шу мулоҳазалар сизни ҳам ўйлантирганми ҳеч? Балки бу фикрларнинг илдизи инсон умри жуда қисқалигига бориб тақалар? Фикримча, умримиз бундан анча узун ва жисмоний имкониятларимиз кўпроқ бўлса ҳам бу "адолатсизлик" муаммоси актуал бўлиб тураверади. Хўш, масаланинг ечими борми? Бор. Ечим шуки, инсон бу дунёда эмас, нариги дунёдаги натижа учун ишлашини тушуниб, бундан қаноат ҳосил қилади. Бу қисқа дунёда эса ҳақиқий дунёдаги натижага олиб борадиган сабабларни қилади, жараённинг ўзида ажр (натижани яхшилайдиган баллар) олади. Сабабларни тўғри қилинса бу дунёда ҳам яхши натижа келади, албатта. Бизнес бошлашда, шерикчиликда, никоҳда ва эртага нима бўлишини билмайдиган бошқа мавзуларда эса Аллоҳга истихора қилиш, шу иш менга икки дунёимда хайрли бўлса насиб қил, бўлмаса мендан нари қил деган мавзуда дуо қилиш керак. Биз адолати мукаммал бўлган Одил Зот томонидан бошқариладиган оламда яшаймиз.

Манга ҳаётдаги адолатсиздек туюладиган қонуниятлардан бири йирик ишларнинг натижаси жуда секин келишидир. Бугун бошлаган тўғри ҳаракатимизни ҳақиқий мевасини кўриш учун баъзан 10-20 йил керак бўлади. Масалан, тарбияда 10 ёшли болага сингдирилаётган қадриятлар, характер ёки қилинган хатоларнинг асорати у улғайиб, мустақил қарорлар қабул қила бошлагандагина очилади. Соғлиқ ёки молиявий масалаларда ҳам худди шундай: мунтазам нотўғри овқатланиш ёки самарасиз харажатларнинг зарари йиллар ўтиб, вазиятни ўнглаш ўта қийинлашган пайтдагина яққол кўринади. Бир марта ёғлик ош еб, керагидан ортиқ спиртли ичимлик ёки шакарга бой ичимлик билан одам шу заҳоти семириб ёки носоғлом бўлиб қолмайди. Шунга ҳам ҳеч нарса қилмайдику деб ўйлаймиз. Кичик харидлар ҳам шунақа. Уларнинг ҳар бири алоҳида сизни молиявий эркинликда узоқлаштирмайди. Хато қилиб қўйиб, "майли" деб ўтиб кетган кичик лаҳзаларимиз йиғилиб, бир куни қимматга тушади. Қимматга тушган кўринганда бўлса, афсус қилиш кеч бўлади. Лекин бунинг энг фожиали жиҳати бошқа ерда. Энг ёмони – одам тўғри йўлда бўла туриб, тезкор натижа кўрмагани учун ортга қайтишидир. Дейлик, соғломлашиш ва формага кириш учун ҳафтасига 3-4 марта залда оғир тош кўтаришни ёки янги, йирик халқаро лойиҳа устида ишлашни бошладингиз. 3-4 ой ўтади, сезиларли ўзгариш йўқ. Баъзан 3-4 йил ўтади ва "бўлмаяпти шекилли, буни фойдаси йўқ экан" деб ҳаммасини ташлаб, бошқа йўналишга ўтиб кетамиз. Аслида эса мутлақо тўғри йўналишда эканлигимизни, шунчаки пишиб етилиш жараёни давом этаётганини тушунмаймиз. Буни англаб етганимизда эса аллақачон кеч бўлган, пойдевор бузилган бўлади. Ҳазил гап бор-у, тўққизта аёл билан ётиб бир ойда туғдириб бўлмайди. Бизнес ва ҳаётда ҳам ҳақиқий катта натижалар ёки зарарлар муддат ўтишини талаб қилади. Ўша машҳур “Мураккаб фоиз эффекти” *(Тҳе compound effect) сезиларли натижа бергунча фойдали ишни давом этишга ёки зарарлисини тўхтатишга сабримиз ва иродамиз етмайди. Бизнес қурасизми, касб ўрганасизми, молиявий масалами, фарзанд тарбиялайсизми ёки соғлиқми — қоида битта, фойдали ёки зарарлигидан қатъий назар жиддий масалаларда натижасини кўриш учун муддат керак. Зарарга ишлаган ҳолатда, адолатсиз томони шундаки, йиллар йўқотилган ҳолатда натижани тўғрилаш умр талаб қилади ёки умуман орқага йўл бўлмайди. Масалан, фарзанд тарбиясида орқага йўл йўқ, соғлиқ масаласида кеч бўлган бўлиши мумкин, молиявий масалада имкон қўлдан чиққан бўлиши мумкин. Натижа кеч келиши битта адолатсизликдек туйилса, иккинчи ўзи тўғри ёки нотўғри йўлда эканлигингизни баҳолаш қийинлиги ва сабр етмасдан тўғри йўлдан чиқиб кетиш бошқа адолатсизликдек туйилади.

