𝑆𝑡𝑢𝑑𝑦 𝑤𝑖𝑡ℎ 𝑚𝑒 / 𝐵𝐴𝐶 2026 💗✨

Channel photo updated

لي عنده اي سؤال ولا استفسار يتفضل 💗💗

لي باك بلون و اشبال الامة ........هاذو هوما كانو المصادر تاعي 🫂😭💕 🔴انا كنت نقرا دايمن فليسي بصح استاذة القسم ما والمتنيش المهم ما اعتمدتش عليها في اي شيء ✅ 🔴ليكور دخلت ندير فالجبر كي كملناه بقيت مرة نروح مرة لا مي فالشهرين التوالا ما رحتش سما تقدروو تقولو شهر هاكك رحت ولا واذا فادني ولالا لا😭. كوز انا كائن بيتوتي نبغي التعليم الذاتي خير مام اليوتيوب ونقرا منه للضرورة✅ 🔴 شحال كنت نقراها : يومياااا ( كنت مانقراش المواد لخرين وباش ما نحسش بتأنيب الضمير نروحلها كوز نحسها خفيفة وزي اللعبة 😭😭🥲) الفائدة يعني ماشي شرط تقرا مادة معينة بسيف سو كي تكون كاره ,عيان , ماحابش تقرا ايرونو روح للمادة لي تحسها قريبة ليك وماتكرهش منها الصح فأنك تقراا برك المهم طوللللت بزاااف مي بغيت نقوللكم التجربة تاعي باش ترفدو العبرة منها برك 🎀🪄 ان شاء الله تكون عجبتكم واذا عجبتكم قولولي باش نحطلكم الرحلة تاع الفيزياااء💗💗

