تَقوَى

مُجاهدتُك لصلاة الفجر، والدوام على هذه المُجاهدة، يقودك إلى ما هو أعظم وأطيب؛ رضوان الله ورؤيته في الجنة. فهل هناك أطيب من ذلك؟ صلاة الفجر، ثم أذكار الصباح… بدايةٌ مباركة ليومك، فلا تفرّط فيها. لا تنسوا أذكار الصباح.🩵

بفتح الفون لقيت صاحب منزل الايه دي "أفَمَن زُيِّنَ لهُ سوءُ عمله فرآهُ حسنًا" ووالله يصاحبي الخسارة الحقيقية إننا نكون من أهل الآية دي.. مفيش أسوأ من إنك تضل وتفتكر نفسك مهتدي، وتفسد وتفتكر نفسك بتصلّح، وتتكبر وتفتكر نفسك متواضع، وتظلم وتفتكر نفسك عادل، وتبطش وتفتكر نفسك رحيم. الأخطر مش إنك تعمل الغلط بس، الأخطر إنك تعمل الغلط وقلبك مطمّن، وتفتكر إنك صح، ومش شايف عيبك ولا غلطك. عشان كده، من أخطر الحاجات على الإنسان إنه يفقد قدرته على مراجعة نفسه، ويفضل طول الوقت شايف نفسه مظلوم، صح، مصلح، ومهتدي. ربنا ما يجعلناش من اللي ضلّ سعيهم في الحياة وهم فاكرين إنهم بيحسنوا صنعًا، ويرزقنا دايمًا بصيرة نعرف بيها غلطنا، وشجاعة نرجع للحق لما نغلط. إن أسوأ الناس هو اللي يعمل الشر، وهو شايف نفسه بيعمل خير.

صلِّ على النبي ﷺ بس الاول وتعالى اقولك على هدية ليوم الجمعة عارف انت لو اغتسلت وروحت المسجد مشي بدري قبل الخطبة وقعدت قريب من الخطيب ومتكلمتش خالص طول الخطبة كل خطوة هتمشيها هتاخد اجر قيام وصيام سنة، استعن بالله بقى ومتضيعش الاجر العظيم ده وعرفه لغيرك الدال على الخير كفاعله. متنساش ركعتين الضحى وقراءة سورة الكهف وصل على النبي 🩵

​رسالة من القلب.. 💭 ​افعل ما تشاء يا صديقي، شارك الأغاني والموسيقى كما يحلو لك.. لكن تذكّر دائماً أن كل حرف يُكتب، وكل سيئة جارية تُحسب عليك! ✋ ​سيأتي وقتٌ تتمنى فيه لو أنك لم تنشر شيئاً، ولن ينفعك الندم حينها شيئاً والله. ​﴿وَوُضِعَ الْكِتَابُ فَتَرَى الْمُجْرِمِينَ مُشْفِقِينَ مِمَّا فِيهِ وَيَقُولُونَ يَا وَيْلَتَنَا مَالِ هَٰذَا الْكِتَابِ لَا يُغَادِرُ صَغِيرَةً وَلَا كَبِيرَةً إِلَّا أَحْصَاهَا﴾ ​راجع نفسك قبل فوات الأوان.. هداني الله وإياك.

الناس بتدخل النار ليه؟ علشان مبيصليش، علشان مبيصومش، علشان بيكدب، علشان بيشتم، علشان بيسمع أغاني... يعني انا ممكن أدخل النار علشان الشتيمة! أومال انت هتدخل النار ليه؟ ما هي الحاجات دي ذنوب، والذنوب هي سبب دخول النار! هتلاقي واحد كدا في النار علشان بيشتم، وهتلاقي واحد تاني بيغتاب، واحد غيره دخل بسبب الأغاني والأفلام والمسلسلات... ماهي مش كلها صلاة بس، لو كلها صلاة بس كنا هنسمع كام درس عن الصلاة ونظبطها وندخل الجنة... متستقلش بالذنب اللي بتعمله وأنت فاكر إنه حاجة بسيطة، أو شايف إن ناس كتير بتعمله فكدا بقى حلال مثلا... أبعد عن الناس اللي بتهون حجم الذنب في قلبك، وإياك تستهون بأي ذنب! الله سبحانه وتعالى يقول : "وَتَحْسَبُونَهُ هَيِّناً وَهُوَ عِنْدَ اللَّهِ عَظِيمٌ".

