𝑺𝒐_𝒘𝒉𝒂𝒕 ?

سحب

همسح دا عشان انتو ميتين عملته في قناه تانيه https://t.me/samtiiiiiii

سحب على دبين الشرط تشترك هنا وتشير السحب لو مشيرتش مش هديك لو معندكش قناه 3 خاصك • الشرط ⚶❶ الإشتراك >> هــــنــــا روليت سراب > جميع السحوبات

مين ؟

سحب على دبين الشرط تشترك هنا وتشير السحب لو مشيرتش مش هديك لو معندكش قناه 3 خاصك • الشرط ⚶❶ الإشتراك >> هــــنــــا روليت سراب > جميع السحوبات

سحب على دبين الشرط تشترك هنا وتشير السحب لو مشيرتش مش هديك لو معندكش قناه 3 خاصك • الشرط ⚶❶ الإشتراك >> هــــنــــا روليت سراب > جميع السحوبات

وصلوني 800 🤩 رد اشتراك : @frii0_bot

الدرس العشرون متخليش حد يقنعك إن احتياجاتكـ عبء !! _ عارف أصعب حاجة ممكن تحصل للواحد هيا إيه ؟؟ = إنه يتعود يخبي نفسه عشان ميكونش تقيل على حد !! إنك تبقى عايز تقول أنا تعبت وتسكت !! تبقى محتاج تسأل هو أنا مهم؟ وتخاف تسمع الإجابة !! تبقى محتاج حضن، كلمة، اهتمام بسيط وتبدأ تقنع نفسك إنك أكيد بتطلب كتير !! بس استنى مين قالك إن احتياجك حمل !!!؟ مين قالك إنك لازم تبقى الشخص القوي طول الوقت؟ مين قالك إنك لازم تسمع الكل، وتفهم الكل، وتحتوي الكل لكن لما ييجي دورك تختفي؟ أنت مش عبء عشان عندك مشاعر !! مش عبء عشان بتزعل !! مش عبء عشان محتاج حد يطمنك من وقت للتاني !! العبء الحقيقي هو المكان اللي يخليك تخاف تكون على طبيعتك، وتفضل طول الوقت تحسب كلامك ومشاعرك عشان متتقالش عليك كتير !! بلاش تسمح لحد يخليك تحس إنك لازم تصغر نفسك عشان يفضل موجود !! اللي يحب وجودك بجد مش هيحب النسخة السهلة منك بس هيحبك وأنت ساكت، وأنت تعبان، وأنت محتاج !! وخليكـ فاكر إنكـ طول عمرك كنت الشخص اللي بيسند غيره، فمتستغربش لما تحتاج حد يسندكـ دا حقكـ !! مش كل مرة تقول أنا محتاج تبقى ضعيف أحيانًا دي أكتر لحظة بتكون فيها صادق مع نفسك !! خليك فاكر إن قلبك مش مشكلة محتاجة تتصلح ومشاعرك مش حمل لازم تخبيه ،أنت إنسان ومن حقك تتحب من غير ما تضطر تقلل من نفسك من حقكـ تتعب وتقول تعبت من حقكـ تتكلم عن اللى مزعلكـ ومضايقكـ ومن حقكـ تلاقي اللى معاكـ ويسمعمک 𐙚" #_30_days_Without_feelings @soskaa_01

