«ШОКАН»

Отбор мыноз до 22 мая

Ваньдылы Зечбуресь идет отбор в Шокан отпишетесь в лс @Zczsreet

🥟Пельнянь кутыны рецепт🍽 ✨Ингредиентъёс Ыльняньлы: -чабей пызь — 500-600 г; -ву (шуныт яке кезьыт — бырйыны) - 200-270 мл.; -курегпуз-1 шт.; -сылал — 1 ч. л. яке шӧмызъя; -будос вӧй-1 ст. л. ✨Фаршлы: -сӥль (парсь сӥль, скал сӥль, курег, индейка яке соослэн суретсы) - 500-700 г; -сяртчы сугон-200-300 г (сӥльлэсь кык поллы ӧжытгес); -чеснок-2 пинь (мылкыд каремъя); -сылал-шӧмызъя; -изэм сьӧд пӧсьтурын-шӧмызъя; -кезьыт ву яке шыд — 1-2 ст. л. ✨Дасян Ыльнянь: Ӝӧккышет вылэ пызь пужнӥське, гоп лэсьтэ. Курегпузэн но сылалэн ву кисьтэ, суралэ. Ыльнянез киосыныды суралэ: нырысь со лякиськись луоз, но 5-7 минут ортчыса, вольыт луоз. Ыльнянез плёнкаен шобыртэ но 20-30 минут шутэтскыны сётэ — со сое эластичной кароз. ✨Фарш: Сӥлез миське, бумага ӵушконэн куасьтэ но мясорубкалы тупась юдэсъёсын вандылэ. Сугонэз сузялэ но бадӟым юдэсъёсын вандылэ. Сугонэз мясорубка пыр сӥлен ӵош лэзе яке блендерын векчиятэ — со фаршез жалемгес кароз. Чеснокез пресс пыр лэзе яке векчи вуштон вылэ зыралэ. Сӥлез шоро-куспо быдӟалаем решёткаен мясорубка пыр лэзе. Ненеггес текстура кулэ ке, фаршез кык пол бергатэ. Мур тусьтые понэ сӥль фарш, ватсаса векчиятэм сугон но чеснок. Сылалтэ, переченялэ, изэм кориандр ватсаса (мылкыд каремъя). Пумен кизерез фарш пушкы кисьтэ (1-2 ст.л.), массаез киосыныды пыр-поч сураса. Со текстураез умоятоз но фаршез жалем кароз. Огвыллем но ческыт мед луоз шуыса, фаршез шукке: масса комок басьтэ но берен тусьтые куштэ. 10-15 пол вералэ. Вож турын ватсаськоды ке, векчи юдэлэ сое но пумаз суралэ. Фаршен тусьтыез пищевой плёнкаен шобыртэ но холодильнике 30-60 минутлы утялтэ. ✨Пельнянь лякылон: Ыльняньлэсь оглюкетсэ векчи погыльтэ (кылемзэ плёнка улын возе, ыльнянь медаз куасьмы шуыса). Стаканэн котыресъёсты вандылэ. Котькуд кружоклэн шораз фарш понэ. Пельнянь кылдытэ: нырысь шори тыре, дуръёссэ умой герӟаса, собере кык сэрегзэ ог-огеныды лякылэ. ✨Пельнянь пӧзьтон: Бадӟым кастрюляын вуэз пӧзьтэ но жалятэк сылалтэ. Ӝикытак, быдэн одӥг, пельнянь лэзе. Соосты ваньзэ огдыре кисьтӥд ке, соос лякиськозы но пыдэсаз комокен пуксёзы. Шумовкаен ӝикытак люкетэ, огез но медаз лякиськы. Ву выльысь пӧзьыны кутскемзэ но пельнянь ӝутскемзэ возьмалэ, соку 5-7 минут синйылтэ. Шор тыл вылын дась луытозь пӧзьтэ. 🎀Ческыт мед кошкоз🎀