متنساش تتسحر وانوي صيام الاثنين 🩵. ومادام الجو حر، فأبشرك: الأجر على قدر المشقة. البضاعة لما ترخص، الكل بيشتريها... لكن لما تغلى، قليل اللي بيقدر عليها. وكذلك الطاعات وقت المشقة، أجرها أعظم بإذن الله. وكان النبي ﷺ يحرص على صيام الاثنين والخميس. وقال ﷺ: "من صام يومًا في سبيل الله، باعد الله وجهه عن النار سبعين خريفًا." وقال الله تعالى في الحديث القدسي:"كل عمل ابن آدم له إلا الصوم، فإنه لي وأنا أجزي به." وفي الجنة باب يُقال له الريان، لا يدخله إلا الصائمون. ودعوة الصائم لا تُرد، خاصة عند فطره. فانوِ الصيام من الآن، ولا تتكاسل. ولا تنسَ أن تُذكِّر غيرك؛ فالدال على الخير كفاعله. اللهم أعنَّا على طاعتك، وتقبَّل منا صالح الأعمال.

من أجمل النِّعَم اللي ربنا سبحانه وتعالى أنعم بيها علينا… وقت الفجر 🩵 السكينة اللي بتحسّ بيها في الوقت ده بتكون في كل حاجة… حتى في النفس اللي بتتنفسه! كأنك بتصبر نفسك على تعب وابتلاءات الدنيا كل يوم، لما تفتكرها بنعيم الجنة وتطمنها إن التعب ده كله هيعدّي… 🩵 الحمد لله الذي أذِن لنا بيوم جديد، عشان نعبده ونشكره ونتوب إليه. اللهم اجعل يومنا ده بداية خير، وراحة للقلوب، وقُربًا منك.🤲🏻🩵

لو إنت صاحي دلوقتي وبتقرأ الكلام ده... فأنت محظوظ. جيت بس أفكرك بصيام الخميس🩵. ومادام الجو حر، فأبشرك: الأجر على قدر المشقة. البضاعة لما ترخص، الكل بيشتريها... لكن لما تغلى، قليل اللي بيقدر عليها. وكذلك الطاعات وقت المشقة، أجرها أعظم بإذن الله. وكان النبي ﷺ يحرص على صيام الاثنين والخميس. وقال ﷺ: "من صام يومًا في سبيل الله، باعد الله وجهه عن النار سبعين خريفًا." وقال الله تعالى في الحديث القدسي:"كل عمل ابن آدم له إلا الصوم، فإنه لي وأنا أجزي به." وفي الجنة باب يُقال له الريان، لا يدخله إلا الصائمون. ودعوة الصائم لا تُرد، خاصة عند فطره. فانوِ الصيام من الآن، ولا تتكاسل. ولا تنسَ أن تُذكِّر غيرك؛ فالدال على الخير كفاعله. اللهم أعنَّا على طاعتك، وتقبَّل منا صالح الأعمال.