الدرس التاسع عشر متحاولش تنقذ حد مش عايز ينقذ نفسه !! في ناس بتدخل حياتهم وإنت مقتنع إن دورك إنك تعالج وجعهم، وتلم شتاتهم، وتكون السبب في إنهم يبقوا أحسن. تديهم وقتك، وصبرك، واهتمامك، ويمكن تضحي براحة بالك عشان تشوفهم واقفين على رجليهم من تاني. في البداية بتحس إنك بتعمل حاجة عظيمة... لكن مع الوقت تكتشف إنك كل يوم بتخسر جزء منك، وقصاد دا الشخص اللي بتحاول تنقذه ثابت في مكانه، لا بيتغير، ولا بيحاول، ولا حتى شايف إن فيه مشكلة محتاجة حل !! الحقيقة المؤلمة إنك مهما حبيت حد، ومهما بذلت عشانه، عمرك ما هتقدر تغير إنسان هو نفسه مش مقتنع إنه محتاج يتغير. لأن التغيير قرار، والقرارات عمرها ما بتتفرض بالحب، ولا بالصبر، ولا بالتضحية !! في فرق كبير بين إنك تمد إيدك لحد وقع... وبين إنك تنزل تغرق معاه وهو رافض يطلع !! في ناس بتتعود إن حد يشيل عنها المسؤولية، فيبقوا مرتاحين وهم بيشوفوك بتصلح كل حاجة. وكل مرة تقع، تكون أنت أول واحد يجري، لحد ما تكتشف إنك بقيت عكاز لشخص مش ناوي يمشي بنفسه !! متخليش طيبة قلبك تتحول لعذاب تعيشه كل يوم !! لأن في لحظة هتلف حواليك، وهتكتشف إنك أنفقت وقتك، وطاقتك، ومشاعرك، على شخص كان رافض يساعد نفسه، وهتلاقي أن أنت كنت أولى بكل اللي قدمته !! ساعد اللي يطلب المساعدة، وساند اللي بيحاول يقف، لكن متستنزفش عمرك مع شخص اختار يفضل مكانه !! افتكر إن أنت مش مسؤول عن إنك تنقذ حد ، لكنك مسؤول عن إنك متضيعش نفسك وأنت بتحاول تنقذ شخص مش رايد النجاة !! #_30_days_Without_feelings @soskaa_01

الدرس الثامن عشر متقفش عند حد وقف عندك !! في ناس أول ما تحس إنك بقيت مضمون، تبدأ تتغير. الردود تبقى أبرد، السؤال يقل، والاهتمام يختفي واحدة واحدة مش لأنهم مشغولين ، لكن لأنهم ضمنو إنك مهما أهملوك، هتفضل موجود !! وهنا بيبدأ استنزافك الحقيقي. كل مرة تبرر، وكل مرة تقول : "أكيد عنده ظروف"، "يمكن تعبان"، "يمكن هيرجع زي الأول"... وإنت في الحقيقة مش مستني الشخص، إنت مستني النسخة القديمة منه. النسخة اللي كانت بتسأل، وتهتم، وتخاف على زعلك. لكن بعض الناس لما يضمنوا وجودك، بيتوقفوا عن بذل أي مجهود للحفاظ عليك. وأصعب شعور ممكن تعيشه، إنك تفضل تحارب وحدك في علاقة المفروض إنها بين اتنين. تبعت أول، وتعتذر أول، وتصلح أول، وتسامح أول وفي الآخر تكتشف إنك كنت شايل العلاقة كلها على كتفك، وأول ما تعبت، وقعت !! افتكر إن العلاقات مش بتعيش بالاعتياد، بتعيش بالسعي. وكل شخص خايف يخسرك، هيلاقي ألف طريقة يحافظ عليك. أما اللي ارتاح لفكرة إنك مش هتمشي مهما عمل، هيبتدي ياخد وجودك كأنه حق مكتسب، مش نعمة !! بلاش تكون الشخص اللي كل مرة يختار البقاء رغم إنه مش شايف أي محاولة من الطرف التاني. لأن مع الوقت، هتكتشف إنك استنزفت قلبك عشان حد كان مطمن إنك هتفضل، سواء قدّرك أو لأ !! ومتفتكرش إن انسحابك ضعف، بالعكس... أوقات الانسحاب بيكون احترام لنفسك ! سيب المكان اللي مبقاش فيه حد بيسعى ليك. لأنك تستحق علاقة يبقى فيها المجهود متبادل، والاهتمام متبادل، والخوف من الخسارة متبادل . زافتكر اللي وقف عن السعي ليك، وقف لأنه ضمن إنك هتفضل تجري وراه فمتثبتلوش إنه كان عنده حق !! #_30_days_Without_feelings @soskaa_01