✨Лукерья Малых АНАЙ КЫЛЫЛЫ Анай кыл сярысь верамын трос кылъёс. Солы сӥземын кырӟанъёс, кылбуръёс… Соин ик тросэз шуозы: «Акыльтӥз ни та анай кылды! Малы сокем кулэ тӥледлы?» Сыӵе кылъёсты кылӥсько ке, Соку ик бӧрдэм кадь потэ. Кызьы уд яраты анай кылдэ? Со ненег, жингрес, мусо, Со шунтэ, со — анай тусо. Со туж трос милемлы сетэ Кӧня ӧс улонэ усьтэ, Кӧня адямиен тодматэ Сое ваньзэ анай кыл лэсьтэ. Туж секыт улыны сотэк, Озьы, кызьы ӵыжы-выжытэк. Соин ик, сюлмысь верасько, Анай кылы, мон тонэн данъяськисько!

📆Туннэ, 15-тӥ оштолэзе, пусйиське лулчеберетлэн нуналэз. Ойдолэ тодматскоме удмурт лулчеберетэз азинтӥсьёсын. 🎭 💫Бурановские бабушки - Брангуртысь песянайёс — фольклор ансамбль Покчи Пурга ёросысь Бураново черкоуртысь. Соос сярысь быдэс дунне тодӥз, куке 2012-тӥ арын соос Россиез возьматӥзы «Евровидение» конкурсын «Party for everybody» кырӟанэнызы, но вормизы 2-тӥ инты. ✨🥈 ☀️Ансамбль кылдэм 1970-тӥ аръёсы Туктарёва Ольгалэн - Бурановоысь культура юртлэн кивалтӥсезлэн малпанэзъя.☀️ 🔥Брангуртысь песянайёс али ке но шумпотто концерт номеръёсынызы, кырӟанъёсынызы. Бадӟым тау соослы ваньзылы удмурт лулчеберетлэн улоназ туж бадӟым пытьы кельтэмзы понна! ✨

🔆 Тон гожтӥд ни-а Бадӟым удмурт диктант? 📝 👨‍🎓 Тае лыдӟыса «мар со сыӵе?» юанэд кылдӥз ке, валэктӥськомы 🔍 📚 Бадӟым Удмурт диктант - 2012-тӥ арысен арлы быдэ ортчись вань удмурт калыклы сӥзем акция. 📆 Туэ БУД 15-тӥ ползэ ортчиз, сое луэ площадкаосын но дорады радио пыр гожъяны.✨ 🎙 Площадкаосы гожтӥськыны ӧд ке вуэ, лэзе «Мынам Удмуртие» радио яке телеканалэз - ӵапак али отын диктантэз гожто. 🔥

👋 Ӟечбур, эшъёс! 🎉 Милям тӥледлы выль ивор: «Шокан» огинлэн выль командаез! ✨ 🔎 Ог арня ӵоже мынӥз командае набор, соку ми доры пыризы 5 усточиос, кудъёсыз тунсыкъясько но синмаськемын удмурт лулчебертлы. 🧵🪡🎶 🎊 Пумитаськом выль командаез: 🌼 Минигалиев Арсений - тӧро 🌼 Малых Лукерья - тӧролэн кивоштӥсез 🌼 Ясонов Тимур, Гильмаутдинова Ева - редакторъёс 🌼 Минигараев Максим - туспуктэмъёслы дизайн тупатӥсь 🌼 Насибуллина Элина - монтажер

❗️❗️Шокан табере вань тик токын❗️❗️ 🤯 Озьы, тӥ шонер валады, табере шоканлэсь видеооссэ учкыны луоз тик токысь но 🎥 😎 Витиськом подпискадэс: https://www.tiktok.com/@udm_shokan?_r=1&_t=ZP-95NCaAWg0Rb

♦️Шоканэ набор ортчыку кӧня ке мылкыддэс мемъёсын ӝутомы 🤗

❗️❗️Ялӥськом огазеяськонамы выль командае набор ❗️❗️ Нош мар кароно милям командаямы луон понна? 🤔 📝 Кулэ луоз заявка быдэстыны та ссылкая: https://forms.yandex.ru/u/69cb6dfd49af470d960a9362 Заявкаостэс витиськомы 8-тӥ оштолэзь дорозь. 🍃 Эн малпалэ уд быгатэ шуыса возьматыны асьтэдыз, тӥляд ваньмыз пӧрмоз! 🤗 Шумпотыса возьмаськомы тӥледыз командаямы! 🎉 Юанъёсын вазиське Арсенийлы.

