وَدْق

للحب في عينك تعابير و أسرار فيها الذكا رغم الكسل في هدبها من دونها الغربة مثل غربة الدار وفا عيونها تلمح عيوني عربها الطفلة اللي طيرت سرب الاشعار باحساسها الدافي ورقة عتبها إذا تهجاها الندى فوق الازهار البرق في خد السحابه كتبها شب الخجل بخدودها جمرة النار لين اشتعل شمع السهر من ذهبها شمس خذت من خصلة الليل تذكار والنور ياخذ هالته من نسبها نجمة سناء تختال في عرس الانوار اخت القمر لولاه اخوها خطبها اليا بكت واليا تغنت على الطار في حزنها تغري ويغري طربها تقول تمشي فالمحاسن وتختار لو كان فطره والله اللي وهبها جيتك وروحي تمتطي كل الأعذار الشوق يدفعها وحسنك جذبها ولو العرب تطلب من عيونك الثار والموت واحد وانت رمشك سببها ماهوب لا ذنبك ولاذنب الأقدار النار ما تختار حزمة حطبها خالد البقمي

‏كنت اظن الجهل ظلما و اظن العلم نور ‏و أثر جهل النفس بعض الأمور أفضل لها ‏أثرني لو اني أعلم بما تخفي الصدور ‏كان يمديني كرهت الأوادم كلها رشيد دهام

‏"ان قامت الحرب مارحنا مراح الرياح ‏لو ان حذف الجنايز مثل حذف الحصا ‏يستسلم الخايف اللي في يدينه سلاح ‏لا واجه الصامل اللي في يدينه عصا"

الدموع اللي تزبر من العين وتفيض ‏حولت من قل فرصة ومن حزن وحيا ‏كل مامريت دارك و أنا عجل أستريض ‏كن ما عندي مشاغل ولا معي أخويا

"يا نديمي والغلا غيث سقى الأرض المريفة لا تساوم فيه مثل اللي يساوم في عظامه أنت لا اخطيت الطريق وشفت زلاتك كثيفة رحت أدور لك عذر ما رحت أدور لك ملامة"

‏"ما أنت بالظبي الجفول وما انت بالظبي المفلّي ‏الظبا ما تسجن العاشق ولا تخلِي سبيله ‏لا تعلمني على فرق الغرور من التغلّي ‏العيوب اللي على غيرك عليك من الفضيلة"

‏تلوح الارواح قبل الايادي ‏انت الوصي لـ ارواحنا والمخول ‏لا ترجع بمداك يابو المبادي ‏ولا تسمع لنفسك ان قامت تسول ‏ما عادت انسامك خزامى وكادي ‏حتى بساتينك ما عادت تهول ‏الحزن له مدة علي متمادي ‏كنت احسبه بيروح واثره مطول ‏وش غيرك يالابيض الى الرمادي ‏هولتني وانا ما كنت اتهول ‏صاير تصدق بي كلام الاعادي ‏كل الكلام اللي سمعته مقول ‏اترك كلام الناس وادخل فوادي ‏تمش بين الذكريات وتجول ‏عليك دايم روحتي وارتدادي ‏انت الاخير بداخلي وانت الاول ‏تراك لا عاديت ماني معادي ‏انا عليك ان ضاقت الارض اعول ‏لو .. الجفا ما هو بغاية مرادي ‏الحال يا غاية مرادي تحول ‏قبل ليا من رحت عنك تنادي ‏واليوم منك الالتفات اتسول ‏لو تأول كلمتي قلت عادي ‏الخوف لا صار السكوت يتأول ‏الله يعجل بالمطر في بلادي ‏وتصير حلوه مثل ماهي من اول طلال الديحاني

‏جعل يفدا سالفة صوتك الناعم ‏صوت من لا أبغض سلامه ولا أوده ‏ياحبيبي معك ما يزعم الزاعم ‏لين ياصل بابك العلم وترده ‏من سهر لك ليلةٍ ضوها شاعم ‏لا تنام .. الا وراسك على يده

يهز غصن الرجا نسناس و انا اجمع الدمع من خده لا زلت احس بتعب و عماس يعاود البال من مده لاباس يا خاطري لاباس السيف ما يجرحه حده و القلب لولا عليه اقواس لا فز بعروقه تصده يمديه لا هزه الهوجاس يشقق الصدر ويقده

على وجهك اللي نوره يقدّي السارين ‏ملامح فراق .. ونيةٍ مابعد بانت ‏تكبَّر ماكن الله عطا الناس مثلك زين ‏وأشوفك بعينٍ منْك .. ماكنها عانت ‏حقيقة غلاك أكبر من الظن والتخمين ‏تهون الجروح .. ونظرتي فيك ماهانت ‏مصير الزمن لا دار .. كانك من الحيين ‏يعلمك أنا وش كنت ، والناس وش كانت

‏جعل بيتك ترزّم له صدوق المخايل ‏وينهمر دون بيبانه وسوره مطرها ‏خطوتك عند بيبانك لا قامت تمايل ‏وين ابلقى منابت ورد في غير اثرها ؟

‏رح الله لا يسامح وحشةٍ تطريك ‏كثر ماقل وصلك قل تقديرك ‏أنا مهما فقدت اللي لقيته فيك ‏بلقى اللي لقيته فيك في غيرك

"أنت ماتعبرك ضيقه وأنا والله ‏ماتحطّ الركاب الا على جوفي ‏إترك الخاطر اللي حبّك وخلّه ‏من تعوّد على الخذلان مايوفي ‏قلت أحبك ، وأحبك كانت الزلّه ‏كلمةٍ دسّها الشيطان بحروفي"

ترا الشجر مايوجعه ضربة الفاس ‏مايوجعه الا ان يد الفاس منه

الدهر طماع واحلامي فرايس ‏وفي عيونك فرصة العمر الاخيرة ‏ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ ‏حنّ قلبي حنّة اجراس الكنايس ‏كل ماجابت لك الايّام سيرة

‏مدري انا يا اصحابنا حساس ‏ولا أن ضميري حيّ بزياده ؟

الصحيح تقول للماضي فدا ‏والمهم تقول للجاي وش وراك

https://t.me/Meehrab_1