سر السادس

اكيد هسه انتَ بوقت امتحانات وعندك مواد حاير بين تمتحن بيهن او تأجلهن ف الي عليك تسوي هو ك التالي : لاتخلي ببالك سالفة التأجيل واذا موجودة براسك شيلها مثلاً عندك انكليزي بعد كم يوم وحاير تكول الحگ اكمله لو لا؟ او تگول اأجلة واگعد اقره غير مادة؟ احسن شي تسوي انتَ هو مثلاً تقرا للانكليزي وتتعب روحك وتنسى سالفة التأجيل ،تروح للامتحان وتگعد بالقاعة طبيعي وتبدي تحل بالاسئلة اذا شفت درجتك مو عالية او مو نفس الدرجة الي تمتحن بيها تگدر بكل بساطة تمسح وتطلع واذا ان شاء الله صار العكس تگدر تكمل وتطلع من الامتحان وانتَ مطلع درجة زينة بس في حال انتَ اصلاً مارحت للامتحان وچنت تگول لنفسك انُ احتمال يجيبون اسئلة سهلة وما اجاوب وامسح ف عليش اروح وفجأة ينشرون الاسئلة وإذا انتَ بالاسئلة تجي سهله وتگدر تجيب الدرجة المطلوبة لو ممتحن ف ليش حرامات انتَ مو خسران شي روح امتحان واذا مو نفس الدرجة لف راسك وتعال.

#بداية_النهاية طبعاً نگدر نگول باجر اول امتحان النه وفي مرحلة بداية خطوة النهاية ، الي بينا خايف والي بينا تعبان والي بينا ما محلگ والي بينا قلقان والي يريد يخلص ويرتاح والخ.. شوف هو اكو شغلة تخليك رغم كل القلق الي بداخلك وتتجاهل جميع الافكار بانه بس ما مجرد تفكر انه هاي النهاية وبعد ماكو شي اسمه "سادس" ومثل ما ابتدئنا هاي المرحلة راح ننهيها سواء عاجلاً ام آجلاً . كل الي مريت بي بهاي المرحلة من ضعف، قلق، انهيار، ضغوطات، مشاكل، لحظات فقدان الشغف ،استنزاف الطاقة ، كل ذن محسوبات عند رب العالمين وشاهد على كل اللحظات الي مريت بيها وعلى التعب الي مريت بي وينتضر منك بس السعي ولو بشي بسيط حتى تشوف انه ماكو شي مستحيل عند رب العالمين . رسالتي الك من طالب لطالب انه انتَ مو شخص راح تمتحن ولا اول شخص يدخل امتحان وزاري ولا اول شخص يحس نفسه بعد ما يكدر يكمل ويجيه احساس انه راح يعيد . كل الي عليك سوي واترك الباقي لله لان هو الي راح يعوضك فوك ما تتصور . الله يوفقكم جميعاً ويسهل عليكم الامتحانات يارب . ادعولنا 🤍.