❗️❗️«ШОКАН» ОГАЗЕЯСЬКОНЛЭН ВЫЛЬ ТӦРОЕЗ ❗️❗️ 🌼 Тулыс кузьма выльдӥськонъёсты - куаръёс усьтӥсько, кырӟало тылобурдоос... Шоканэ но вуизы выльдиськонъёс: Шоканлэн выль тӧроез! 🌼 Туннэ нуналозь Шоканэн кивалтӥз Нигаматуллина Аделия, солы туж бадӟым тау кароме тыршыса ужамез понна! 🤗 Нош кин табере луоз выль тӧро? 🤔 Шокан огазеяськонлэн выль кивалтӥсез Башкириысь Янаул ёросысь Вуж Вараш гуртысь Арсений Минигалиев! Арсений уте удмурт йылолъёсты 🌾, тунсыкъяське шаертодонэн 📚 но быгатэ кузьманы капчи мылкыд, ку кияз кутэ арганзэ! 🪗🎶✨ Ӟечкыласьком выль тӧромес! 🤝🎉 Сизёме Арсенийлы капчиен гинэ выль удысаз эшлыко коллективен ужаны! 💫👏🌟

5 ар тырмонэныд ӟечкыласьком, Шокан! Та нуналъёсы асьмеос пусйиськом бадӟым нуналэз – 5 ар удмурт егитъёслэн «Шокан» огезаяськонзылы! 5 ар талэсь азьвыл удмурт егитъёс бадӟым вамыш лэсьтӥзы.Ваньмыз кутскиз выль малпанысен, ӝуась синъёсын но удмурт пиналъёс понна мае ке но лэсьтон мылкыдэн. Ойдолэ тодматскоме, соосын, кинъёс огезяськонлэсь фундаментсэ лэсьтӥзы – «Шокан» огинлэн нырысетӥ составез: Кивалтӥсь – Чумакова Кристина Кивалтӥсез воштӥсь – Ахметшин Данила Дизайнер – Марина Гардасова Валтӥсь редактор – Никифорова Анна Эфир нуись – Асатова Юлия Проектъёсты дасясь – Охотникова Мелитина Редакторъёс – Шартдинов Влас но Николаева Эвелина Табере тодматскоме тӧроосын: Кристина Чумакова (март - июль 2021) Данила Ахметшин (август - октябрь 2021) Анна Никифорова (ноябрь 2021) Юлия Асатова (декабрь 2021) Мелитина Охотникова (январь - февраль 2022) Кристина Платонова (март - апрель 2022) Ангелина Владимирова (май - июнь 2022) Костя Беляев (июль - сентябрь 2022) Яна Ермакова (октябрь - декабрь 2022) Данила Ахметшин (январь – май 2023) Игнат Карабаев (июнь - август 2023) Данила Ахметшин (сентябрь - декабрь 2023) Антон Антонов (январь - февраль 2024) Артем Багишев (март - апрель 2024)  Антон Софронов (май 2024) Наташа Мишина (июнь - сентябрь 2024) Эва Добрякова (октябрь 2024 - май 2025) Мария Абрамова (май - октябрь 2025) Аделия Нигаматуллина (с октября 2025) Та муртъёслы туж бадӟым тау карыса музъемозь йыбырттоме! «Шокан» медаз вуны, котьку но егитъёс пӧлын бурдъяськыса мед улоз. Нош ик ӟечкылаломе огинэз юбилееныз! Гожтэ ӟечкыланъёстэс комментариосы

«Шокан» огазеяськонлы вить ар тырмиз!!! Со дыр куспын трос ужъёс лэсьтэмын.

