رِحلة السادس♥️

التركيز ع الخوف ⬅️يشل فهم الخوف وتشخيص السبب وأيجاد بديل وحل ⬅️يخلينا نتقدم♥️

فأنتوا طبقوه على مخاوفكم من الامتحانات الوزاري♥️

تمرين الخوف♥️ نحتاج؛ورقة وقلم ومكان هادئ⭐️ خلي نسولف شوية عن الخوف ،دائماً من نخاف من شي نحس بضعف وقلة حيلة ومرات خوفنا يخلينا نتردد نختار أو نقرر قرارات مُهمة ومحتاجيها فاليوم أريدكم تكتبون ببداية الصفحة(الحَياة أقصر من أنو أعيشها خايفة،ماريد أبقى خايفة أريد أعيش وألمع وأشع⭐️) وراها تقسمون الورقة بالنص تكتبون مخاوفكم واحد واحد وبالجهة الثانية نقيض هذا الخوف أو العكس منه هذا التمرين حيعلمنا شلون نبدد هذا الخوف من خلال توجيه تركيزنا ع الحلول أمثلة؛ ⭐️أخاف من موت الناس الأحبهم أو فقدانهم العكس:ححاول أقضي وقت أكبر وياهم وأصنع ذكريات دافية وأوثقها وأوطد العلاقة أخاف أنحط بموقف گدام الناس وماعرف أسولف بيه العكس:أتدرب گدام المراية وأحجي وأفتح مواضيع وأتخيل نفسي بمكان مرموق وداحجي بثقة وهكذا

أكو تمرين نسويه بالورشات الي أقدمها وأحسه حيساعدكم♥️

وهواية دزيتولي خايفين ومتوترين

عفت القناة صح بس هسة نزل جدولكم

هلو♥️

يعني مثال من الواقع: شخص يريد يطلع معدل عالي(بعيداً عن السبب) بس بالواقع هو تعبان وملان وماعنده طاقة للدراسة وعقله مليان مخاوف وتوتر وتفكير مفرط هل ممكن يوصل للي يريده بس لأن هو يشوف نفسه حيطلع معدل؟ أكيد لاء المفروض يگعد وية نفسه ويسألها ليش هذا المعدل بالذات؟يراجع أحداث حياته ويسأل نفسه هل عليا ضغط توقعات من أهلي ونفسي لذلك أني داحس بشلل تجاه الدراسة؟ وراها يرسم خطة حقيقة من خلالها يوصل للمعدل وهاي الخطة تتطلب صبر وأجتهاد ومقاومة لمشاعر الأستسلام هذا جان مثال حتى أوضحلكم أنو أيماننا بأنو أحنا نكدر رغم شي أساسي بس لوحده ميكفي💗

أممممم جملة أنو (أحنا نگدر نسوي أي شي أذا آمنا أنو إحنا نگدر) قبل جنت أشوفها صح مُطلق حالياً لاء أحسها نسبية لأن بالحقيقة أحنا منگدر نسوي كلشي نريده دائماً ولا نحقق كل حلم يراودنا أكو أشياء خارج حدود أمكانياتنا،والي أقصده هنا أنو متناسبنا..مثلاً متناسب قدراتنا الذهنية أو الجسدية أو الأجتماعية وممكن حتى نوصللها نحتاج لأشياء هواية غير شعورنا بأنو أحنا نگدر فأشوف الأصح من الجملة الفوك أنو نگول(أني ممكن أگدر أسوي شي خارج أمكانياتي بس الموضوع يحتاج مني تركيز وتدريب وأصرار وإيمان وصبر) لازم نكون واقعيين،مو بس نحلم ونثق بأحلامنا بينما بالواقع أحنا ماعدنا أمكانية لتحقيقها ولا دنحاول نكتسب هاي الامكانية

اذا تكدرين تنشري لان هواي دخلولي خاص وكلولي علقسم وهذا شرح ممتاز

https://www.instagram.com/p/CwF7aQmtITC/?igshid=MzRlODBiNWFlZA==

هلو حوراء قبل فترة كتلج عن قسمي هندسة معلومات

يعني هيج أحاول أشوف الملازم أو المواد بطريقة مختلفة عقلي ممتعود عليها علمود ليحس ويتصرف بنفس الطريقة الي تعود عليها قبل،والي غالباً جانت: (ذعر وخوف وأستسلام وهرب من الدراسة لأن يحس أنو المادة أكبر وأعلى من قدراته).. ف يب حاولوا تجربون هالأسلوب يمكن تزبط معكن🙈♥️.

وأكو tip ثانية أستعملها أثناء الدراسة: من أحس بديت أفقد السيطرة وتبدي مشاعر الخوف مال (بعد مالحك وبقالي هواي ملازم و و ) ..أگول لنفسي: (تيكت إيزي هنة مجرّد مقالات،تخيلي أنو داخلين ع النت دنسوي بحث عن هالمواضيع بالذات،فعادي حنقراهن ونفهمهن)

مرات من أتعب من الدراسة وأحس بديت أفصل أغمض عيني وأتخيل شعوري من أجاوب وأعرف كل الأسئلة vs شعوري بالخيبة من أصفن عليهن.. فأقرر أنو أشحن نفسي وأرجع أكمل حتى لو مالي واهس بس حتى أمنح نفسي الشعور الأول أثناء الأمتحان♥️

https://t.me/starterwoo

https://t.me/starterwoo

كلام كلش حلو ماعرف شنو نهايه حلمي بس احس انو اني راح ابدع بكلشي وراح اسوي كل الاكدر علي علمود اكون احسن وبهل مناسبه حروح ادرس ٤ ساعات متواصله لخاطر نفسي و علمود اكون احسن من البارحه وهوه هذا الهدف كل يوم نكون احسن من القبله حته لو باشياء بسيطه لان كل يوم هوه بدايه جديده واحنه نصنع يومنه ونسوي منجز و حلو 💕🫧

شگد إي حوراء، چنت مفكره مراح اشتغل أو أسوي شي إلا أن أكمل دراسة وأتعين أو عالأقل أشتغل بتخصصي، بس قبل أشهر إكتشفت شغفي بالحياة الصحيّة والأكل الهيلثي وشگد باوعت وتعلمت وطبقت ونجح وياي💕 وهسه بطريق جديد حتى أخذ الموضوع كبزنز💕. منار✨