اغاني عراقية قديمة كتب اغنية اقتباسات اشعار حب خواطر سومري عبد الحليم حافظ قحطان العطار رائد ابو فتيان فؤادسالم ياس خضر شعر شعبي

يبو طول الترندج خيط شاهول يبو ألوان القزح بتلاة مطره يطعمك فص قند والروح قندول يطعم الحابسي ونبهار بصرة يـ من گد ما حلو من الگاع مشيول تمرجح بالهوى على أرداف مهرة تعط وريحتك لوعطت تحول عذب واتمطگ الميتين وامره يطور محمداوي ايناغي ماصول نزر وامدگدگ وملگوط ببرة يشجرة انفردت بحر صيف وبچول حنين ومكسرك لابد تكسره يهودج والتمرجح بي المنسول مثل غرنوگ حط بگاع خضرة على اوصافك توالم عيد ودخول وعلى محبتك يطول الشوگ عمره لشگن ريتي من الطول للطول وأدگ راسي عليك بحگة صفرة لــ محسن الخياط

خذني يمَّك بعد ما ضَل كُل عذر لا تعتذر؛

بس انت عليك تصب العيون وما صبت عگب عينك على احد لـ صاحب الضويري

‏⠀ بالطيف إجاني امس گمت وگلت هلّ هلّ فـزيت راح الحلم دم ناظري هلهـل حلّف واسأل هلي بعـدك أنا هل هل حبيت لو عاشرت لو شفت انا راحة مو رحى وسط الچبد وسط الچبد رحات ميت أخو شامتي لمن سمع راحت گام على حيله ووگف وسط العزا وهلهل! | سمير صبيح .

خذني يَمك گبل لا يخلص صبرنة ويطفى دم وجُوهنا وتِطلع صفر خذني يمَك بعد ماظل كُل عذر لا تعتذر خذني يَمك گبُل لا يَم الصُفر يَنحط صُفر

كل بشر يوصل محطة ويشبگ اهله وانا اشوبح من شبابيچ الفراگين الحزينة انطر احد ... مايجيني انطر الدمعتها چانت نجمة تتلالى بجبيني

جازفت بسمعتي بعشرتي وياك ! هملت أسمي و دست فوك التقاليد مو نَفس العُمر بَس چنت أداريك ما حَسستَك بفرق المواليد غير الـ يا هَلا شمسوي وياك بـ محنّة و صوت دافي أحچيها تجويد و أخذهن مني إلك ماريدهن روح أعتذاراتَك وره الـ سويته متفيد حسبالَك گبل و أفتحلَك الباب ؟ ما تنهي الزعَل تكبيرة العيد ..

وصدفه نتلاكه وغريبين ونروّح جنه ما نعرف بعض والله حرام فركتك يحملها جا قلبي الرچيچ؟ وعلي يريد الها صبر مالت إمام مستعد لو رديت من الجاهليه ذنوب العرب لليوم كلهن عليه .. زيد السومري