Россиысь калыкъёслэн огъя луон арзылы сӥзьыса, "Анай кылдэ яратытэк, мукетсэ уд дышы гажаны..." марафон ялӥськом. Отчы пыриськон понна удмурт кылын видео гожтоно. Сое 1-тӥ апрелёзь келяно. (@nigmaes)

Выль ивор! Пиосмуртъёслы туннэ нуналэ нимысьтыз курон: 1. Нылъёслы сяська кузьмано. 2. Верано чебер кылъёс. 3. Дорысь ужъёс бордын юрттоно анаедлы яке песяедлы. 4. 1-3 пунктъёсты 8 южтолэзе гинэ быдэсъян сяна, кылем 364 нуналаз но быдэстоно. Яратоно нылъёсмы, туннэ тӥляд нуналды. Сӥзиськом нуналдэс ӟечеч ортчытыны! Чебер бамъёсады пальпотонды паськыт возьёслэсь но паськытгес мед адӟиськоз, нош мылкыдды - Байгурезьлэсь но вылынгес мед луоз! Праздникеныды, нылъёс!

Тулыспал ӵукна кезьытэн данъяське: Толалтэ лекъяське, туж ӝог пересьме шуыса. Люкиськон вакыт матэктэ, пе. Солы одӥг арлы люкиськон синазькыль.  Наталия Самонийлэсь ӟуч кылысь кылбурзэ берыктӥз Ксения Батырева

Удмурт калык пӧлын вӧй (масленица) кыстӥське ӟучъёслэн сямен ик ог арня ӵоже. Вӧй - удмуртъёслэн берпуметӥ толлэн сямез, кудӥз ке возьматэ кезьыт толлэсь быремзэ но шуныт тулыслэсь кутсконзэ. Ӟучъёс сямен удмуртъёс но вӧй арняез тулыспал (февраль) толэзьлэн пумаз - южтолэзьлэн (март) кутсконаз ортчыто. Вӧй арня азьын но вӧй келян азьын удмурт калык мунчое пырыса дасяськиз - быдэс тол ӵоже вань люкаськем шуг-секытъёссэс бордысьтызы миськыса куштыны. Ӵуказеяз ӵукна, вӧй арняез пумитаса табань, перепеч, нянь пыжо. Та пыжиськемзэс вӧй келян дорозь кельтыны уг яра, быдтыны кулэ ваньзэ. Четверг бӧлякъёс ветлӥзы ог-огзы доры, ческыт ӝукен но табанен сектаськизы, Инмарлэсь вань умойзэ курыса. Воскресенье - Вӧй келян. Вӧй келянэ калык вазь ӵукна ик шулдыръяськыны пото ураме, озьы соос гуртысь сьӧд кужымъёсты улляло, кудъёсыз калыклэсь мылкыдзэс сӧрыны малпало. Секыт мылкыд шулдыръяськемлэсь кышка, соин удмуртъёс та нуналъёсы вань секытлыкъёссэз вунэтъяса шулдыръяськонъёс ортчытъязы. Шулдыръяськизы озьы ик та нуналъёсы салазкиосын гурезь йылысен гыласа. Та сярысь веран но вань: кин тужгес но кыдёке гылӟиз, солэн улонэз но туж кузь луоз. Шулдыръяськем беразы гурт шоры люкаськыса турынлэсь лэсьтэм мунёез ӝуато - ӵынэн валче секытлыкъёссэз лэзё. Мунеез сутэм бере калык кинлэн ке но дораз яке нимысьтыз люкем интыын вӧсяськыны люкасько. Пӧзьто рислэсь ӝук, ӝукен вӧсяськись Инмарлы куриське но калыклы сётэ веръяны, калык сое ас понназ куриськыса сие. Собере гуртазы бертэм бере нош ик шулдыръяськонъёс ортчытъяло табанен но пӧртэм пыжемъёсын сектасько. Дыр ортче, вашкала сямъёс но йылолъёс вуно, нош вӧй сямез быремен лыдъяны уг луы, малы ке шуоно, солэн трос сямъёсыз утиськемын туннэ нуналозь. Вӧй келянэн, эшъёс!

Марс вылын вань ог 25 километр диаметрен кратер.Со нимамын Глазов городлэн нимыныз. Тупатэмын вал Марслэн векчи кратеръёсызлы 100 000-лэсь ӧжыт улӥсен кар нимъёс сётъяны. Кратер 50 – ысен 99 километрозь ке, кыл пушкын куинь слог луыны кулэ, 50-лэсь ӧжыт ке-2 слог. Озьы луиз, Глазов та параметръёсъя вуиз.