للي مايعرفونيش معكم ايمان متحصلة على باك 2024 بمعدل 17.32 وفالمات جبت 18 راح نشارك معاكم الخطة المعتمدة من طرفي لدراسة الرياضيات ✨المات✨ اول شيء هي مادة سهلة للي يبغيها وصعيبة للي مايبغيهاش😭 سو ابغيها باش تبغيك متالي😭😭😭 انا بديت نقرا المات كي دخلنا لليسي جوايه 20 سبتمبر هكذا (ما قريتش كامل في اوت اي مادة وهاد الشيء يعود لكل شخص والمعتقدات تاعه سووو نتوما تعرفو انفسكم💕) المهم فالاول بديت بالدوال راجعت واش قرينا العام لي فات (ماكنتش ندير ليكور ) سما راجعت وحدي من الكراس تاع العام لي فات + حليت شوية تمارين من الكتاب المدرسي و تفرجت فيديوهات نور الدين تاع الدوال بحكم انو كنت ماتيلام سوو كلش فالدوال كنا قريناه ف 2 ابار اللوغاريتمية والاسية سوو مام هوما زدت قريتهم من اليوتيوب من عند🪄 انفنتي🪄 {يوالم الاشخاص لي ما يقدروش يقعدو يقراو بزاف و يبغو كلش خفيف😭😭😭} المهم قريت من عنده الخواص وكامل ورحت نحل التمارين .... مصدر التمارين تاعي كان (الانترنت) بكل بساطة يعني ماكانش عندي مصدر محدد سيرتو فالمات نثلا نجبر فالفيس دالة عجبتني نروح نحلها ونشوف الحل + حليت ليباك تاعنا برك + تاع 2013/2014 شعبة تقني رياضي لانو كانو فيهم افكار شابين + حليت بزاااف من عند الاسطورة عقبة بن نافع ننصحكم بيه بزااااف زعيم الباك🎀😭💕 دوك نحطلكم القناة تاعه + حليت شوية دبابات من عند العبقري سرخاد🤯 بصح ما ننصحكمش بيه🥲 حرفيا تدبرسو مور ما تشوفو التمارين تاعه عالم ٱخرررر ومستحيل يطيحو فالباك😆 لي يبغي يترشق بيهم و يشبع فضوله الرياضياتي💘 دوك نحطلكم قناته😭😭 + النهايات حليت مجموعة من عند نور الدين شفت الافكار تاعهم وكامل .... المتتاليات كانو اسهل حاجة فالباك حرفيا وزيد مام هوما قريناهم ف 2 مالا برك زدنا طلعنا النيفو تاع التمارين وخلاص ( كنت فاهمة الدرس bien 😊) سما درت برك ملخص خفيف على القوانين لي نحتاجوهم تفركتهم وخلاص وبديت نحل التمارين ... حليت ليباك تاعنا ؛ماشي كامل؛ + حليت من واحد السلسلة برفكتتتتوووو دوك نحطلكم الرابط تاعها تهبلللللل😔💕 (كاين مام فالدوال اذا عجبتكم نحطهملكم كامل ) مهم فيها الدرس + تمارين جزئية عليه + تمارين شاملة بالنجوم لايك نجمة وحدة معناها التمرين ساهل..... 5 نجوم معناها التمرين ما يحلهش ابار✨ مقران✨😭😭😭😭 نروحو للدوال الاصلية والتكامل ... المهم محور شباب بزاف لايك تحس روحك تقرا فالمات نيشان ماشي لي تنحفظ😭😔💘 سووو مام هو درت ملخص خفيف ظريف على القوانين وكذا وبديت نحل التمارين حليت بزاف فيه كوز عجبني المحور حرفيا😭✨✨ حليت من عند عقبة أكثر شيييي لي باك ما حليتش كوز ساهلين تضمنو بيهم النقاط✅ كنت نسنا يجي تمرين فيه المتتاليات+ الجبر+ التكامل😔 بات خدعونا و المتتاليات ماداروهمش اصلا😭 المهم ننصحكم ما تتقلقوش فالبدية غير بشوية وتفهمو المبدأ🎀 نروحو للجبررررر😭😭😭😭 🔴 خاص بشعبة رياضيات وتقني رياضي : هو المحور لي كامل يخافوه وكامل سمعنا انو هو اصعب محور و يسسس كاينة منها اول شيء حنا ماقريناش المنطق الرياضي وهو اساس درس الجبر🤦🏼‍♀️ سو باش نفهمو الجبر بلا منطق صعيبة شوية مي نورمال بسيف اصلا سووو اول حاجة اقراو الدرس من عند ترييير ابداوه من عنده يمدلكم المبدأ يعطيكم لمحة + يمدلكم المنهجية تفرجو السلاسل تاعه تاع الدرس مع التمارين حلو معاه ومنبعد روحو ليباك حلوهم تاع تقني ومنبعد تاع الرياضيي وأخيرا روحو حلو اي تمرين تجبروه ✅🥲 حرفياااا كوز فيه بزاف افكار وكل تمرين مبدل على خوه سما شحال ما حليتو قليل ماشي كيما الدوال ولا المحاور الاخرى تحل 5 تمارين ساي تفهم وتبدا تقدر تحل اي تمرين هو لااا لازم بزااف تمارين وكل تمرين بفكرة ماتحلوش نفس الافكار كوز هاكك راكم تطبلو فالما المهم التمارين كاين فالفيس بزاااف دخلو لي قروب تاع الماتيلام + التقني تجبرو بزاف + عقبببةةةةةة + تمارين اشبال الامة تاع الجبر و البكالوريات التجريبية هادو زوج مصادر تقدرو تجيبو منهم تمارين لكامل المحاور غير نسيت قبايل باش نقولكم المهم الاحتمالات بزاف برفكت خفاف ظراف 😭 مام هوما درت ملخص للقوانين ايا وحليت شوية تمارين من البكالوريات الاجنبية + التجريبية + اشبال الامة ما حليتش لي باك كوز اعتياديين + ماكانوش يطيحو بزاف بكري غير فالعوامات التوالا مي نتوما ننصحكم بالباك تاعناااااااا التمرين تاع الاحتمالات 😭 بزاف برفكتتت التمرين بنفسه تمرين جديد جامي شفت كيفه تاع السيجي لول اما السيجي الدوزيام اعتيادي مام هوو نروحو للاعداد المركبة المهم😭 شابين انا مداك كنت فالتالي كرهت باش نقراهم بصح قريتهم💔💀 المهممم قريتهم من عند رياضيات سهلة وممتعة مع الاستاذ وليد مهم قناته اكتشفتها تا لتالي وندمت تمنيت كنت نعرفها من قبل بزاااف برفكت يمثللكم المقولة تاع اقرأ بذكاء وليس بجهد ملخر يمدلك الزبدة وما يطولش + يمدلك الافكار سووو ننصحكم بيه أيها البراعم😭💕 حليت فيهم ليباك تاعنا مام تاع سيونتيفيك + حليت تمارين من عند عقبة ومن

Channel name was changed to «𝑆𝑡𝑢𝑑𝑦 𝑤𝑖𝑡ℎ 𝑚𝑒 / 𝐵𝐴𝐶 2026 💗✨»

𝑆𝑡𝑢𝑑𝑦 𝑤𝑖𝑡ℎ 𝑚𝑒 / 𝐵𝐴𝐶 2026 💗✨ pinned «https://drive.google.com/file/d/1OgB_g6oYr8IQkNTkaDaxX1KLfdyaQKJ7/view?usp=drivesdk»

