Shoir nolasi

Абдулла ОРИПОВ ТИЛЛА БАЛИҚЧА Тухумдан чиқди-ю, келтириб уни Шу лойқа ҳовузга томон отдилар. Ташландиқ ушоқ еб ўтади куни, Хору хас, хазонлар устин ёптилар. Дунёда кўргани шу тор ҳовузча Ва мудроқ толларнинг аччиқ хазони. Менга алам қилар, тилла балиқча Бир кўлмак ҳовуз деб билар дунёни…

#NIHOYAT ONLINE kurslarga qabul boshlandi. Boshlasangiz qoʻshilardim deganlar uchun yaxshi yangilik. Endi uyda oʻtirib ham arab tili fonetikasini oʻrgana olasiz. Kursimiz oxirida siz oʻqish va yozish hamda toʻgʻri talaffuz qilish malakasiga ega boʻlasiz. Masofa uzoqligi va borib oʻqishga sharoit yoʻqligi endi bahona boʻlolmaydi. Bogʻlanish va roʻyxatdan oʻtish uchun 👇: @lisonul_arab

Balki vaqti yetgandir.....

O'ynamasa kimdir birov nayiga Shum niyyatla tushar uning payiga

"Moʻminning me'roji" Shayh Muhammad Sodiq Muhammad Yusuf. Nafl namozlar — oʻz ihtiyori bilan farzga qoʻshimcha oʻqiladigan namoz. Tahiyyatul masjid — masjid bilan salomlashish niyatidagi namoz. Shuruq (Ishroq) — bomdoddan keyin oʻqiladigan xos namoz. Choshgoh namozining eng avvalgi vaqti. Choshgoh namozi — quyosh chiqqanidan ≈30 daqiqa keyin va peshinga 1 soat qolgunga qadar (dahvatul kubro) oʻqilishi mumkin boʻlgan namoz. Shukru vuzu' — tahoratning shukrini ifodalash niyatidagi namoz. Istihora namozi — yaxshilikni talab qilish (ikki ishdan birini tanlashda) oʻqiladigan namoz. Xojat namozi — Alloh rahmatini (muammoni yechishni) soʻrash uchun oʻqiladigan namoz. Tavba namozi — Allohning magʻfiratiga qochish uchun. Avvobiyn namozi — shom namozidan keyingi 6 rakatlik namoz. Qur'onda ham ta'kidlangan. Tahajjud — Qur'onda targʻib etilgan, kechqurun uxlab turgandan keyin oʻqiladigan namoz. Tasbeh namozi — 300 tasbehdan iborat, umringiz davomida hech boʻlmaganda bir bor oʻqishingiz kerak boʻlgan namoz. ©Akmaljon qizi

Bulbul ham xijolat yonida, So'zlasa, har so'zi navodir. Dard, alam yashirin jonida, Ayolning xislati vafodir. Qishni qish, yozni yoz demagay, Ayolning xilqati jafodir. Bir umr oila deb yashagay, Ayolning iffati vafodir. Qiyshiq qovurg'a sabab bunyod, Hazrat Odam- hamroh Havodir. Shukr etib hech qilmagay faryod, Havoning merosi vafodir.                Muhammad Ali

Bizning qalblar ko'ma xolatiga tushgan ekanku bilmabmiz......

Inson qilgan gunoh amallari, uning yaxshi amallari yo'lini to'sib qo'yar ekan. Zero, oq qog'ozga qora dog' tushib uni bulg'agani kabi.... Telba qalbimdan

Atrofingda yaxshi insonlarning yigʻilishi sening ham yaxshi insonga aylanishingga sabab boʻladi. Zero, gul ham yetilib ochilgach, har yonga oʻz iforini yoyadi, soʻng shamol uning urugʻlarini yon-veriga uchirib, atrofni chamanzorga aylantiradi...

Bundan battar bo'lganida nima qilar edim....?

