Сардор СУВОНҚУЛОВ

Администрация мансабдор шахсларининг ва бошқарув ходимларининг дахлсизлик кафолатлари ➖ Администрациянинг мансабдор шахслари ва бошқарув ходимлари дахлсизликка ҳамда иммунитетга эга бўлади. ➖ Администрация мансабдор шахсларининг ва бошқарув ходимларининг дахлсизлиги уларнинг ва улар оила аъзоларининг (турмуш ўртоғининг, фарзандларининг ва ота-онасининг) шахсий ҳаётига, турар жойига, хизмат хонасига, улар фойдаланадиган шахсий ва хизмат транспорт воситасига ҳамда алоқа ва коммуникация воситасига, хат-хабарларига, ёзишмаларига, электрон маълумотларига, уларга тегишли ашёлар ва ҳужжатларга нисбатан татбиқ этилади. ➖ Администрациянинг мансабдор шахсларига нисбатан жиноят иши қўзғатишга, уларни жиноий жавобгарликка тортишга, уларнинг ҳуқуқлари ва эркинликларини чеклайдиган бошқа ҳар қандай процессуал мажбурлов чораларини қўллашга, тезкор-қидирув фаолиятини амалга оширишга, суриштирув, тергов ҳаракатлари ўтказишга ёки маъмурий қамоқ жазо чорасини қўллашга йўл қўйилмайди. ➖ Администрациянинг бошқарув ходимлари ўз зиммасига юклатилган вазифаларни бажариш ҳамда ваколатларини амалга ошириш билан боғлиқ ҳолда қабул қилган қарорлари, содир этган ҳаракатлари ёки ҳаракатсизлиги, билдирган фикрлари ва берган кўрсатмалари учун жиноий, маъмурий ёки фуқаровий жавобгарликка тортилмайди. ➖ Администрацияда ўз зиммасига юклатилган вазифаларни бажариш ҳамда ваколатларини амалга ошириш билан боғлиқ бўлмаган ҳаракат ёки ҳаракатсизлик учун Администрациянинг бошқарув ходимларига нисбатан Ўзбекистон Республикаси Президентининг ёзма розилигисиз жиноят ишини қўзғатиш, уларни жиноий жавобгарликка тортиш, уларнинг ҳуқуқлари ва эркинликларини чеклайдиган бошқа ҳар қандай процессуал мажбурлов чораларини қўллаш, тезкор-қидирув фаолиятини амалга ошириш, суриштирув, тергов ҳаракатлари ўтказиш ёки суд тартибида маъмурий жазо ва ҳуқуқий таъсир чораларини қўллашга йўл қўйилмайди. ➖ Администрациянинг бошқарув ходими Администрацияда ишлаб турганида ва (ёки) ишдан бўшатилганидан кейин унга нисбатан жиноят иши фақат Ўзбекистон Республикаси Бош прокурори томонидан қўзғатилиши мумкин. ➖ Администрациянинг бошқарув ходимига нисбатан Администрацияда ишлаб турганида ва (ёки) ишдан бўшатилганидан кейин қўзғатилган жиноят иши Ўзбекистон Республикаси Олий судининг судловига тегишлидир. ➖ Администрациянинг мансабдор шахслари, бошқарув ва хизматчи ходимлари қонунчилик ҳужжатларига мувофиқ тезкор-қидирув фаолиятини амалга оширувчи ваколатли давлат органлари томонидан махфийлик асосида ҳамкорликка жалб қилиниши, шу жумладан Администрациядан бўшатилганидан кейин ҳам жалб қилиниши тақиқланади. ➖ Администрациянинг мансабдор шахслари ушбу Конституциявий Қонунда белгиланган дахлсизлик ва иммунитетни Администрациядан бўшатилганидан кейин умрбод, бошқарув ходимлари эса Администрациядан бўшатилганидан кейин беш йил давомида сақлаб қолади. ➖ Ушбу моддада белгиланган қоидаларни бузган ҳолда олинган далиллар қонун ҳужжатларини бузган ҳолда олинган деб ҳисобланади ва номақбул далиллар деб топилади. ➖ Қонунчилик ҳужжатларига ушбу моддада назарда тутилган дахлсизликка оид қоидаларни бекор қилишга, оғирлаштиришга ёки дахлсизлик қўлланиладиган шахсларнинг ҳолатини ёмонлаштиришга олиб келадиган ўзгартириш ва қўшимчалар киритилган тақдирда, бундай ўзгартиришлар Администрациянинг ушбу Конституциявий Қонунда белгиланган қоидалар қўлланиладиган мансабдор шахсларига ва бошқарув ходимларига нисбатан татбиқ этилмайди, шу жумладан улар Администрациядан бўшатилганидан кейин ҳам татбиқ этилмайди. Конституциявий қонундан

❗️Солиқ қўмитаси чекларни соддалаштирилган шаклда кўриш имкониятини яратди Энди QR-кодни смартфон камераси орқали сканерлаб, электрон чекни очиш, ҳар бир товар нархи ва чекнинг умумий суммасини кўриш мумкин. Бу ҳисоб-китобларни тўғри текшириш учун қулай усул. Чунки суммани қўлда қайта ҳисоблаганда чегирмалар ва якуний суммага таъсир қилувчи бошқа параметрлар инобатга олинмай қолиши мумкин. Шунинг учун Солиқ қўмитаси харидлар бўйича ҳисоб-китобларни расмий электрон хизматлар орқали текширишни тавсия этмоқда. Батафсил — Солиқ қўмитаси хабарида.