تخيل لو عندك فرصة يوم القيامة تقف قدام أبواب الجنة وتختار بنفسك تدخلها من أي باب.. قال ﷺ: «ما مِن مُسلمٍ يتَوضَّأُ فيُحسِنُ الوضوءَ ثمَّ يقولُ أشهدُ أن لا إلهَ إلَّا اللّٰـهُ وأشهدُ أنَّ محمَّدًا عبدُه ورَسولُه إلَّا فُتِحتْ لهُ ثمانيةُ أبوابِ الجنَّةِ يدخُلُ مِن أيِّها شاءَ..» فسبحان اللّٰـه الشكور؛ الذي يرزق علىٰ العمل اليسير الأجر الكبير. 🤍🌳

🚨 أي حد متخرج السنة دي يبعتلي خاص.🎓 عندي مفاجأة حلوة مستنياكم، وهتكون لعدد محدود..🌚 شرط تكون من اسكندريه. @IbrahimShafter

قرآن يطيب به السمع ويطمئن به القلب..

"مات أبو طالب على الكُفر ؛ عشان الناس ما تاكلش وشه." تاخد منها فوائد عظيمة ـ التزم بدينك ولو كنت لوحدك عشان هتقف بين ايد ربنا لوحدك ومتخافش الناس شيفاك ازاي ولا هيقولوا ايه وتريقة صحابك أصل اللحية شكلها مش عارف ايه، أصل النقاب مكبرك، أنت يتعمل الوحي يعني بتعمل كلام ربك، المفروض اللي يستحي الغرقان في المعاصي اوعى تتكسف او تقول كلام الناس لأن الموضوع دا هيأخرك دنيا وآخره ـ أبو طالب لو بصيت في السيرة عمل للدين كتير وقدم للنبي مساعدات كتير وكمان هو عم النبي وفي الآخر في النار يعني رقم واحد مش هينفعك نسبك أمي محفظة أبويا شيخ وعالم من العلماء وصاحبي كذا ، أنت فين عملك قال النبي من أبطأ به عمله لم يسرع به نسبه ولك مثال في سيدنا نوح وابنه ـ رقم اتنين ودا شيء عقدي إن لو الإنسان كويس في الدنيا وكان بيساعد الدين وقدم للبشرية حجات كتير والخ.. ولو لم يشهد لا إله إلا الله محمد رسول الله ؛هو في النار حتى لو كان عم النبي أو ابن نبي.. أثنى الله عز وجل على ١٨ نبي ورسول في سياق واحد .. واختتم بقوله تعالى "ولو أشركوا لحبط عنهم ماكانوا يعملون " مفيش مجاملة ، قالت عائشة رضي الله عنها: يا رسول الله، ابن جُدْعان كان في الجاهلية يصل الرحم ويطعم المسكين، فهل ذاك نافعه؟ قال: "لا ينفعه، إنه لم يقل يوماً: رب اغفر لي خطيئتي يوم الدين"

الدرس الرابع من سلسلة تدبر سورة الفاتحة نزل! 🌿 كل درس في السلسلة بيفتح بابًا جديدًا لفهم أعظم سورة في القرآن، السورة اللي بنقف بيها بين إيدين ربنا في كل صلاة، ومع ذلك لسه فيها كنوز كتير محتاجة تدبر وتأمل. لو لسه ما بدأتش، دي فرصة ممتازة تبدأ من أول درس، ولو متابع السلسلة، متفوتش الدرس الرابع. السلسلة بتنزل بواقع درس كل أسبوع، والدرس حوالي ساعة، لكن الأثر اللي هتخرج بيه يستحق كل دقيقة. 📖 الدرس الأول: https://youtu.be/KB9__WJkSwY 📖 الدرس الثاني: https://youtu.be/dOQ6T7voZS0 📖 الدرس الثالث: https://youtu.be/mKB1oGRH2HM 📖 الدرس الرابع: https://youtu.be/avh5JegXOKE?si=XR86qvEsjTzWN5hu وانشرها لغيرك، فربما تكون سببًا في أن يفتح الله بها على قلب أحد، والدال على الخير كفاعله. 🩵