Bolalar bironta maqolni ham notoʻgʻri aytgani yoʻq, barchasi haqiqat😂 📸 Manba 🔘 @xushnudbekuz

Shaytonning hiylalari haqida, Me: 1. Agar shayton sizni tasattur (o’ranish)dan qaytara olmasa, kiyimlaringiz va yuzlaringizni ziynatlashga va shu orqali boshqalarni o’zingizga qaratishingiz uchun harakat qiladi. 2. Agar sizni katta gunohlarga tushira olmasa, kichik gunohlarni arzimas sanattirib, unda bardavom bo’lishingiz uchun harakat qiladi. 3. Agar sizni gunohga tushira olmasa, vazqtingizni bekorchi-behuda ishlarga sarf ettiradi. 4. Agar sizni ibodattan to’sa olmasa, uni kechiktirishingiz uchun harakat qiladi. 5. Agar sizni kufrga tushira olmasa, sizni Qur’on va sunnatga beparvo qilib, ilmdan uzoqlashtirishga harakat qiladi yoki noto’g’ri ta’lim olayotganingizni ziynatlab ko’rsatadi. 6. Agar shayton sizni yenga olmasa, sizni umidsizlik, tushkunlik va g’am-g’ussaga solishga harakat qiladi. 7. Alloh uchungina qilinadigan ibidatlaringizni yo’qqa chiqarish uchun uni boshqalarga oshkor qilishingizni chiroyli qilib ko’rsatadi va siz bu haqida gapirib yurasiz yoki sahifalaringizga joylaysiz. @Muhibbuna

🇸🇦 Arab tilini o‘rganishni bugundan boshlang! Yangi guruhlarimizga qabul boshlandi. ✔️ Ayollar uchun ✔️ Erkaklar uchun ✔️ Bolalar uchun 📍 Beshariq va Furqat filiallarida Arab tilini mustahkam metodika va tajribali ustozlar bilan o‘rganing. 📝 Kursga yozilish 📞 95 095 29 92 | 77 032 17 77 📩 Bot orqali: @adabschooluz_bot @adabschooluz

‍ДАРВЕШ ҚЎШИҒИ Товоним майсани эркалаб, Туфроқнинг тегади ғашига. Ёмғирли булутни елкалаб, Кетяпман Кар Бало даштига. Ла-ла-лай-ҳо-о лалалай! Ошиқман ой билан ўпишиб, Гуноҳин совурган шамолга. Пулсирот устида топишиб, Ғилмонга чорлаган аёлга. Ла-ла-лайҳо-о лалалай! Қонимни томчилаб сўр зулук, Шабнамга тўлдирай ичимни. Дарвешга дунёси бир пуллук, Ўйлайман эртанги бичимни. Қачондир иймонга панд берар, Ҳирс-Темурнинг калта оёғи. Қабргача аён бор сирлар, Нима бўлар ундан нар ёғи?! Ла-ла-лайҳо-о лалалай! 2. Чанқаб келдим масиҳ булоқ, Заҳар тутсанг Ичсам-болдир. Ўнгда гуноҳ, Сўлда гуноҳ, Сендан кечиб, Сенда қолдим. Сулув-сулув жинзодалар, Ётоғига тортар ҳа деб. Чинқираман: вой, ложарам, Менга очлик қўналға деб. Қовжиратди руҳимни нафс, Майхоналар қувиб солди. Тушовлади тилимни қавс (), Сендан кечиб, Сенда қолдим. Пайғамбарга эмасман хеш, Тағин қисир қовурғамиз. Биздан кўра Айюблар пеш, Сочдан тирноқ довур ғаммиз. Илтижойим олма малол, Қуриб бергин биллур капа(к). Яшаб ўтсин унда ҳалол, Қарға умрини капалак. 3. Қачон исминг айтсам жонон, Тамуғдонда ёнар бўғзим. Бирам тотлиғ, такрорласам, Шов-шовиллаб қонар бўғзим. Бу не ишқи, бу не лаззат? Азобидан томар мазза. Шивирласам тушимда гоҳ, Эзғиланган анор бўғзим. Йўқотаман ўзни буткул, Чорла само, Тубо ютгул. Ўтга тушган илондай маст, Ҳар ёна тўлғонар бўғзим. Майли тугаб битай охир, Ўзинг фано, Ўзинг моҳир. Калимадан ўткур эса, Шу тақлид уйғонар бўғзим. 4. Қуддусий тош каби муаллақ Кипригимни сарғайтган томчи. Дунё - дажжол ўраган салла - Алдамчи. Тома-тома ой ҳам тугади, Ичиб қўйди ташналаб замим. Занжи осмон ваҳм тўкади ...ва мен. Қутуради жунунваш ҳислар, Кўзойнагин излар фаросат. Кўкка қараб ўсар илдизлар - Аросат. Яқинлашиб келади Я кун, Исрофилни уйғотади Сас. Бўшлиқ жаранглар "Кун фая кун" - Бас! 5. Қаердамиз? Йўқ ўхшаши, (Қилинмаган талон-тарож). Кетаяпмиз қўл ушлашиб, Иккимизда қип яланғоч. Кўрай десанг бахтинг баҳам, Топилмайди ожиз, очлар. Аллоҳ, Аллоҳ қаноциз ҳам, Учарканда қалдирғочлар. Шаффоф танлар борар саф-саф, Гул йиғлар соч тарамига. Қадам қўяр нор йигит, хаҳ, Бокиралар ҳарамига. Осмон эмас пардай бўшлиқ, Тасаввурга сиғмас чирой. Томирини кесди мушфиқ... Тентаксираб қолди биров. Мен йиқилдим масту алас, Оёғинга, Боқма, майли. Гуноҳларсиз олгин нафас, Энди сира айрилмайлик. Энди сира айрилмайлик. Сендан кечиб, Сенда қолдим. Жонтемир @Jontemir_t

