ضَيم گلبّي .

حَنيتلك من صار الغروب وايدي اعله خَدي مكابل البوب جِفني وقَميصي اعليك مرطوب ودمع النواضر سَيل يٌنهد تصنت لكَلبي وشُوف صوته وكل سَاعة اموت عليك موته فاتَتني من حبيت فوته مو موتتني الله ولحد حَالك تغير مدري حالي صَاير تغثني وما تبالي ننهيها اضن بفراك تالي كَهوه المشاعر عيب تبرد تِبعدني چا وتدني البعاد وچفوفي چانن تحتك مخاد عوف الملح والطيب والزاد ذاك الشَبك وياك ما فاد فُرصة حياتك چان ملكاي وهسه بكباحة تسولف وياي اني انغلبت وكتلك هواي وانت الي مثلك عيب ينعد ..

انحب على فراكك وادك وشحصلت من هالعشكَ الناس تاكل بالعثك وانه اركض على الطايحة أركض على الطاحت واجد تالي صفر أيدي ترد ! بآيدي زرعتك ياورد والغيري تنطي الرايحة؟ ريحتك فاحت للملا وتحرمني ياريم الفلا شخصك علية شبدلة ما مش صديق الينصحة؟ محد ينصحك يا بدر وتغيب نجوم الهجر سكران يهواك الفكر ما يوم يَمدلل صحة ما صحى فكري بغيبتك جاي هاي تالي مروتك انطيك جفي محبتك وأنت لعدوي تصافحة!

شضّال بيّه؟ غير صَفنات وسوالِف مال شايَب موُش أليّه غيَر ذيچ الذِكريات المَاتِملني وضالّه تباوِع عَليه .

أمس فزيت ابجي بحلمي مخنوك او وصلني احساس مزعج مارغبته وصلني احساس مدري شلون ينكال أحساس اليندفن يمكن وصلته احساسه بوكت ينزل كبره وينام ويعاين لطوله مكمطه جثته احس هيج بحلمي جنت وياك موجود من باوعت وجهي وماعرفته من كتلك هذا اني او ماطلع صوت عجيب صياحي كله وماسمعته وعجيبه الوكفه جنت بصفي وبعيد بحيث بجفي جفك مالزمته وجنت حاير وكتها شلون احاجيك شلون اوصف شعور الهسه عشته عشت خذلان محد شايفه بيوم حقيقه وبالحلم خذلاني شفته اليفز من حلمه بيه مضيع انسان يضل يكره النوم وحتى وكته وبيها أستهضمت من شفتك اهناك لأن بالواقع اني وجاي اتانيك وانتَ هناك اجيت وماكو انتَ

نفذ صبري اعله روحي وراح اچويها واحاسبها واذلها واله انسيها واطلع الها گلب مو اي درب تمشيه وراويها وجه جناز گاضيها شفت نجم الظهر حد ماجبتها الراگ اقل روجه تجي تردها اعله ماضيها ماكضيت گلبي من وحده من اثنين العتمه بيا دليل ابعتمه تضويها .

أجَيك وردَك يتعَب ، وأرد بگثر ماتعبان أرد تعَبان ومَن گلولي عَنك بالشعَر ذواق تأثرت بسمَير وگاطع وعَريان وحَك هذا الشته وعَينك أنه الما فاك ديني وحَاير بدَينك وترا ذابحَني من كتلي انتهينه وروحَ المَن حاده بگل يَوم سجَينك .

يعَوضنِي الدَمع وانه الخَسرتة هواي؟ شَيعوضني الدَمع ؟ انه الخَسرتة هواي على رمَلة أمل كل عَمري وشَلتة وانه الباكو نهاري ورحَت ادَورة بليل و المَسودن طبع ميعوف سَالفتة على نفِس الدِرب ذِبولي بس الصوف حَتى ارجع و اكول ذياب ماكلتة.

مو ذَاك الصُبغ بَس هنّة مَصبوغات ‏شما أعاين عليهن ذنّي مَالاتي ‏وأسكت والحَچي ‏روج عَلىّ شاطي يروح ‏بجروف الحَلگ وتضيع چِلماتي ‏وگِلت ما يحچي سِرّي ‏وشاوريت النَاي ‏حِچة جروحي وفضحني وسولَف آهاتي ! ‏

تعَال اشتَاقلي بكدي اذا ما ارسَم عيَونك على الشبَاك هذا الليل ميَعدي لان ماعنَدي غيرك اشكي حزني وياه چنت ابجيَلك لوحدي

صرت اَنام من وكت ، وما احَسس احد بتعبي وعادي يبقى تلفوني بدون شحَن وعادي النت يخلص وابقى شهَر مختفية وعادي ما انزل ستوريات ولا احَد يذكرنَي ، كلشي صار عادي بسبب المَشاعر الي بالغِت بيها ويا ناس ماتسِتحقني .

