دُفعة 2026

دُفعة 2026 pinned «دفعة 27 للاسئلة والنصائح على هذا البوت @Zaid_33Bot او مراسلة القناة نفسها»

دفعة 27 للاسئلة والنصائح على هذا البوت @Zaid_33Bot او مراسلة القناة نفسها

جدول الدور الثاني

هواي يكلولي شنو اهم نصيحة تقدمها لطالب الي يريد المعدل اهم نصيحة هي لازم تصاحب طالب مجتهد صديق ما يجذب عليك بطول الرحلة هذا شي راح يخلي البيئة مالتكم دراسة فقط فقبل ما تختار جدول دراسة أو مصدر أو مدرس، اختار الشخص اللي يرافقك بهاي السنة. لأن طالب السادس العلمي يتأثر بالبيئة أكثر مما يتصور. إذا كان صديقك مجتهد، منظم، وصادق وياك، راح يدفعك للدراسة حتى بأيام الكسل، ويذكرك بواجباتك وامتحاناتك، وتتحول جلساتكم إلى مراجعة ونقاش وحل أسئلة بدل تضييع الوقت. أما إذا صاحبت شخص غير مهتم بالدراسة، أو دائمًا يجذبك للتأجيل والخروج والانشغال بأمور ما تفيدك، فبمرور الأيام راح تلاحظ مستواك ينخفض بدون ما تشعر. لأن الإنسان بطبيعته يتأثر بمن يرافقه. لهذا أگدر أگول إن من أهم نصائح السادس العلمي هي: صاحب طالبًا مجتهدًا، وصادقًا، وما يجذبك بعيد عن هدفك. خلو علاقتكم مبنية على التشجيع والتنافس الشريف، وكل واحد يرفع مستوى الثاني. وإذا واحد منكم ضعف أو تعب، الثاني يكون سندًا إله ويحفزه حتى يكمل. تذكر دائمًا: البيئة الدراسية تصنع طالبًا ناجحًا، والصديق الجيد قد يكون أحد أهم أسباب الوصول إلى الكلية التي تحلم بها. ففي السادس العلمي، الصديق الحقيقي ليس الذي يضيع وقتك، وإنما الذي يقربك من مستقبلك ويشاركك طريق النجاح حتى النهاية.

