شعراء العرب.ابوذيات. دارميات

ميهمني العنب بالعافيه اعله الناس ليش اتعب واكمز وانه ماالوحه اتحاشاه واهمله وما افكر بي ولا اخلي الكرامه اسلال مطروحه اذله بعزتي ومااحب اكَلّ للناس احتقره ويجيني لبيتنه بروحه الفقير المالبس بالذله ثوب العيد يكشخ بالحزن وتخبل جروحه #احساس_شاعر

شايلك بروحي عشك وبگلبي أنت الشايلك لا انت رايح من صدك لا حاضي بيك وشايفك والمشكله بهذا الگلب عايفني بس ماعايفك #احساس_شاعر

بعيني لا تحط عينك٠٠. نزلهه النضره البينك وبيني.. نزلهه كلمتك سامه وتلدغ.. نزلهه لأن طبعك غدر وربات حيه #احساس_شاعر

لا اكدر اكلك اني راح انساك ولا اكدر احبك خاف تزعل حرت مابين كلبي وعقلي شيكول موحقي من احير وباقي اسال ما اكدر اكلك اني عايش بيك مثل وردة بقيت شلون من تذبل راح اكتب عشكتك يااعز الناس لان كلمة احبك بالعجل تنمل♥ #احساس_شاعر

تهيم الروح باحساسك وطبعك انسخ صورتك وبقلبي اطبعك القمر ماخذ حتى من خدك وطبعك كل ما تكبر بالعمر يزيد نورك عليه♥ مسائكم ورد #احساس_شاعر @m1996ustafa

هواي أشتاگلك مثل الگمر لليل يانجمة سهر تتسله بالگمره يا أجمل حلم يتوسد الچفنين ياقصة عشگ يحتار من يقره لا تظن فد يوم راح أنساگ لأن نسيان حبگ بالگلب جمره صح مرات أعوفگ وأبتعد أيام لگن ساعات بعدگ ياترف مره #احساس_شاعر

رهن ضعفين احبك وأنت ضعفي واكلك أنت قوتي وأنت ضعفي تعال وهاك گلبي وأنت ضع في شروطك راضي لوبيهه المنيه #احساس_شاعر

شبيج فزيتي أعلة حيلج نامي نامي الندى اعلة الورد سير وأنتي حسبالج حرامي ... #احساس_شاعر

عليك اسال يضي العين ونشد ويمن بسمك اكول اشعار ونشد لون الموت حبله انعجد ونشد ابركبتي اهون ولا فركاك ليه. #احساس_شاعر

طر بسلفنه هواي ظلينه فاهين الشمس وسط السوگ شفناهه بلعين #احساس_شاعر

جيت الزم ايده بشوگ ويگلي لا عيب چان الحزن دمعات صار الحزن شيب #احساس_شاعر

تعال اگعد يجرحي اتحاسب وياك وخل نسهر سوه ونصفي الحساب وماكو ويانه ثالث باخر الليل اني وياك بس ونقفل الباب . منين اتريد ابدي ابكيفك اختار من اول جرح لو اخر امصاب لو من حزني وعذابي واول اصباي لو من تيتم روحي وفگد الحباب ردت منك سبب لحزاني ورتاح ما ادوخك وكلك كل الاسباب ليش ازرع ورد ونت تجي انوب تزگي اورود روحي وگاعي تيزاب اجاك اكتاب فرحي اتلاعبت بي واسم غيري گتبته بنفس الكتاب. #احساس_شاعر

بعدني اشتاكلك صدكني ما ناسيك ولحظات المفارگ من تمر صعبه تمر بيه الليالي وشوگ يا خذ شوگ ويا شوگ العمر حسره باثر حسره تمنيتك تجي وتشيل هاي وهاي هواي جروح بيه شما تريد اقره شسولفلك عليه شصار من فرگاك مثل خيط بغيابك فارگ الابره #احساس_شاعر

حلو اسمك حبيبي وبيه..ضمه وجمالك لا تشوفه الناس..ضمه اخذ كلبي عله كلبك حيل..ضمه يبوسك لو ردت تزعل عليه #احساس_شاعر

انا بلا وعي من انطيتك الروح وعقل ماچان عندي وهسه فزيت ماچذب واگلك باچر انساك عفتني وذكريات هواي خليت اذا كل حايط البيه اسمك يطيح على هالحاله لازم نهدم البيت بما انك عفتني بكل الاحوال ماتفرق نسيتك لو تناسيت مو كلمن سكاك يريدك تعيش تره الگصاب هم يسكي الذبايح #احساس_شاعر

السلام عليكم @m1996ustafa #احساس_شاعر

بدنيه بشوگ لعيونك بدينه والك تشتاگ روحي موبدينه احلفك بالله وبشرعه وبدينه أنا بهل الدنيا غيرك منهو ليه #احساس_شاعر

خلص گلبي وبقه بطاريك هلبات وغفه حزن الدهر بحشاي هلبات يهل ماخذ دليلي وياك هلبت تمر وشوف حالي شصار بيه #احساس_شاعر

كلشي مابقه بعمري....وظل بيه وخاف الباقي ماحفظه وظل بيه نكرني الجان لي عزوه وظل بيه جفاني وما بعد ينشد ...عليه #احساس_شاعر

تبدى الصبر من عندي وألم بيه وجرحي بالگلب ينزف والم بيه يلوم الوكت ظل بيه والوم بيه جرعت الصبر بس مافاد بيه #احساس_شاعر