يا نهار أبيض 😱

أكاديمية الفرقان للثقافة الإسلامية تفتح باب القبول للدفعة (12) لكل من يرغب في طلب العلم الشرعي. الأماكن محدودة — بادر قبل أن يفوتك القطار سجل الآن واحجز مقعدك🔗 https://register.forqanacademy.com/register فيديو توضيحي لكيفية التسجيل https://www.facebook.com/share/v/17zUVZvnXT/

﴿ وَلَهُ مَا سَكَنَ فِي اللَّيْلِ وَالنَّهَارِ ۚ وَهُوَ السَّمِيعُ الْعَلِيمُ ﴾ أتراه يغيب عنه وجعك أو ألمك أو حزنك أو دموعُك؟..أتظن أن كلمة "يا رب" التي طالما رددتها في جوف الليل أو في وضح النهار قد خفيت عليه؟ حاشاه سبحانه... فهو السميع الذي يسمع نجواك والعليم الذي يعلم ما في قلبك قبل أن تنطق به شفتاك. فأحسن الظن بربك وأكثر من الدعاء فإن الفرج يأتي من حيث لا تحتسب

بكون عايز اشاركك فرحتك بخطوبتك ، بس بلاقيك منزل صورتك مع خطيبتك وهي متزينه ف الصورة وكاتب كلام حلو وفيه خضوع بالقول...فَ بنسحب بكون عايز اشاركك فرحتك بنجاحك أو تخرجك أو أي إنجاز عملته ، بس بلاقيك محتفل بيه بوضع صورتك وعليها أغاني....فَ بضطر انسحب بتكون عازمني على فرحك المختلط اللي كله منكرات ، حباً فيك وإشفاقاً عليك وعارف إني مش هقدر أغير ده..فَ بنسحب أنا بحبك وبحبلك الخير ، ومش براقبك من بعيد واكتم فرحتي ليك زي ما أنت فاكر ، بس أنت بتفرح بشكل لا يرضي الله عز وجل وبيمنعني اشاركك ونقطة مهمة وفارقة جدا جدا وهيا إن يمكن ضعف إيماني مانعني أنكر عليك فعلك دا ، أو معنديش القدرة إني أغير ده ، بس مش هقدر اشجعك - بس الأكيد إن حبي ليك هو السبب في عدم تفاعلي معاك ، عشان مش هنافقك ولا احملك ذنب مشاركتي ف المنكر زيهم هداني الله وإياكم

أبطال الثانوية لو حققت مجموع كنت بتحلم بيه، مبارك عليك تعبك يستحق، لكن خليك فاكر إن النجاح الحقيقي هو اللي يخليك إنسان أفضل كل يوم. ولو النتيجة ما كانتش زي ما تمنيت، متخليش رقم على ورقة يحدد قيمتك أو يحكم على مستقبلك. الثانوية العامة محطة، وليست نهاية الطريق، والنجاح له طرق كتير، وكل واحد له رحلته ورزقه الذي كتبه الله له. قال الله تعالى: ﴿وَعَسَىٰ أَنْ تَكْرَهُوا شَيْئًا وَهُوَ خَيْرٌ لَكُمْ﴾. اطمئنوا... الأرزاق بيد الله، والفرص لا تنتهي، وربنا قادر يفتح لكم أبوابًا لم تكونوا تتوقعونها. مبارك لكل الناجحين، وربنا يعوض كل من لم يحقق ما كان يتمناه، ويكتب الخير للجميع.

اللي لسه مش عارف يجيب النتيجة، يبعتلي رقم الجلوس، وأنا هساعده. @IbrahimShafter

قبل ما تنام متنساش أنك مسلم، وبلاش حالة الفراغ العاطفي والحزن اللي بتجيلك وتخلي الشيطان يشمت فيك بلاش! استعن بالله واشتغل على نفسك واشغل وقتك واسعَى، متقعدش فارغ بلا عمل وعبادة، نام بدري بلاش تسهر وترهق نفسك في اللاشيء. - د. أحمد عبد المنعم حفظه الله