𝙾𝚞𝚛 𝙻𝚒𝚏𝚎

الدُنيا دارُ مَمر لا دارُ مَقر❗️

قوة الانسان صبره .

برحمتك لا بعملي 🤍.

شويه ناس قاعدين يشفشفوا ف الحمو☺️

شوية طلبة قاعدين يقرو

الكليه كنها تمارس ف الصمت العقابي علينا🙂

الكليه كنها تمارس ف الصمت العقابي علينا🙂

🪻 سَعْيُكِ لا يضيع: هل عمرك فكرت في قصة هاجر عليها السلام بطريقة مختلفة؟ مرأة في وادٍ لا زرع فيه، ومعاها طفل رضيع عطشان. كمل الماء اللي عندها، وبدأ إسماعيل عليه السلام يتلوّى من شدة العطش. شن دارت سيدتنا هاجر عليها السلام؟ طلعت على الصفا، ووقفت تبحت:…

🪻 سَعْيُكِ لا يضيع: هل عمرك فكرت في قصة هاجر عليها السلام بطريقة مختلفة؟ مرأة في وادٍ لا زرع فيه، ومعاها طفل رضيع عطشان. كمل الماء اللي عندها، وبدأ إسماعيل عليه السلام يتلوّى من شدة العطش. شن دارت سيدتنا هاجر عليها السلام؟ طلعت على الصفا، ووقفت تبحت: هل تلقى حد يساعدها؟ لكنها ما لقتش! فنزلت، ومشت إلى المروة، وبرضو ما لقتش حد! فردت بعدها مشت للصفا، ثم للمروة، الصفا، ثم اللمروة… سبع مرات! والنبي ﷺ قال: «فذلك سعي الناس بينهما». يعني السعي اللي نديروا فيه اليوم بين الصفا والمروة في الحج والعمرة، مرتبط بسعي هاجر عليها السلام! شوف العظمه وتخيل الموقف! هاجر كانت محتاجة للماء، وتشوف ولدها قدامها عطشان، وتسعى بين جبلين وهي ما تعرفش امتى يبي يجيها الفرج! ما كانتش تعرف وين بيكون الماء؟ لكن خذت بالأسباب، وواصلت السعي. وهنا الدرس اللي نحتاجوه في حياتنا مرات نحاولوا مرة، وما تصيرش. فنقولوا: (نحنا فاشلين) نحاولوا مرتين، وما نمشوش. فنقولوا: (واضح إن الموضوع مش مكتوبلي) لكن… يمكن نحنا ربطنا السعي بالنتيجة! حسبنا إن معنى (سعيت ) هو (لازم نوصل) لكن مش كل سعي نتيجته تجي بالطريقة اللي تخيلناها! إنت عليك السعي… والنتيجة على الله🤍 انت اقرى ، حاول ، وخوذ بالاسباب وتوكل وادعي وبس لكن ما تعرفش وين بيكون الخير لأن تردد سيدتنا هاجر كان تردد رجاء وطلب سعت تبحث عن الماء بين الصفا والمروة… لكن الفرج جاءها من مكان ما كانتش تبحث فيه! فلما أشرفت على المروة سمعت صوتًا، فإذا بالملك عند موضع زمزم، فبحث بعقبه أو بجناحه حتى ظهر الماء، فجعلت هاجر تغرف منه في سقائها وهو يفور! ومن هنا بدأت قصة زمزم… الماء اللي كان رحمة لها ولإسماعيل عليه السلام، واللي ما زال موجودًا إلى يومنا هذا في مكة 🤍 يعني سعي امرأة في وادٍ، وهي ما تعرفش شن بيصير بعدها…! وصار سعيًا يُتعبّد به المسلمون في الحج والعمرة🤍! والماء اللي جاءها فرجًا في ذلك الوقت ما زال الناس يشربون منه لليوم. فلا تستهين بسعيك! يمكن إنت اليوم تدير في حاجة صغيرة جدًا في عينك،لكن ربي يعلم سعيك، ويعلم حاجتك، ويعلم وين الخير ليك قال الله تعالى: ﴿وَأَن لَّيْسَ لِلْإِنسَانِ إِلَّا مَا سَعَىٰ ۝ وَأَنَّ سَعْيَهُ سَوْفَ يُرَىٰ﴾ [النجم: 39-40] انتبه ! ما قالش: وأن وصوله سوف يُرى. قال:﴿وَأَنَّ سَعْيَهُ سَوْفَ يُرَىٰ﴾ سعيكِ يُرى. تعبكِ يُرى. محاولاتكِ تُرى. والله لا يضيع عمل عبده🤍 لقوله تعالى :﴿وَمَن يَتَّقِ اللَّهَ يَجْعَل لَّهُ مَخْرَجًا ۝ وَيَرْزُقْهُ مِنْ حَيْثُ لَا يَحْتَسِبُ﴾ [الطلاق: 2-3] وبرضو﴿فَمَن يَعْمَلْ مِنَ الصَّالِحَاتِ وَهُوَ مُؤْمِنٌ فَلَا كُفْرَانَ لِسَعْيِهِ وَإِنَّا لَهُ كَاتِبُونَ﴾ [الأنبياء: 94] فلو كنت اليوم تسعي في حاجة وما وصلتش… ما تقولش : «سعيت وفشلت» قول: [سعيت، وربّي شاف سعيي، وأنا راضية بالنتيجة اللي يختارها لي] لأن النتيجة مش لازم تكون الشيء اللي إنت طلبته بالضبط قد يكون الخير في أن يعطيكِ الله ما طلبت، وقد يكون الخير في أن يصرف عنك ما يضرك، وقد يكون لك من الأجر ما لا تراه الآن فخلي حياتك كلها سعيًا لله🤍 سَنَـا☀️.