الدرس السابع عشر خلّ في حدود بينك وبين أي حد !! في ناس فاكرة إن الطيبة معناها إنك تستحمل، وإن الأدب معناه إنك تسكت، وإن الحب معناه إنك تسمح لنفس الغلط يتكرر كل مرة !! لكن الحقيقة إن الإنسان اللي معندوش حدود بيتأذي أكتر !! كل مرة بتسكت فيها عن حاجة جرحتك، عشان "تعدي"، وكل مرة بتتنازل فيها عن حقك عشان "متزعلش حد"، وكل مرة بتقول: "مش مشكلة"... إنت مش بتحافظ على العلاقة، إنت بتعلم اللي قدامك إن أذيتك سهلة، وإنك هتسامح مهما حصل !! في ناس مبتعرفش تقف عند حدها، إلا لما تلاقيك وقفتها. ومبتعرفش قيمة وجودك، إلا لما تعرف إن غيابك احتمال حقيقي !! الحدود مش قسوة، ومش غرور، ومش تكبر. الحدود هي إنك تعرف تقول: "لأ". تعرف تمشي من المكان اللي بيقلل منك. تعرف ترفض الأسلوب اللي ميليقش بيك. تعرف تمنع أي حد إنه يتعامل معاك بطريقة تكسرك، حتى لو كان أقرب الناس ليك !! ومتفتكرش إنك هتخسر الناس لما تحط حدود الحقيقة إن اللي هيزعل من حدودك كان مستفيد من غيابها !! الإنسان اللي بيحبك بجد، هيحترم اللي يريحك، وهيخاف يتجاوز حدودك، لأنه خايف يخسرك. أما اللي كل ما تحاول تحافظ على كرامتك يقولك إنك اتغيرت، أو بقيت صعب، أو بقيت أناني فالمشكلة عمرها ما كانت في حدودك، المشكلة إنه اتعود ياخد منك أكتر من حقه !! عيزاك تفضل فاكر إن الباب اللي ملوش قفل، بيدخله أي حد. وقلبك كمان، لو مفيش حدود بتحميه، هيبقى مباح لأي شخص يجرحه ويمشي !! حط حدودك من غير خوف، لأن احترام الناس ليك بيبدأ من احترامك لنفسك. واللي ميعرفش يقابلك عند حدودك ميستحقش مكان جوه حياتك !! #_30_days_Without_feelings @soskaa_01

الدرس السابع عشر اتعلم تقول لأ، مهما كنت بتحب اللي قدامك . اتعلم تحافظ على مبادئك دايمًا، اتعلم إن محدش هيهتم لمشاعرك، كلهم أنانيين هيبصوا لنفسهم بس وهيعملوا اللي يريحهم بس، وهيتقالك في الآخر محدش قالك تعمل كده عشاني !! فا اتعلم تعمل اللي يريحك ويعجبك، ومتخليش أي حد ولا أي حاجة تفرق معاك 𐙚 أصعب حاجة ممكن يعملها الإنسان في حق نفسه، إنه يفضل يرضي كل اللى بيحبهم على حساب نفسه ، يفضل يوافق عشان ميخسرش حد، يسكت عشان ميعملش مشكلة، يتنازل عن حاجات مهمة بالنسبة له عشان يحافظ على أشخاص مبيبذلوش مجهود أصلًا عشان يحافظو عليه !! لكن الحقيقة إن الناس لما تتعود إنك دايمًا موجود، دايمًا بتسامح، ودايمًا بتتنازل هتبدأ تعتبر ده شيء طبيعي، ولما تيجي مرة تختار نفسك هيتقال إنك اتغيرت !! بس محدش بيسأل إنت اتغيرت ليه؟ محدش بيشوف عدد المرات اللي سكت فيها قلبك، ولا المرات اللي عملت فيها حاجة عكس رغبتك عشان خاطرهم !! فـ 𐙚! اتعلم إن "لأ" مش معناها إنك قاسي، وإن اختيارك لنفسك مش أنانية ،أحيانًا الحفاظ على نفسك هو أكتر قرار محتاج شجاعة . مش كل طلب لازم توافق عليه، ومش كل شخص بتحبه لازم تضحي عشانه، ومش كل علاقة تستحق إنك تخسر مبادئك عشانها !! لأن الإنسان اللي بيحبك بجد، مش هيحب النسخة اللي بتتعب نفسها عشانه، هيحبك وإنت محافظ على نفسك وحدودك . متخليش خوفك من زعل الناس يخليك تزعل من نفسك كل يوم ، ومتخليش حبك لحد يخليك تنسى إن ليك حق في الراحة والاختيار !! في النهاية، الناس هتتأقلم مع حدودك، وهتحترمك لما تحترم نفسك ،واللي يمشي لمجرد إنك بطلت تقدم نفسك كخيار أخير مكانه أصلًا بعيد !! اختار نفسك من غير إحساس بالذنب، واعمل اللي يريح قلبك وضميرك، لأنك الشخص الوحيد اللي هيفضل معاك في كل مراحل حياتك !! متفضلش فـ مكان مش بيديكـ قيمتكـ ،اللي شايفكـ مش مُناسب متشوفوش ، ابعد عن أي حاجه بتإذيكـ وتشتتكـ اتعلم تقول لأ بقلب جامد من غير خوف ،وخليكـ فاكر إنكـ هتسمع فالآخر جملة (محدش ضربكـ على إيدكـ عشان تعمل دهـ ) أو مرادفاتها بقا ،اختار نفسكـ دايمًا ومتشغلش بالكـ بجد ،فكر بعقلكـ أكتر من قلبكـ ومتمشيش ورا إحساسكـ لإنه مش دايمًا صح 𐙚! #_30_days_Without_feelings @soskaa_01

