𝐒𝐭𝐞𝐩 𝐮𝐩 𝐰𝐢𝐭𝐡 𝐌𝐞𝐥𝐢𝐧𝐞

Այն, ինչ դու ամեն օր ապրում ես՝ առավոտյան արթնանալը, սուրճ խմելը, աշխատանքի գնալը, ընտանիքիդ հետ ժամանակ անցկացնելը, նույնիսկ ձանձրալի կամ հոգնեցուցիչ պահերը — կարող է անհասանելի երազանք լինել մեկ ուրիշի համար։ Մի մարդ երազում է ունենալ այն, ինչ դու արդեն ունես՝ · տանիք գլխիդ վերև, · ուտելիք սեղանիդ, · առողջություն, · սիրող մարդիկ քո կողքին, · կամ պարզապես ապրելու և նոր օր սկսելու հնարավորություն։ Այս միտքը մեզ սովորեցնում է երջանկություն փնտրել ոչ թե հեռվում, այլ տեսնել այն, ինչ արդեն կա։ Չէ որ երբեմն մենք այնքան ենք վարժվում մեր առօրյային, որ մոռանում ենք գնահատել այն, ինչ ունենք։ Գնահատել չի նշանակում բավարարվել ու չձգտել ավելիին։ Դա նշանակում է՝ գիտակցել, որ քո «սովորականը» մեկ այլ մարդու համար «հրաշք» է, և այդ գիտակցումով ապրել ավելի երախտապարտ ու իմաստալից։

Նիթա Փրոուզի «Աղախինը» (The Maid) գիրքը պաշտոնապես դասական «ո՞վ է մարդասպանը» ժանրի ստեղծագործություն է, որտեղ հյուրանոցի աղախինը հայտնվում է սպանության հետաքննության կենտրոնում : Բայց այս գիրքը շատ ավելին է: Գլխավոր հերոսուհի Մոլլին պարզապես աղախին չէ: Նա յուրահատուկ աշխարհայացքով, սոցիալական նրբությունները դժվարությամբ ընկալող մի կին է, ով աշխարհը տեսնում է այլ կերպ : Հենց այս «տարբեր լինելը» նրան դարձնում է թե՛ խոցելի, թե՛ անփոխարինելի դիտորդ: Թեև Մոլլին կարող է չհասկանալ մարդկանց իրական դրդապատճառները, նրա մանրակրկիտությունն ու մաքրության հանդեպ սերը դառնում են առեղծվածը բացահայտելու բանալին : Սա մի գիրք է, որը ձեզ կստիպի մտածել, կարեկցել և մինչև վերջին էջը պահել լարվածության մեջ: Գրքի հիման վրա ֆիլմ նկարահանելու իրավունքները ձեռք է բերել Universal-ը, իսկ գլխավոր դերը կատարելու է Ֆլորենս Փյուն :