Agar aql ishlamasa, jismga og'ir bo'ladi... Telba qalbimdam

Луқмони Ҳакимдан сўрадилар: – Энг доно ким? Айтди: – Ҳаёт қийинчиликларидан ғамгин бўлмаган киши. Сўрадилар: – Энг яхши бойлик нима? Айтди: – Ақл. Сўрадилар: – Қайси ўт ўз ёқувчисини куйдиради? Айтди: – Ҳасад ўти. Сўрадилар: – Қандай бино вайрон бўлмайди? Айтди: – Адолат биноси. Сўрадилар: – Қайси аччиқ нарсанинг сўнгги ширин? Айтди: – Сабрнинг. Сўрадилар: – Қайси нарсанинг охири аччиқ? Айтди: – Шошқалоқликнинг. Сўрадилар: – Қайси дард бедаво? Айтди: – Тентаклик.....

Agar aql ishlamasa, jism qiynalaveradi....

*** Уриндим - асроринг еча олмадим - Хар битта жилвангда минг сирли тугун. Фақат, Тангрим, кечир, бандаларингдан Эрку, Озодликни кутганим учун. Қичкирдим - бўғзимда қотдилар унлар, Кўз ёшларим оқди сув каби бетаъм. Ахир, Тангрим, кечир, қоронғу тунлар Бўзлаб, йўл сўрадим, бандаларингдан. Сенинг осмонингга етмади бўйим, Ердан паст кўкларни айладим тавоф. Фақат, Тангрим, кечир, бандаларингдан Мангу саволларга изладим жавоб. Раво айламайсан менга меҳрингни Хатто кўргазмайсан ғазабу зуғум. Фақат, Тангрим, кечир, бандаларингга Бир қатра Озодлик бермаганим-чун. Қон ютган кўримлар учун кечиргин, Бемаҳал ўлимлар учун кечиргин. Кўзимнинг ёшлиги учун кечиргин, Дунёнинг тошлиги учун кечиргин. Кечиргин - кўйингда адашганимни, Кечиргин - кўйингни танимаганим- чун. Кечиргин - эрк учун талошганимни, Ва эрк сенлигингни билмаганим-чун... Усмон Азим