الدرس السادس عشر بطل تشرح نفسك للناس !!! في مرحلة معينة من حياتك، هتكتشف إن أكتر حاجة كانت بتستنزف طاقتك إنك طول الوقت بتحاول تبرر نفسك !! تشرح ليه اتأخرت، وليه زعلت، وليه بعدت، وليه رفضت، وليه اتغيرت. وكأنك مطالب كل يوم تدافع عن قراراتك قدام محكمة، وكل الناس فيها قضاة !! لكن الحقيقة إن اللي فاهمك، مش محتاج شرح. واللي قرر يسيء فهمك، مش هيقتنع مهما شرحت !! هتفضل تعيد نفس الكلام عشر مرات، وتختار كلماتك بحذر، وتفكر قبل كل جملة، وفي الآخر الشخص اللي قدامك هيفهمك بالطريقة اللي هو عايزها، مش بالطريقة اللي إنت شرحتها !! النضج الحقيقي بيبدأ لما تدرك إن مش من واجبك تخلّ الكل يقتنع بيك. ولا من مسؤوليتك تصلح الصورة اللي الناس رسمتها عنك في دماغها !! في ناس بتحب تسيء الظن، وفي ناس بتحب تفسر كل حاجة على مزاجها، وفي ناس مهما عملت هتشوفك غلط . ولو قضيت عمرك كله بتحاول تغير رأيهم، هتكتشف إنك ضيعت حياتك، ولسه برضه مش راضيين !! بطل تبرر انسحابك من مكان أذاك، وبطل تشرح ليه رفضت حاجة مش مريحة ليك، وبطل تعتذر عن حدود بتحمي كرامتك. لأن الإنسان اللي بيحترمك، هيحترم قراراتك حتى لو مش فاهمها. أما اللي مش بيحترمك، هيستخدم كل شرح بتقوله ضدك في أول خلاف !! واعرف إن الصمت أوقات بيكون أبلغ من ألف تبرير. مش لأنك معندكش رد لكن لأنك فهمت إن في معارك، مجرد دخولك فيها خسارة !! افتكر إن مش لازم كل الناس تفهمك، ومش لازم كل الناس تحبك. يكفي إنك تكون صادق مع نفسك، مرتاح مع قراراتك، ومقتنع بالطريق اللي ماشي فيه !! لأن النضج الحقيقي هو إنك تبطل تعيش مستني موافقة الناس على حياتك، وتبدأ تعيشها بالطريقة اللي ترضي ضميرك، مش بالطريقة اللي ترضيهم !! سيب الناس تقول اللي هي عايزاه اللى عايز يفهمك صح هيفهمك صح واللي عايز يشوفك غلط هيشوفك غلط !! #_30_days_Without_feelings @soskaa_01