🤍🤍🤍🤍🤍!

﴿وَمَا ظَلَمْنَاهُمْ وَلَٰكِن كَانُوا أَنفُسَهُمْ يَظْلِمُونَ﴾ [النحل: 118] 🌿 أحيانًا نحسوا إن الدنيا ظلمتنا، وإن اللي صارلنا كان فوق طاقتنا… لكن القرآن يذكّرنا بحقيقة عظيمة: الله سبحانه وتعالى لا يظلم أحدًا🤍 فالآية تتحدث عن أقوامٍ عاقبهم الله، فبيّن سبحانه أن ما نزل بهم لم يكن ظلمًا منه، وإنما كانوا هم الذين ظلموا أنفسهم بالمعاصي والإعراض عن أمره. والظلم هنا مش إن كل مصيبة تصيرلك معناها إنك مذنب، لا. فالمؤمن قد يُبتلى، وقد يكون البلاء تكفيرًا للذنوب، أو رفعًا للدرجات، أو لحكمة نجهلها ! لكن الآية تخلّينا نراجعوا أنفسنا: هل أنا نلوم الدنيا على كل شيء، وننسى نراجع علاقتي بربي؟ هل في ذنب نعرفه ونستمر فيه؟ هل في طاعة نأجل فيها رغم إننا نقدر عليها؟ وأجمل ما في الآية أنها تطمّن قلبك: الله لن يظلمك. فإن ابتلاك، فابتلاؤه ليس ظلمًا. وإن منع عنك شيئًا، فليس ظلمًا. وإن أخّر عنك أمرًا تتمناه، فليس ظلمًا. هو سبحانه أعدل من أن يظلم عبده، وأرحم بك من نفسك🤍. سَنَـا☀️.

ربك يحلها .

نحب لما ندعي بحاجات تافهه ربنا بجد يستجيبها وياخذها ع محمل الجد كيف نشرحلكم بس موضوع لما نقول يا رب نلقى الشي الفلاني ويا رب ما يهرب الضي اليوم ويارب الاكله الفلانيه تطلع طيبه وهكذا .... والموضوع هذا بجد تحسه لطيف جدا 💗💗!!

إن كل بدعةٍ ضلالة وكل ضلالةٍ في النار📌

الواحد قعد يمشي للمركز بيش يشحن تلفونه بس