وَشِم بگلوبنا تُبقى المَواقَف.

هاج بوسَه وشيلي دَمعچ والحِزن فدوة يرُوح خاف روحِج مَيته كُلش گولي وانه انطيج رُوح بَس اريد اعرُف بعطرج شو بوكت الفرَح طَاغي وبالحزن نفسه يفوح

حَبينة وغلطنه وبعَد ما تنعَاد -وما ننطي گلُبنة للما يقَدرونه . ضَيعنة بعمرنة أيام تسوىٰ سنين . -الما ضَاگوا الحَنضل لِا يسَمونه . -بِس دمعتنه الطاحت بگَد النِيل . -من غير السهَر والما تعَرفونه . -نشبَه صرنِا حال الساكنِين گبوُر . -الهوىٰ بصفهُم ولكن ما يشَمونه . -بِس هو الصدِگ من عِدنا الصوچ . -اليرَخص العشِگ كَثر ليگوُلونه . -الحُب يموت لمِن الأهتمام يزيد . -بيت الطين يوگع مِن يلمونه .

هو ذنبي لا سكنت وي الأجوني ولا تبعت الراحلين ولا انه خالي ومختلي ومرتاح بالي ولا انه من العاشكين ومدري ليلي شلون اخلصه لا سهرت وي السهاره ولا انه من النايمين ولا انه عابد وارتجي الجنه من اموت ولا انه من الكافرين انه قصتي وياك قصة نكتبت بورقة قديمة وخط حزين وانه وين وانت وين .

مايهمني شما حجوا عني وراي وفشله اعاتب ناس موكد مستواي وادري مني وبيه شالوا غيبتي وبالغدر ياحيف جازوا طيبتي وحاولو وياي بس رادوني اطيح وانه مثل الجبل باقي بهيبتي وللاسف طعناتي ماجن من غريب اعزاز عندي الفرحوا عله مصيبتي وهاي كسرت ضلعي ما خلتني اكوم الجنت احبهم ثاري مو من طينتي

لا تسولفلي إعلى جرحك عمري ضاع الجرح يشفى ، سنيني وين ألگيها ؟ تبچي چي مايك تبدّى إعلى السراب آنة روحي لخاطرك چافيها كون مو گد الهوى شجابك عليه ؟ چفوف مو يمك شكو تلاويها لا تبرر ذبلت الوردة بإيديك انت مو گدها الشمس شعليها وردة ماتت إلمن ترشلها ماي و هذا ياهو الگالّك تحييها ؟

شكتبلكَ بعّد وتحُن ! مَكاتيبي وسّهر ليلي لهفتي التنتظر مَرسال منكَ وتعب سّاعي ألبريَد وذني كلهنَ ... حاملنكَ تعرف ابشوگي مغاره اتشگگ وتحرگ وادزلك رد عليهن مره ... فنك !

ما كافي ولك مو گلبي دمرته يخايب لون وجهي وشعري غيرته ما جابولي صوره وانت بيه تخون حلفو هذا انتَ وصحت مو انتَ اثر لبرگبتك شفته انه وتغاضيت وادور بوجهي واضحك عود ما شفته كل هذا سهل يكتل الكتمان موتني الكلام الابد ما گلته ندري الينكتل خوانه تاخذ ثار ياهو يجيب ثاره الكتلته السكته

ما دام الوفي يجرحون گلبه بعد ماعندي غالي كلها غربه هيه ايام تعبر وانسه وارتاح وكاس فراگهم لو سم اشربه چنت ازعل واروح وارجع ارضى ويضحكون بدمعتي وشوفي اغضه ردت عود ازرع بگيعانهم طيب بس هو الزرع كلمن وحظه گمت منهم قوي گومه هواديد عشره وبيها منه تولي ماريد خلها اليوم محترگه البساتين باچر تمطر ونيرانها تهيد النوه يدوس على عزة نفسي دسته وگلبي الخايف على الذيب بعته خشبه بصدري حطيت وتعافيت وجرحي تراب رشيت على شفته

حَبك مُو حَلو وهَجرك دَلاله شَني تواعَدني وتُروح بَرساله؟ المَثلي تُكابله المفرُوض وتنَوح، هذا مواعَدك مَابي عَداله، مَحد عَلمك من تَعشك إنَسان، أذا جَاسه الوجَع تبچَي ببَداله، كلبك مايحَس بالجاي امُر بَس؟ مابَزك عَلي ؟، محَد حجَاله ؟، بسَلفنه الكلمه ماتنضم بالحَلوك شعجب ما سَامع العفته شجَراله؟