وقـار⁶❈

‏مارحلتي لين حطمتي بما فيه الكفايه ‏عاقل حب الجنون وصوت نارك في هشيمه ‏امتلكتي غايته لو ماكان له فيك غايه ‏وانتصرتي ف عيونه واعترف لك بالهزيمه ‏فدوتك مافات من الايام واللي عاد جايه ‏يابعد عمر مخاسيره معك عندي غنيمه ‏ضيدان بن قضعان

‏يا ناعس الطرف علّم طرفك الخادر ‏لا عاد يرسل مع النظره محابيله ‏انا اعرف أحب لاكن ما اعرف ابادر ‏كم غالي راح ما يدري بحبّي له :)

‏كن ورا صدري من الضيق جمهورٍ غفير ‏لو سكت شوي . . يمكن تبين أصواتها ! ‏ _ محمد آل شواي

‏أنحشر وتبين للضيقة في وجهي علايم ‏من ضجيج المجتمع كن إنسمي بالحبل أتله.

‏"والله اني حاسدٍ مثقاب الإبره ‏يومه أوسع للهوى من ضيق صدري" ‏ - محمد البندر

‏أنا الطريق الممتلي بالمحطات ‏لا تخدعك رحابتي و أمتدادي ‏أعرف من الألوان لون البدايات ‏أخضر ويذبل ويتحول رمادي ‏و أجهل من التوديع كل العبارات ‏إلا فمان الله ، و طيب ، و عادي

‏اللّه يرزقنا السّعه والإنشراح اللّي يخلينا ‏- نقول مثل ما قال - الشاعر : ‏من السّلام الداخلي عشت مرتاح ‏حتى عصافير الضحى صادقتني .

‏«أنا البارحة بغيت أعبر ولا الله راد ‏ياكثر الكلام اللي كتبته ولا أرسلته» ‏- صالح النشيرا

‏ياشيَن غربة غريب الدار في داره ‏هي والله الكيّه الي نارها حيه ‏- زامل السبيعي

‏مساء الخير ، اما بعد : ‏حنيني على الماضي وصبري على الماجود ‏عـذابٍ على قلـبي ولكنه ،،، ( أشـلا لي ) ‏سعود بن مبارك

‏عفى الله عن كلامٍ في حنايا الصدر ماينقال ‏تركته لـ الزمن لو هو ثقيل و جمرته حيّه

‏سلامي سلام اللي سمح والأمل مفقود ‏على اللي ما صان الود من كثرة أعذاره ‏رفعت العتب واقفيت عن غايب موجود ‏يوم ان الغلا شفته بدا يرخي ستاره ‏سعيت لرضا عينه ولا شاف لي مجهود ‏وانا أجفى العرب لاجله واناديه واختاره ‏يا ليل الفراق اللي عليه الحروف شهود ‏قرار الجفا عقب الغلا وشهي أخطاره؟

‏أشوفك سحاب في مجيّه حيا وأمطار ‏و أشوفك مجي القوم والحرب والسلّه ‏وأشوفك نهارٍ ماتوارى عن الأنظار ‏ يا عنك إني أفضل شمُوسه على ظلّه ‏تعال إن بدا لك في دروبي ضحى وديار ‏هذا الصدر مرتع وأنت خابره وتدلّه ‏ وخذ أول شبابي عمر لاشحت الأعمار ‏وإذا كان مايكفي .. فداك العمر كلّه

‏من يسلفني سعة بال واخلاق ومزاج ‏وياخذ الضيقه وياخذ عليها اللي يبي؟

من الي يقول ان الارض مترامية الأطراف ؟ أنا والله انها أضوق علي من ثقب الإبره بعد ماتضاعف كسر قلبي ثلاث أضعاف وضاق الفضاء والقاع فيني رغم كبره ..

‏لهف نفسي كل ما المح بطاقات العروس ‏وجاء على بالي هنوفٍ عجزت اصونها ‏كن في صدري من الحب مجموعة مجوس ‏يشعلون النار فالقلب ويعبدونها ‏من خذت قلبي وخلت لي الليل العبوس ‏العوايد والتقاليد تاقف دونها ‏والله أنها بين أهلها مثل ناقة بسوس ‏لو أجيها ؟ قامت الحرب لجل عيونها ‏بالسيوف اللي على حدها شفرات موس ‏وبالخيول اللي شناكيرها فـ سنونها ‏لو نبت لي من ضروس العقل عشرة ضروس ‏ماني بعاقل عن الحب " أنا مجنونها "

‏ياصغير لا تضيعني بنظرات البراءه ‏وانت ماتعرف مدى تأثير نظراتك بحالي ‏سو مايرضي غرورك وأد ماتهوّى أداءه ‏الحشاء لك بيت حاتم وأنت غالي عند غالي ‏وانت يشفع لك صغر سنك ونظرات البراءة ‏بري حالي كل مالديت يمي بري حالي🤎/

‏جفى الغايبين الي ليا عاهدوا ما جاو ‏هو اللي يخلي سيرة الحب مكروهه

‏"عزاي إني على قيد الأمل لو السّنين تميل ‏مثل شمسٍ تعدّاها المغيب .. وتنتظر بكره"

صارحني ‏بما شئت ستظل مجهولاً♥️ tellonym.me/yim.25