رسالة لطلاب السادس الإعدادي.. بفترة السادس، راح تعتزل الحياة كلها، وتحني ظهرك على الملازم لساعات طويلة. نومتك، أكلك، طلعتك، وحتى كعدتك وية أهلك واقاربك كلها تتغير، وتصير كل حياتك متمحورة حول شلون توفر جو لنفسك حتى تطلع أعلى الدرجات، وتصير طالب سبع وناجح بمعدل عالي. وراها تجي تختار حلم حياتك، أو أعلى تخصص متاح بالتنافس لأنك صدك تستاهل وجايب ١٠٠٪؜. فراح تختار تكون طبيب... بس السالفة ما راح تخلص هنا.. راح تكمل ٦ سنين همين بمعزل عن العالم، وتعب وسهر، وظهرك محني على المصادر والمحاضرات والتدريب السريري، وسترس (ضغط) مو طبيعي وية كل امتحان.. لأنك باختصار دتتنافس وية خيرة العقول والطلاب الشطار الي طلعوا أعلى معدلات بجيلك. بعد كل هذا تتخرج، وبجهد مضاعف قد تكون أيضاً من الأوائل على كلية الطب، لتجني ثمرة 6 سنوات مجهدة إلى أقصى درجة؛ مادياً، وجسدياً، ونفسياً. وهنا.. تجي الدولة حتى "تكافئك" وتخصص لك جزء من ثرواتها المطشرة.. وتنطيك ٣٥٠ ألف دينار راتب مال شهر كامل، وتشتغل بيه أكثر من ٣٠٠ ساعة! الي ماتكفي لاكراويك ولا اكلك خلال الخفارات (لان مامشمول بالاعاشة ) ولا مصرف تشتري صدرية وسماعة وجهاز ضغط وجهاز اوكسجين ونبضات ... لان الي بالمتستشفى عطلانات يعني تطلعلك ألف ونص للساعة بأحسن الأحوال.. يعني تقريباً راتب مال رعاية اجتماعية، بس الفرق إنك مكاعد بالبيت، بل حابس نفسك بالمستشفيات! وحتى بعد التخرج ما تخلص.. الناس الي جانت تدعيلك تطلع طبيب، راح تكوم تدعي عليك! وتصورك على أنك شيطان على هيئة بشر. ينتظرون منك تشتغل بالمجان وتنسى تعبك لأن لازم تكون "صاحب إنسانية"، بس المشكلة إنو هاي الإنسانية مطلوبة منك للكل، بس أنت الوحيد الي ما مشمول بيها وماحد يرحم بحالك! لذلك رسالتي إلكم: بظل هاي الظروف، لا تختارون المجموعة الطبية.. إلا إذا جنتوا مستعدين تضحون بصحتكم وحياتكم وشبابكم. #منقول

أغلب طلابنه اليوم استلموا النتائج لنص السنه… بالتوفيق للجميع يارب وان شاء الله تحصلون الدرجات الي جنتوا تريدوها وأن شاء الله كل واحد يحصل على گد تعبه ♥️. طبعاً اكو بيكم ما حالفه الحظ او ما درس زين بأمتحانات نصف السنه وصار عنده بعض الإخفاقات بالأمتحانات وحس روحه فقد الشغف والخ.. شوف اول شي نص السنه جان وقتها ضيق جداً يعني خلصتوا شهريات منا بلشتوا وره يومين نص السنه منا ،ثاني شي صار ضغط كلش چبير من ناحيه وقت ومن ناحيه الماده لأن مو كل الطلاب دارسين الكورس الأول دراسه مضبوطه.. راح تگلي اني رسبت ب3 دروس او 4 ومقهور او تگلي ما جبت الدرجات الي اريدها وما حصلت على گد تعبي والخ… درجات نص السنه مو مقياس الحقيقي لقدراتك ولا تگدر تحكم على نفسك من خلال درجاتك بيها.. سويت الي عليك عاشت ايدك بطل ،انتَ تعبت نفسيتك وجسدك في سبيل تكمل الأمتحانات على خير وكل هذا تعبك عند رب العالمين مكتوب ما يضيع خالي بلاش ،حتى لو ما حصلت الدرجات الي ببالك لا توگف انتَ كملت شوط بقه الك شوط ثاني وتحقق نجاحك ،بعد عندك هواي وقت تگدر تعدل وضعك وتسيطر وتكمل مسيرتك بكل سهوله . وأبد أبد أبد أبد لا تشيل هم مادام رب العالمين وياك انتَ بأفضل حال وعندك أفضل دافع انه تكمل… بالتوفيق للجميع ويارب تحققون أحلامكم وتوصلون للهدف المطلوب♥️.

#رسالة_نصف_السنة➖     🟡|| إمتحانات نصُف السنة هِيَّ محطة من محطات السادس تثبت بيها تعبك وصبرك . لا تخليّ القلق يسيطر على تركيزك ، ولا تستهين بأي مادة . إلتزم الهدوء ، نظم وقتك ، وراجع بذكاء مو بكثرة . تذكر : كل ساعة تعب هالأيام راح تفرق بالنتيجة ، صح هِيَّ مو مقياس بس تكدر عن طريقها تشخص أخطائك ، كل سؤال تجاوبو بثقة هو خطوة أقرب لهدفك . إحنا واثقين بيك وبقدرتك ، شدّ حيلك وخليّ تعبك يحچي عنك . 🧷|| #شبكة_نيوتن_التعليمية : 🧷|| https://t.me/Newton1998 .

اساسيات وبداية رياضيات الفصل الثاني والقطع المكافئ فقط 👆🏻.