- ‏ما زلنا نُرشد التائهين .

مرات نلتقي بالأشخاص الي نحبهم بس بيناتنه زعل وكرامتنه تمنعنه نروح نحچي وياهم فنكتفي بس بنظره من بعيد ونمشي بس تذكر مو كل مره السكوت يكون قوه ومو كل مبادره معناها إنت ضعيف مرات خطوه بسيطه منك ممكن تنهي زعل صارله فتره وكلمة شلونك؟ ممكن تفتح باب انسد بسبب سوء فهم إذا الشخص غالي عليك لا تخلي العناد والكرامه المؤقته يخلوك تخسره للأبد روح احچي اسمعه وإذا ما مشت الأمور بعدها على الأقل تكون مرتاح لأنك سويت الي عليك لأن أصعب شعور مو إنك تشوف شخص تحبه الأصعب إنك تشوفه وتعرف إنك جنت تگدر تحچي وياه بس اختاريت السكوت

لا تتخلى عن شخص تحبه لمجرد موقف أو كلام سمعته عنه قبل لا تسمع منه وتعرف الحقيقة مرات الإنسان يظلم شخص عزيز عليه بسبب سوء فهم وبعدها يكتشف إنُ كلشي جان ممكن ينحل بكلمه وشرح بسيط إذا هذا الشخص جان غالي عليك أنطي فرصه يحچي ويدافع عن نفسه مو لأنك ضعيف وإنما لأنك تحترم العِشرة والمشاعر الي بينكم الرحيل سهل بس الندم من تعرف الحقيقه بعد فوات الأوان مو سهل لا تحكم على شخص تحبه من رواية غيره اسمعه أول وبعدها قرر

الانسان الطيب مرات يتأذى اكثر مو لأن ضعيف بس لأن يدخل العلاقات بكلب مفتوح المشكله مو بالطيبه المشكله اذا أنطينه شخص مايستحق مكانه اكبر من حجمه

اذا كل شخص يدخل حياتك تطلعه بعد فتره ممكن يكون السبب مو دائماً أنُ الشخص سيئ مرات ممكن يكون لأنك من البدايه تنتظر منه يغلط حته تتأكد إنُ قرارك بالابتعاد صح (كأنك تحاول تسبق الألم قبل لا يصير)

مرات الانسان يحتاج ينسحب فتره حتى يرتب نفسه يفهم شيريد ويرجع اقوى بس مو لازم يسد كل الأبواب لأن مو كل الناس نفس الشي أكو مقولة أحبها: “مو كل من ابتعدت عنه خسرته مرات أنت ربحت نفسك

3:28 مع شيرين

عندما لا تستطيع إخراج شخص من قلبك أبداً فمن المؤكد أنه في مكانه الصحيح

خليك فخور بنفسك الي مريت بي مو قليل

بحياتي ما أحتاجيت احد يوكف وياي بس جنت اركز منو يحاول يسوي هذا الشي

تفاعلكم ميسوي واهس🙂

نصيحه لا تستنزف طاقتك علمود الشغل لان المكان الي يصفكلك اليوم ممكن يجيب غيرك باجر فـ لا تنطي للوظيفه اكثر من حجمها ولا تضيع عمرك وصحتك علمود تثبت بمكان ما راح يتذكرك بعد ما انت تمشي

ارسم حدود حته اعيش بسلام مو حته اتفاوض ويه ناس ما تعرف معنى الاحترام يمكن ما أعرفكم كلش زين بس اعرف اختار نفسي عليكم وهذا القرار ما بيه رجعه لأن الي مثلكم ينحطون عبره مو ذكرى

يلا ميخالف باجر تكعد وتلكه ربك دازلك ناس عدها استعداد تسويلك كلشي بس حته تشوفك فرحان

خلي احجي شي لفتني اليوم وأني بشغل جنت داشيش تكه وهسوالف ف تعرفون الشيش شلون يكون نابت من فوك ف من داشيش فات الشيش من فوك بأصبعي المهم عالجته وراح ونسيته ما أهتميت للألم هسه رجعت ف أمي شافت الضربه بأصبعي وكالتلي ف حجيت الها الموضوع ف كالتلي حجايه راح تبقى براسي منا وهيج لحد ما أموت كل ما يصير شي وياي يأذيني كالت " أنضربت هيج لأن ما أستودعتك بيد رب العالمين وأنت طالع اليوم " شوف دعاء الأم ليا مرحله يوصلك ؟ والله العظيم الماعنده أم ما عنده دنيا ما عنده صحه ولا عافيه ولا عنده ضحكه صدكيه وحق هو اللّه أذا جانت ميته أمك ف ألف رحمة على روحها وجاهد وأجتهد وكون مثل ما هي جانت تريدك وتتمناك وأذا جانت عايشه ف حافظ عليها وأرضيها وبوس أيدك وجه وكفه على وجودها وياك حس بقيمة العندك قبل ما الدنيا هي تحسسك شجان عندك

أني ما تغيرت بس بديت أبتعد عن البشر وبديت افهم طريقة تعايشهم لأن عرفت محد يستاهل كلبي الطيب ونيتي الصافيه و الي عرفتهم بحياتي جانو مزيفين وغدارين والحمد لله عرفت تواصل ما أسال ماتدخل باي شي وما أبحث عن أحد الي يبقى أهلاً وسهلاً بيه والي يروح الباب مفتوح اللّٰه ويا لان من صدك بعد ما يهمني أي شي

بالنسبه لموضوع الاهتمام: الرجال يريد اهتمام والبنيه هم تريد اهتمام بس كل واحد اهتمامه غير شكل المشكله مو بالاهتمام المشكله بال "توقيت" مرات تهتم صح بس يبين غلط لأن جان الوقت الخطأ رجال راجع من الشغل طايح من التعب تجي مرته تسأله وين جنت؟ ليش ما سائل؟ وليش غايب؟ هي تعتبره اهتمام طبيعي بس هو يشوفه ضغط لأن محتاج يرتاح أول وهنا تبدي المشاكل التوقيت أهم من الاهتمام نفسه لأن الاهتمام إذا اجه بوقته يسوي راحه وإذا اجه بوقت غلط يبين ضغط

اول تالي اهز ايدي على روحي؟

الواحد لازم ينچوي يلا يجر عدل عن نفسي أحترگت

هاي اكو بنيه تكول: يوم النتيجه كل البنات ناجحات إلا اني گعدت على درج الكليه ابچي وشهادتي ناقصه ماده وحده رجعت للبيت لگيت أمي مجهزه حفلة نجاح كيكه وبالونات گلتلها "يمه رسبت" امها گالت: "أدري بس احتفلنه إنُ حاولتي" والسنه الجايه نحتفل إنُ تخرجتي فـ هاي البنيه عادت الماده وتخرجت وامها سوت نفس الحفله بس أكبر ف المَقصد من هل قصه القصيره "النجاح مو إنُ ماتوگع ، النجاح انُ أحد ينتضرك لحد متگوم"