ДАЛДА Онажон, чарчадим дунёларидан, Кўнглим зада бугун, дилим хор бугун. Зерикдим туш бўлган рўёларидан, Юрагим узлатга зор бугун. Ҳасрат учрайверса ҳар тонг, ҳар оқшом, Телбалик кўйига тушаркан одам. Ерлик ифлосларнинг исканжасидан Самодан сўрайман ҳар куни ёрдам. Онажон, бир дўст йўқ дардинг айтгали, Холис дуо қилар йўқдир битта қўл. Ҳавасим ортади ортга қайтгали, Тугайин демайди бу сарҳадсиз йўл. Сирпанчиқ орзулар, сўнгсиз фарёдлар Чиркин вужудимда айқашу уйқаш. Билсам-да ҳеч қачон топилмаслигин, Излайман бу саҳро қўйнида дилкаш. Учрамайди, ахир, ҳар ён асабий, Забун нигоҳларга келаверам дуч. Кошки дунёларни енга олишга Топа олсам куч... Онажон. Оҳ, онам, сизни яратган Худойимга чексиз шукрлар бўлсин. Тилимда бир ният мудом таралган: Ҳамма йиғласа ҳам оналар кулсин! Сизни соғинишнинг ўзи ҳам малҳам, Сизни хотирламоқ юракка даво. Биргина эзгулик яшаб қолса ҳам, Сизга, фақат сизга кўргайман раво. ... Шу шеърни битар пайт сездим ногаҳон Кўнгил кўнгиллигин англади, туйди. Қалам олганимда, оғриган юрак Тузалди – қўйди... Онажон, масофа фарқи йўқ сизга, Оғрисам, зўр малҳам қўяверасиз. Сизга улашганим – озорларимни Тағин яхшиликка йўяверасиз. Шу олис масканда англадим, билдим, Сиздан бошқа кимса мутлақ бегона. Улуғ раббоният иймонга келдим: Ростан жаннат экан пойингиз, Она! Ростан жаннат экан ҳар қадамингиз, Қайғуларни бу тун яна йиқаман: Ҳеч кимга билдирмай шу кеча, Она, Сизни ўйлабгина йиғлаб чиқаман. Тушимга бир далда шарти-ла киринг, Бу оғир йўллардан шундоқ ўтилар. Илтимос, шу сафар овутмай туринг, Кўздаги ёшларим сиздан ўтинар... 2013 йил. 📚 @Xayrulla_Hamidov_adabiyot

Gʻalati elat bu, g‘alati el bu, Niyati bo‘lakcha, amali mavhum. Bu eldan Buxoriy chiqishi mumkin, Lekin g‘ariblikda yashashga mahkum. Gʻalati elat bu, g‘alati el bu, Tushunib bo‘lmaydi asrorlarini. Mashrabni osadi va orqasidan Yig‘lab o‘qib yurar ash’orlarini. Gʻalati elat bu, g‘alati el bu, Botini chirkinlik, zohiri sodda – O‘tkan kunlarini yozgan o‘g‘lini Bilmay otib qo‘yar Yunusobodda. Gʻalati elat bu, g‘alati el bu, Timsoh ko‘z yoshidan bitmish lug‘ati. Ibn Sinoni-yu Ulug‘begini O‘zi tug‘adi va o‘zi bo‘g‘adi. Gʻalati elat bu, g‘alati el bu, Tushunib bo‘lmaydi sira ham, aytsam. Bir jarlik ko‘raman yo‘l oxirida, Oldinga yur, deydi orqaga qaytsam. Gʻalati elat bu, g‘alati el bu, Buyuklik sharafdir, biroq o‘y surmang. Tag‘in, dardlarini eshitayin deb Boburni sira ham uyg‘ota ko‘rmang!!! Xayrulla Hamidov