الدرس الخامس عشر متستناش الاهتمام والتقدير من حد !! أكتر حاجة بتتعب القلب ،إنك تفضل مستني !!مستني رسالة، مستني سؤال، مستني حد يفتكرك، أو يهتم بيك بنفس الطريقة اللي أنت بتهتم بيها ،وكل يوم تقنع نفسك إنه أكيد مشغول ،أكيد مضغوط ، أكيد عنده ظروف !! لحد ما تكتشف إن اللي عايز يوصل بيوصل، واللي عايز يتطمن بيتطمن، واللي وجودك بيفرق معاه عمره ما هيخليك تحس إنك حمل عليه ولو ثانية !! متستناش الاهتمام من حد، لأن الاهتمام الحقيقي عمره ما بيتطلب !! مفيش حد بيحبك فعلًا هيحتاج منك تذكير كل مرة إنك موجود !! الاهتمام مش كلمة حلوة، ولا رد سريع، ولا كام إيموجي في آخر الكلام ،الاهتمام إن حد يلاحظ غيابك قبل حضورك، ويسأل عنك من غير مناسبة، ويفتكر التفاصيل الصغيرة اللي أنت نفسك نسيتها ،الاهتمام إن حد يحس بتغيير نبرة صوتك، قبل ما تقول إنك مخنوق ، إنه يطمن عليك، مش لأنه فاضي لكن لأنك مهم عنده فـ أولوياته وبيفكر فيك !! اوعى تربط قيمتك باهتمام الناس ، لأن المشكلة مش إن الناس مهتمتش المشكلة إنك بدأت تقيس نفسك بعينهم !! فضلت مستني منهم تقدير، ولما مجاش شكيت في نفسك !! مع إن الحقيقة إن قيمتك ثابتة، سواء حد لاحظها أو لأ !! ومتجريش ورا اللي بيهتم بيك مرة ويختفي عشرة ، الاهتمام اللي ييجي على حسب المزاج مش اهتمام دا وقت فاضي بيتملي بيك ،والوجود اللي يختفي وقت احتياجك عمره ما كان أمان !! في ناس هتسيبك تستنزف نفسك عشان تاخد منها أقل حاجة ، اللي شايفك تعبان وساكت ،اختار السكوت واللي حاسس إنك محتاجه وغاب اختار الغياب ، واللي شافك زعلان منه واخد جنب ،اختار الطريق السهل !! افتكر دايمًا اللي بيحب وجودك، هيحافظ عليه واللي يهمه أمرك، هيعرف يوصلك حتى لو بينكم ألف طريق !! أما اللي محتار فيك فبلاش تضيع عمرك مستنيه يحسم اختياره ،اهتم بنفسك زي ما كنت بتتمنى حد يهتم بيك. ،واسند قلبك بدل ما تفضل مستني حد يسنده. ومتنساش !! الاهتمام الحقيقي مش بيتطلب، ولا بيتفرض !! اختار نفسكـ وسيبكـ من أي حد تحس معاه إنكـ تقيل عليه أو إنكـ محتاج تفكره كل شوية إنكـ موجود .ࠝ #_30_days_Without_feelings @soskaa_01