تفكير أعيد لو أكمل؟! إذا هذا السؤال دا يدور ببالك من يوم طلعت النتائج، فلا تستعجل بالجواب، لأن هذا القرار مو قرار يوم أو يومين، وإنما قرار ممكن يحدد سنوات من مستقبلك. قبل لا تسمع رأي أي شخص، اسمع رأي نفسك، لأن بالنهاية أنتَ اللي راح تعيش النتيجة، مو الناس.إذا تعرف من داخلك إنك بالمحاولة الثانية، وبعد توفيق الله سبحانه وتعالى، راح تجيب معدل أعلى، وإن سبب معدلك الحالي مو ضعف بمستواك وإنما ظروف معينة، أو أخطاء تعرف شلون تعالجها، أو لأنك ما استغليت وقتك بالشكل الصحيح، فالإعادة تستحق التفكير، بل وقد تكون أفضل قرار تتخذه. لكن بشرط واحد، وهو إنك تكون مستعد تدرس سنة كاملة بنفس جديد، وبإصرار أكبر، وبدون تسويف أو تضييع وقت، لأن الإعادة مو مجرد سنة إضافية، وإنما مسؤولية أكبر من السنة الأولى.أما إذا تعرف من نفسك إنك راح تعيد وبعدين تمل، أو راح تتأثر بكلام الناس، أو راح تضيع أغلب وقتك، أو تدري إن مستواك هذا هو أقصى ما تقدر توصله، فلا تعيد فقط لأن الناس گالت لك "عيد". الإعادة مو ضمان للمعدل العالي، وإذا ما تغيرت طريقتك بالدراسة، فالنتيجة غالبًا راح تبقى نفسها.وأهم نقطة لازم تنتبهلها. لا تخلي الناس تختار عنك. راح تسمع واحد يگلك: "لو أني مكانك عدت." والثاني يگلك: "حرامات تضيع سنة من عمرك." والثالث يگلك: "بهذا المعدل ما تسوي شي." والرابع يگلك: "أي كلية تدخلها تكدر تنجح بيها." كل واحد يتكلم حسب تجربته هو، مو حسب ظروفك أنتَ. لذلك لا تخلي مستقبل سنوات تحدده كلمات تنگال بدقايق.اسأل نفسك بكل صراحة: إذا ما عدت، وبعد سنة شفت معدلات القبول، هل راح أندم وأگول: "ليتني جربت"؟ وإذا عدت، هل عندي استعداد ألتزم يوميًا وأدرس أكثر من السنة الأولى، حتى أستحق المعدل الأعلى؟ إذا جواب السؤال الأول نعم، وجواب الثاني نعم أيضًا، فالإعادة قد تكون القرار المناسب. أما إذا جواب السؤال الثاني لا، أو حتى "مو متأكد"، فالأفضل تكمل وتبدأ مرحلة جديدة من حياتك.وتذكر دائمًا أن النجاح ما يوگف على اسم الكلية فقط. أكو آلاف الطلاب دخلوا كليات كانوا يحلمون بيها، لكن ما اجتهدوا بعدها، وما حققوا الشي اللي يريدوه. وبالمقابل أكو ناس دخلوا اختصاصات أقل من طموحهم، لكن تعبوا على أنفسهم، طوروا مهاراتهم، وصاروا من أنجح الناس بمجالهم. الفرق الحقيقي مو باسم الكلية، وإنما بالشخص نفسه.إذا معدلك الحالي يفتحلك باب اختصاص تحبه، وتشوف نفسك تگدر تبدع بيه، وتطور نفسك خلال سنوات الدراسة، فليش تضيع سنة كاملة فقط لأن الناس تعتبر هذا الاختصاص أقل من غيره؟ مو الناس راح تدرس بدالك، ولا الناس راح تشتغل بدالك، ولا الناس راح تتحمل تعبك.أما إذا حلمك يحتاج معدل معين، والفرق بينك وبين حلمك بسيط، وعندك قناعة كاملة إنك تگدر توصله بالإعادة، فلا تخاف من إعادة السنة. سنة من التعب ممكن تغير مستقبلك كله إذا استغليتها بالشكل الصحيح.ولا تقارن نفسك بغيرك. يمكن واحد أعاد وجاب معدل أعلى، ويمكن واحد أعاد وخسر أكثر، ويمكن واحد كمل بمعدله وصار ناجح جدًا. كل إنسان ظروفه تختلف، وطريقه يختلف، وقدراته تختلف، فلا تبني قرارك على تجربة شخص آخر. وأخيرًا قبل لا تقرر، صلِّ ركعتين، وأكثر من الدعاء، واستخر الله، واستشر أهلك والأشخاص اللي يريدون مصلحتك فعلًا، مو الأشخاص اللي يعطون آراء بدون ما يعرفون ظروفك. وبعدها اتخذ قرارك، وإذا اتخذته، لا تعيش بندم ولا تلتفت للخلف، لأن التردد بعد القرار ما يفيد. الخلاصة: إذا عندك هدف واضح، وعندك استعداد حقيقي تتعب سنة كاملة، وعندك ثقة باللّٰه ثم بنفسك إنك راح تحقق معدل أعلى، فأعد ولا تخاف. أما إذا تعرف إن الإعادة مجرد هروب من الواقع، أو بسبب ضغط الناس، أو بدون خطة واضحة، فكمل بطريقك، واجعل نجاحك داخل الكلية اللي تدخلها. تذكر دائمًا أن مستقبلك ما يصنعه قرار الإعادة أو الإكمال وحده، وإنما يصنعه اجتهادك بعد هذا القرار. لذلك لا تخلي أحد يختار عنك، لأنك أنتَ الوحيد اللي راح يعيش نتيجة هذا الاختيار.

السلام عليكم أنا ادمن جديد نوعاً ما ف متأكد مصطفى حاچي قبل عن موضوع الإعادة بالقناة بس أنا هسة راح احچي العندي وهي نقطتين اساسية والبقية كلة سهل أول شيء عدنا انتوا عدتوا علمود المعدل لازم نراجع الاخطاء إلي منعتنا من أن نطلع معدل أول سنة مثلاً مدرس مو زين…