⚠️ SHOSHILINCH OGOHLANTIRISH! Davlat tashkilotlari hamda xo‘jalik yurituvchi subyektlar DIQQATIGA ✅ 👨‍💻 Kiberxavfsizlik markazining UZCERT xizmati tomonidan olib borilgan o‘rganishlar natijasida kiberjinoyatchilar O‘zbekiston Respublikasidagi tashkilotlari hamda xo‘jalik yurituvchi subyektlarning kompyuter va serverlariga RDP (Remote Desktop Protocol) xizmati orqali ruxsatsiz kirishga qaratilgan ommaviy kiberhujumlarni amalga oshirayotganligi aniqlandi. ⚠️ O‘rganishlar davomida mazkur kiberhujumlarni boshqarishda foydalanilayotgan zararli C2 (Command and Control) infratuzilmasiga tegishli bir qancha xorijiy IP-manzillar aniqlandi. Dastlabki tahlillar natijasida ushbu ommaviy kiberhujumlar oqibatida ayrim tashkilotlarning axborot tizimlari zararlanganligi, jumladan, ayrim server va kompyuterlardagi ma'lumotlar SHIFRLANGANligi aniqlandi. Hozirda mazkur holatlar yuzasidan o‘rganish va tahlil ishlari davom ettirilmoqda. ⚠️ Barcha davlat tashkilotlari hamda xo‘jalik yurituvchi subyektlarning kiberxavfsizlik uchun mas’ul xodimlaridan quyidagi choralarni zudlik bilan amalga oshirish so‘raladi: ✅ Zarurat bo‘lmasa RDP xizmatini vaqtincha o‘chirib qo‘yish yoki Internet orqali to‘g‘ridan-to‘g‘ri kirishni cheklash. ✅ RDP xizmatiga faqat ishonchli IP-manzillardan yoki VPN orqali kirishga ruxsat berish, Network Level Authentication (NLA) funksiyasini yoqish hamda 3389-portni Internet tarmog‘iga ochiq holda qoldirmaslik. ✅ Administrator va RDP orqali kirish huquqiga ega foydalanuvchi hisoblarining parollarini murakkab parollarga almashtirish hamda ko‘p faktorli autentifikatsiyani (MFA) joriy etish. ✅ Firewall, IDS/IPS, SIEM, EDR/XDR va boshqa monitoring vositalari loglarini tahlil qilish, shubhali IP-manzillar bilan bog‘liq hodisalar, ulanishlar, tarmoq so‘rovlari va boshqa anomal faolliklarni aniqlash hamda batafsil o‘rganish o‘tkazish. ✅ RDP xizmatidan foydalanayotgan server va ishchi stansiyalarni qo‘shimcha tekshiruvdan o‘tkazish, ruxsatsiz kirish, yangi foydalanuvchi hisoblari yoki boshqa shubhali o‘zgarishlar mavjudligini aniqlash. ✅ Aniqlangan har qanday shubhali faollik bo‘yicha zudlik bilan ichki tekshiruv o‘tkazish hamda axborot tizimlari monitoringini kuchaytirish. ✅ Zararlanish alomatlari aniqlangan taqdirda tegishli axborot tizimini zudlik bilan tarmoqdan ajratish, hodisaning tarqalishining oldini olish va zarur dalillarni saqlab qolish. ✅ Aniqlangan kiberhodisa yoki komprometatsiya alomatlari to‘g‘risida belgilangan tartibda UZCERT xizmatini zudlik bilan xabardor qilish hamda mavjud ma’lumotlarni taqdim etish (incident@uzcert.uz). 🚀Kanalga ulanish: ➖@uzauz

🔴Табиий газ етиб бориши қийин бўлган ҳудудларда электр учун алоҳида имтиёзли тариф жорий этилиши мумкин. Бу ҳақда энергетика вазири Шерзод Хўжаев маълум қилди. ✉️@ssuvonkulov