الدرس الرابع عشر المعنى الحقيقي للحُـب الحب مش كلمة بتتقال الحب أصله أفعال !! مش "بحبك" تتكتب في رسالة، ولا قلب أحمر آخر اليوم، ولا وعود كبيرة تتقال وقت الخوف من الفقد !! الحب الحقيقي بيبان في التفاصيل اللي محدش بياخد باله منها !! في السؤال من غير مناسبة ،في الاطمئنان من غير طلب ،في إن حد يلاحظ إن صوتك متغير قبل ما تقول إنك تعبان ،في إنه يختار ميجرحكش، حتى وهو زعلان !! الحب مش إنك تفضل متمسك بحد مهما وجعك، ولا إنك تضحي بنفسك عشان تثبت إنك لويال !! الحب عمره ما كان معناه إن واحد يرتاح والتاني يتعب ،ولا إن واحد يختفي كل ما تضيق بيه الدنيا ويرجع لما يحتاجك !! لأن اللي بيحب، مش بيختفي وقت الأزمات لأ دَه بيقرب أكتر !! في ناس بتفتكر إن الحب هو الغيرة، والسيطرة، والخوف من الفقد !! لكن الحقيقة إن الحب أهدى من كده بكتيير !! الحب هو الأمان ،إنك تطمن وتبقى مرتاح ومش خايف وإنك تحس إن اللى قدامك حاسس بالمسئولية ناحيتك !! إنك متخفش تقول اللي جواك، لأنک عارف إنك مش هتتفهم غلط ،إنك تغلط، فتلاقي حد بيصلحك، مش بيكسرك ،إنك تضعف، فتلاقي كتف يسندك، مش عين بتحاسبك !! الحب مش بيخليك طول الوقت بتسأل نفسکـ هو لسه بيحبني ؟؟،طب هوا اتغير ليه ؟؟؟ ،طب أنا عملت حاجه تضايقه ؟؟؟ لأن الحب الحقيقي بيخليك متطمن ،مش محتاج كل يوم دليل على إن اللي معاك بيحبك فعلًا وهيفضل معاك !! الإنسان لما يحب بجد ، بيبقى حريص على قلب اللي قدامه أكتر من حرصه على كرامته لحظة غضب !! بيحسب كلماته ،بيعتذر لما يغلط ،بيصلح اللي كسره !! أما اللي كل شوية يوجعك، ويقولك : "أنا آسف أنا بحبك استحملني !!" فده مش حب !! الحب عمره ما كان عذر للأذى ،ولا مبرر للإهمال ، ولا تصريح إنك تعيش طول عمرك مستني الفتات !! ومتفتكرش إن الحب معناه إنك تضيع نفسك عشان حد ،لأن اللي بيحبك فعلًا هيخاف إنك تخسر نفسك بسببه ،وهيكون أول واحد يشجعك تكبر، وتنجح، وتبقى أحسن !! افتكر إن الحب الحقيقي مش بتقاس بكتر الكلام ، بيتقاس براحة قلبك والمواقف والأفعال !! لأن أجمل حب هو الحب اللي يخليك تنام وأنت متطمن، مش الحب اللي يخليك كل ليلة تحارب ألف سؤال جوا دماغك !! الحب مش الشخص اللي يقولك أنا بحبك !! اللي بيحبك بجد هيخليك تحسها من غير م يقولها !! الحب الحقيقي لا يُسمَع ، بل يُعاش 𐙚" #_30_days_Without_feelings @soskaa_01

الدرس الثالث عشر اللي عايزك ،هيلاقي لك وقت وسط زحمة يومه وكتره مشاغله !! بلاش تضحك على نفسك بجملة مهو أكيد مشغول ،لأن كلنا عندنا حياة، وكلنا عندنا مسؤوليات، لكن الغريب إننا بنلاقي وقت للحاجات اللي فعلًا تهمنا !! الإنسان عمره ما بيكون مشغول عن كل حاجة هو بيكون مشغول عن الحاجات اللي مبقتش أولوية بالنسباله . كم مرة قعدت تبرر غياب حد؟ وقولت "أكيد عنده ظروف."، "يمكن تعبان."، "يمكن نسي." وكل مرة كنت بتدورله على عذر يحمي صورتُه في قلبك، وقصاد دا هو ولا مرة حاول يدورلك على دقيقة يطمن فيها عليك !! افتكر إن الاهتمام مش بيتقاس بعدد الساعات اللي الشخص فاضي فيها، الاهتمام بيتقاس بالمكانة اللي إنت واخدها عنده. لأن اللي عايز يسمع صوتك، هيكلمك ولو لدقيقة. واللي مشتاق، هيطمن عليك حتى وهو في عز انشغاله. أما اللي اختفى بالأيام والأسابيع، فمتقنعش نفسك إنه كان مشغول لأنه لو كان عايز، كان لقى طريقة !! متستناش من شخص يفتكرك لما يفضى، لأنك مش وسيلة يقضي بيها وقت فراغه أنت تستحق تكون اختيار، مش بديل تستحق حد يسرق من يومه كام دقيقة عشان يطمن عليك، مش حد يفتكرك لما كل الناس تمشي !! اوعى تخلط بين الانشغال وقلة الاهتمام. لأن الإنسان ممكن يكون يومه مليان، لكنه يسيب كل اللي في إيده عشان يطمن على شخص غالي عليه. وممكن يكون فاضي طول اليوم، وبرضه ميكلمكش لأن المشكلة عمرها ما كانت في الوقت، المشكلة كانت في الرغبة !! وبلاش تفضل تطلب اهتمام حد، أو تلمحله إنه يسأل عليك، أو تزعل عشان يفتكرك. الاهتمام اللي ييجي بعد طلب، بيفقد معناه. واللي بيحب وجودك، مش هيستنى إنك تفكره بيك !! افتكر إن محدش بيكون مشغول عن الحاجة اللي نفسه فيها ،واللي عايزك بجد، هيلاقي ألف طريقة يوصلك، حتى لو العالم كله واقف ضده !! أما اللي مش عايز، هيلاقي ألف حجة يبرر بيها غيابه !! اللي عايزك هيلاقي وقت ليك. واللي كل مرة يختار الغياب، متقنعش نفسك إن السبب الوقت السبب إنك مبقتش ضمن أولوياته !! #_30_days_Without_feelings @soskaa_01