#Мошенниклар! Мани профилимга ўхшаш профилдан ёзиб пул сўрашса ишонманглар, бериб қўйманглар

"Unicorn" tanlovida qatnashing va Startup School'da BEPUL o'qing Ishtirok etish mutlaqo bepul.Faqat bir kichik vazifa bor: tanlovimiz haqida do‘stlaringizga ham xabar bering. Ishtirok etish shartlari: • @UnicornTechTanlovBot orqali ro'yxatdan o'ting va do‘stlaringizni taklif qiling • Har bir do‘stingiz botga kirib, to‘liq ro‘yxatdan o‘tsa sizga +1 ball qo‘shiladi • Eng ko‘p ball to‘plagan 20 nafar ishtirokchi g‘olib bo‘ladi G‘oliblarni nimalar kutmoqda? • 20 nafar g‘olib uchun Startup School’da BEPUL ta’lim • Eng kuchli bitiruvchilarga $10,000+ investitsiya yutish imkoniyati • Tajribali mentorlar bilan real startup loyihalarda ishlash tajribasi Hoziroq ro‘yxatdan o‘ting.Bu oddiy tanlov emas — bu kelajagingiz uchun imkoniyat! Bizni kuzatib boring Telegram | Instagram | LinkedIn | YouTube | Website

Чегаралар ва цензуралар. Инсоният тарихида айнан бугунгидек давр ҳеч қачон бўлмаган. Ва катта эҳтимол билан, бошқа бўлмайди ҳам. Глобал ривожланиш бизга мисли кўрилмаган, чегарасиз ҳудудни тақдим этди, дунё бир катта қишлоқдек бўлиб қолди гуё. Охирги 70 йил ичида дунё бўйлаб маълумотлар алишиш тезлиги мисли кўрилмаган даражага чиқди, саноатнинг барча соҳаси учун бозор кенгайиб, ишлаб чиқаришлар кўлами ошди, уларни масштаблаштириш осонлашиб кетди, хизматлар бозори эса геометрик прогрессияда ўсди, саёҳатлар ва савдо-сотиқ осонлашиб кетди. Глобал платформалар пайдо бўлиб, давлатлар орасидаги чегаралар фақат харитада бўлиб қолди, виртуал оламда эса бу чегаралар йўқолиб бораяпти. Танганинг иккинчи томони ҳам бор. Бугун Meta, Google, Tik-Tok ва Telegram каби гигантлар бутун дунё аҳолисини ўзларининг «виртуал фуқароларига» айлантириб олди. Бу анъанавий географик давлатлар ва корпорацияларнинг виртуал давлатлари ўртасидаги рақобатни келтириб чиқарди. Корпорацияларнинг иқтисодий манфаатлари нимада? Маълумотлар - янги нефть: Сизнинг ҳар бир фикрингиз, қизиқишингиз ва қадамингиз корпорациялар учун қимматбаҳо хом ашё. Улар бу маълумотларни қайта ишлаб, алгоритмлар орқали сизни керакли истеъмолчига айлантиришади. Диққат иқтисодиёти: Бизнинг вақтимиз - уларнинг даромади. Платформалар бизни иложи борича узоқроқ ушлаб туриш орқали реклама бозорини тўлиқ назорат қилади. Муқобил молия тизими: Ўз ички валюталари ва тўлов тизимларини жорий қилиш орқали улар улкан молиявий айланма ҳам яратишмоқда. Ва албатта, иқтисодий манфаатлардан бошқа қатор муҳим сабаблар ҳам борки, шунинг учун, географик давлатлар бу курашда ютқазмаслик ва назоратни қўлдан бой бермаслик учун виртуал оламга ҳам чегара қўйишга мажбур бўлишади деб ўйлайман. Менинг прогнозим шуки, яқин йилларда кўплаб давлатлар ўз миллий манфаатларини ҳимоя қилиш мақсадида интернетга қатъий чегаралар ва кучли цензура киритишса керак. Ўйлашимча, биз эркин интернетнинг сўнгги даврида яшаяпмиз.

Бугун ҳамкасблар билан тушликка "Штаб табака" дан товуқ опкелдик. Маҳаллани ичида, кўримсизгина жой, лекин бирваракайига 5-6 киши навбат кутиб туришибди, мижозларни кети узилмаяпти. Телефонда ҳам тинмасдан заказ олиб туришибди, кўз тегмасин. На доставка агрегаторлари бор, на ўтириб ейишга жойлари бор, фақат опкетиш мумкин, шундаям пишириб улгуришмаяпти. - Аллоҳ барака берибди, дейди шеригим, қайтаётганимизда. - Ҳаа. Биз ҳам ишимизда Аллоҳдан барака сўраб, билдирганича сабабларини қилаверайлик, қолган сабаблар эса ўз-ўзидан келаверади. Дўконингиз бўлмаса ҳам, мижоз топилаверади. Ресторанингиз бўлмаса ҳам навбат билан сотаверасиз.

Азиз кузатувчилар! Аллоҳ биздан ва сиздан солиҳ амалларимизни қабул қилсин, ийд муборак бўлсин!

Бугунги тун Қадр кечаси бўлиши мумкин

Бир кишига қанча кенг имкон берилса, ҳали олдинда уни кутиб турган жавобгарлик ҳам шунча катта бўлади. Имкониятлар кенглигини жавобгарлик масъулияти ошиши деб қабул қилинса, киши ўша кенгликдан кўра ҳозирги тинчлигини маъқул кўриб қолиши мумкин ва бу тўғри ҳам бўлади.