السلام عليكم 🦋🩷 مباركٌ لمن نال الرغبة الأولى ... وقلبي مع من لم يُنصفه القدر ... ها قد أُسدل الستار عن مرحلة ... وارتفعت الأصوات بين فرحٍ غامر ودموعٍ صامتة ... إلى كل من رُزقَ التوجيه الذي كان يتمناه ... إلى من نال ثمرة سعيه ... أهنئكم من أعماق القلب 🌸🩷 أنتم اليوم تلامسون حلماً طالما رسمتموه في ليالٍ بيضاء ... فهنيئاً لكم ..ومبارك عليكم أولى خطوات المستقبل ✨️ أما أنتم ... من لم يصلكم خبر القبول كما تمنيتم ... من وجدتم أنفسكم في تخصصٍ لم يكن بين أحلامكم ... فاعلموا أنكم لستم وحدكم ... أنا أيضاً في مثل هذا اليوم من العام الماضي ...كنت هناك منهارة، باكية، غارقة في صمتٍ مؤلم… أحسست أن كل شيء انتهى ... وأن أبواب السماء أُغلقت ... لكن الحقيقة أنني كنت فقط في بداية الطريق ... ما لم أكن أعلمه وقتها هو أن الله يُعطي أحياناً ما نحتاج ... لا ما نريد ...وأنّ بعض الأبواب التي ظنناها نهاية ... ما كانت إلا بدايات خفية لشيء أعظم ... لقد مرّ عام… وها أنا أكتب إليكم اليوم ... من تخصصٍ لم يكن خياري الأول ... لكنّه غيّرني ... جعلني أقوى ... أهدأ ... وأصدق مع نفسي ... فلا تيأسوا ... ولا تجعلوا خيبة اليوم تسرق منكم ضوء الغد. ثقوا بأنفسكم ... واسعوا حيث أنتم .. فربّ خيرةٍ ما فهمناها إلا بعد حين ... مبارك للناجحين ... وكل الحب والقوة للذين لم تبتسم لهم الأقدار اليوم ... أنتم أيضاً… على موعدٍ مع الفرح فقط لا تستعجلوا النهايات 🫂🩷

مبارك لكم النجاح والتفوق 🥳🥳❤️

‏مهما يطولُ الليلُ في ظلماتهِ أوليسَ بعد الليلِ صبحٌ يطلعُ ستبيدُ غربان الظلامِ وتنمحي وسيشرقُ الفجرُ البَهيُ الأروعُ..💙

ملخص الإنقاذ في الشريعة عبارة عن صفحيتين فقط 🫶🏼🤍

اللَّهُمَّ إِنَّكَ عَفُوٌّ تُحِبُّ العّفْوَ فَاعْفُ عَنِّا

اللهم اهدني فيمن هديت، وعافني فيمن عافيت، وتولّني فيمن توليت، وبارك لي فيما أعطيت، وقني شر ما قضيت، فإنك تقضي ولا يُقضى عليك، إنه لا يذل من واليت، ولا يعز من عاديت، تباركت ربنا وتعاليت.

📘 ملخص شامل لدروس الجغرافيا - الوحدة الأولى والثانية 🌍 🔹 يحتوي على جميع الدروس مرتبة وفق العناصر المشتركة لتسهيل الحفظ. 🔹 يشمل أهم المصطلحات والخرائط بطريقة منظمة وواضحة من إعداد أحد الزملاء 🤍 الملخص بصيغة pdf الوحدة الثانية : https://drive.google.com/file/d/1y-8NRaS0hJUlrJj0pLnyy608p631OZRf/view?usp=drive_link الوحدة الاولى : https://drive.google.com/file/d/1IioiYmB6FPAAuFMpcoXXn6A18wU6nj6B/view?usp=drive_link

اللَّهمَّ صلِّ علىٰ محمَّد، وعلىٰ آلِ محمَّدٍ كما صلَّيتَ علىٰ إبراهيمَ وآلِ إبراهيم؛ اللَّهُمَّ بارِك علىٰ محمَّد، وعلىٰ آلِ محمَّدٍ كما باركتَ على إبراهيمَ وآلِ إبراهيم؛ إنَّك حَميدٌ مجيد.

يلا ما قدرتوش تدخلو قولولي نحطلكم link's هنا✨💕💕

https://www.facebook.com/share/p/1HaSwXGp4S/

جميع المقالات المقترحة راهم محطوطين فالمنشور لي راح نحطهلكم تاع احد الزملاء جزاه الله خيرا 💗 لي مزال ما بدا الفلسفة الحل راه جا لعندك 🤭💕