الدرس الثاني عشر جرب تبعد وتغيب فترة وشوف حبايبك هيكون وضعهم إيه ؟؟ الغياب أوقات بيكشف الحقيقة اللى عينك معميه عنها وأنت معاهم وبيعرفك مكانك الفعلى اللى أنت وسطهم فيه !! مش كل حقيقة بتبان وإنت موجود في حقايق مبتظهرش غير لما تختفي !! لما تبعد، هتعرف مين كان بيدور عليك فعلًا، ومين كان وجودك بالنسبة له مجرد عادة. هتعرف مين كان بيحبك، ومين كان بيحب اهتمامك. مين كان خايف يخسرك، ومين حتى ملاحظش إنك غبت !! الغياب بيشيل الأقنعة لأن التمثيل محتاج جمهور، لكن الحقيقة بتظهر لما المسرح يفضى !! أوقات بنفضل نقنع نفسنا إن الناس مشغولة، وإن الظروف هي السبب، وإنهم أكيد هيرجعوا يسألوا. لكن الأيام وهي بتعدّي من غير سؤال بتقول الحقيقة بصوت أعلى من أي مبرر !! في ناس مبتحسش بقيمتك غير بعد ما تمشي وفي ناس مبتحسش أصلًا !! فا لو اختفيت، والدنيا كملت عندهم كأنك مكنتش موجود متزعلش . لأنك أخيرًا عرفت مكانك الحقيقي، بدل ما تفضل عايش على أوهام !! أوقات الغياب بيكون أكبر اختبار، لأنه بيكشف لك مين يستحق ترجعله، ومين كان لازم يفضل في الماضي !! افتكر دايمًا إن الحقيقة عمرها ما بتخاف من الوقت. ولو كان حد بيحب وجودك فعلًا، كان هيبان ده حتى في غيابك. أما اللي اختفى مع أول مسافة فمكانش يستاهل قربك منه أصلًا !! الغياب مش دايمًا نهاية .. أوقات بيكون أول مرة تشوف الحقيقة من غير ما الحنين يعميك . #_30_days_Without_feelings @soskaa_01