السلام عليكم أنا ادمن جديد نوعاً ما ف متأكد مصطفى حاچي قبل عن موضوع الإعادة بالقناة بس أنا هسة راح احچي العندي وهي نقطتين اساسية والبقية كلة سهل أول شيء عدنا انتوا عدتوا علمود المعدل لازم نراجع الاخطاء إلي منعتنا من أن نطلع معدل أول سنة مثلاً مدرس مو زين درست عليه ماارجعلة أو مادة هملتها وبعدين صعبت وخربت ع البقية هذا الشيء مايصير يتكرر أو مثلاً روتين مو صحيح وغيرة والثاني وبصراحة السنة الثانية من الناحية النفسية أصعب من الأولى بشوية ف لازم الانسان يرتب وضعة ونفسيتة ويرتاح مو بدنيا لا فكرا المواد إلي ضابطيها وجبتوا بيها درجات استمروا على قرايتكم بيها وزيدوا من الوتيرة شوية وإلي خربت عليكم حاولوا تغيرون طريقة الدراسة أو المدرس إذا ماجاي تفهمون عليه الملخصات والملازم إلي ساعدت بالسنة الأولى بقوها واعتمدوا عليها والدفاتر كذلك مو كل شيء جديد تسوون الي يفيد تبقوا والي مايفيد نبدلة ومثل ماگلت أهم شيء العزيمة والإصرار واستشهد بمثال بنية گرابتنا أول سنة جابت 98.86 وعندها مادة دور ثاني ف مايقبلها طب حكومي راحت عادت سنة كاملة وجابت نفس المعدل بس هلمرة فرق عندها كلهم دور أول فصار معدلها 99.86 وهي هسة مرحلة رابعة طب ليش سوت هيچ لأن رغبتها موجودة والاصرار موجود وأهم شيء لاتتندمون لأن راح تعيدون عادي الأمر طبيعي ويصير مو بنص الدوام وها ليش عدت ويلا يلا بس خنطلع حتى لو معدل ناصي لا مايصير عذراً ع الاطالة وأي شيء تحتاجوه حاضرين بالمحادثة أو أي مكان

النتائج نزلت بشرونا نحب نسمع منكم 🙏🏻🤍 اتفضلوا بمحادثة القناة او على الخاص @FIRICE22

دُفعة 2026 pinned «دفعة 27 الاخ مرتضى ومصطفى محضرليكم اشياء كلش راح تعجبكم وهم نسمتر وياكم منا لليلة الامتحان ان شاء الله»

(دفعة 26)ان شاء الله اكون ما قصرت وياكم وهاي قناتي الخاصة https://t.me/maladhzaid

دفعة 27 الاخ مرتضى ومصطفى محضرليكم اشياء كلش راح تعجبكم وهم نسمتر وياكم منا لليلة الامتحان ان شاء الله

الي ما مأجل الف مبارك على خروجك من السادس ودخولك بالمرحلة الجامعية و جماعة الدور الثاني ان شاء الله مستمرين وياكم

وهسه نكدر نكول انتهى الدور الاول بأكمله بعد انتهاء امتحان الفرنسي

❗️#تقسيم_درجات_الفرنسي 0️⃣( المنهج العادي القديم ) ➖درجات كل موضوع بالقواعد: الازمنة ٢٠ درجة - ثابت التعويض ١٥ درجة - ثابت الاستفهام ١٠ درجات - ثابت ضمائر الوصل ١٠ درجات - ثابت التأنيث والظرف والجمع - يجي واحد او اثنين منهم وعليهم ١٠ الى ٢٠ درجة حروف الجر وأدوات الربط (الإستيعاب) - يجي واحد منهم او كلاهما - عليهم ١٠ الى ٢٠ درجة المحاورات عليها ٢٠ درجة - عليها فرعين فرع اسئلة المحاورات ١٠ درجات ومفردات المحاورات ١٠ درجات

قصة القناة وشلون بدأ كلشي من يوم انا تعبان بيه نفسياً وجسدياً

نصيحة بخصوص الوقت القادم وشنو تسوون شكد تستراحون وبعض الكلام بخصوص ما هو قادم 🕊️

خلصتوا هاي المدة الصعبة مهما كانت النتيجة ف احتفل وافرح 🤍

اغلبكم إلي رجع هسة مانايم ولا راح ينام منا لليل حتى لو صار ٣ أيام مانايم بس هي هاي مادام خلصتوا ماتنامون ف انصحكم بهذا الفلم كلش حلو

طلابنا الأعزاء بارك الله بجهودكم ووفقكم الله إن شاء الله تعالى وإن شاء الله تجي النتيجة الي تريدوها وأكثر بعد الكل ماقصر سواء إلي أجل أو لا كلكم تعتبوا وتستاهلون فترة راحة تكون جميلة إن شاء الله