2026 йил 3 август соат 10:00 дан 4 август соат 10:00 гача Мирзо Улуғбек туманидаги сув тақсимлаш иншоотида режали профилактика ишлари ўтказилади. Йирик диаметрли бешта магистраль зулфини (задвижка) алмаштирилади. Шу муносабат билан пойтахтнинг 22 та маҳалласи, 884 та кўп қаватли ва 7 006 та якка тартибдаги хонадонлари, шунингдек, 242 та давлат ва ижтимоий соҳа муассасаларида (жами 33 017 нафар аҳоли) ичимлик суви таъминоти вақтинча тўхтатилади. Сувсиз қолган ҳудудларга ичимлик суви махсус транспорт воситалари орқали етказиб берилади. ✉️@ssuvonkulov

Тошкентда пуллик автотураргоҳлар жорий этилишига изоҳ берилди. Маълум қилинишича, янги тизим шаҳардаги тирбандликни камайтириш, ноқонуний тўхташларни қисқартириш ва автотураргоҳлардан фойдаланишни тартибга солиш мақсадида жорий этилмоқда. Масъулларнинг таъкидлашича, бу орқали ҳайдовчилар учун бўш жойларни топиш осонлашиши ва кўча-йўл тармоғидаги юклама камайиши кутилмоқда. ✉️@ssuvonkulov

Тошкентда соғлом турмуш тарзини тарғиб қилиш бўйича ўзига хос акция бўлиб ўтади Tashkent International Half Marathon доирасида 5 км масофага югуриш бўйича махсус акция бошланди. Унда маррага етиб келган ҳар бир иштирокчи пул мукофоти билан тақдирланади. Тизим қандай ишлайди? ➖ 10 000 сўм тўлаб рўйхатдан ўтасиз; ➖ 5 км югуриб, маррани кесиб ўтасиз; ➖ Картангизга автоматик равишда 100 000 сўм ўтказиб берилади. Моддий рағбатдан кўра эсдалик совғаларини маъқул кўрганлар 300 000 сўмлик пакетни танлаб, футболка ва медалга эга бўлиши мумкин (бунда пул тўланмайди). Маълумот учун 10 000 сўмлик жойлар сони чекланган. Марафон 6 сентябрь куни соат 06:00 да “Tashkent City Park” ҳудудида бўлиб ўтади. Рўйхатдан онлайн ўтиш учун бу ерга босинг.

Bugun Oʻzbekiston Respublikasi Prezidenti Shavkat Miromonovich Mirziyoyev 69 yoshni qarshi oldilar. Muhtaram Shavkat Miromonovich! Tavallud ayyomingiz bilan samimiy qutlaymiz! Sizning rahbarligingizda Yangi O‘zbekistonda amalga oshirilayotgan keng ko‘lamli islohotlar, xalq manfaatlari va mamlakat taraqqiyoti yo‘lidagi ulkan bunyodkorlik ishlari yurtimizning buguni va kelajagini yanada mustahkamlamoqda. Erishilayotgan yutuqlar Yangi O‘zbekistonning xalqaro maydondagi nufuzi va obro‘-e’tiborini tobora yuksaltirmoqda. Ushbu qutlug‘ kunda Sizga mustahkam sog‘liq, uzoq umr, oilaviy baxt-saodat hamda Vatanimiz ravnaqi va xalqimiz farovonligi yo‘lidagi sharafli faoliyatingizda ulkan muvaffaqiyatlar tilayman. Tavallud ayyomingiz muborak bo‘lsin, janob Prezident!

Фидойи шифокорлар ССВ томонидан тайёрланган ушбу видеороликда ёш болалар жигар трансплантацияси нақадар мураккаб ва масъулиятли жараён эканлиги кўрсатиб берилибди. Манба

Тошкент метрополитенига учта 4 вагонли ҳаракат таркиби олиб келинибди. Йил охиригача яна 11 та поезд харид қилинар экан. 📌@ssuvonkulov

1 фоизлик солиқ кешбэки бекор қилиниши мумкин Иқтисодиёт ва молия вазирлиги ҳузуридаги Яширин иқтисодиётни қисқартириш институти харид чекини Soliq иловасида рўйхатдан ўтказган шахсларга 1 фоиз кешбэк қайтариш амалиётини тўхтатишни таклиф қилди. Бу йўналишдаги бюджет харажатлари йилдан йилга ошаётганига қарамай (жорий йилда 1,8 трлн сўмга етиши мумкин), кешбек механизмининг самараси пасайиб бораётгани айтилмоқда. Кешбэк ўрнига, фақат яширин иқтисодиёт хавфи юқори соҳалардан олинган чекларни рўйхатдан ўтказганлар орасида лотерея ўтказиш таклиф қилиняпти. Батафсил

❗️Ўзбекистонда 16 ёшга тўлмаган болаларнинг ижтимоий тармоқлардан фойдаланишини чеклаш режалаштирилмоқда. Мактабгача ва мактаб таълими вазири Эъзозхон Каримованинг айтишича, ушбу масала бўйича қонун лойиҳаси ишлаб чиқилиб, жамоатчилик муҳокамасига қўйилади. ✉️@ssuvonkulov