الدرس الحادي عشر بلاش تعيش على الذكريات . أكبر كذبة بيعيشهالك القلب إنه يخليك تفتكر البدايات وتنسى النهايات !! يخليك تفتكر أول ضحكة، وأول اهتمام، وأول مرة حسيت إنك مهم... لكنه يتعمد ينسيك الليالي اللي نمت فيها مكسور، والرسائل اللي استنيتها ومجتش، والكلام اللي وجعك، والإهمال اللي غيرك من جو !!! الذكريات انتقائية... مبتعرضلكش الحقيقة كاملة، بتعرضلك المشاهد اللي تخليك تشتاق، وتخفي المشاهد اللي خلتك تقرر تمشي !! كم مرة رجعت لشخص لمجرد إنك اشتقت لنسخة قديمة منه؟ وكم مرة اكتشفت إن النسخة دي ماتت من زمان، وإنك كنت متعلق بفكرة، مش بإنسان؟ متخلّيش الحنين يضحك عليك !! الحنين مش دليل إن المكان ينفع ترجعله، ولا إن الشخص يستحق فرصة جديدة . أوقات بنشتاق لإحساس افتقدناه، مش للشخص نفسه !! افتكر كويس... لو كان وجوده في حياتك يستحق كل التعلق ده، مكنتش هتوصل لمرحلة إنك تضطر تمشي أصلًا !! وإن النهايات مبتجيش من فراغ، دي بتبقى نتيجة وجع اتكرر لحد ما القلب مبقاش قادر يستحمل !! سيب الماضي في مكانه. لأن في أبواب ربنا قفلها رحمة، ولو فتحتها بإيدك، يمكن ترجع تعيش نفس الوجع بطريقة أقسى !! #_30_days_Without_feelings @soskaa_01

• مَنْ اعْتَادَ الْقَلَقَ ظَنَّ الطُّمَأْنِينَةَ فَخَّاً !!

الدرس العاشر والأهم حتى الآن . الفرق بين الحب والتعلق . في ناس كتير فاكرة إن التعلق هو أعلى درجات الحب ، مع إنه في الحقيقة أبعد ما يكون عن الحب !! الحب مش مجرد تعلق !! ولا كل تعلق بيكون حب !! الحب بيخليك تحب الشخص من غير ما تفقد نفسك ، أما التعلق بيخليك تربط قيمتك ، وراحتك، وسعادتك بوجوده !! تبقى كل تفاصيل يومك متوقفه عليه؛ تفرح لما يهتم، وتنهار لما يتأخر، وتفضل تفتش في كل كلمة قالها، وكل تصرف عمله، وكأن حياتك كلها بقت معلقة برد منه أو رسالة منه. المشكلة إن التعلق بيتنكر في شكل حب، فيخليك تفتكر إن غيرتك الزايدة حب، وإن خوفك المستمر حب، وإن تنازلاتك اللي ملهاش آخر حب. لكن الحقيقة إن الحب عمره ما كان خوفًا دائمًا، ولا قلقًا مستمرًا، ولا حربًا كل يوم بين عقلك وقلبك. الحب الحقيقي بيخليك مطمن حتى في الغياب، لأن الثقة موجودة. بيخليك قادر تعيش حياتك، تحقق أحلامك، وتضحك، وتشتغل، وتنجح، من غير ما تحس إن وجود شخص هو الشرط الوحيد لاستمرارك. أما التعلق... فهو بيبدأ لما تنسى نفسك. لما تبقى مستعد تخسر كرامتك عشان متخسرش حد. لما تبرر كل وجع، وتسكت عن كل إهانة، وتقبل أقل مما تستحق، لمجرد إن فكرة رحيله مرعبة بالنسبة لك. وأخطر حاجة في التعلق إنه بيخليك تحارب عشان شخص، بينما أنت في الحقيقة محتاج تحارب عشان ترجع لنفسك. اسأل نفسك بجد : لو الشخص ده اختفى من حياتي، هزعل؟ طبيعي... لأن الفراق بيوجع. لكن هل هحس إن حياتي انتهت، وإني مبقتش عارف أعيش من غيره؟ لو الإجابة نعم، فالمشكلة مش في قوة حبك... المشكلة إنك نسيت تبني حياة ليك بعيدًا عن وجود أي شخص. افتكر دايمًا الحب بيخليك أكبر، أما التعلق بيخليك أصغر. الحب بيضيف لحياتك سلام وهدوء وراحة ،أما التعلق بيسرق منك سلامك كل يوم !! حب الشخص اللي يخليك تطمن، مش اللي يخليك كل ليلة تسأل نفسك: "هو لسه باقي عليا؟" #_30_days_Without_feelings @soskaa_01