ملخصات { اللغة العربية }

السلام عليكم ورحمة الله وبركاته كيف حالكم يا دكاترة لينا مدة عليكم إن شاء الله تكونوا بخير يا ربّ🤎 جاية بطلب بسيط نبي رقم دكتور على العريبي ولا دكتور ممدوح نبيه ضروري 🤎. لعنده يبعتلي على حسابي @Ghufran_05 🤎. دُمتم بألف خير 🤎

موفقين دكاترة التمهيدي في امتحانكم 🤎. متنسونيش من دعائكم في امتحان غدوا🤎.

عيدكم مُبارك دكاترة التمهيدي 🤎. كل عام وأنتم بألف خير وينعاد عليكم بالصحة والعافية يا رب 🤎

لا تنسوني من دعائكم في هذا اليوم المُبارك يا أصدقاء🤎. ادعو لي بالهداية والتوفيق والنجاح🤎.

الرد حيكون في بوت🤎

⁣دكاترة التمهيدي محتاجين شيء؟

⁣دكاترة التمهيدي محتاجين شيء؟

دكاترة التمهيدي دعواتكم لينا في امتحان غدوا مادة تبي هلبا دعوات تالله 🥹🤎. أدعولنا تجي ساهلة والكل نجاوبوا ونتوفقوا في الامتحان🤎.

شوي نصائح كتبتها لدفعتي لربما تفيدكم🤎. موفقين دكاترة في امتحانكم ربي يفتحها عليكم ويلهمكم صواب في جواب وتطلعوا راضيين ومجاوبين 🤎.

بوست خفيف فيه شوي كلام لربما يفيدكم: • مادة غدًا-بإذن الله- حيكون امتحانها ساهل ضروري أنك تضمن الدرجة الكاملة { والكامل لله}. • متسهرش هلبا بحيث يكون تركيزك في الأسئلة كويس. • دير معاك ساعة وعدلها وقسم وقتك بروحك بين الإجابة والتظليل. • ظلل رقم جلوسك، و اكتب بياناتك قبل لتبدأ في الأسئلة. • ركز في كل سؤال اقرأ كل كملة في كل سؤال  أعرفوا هو شن يبي في سؤال. • الإجابات اختار بحذر رد بالك من فهوات. • ظلل الأسئلة لي متأكد منها متقعدش تراجي لين تحلهم كلهم. • كل متحل سؤال احمد ربك عليه ولي بعده. • سؤال حسيت فيه شيء يبي تفكير ارجعله بعدين اضمن أكبر عدد من الأسئلة بحيث يخف توتر لو عندك وتزيد ثقتك بنفسك. • ما تهزاش بالمادة أبدًا وركز كويس. • قلمك+ بطاقتك+ محاية، متقعدش تطلب في نص الامتحان. • حافظ على هدوءك قدر الامكان. • أنت ورقتك في عالم تاني متركزش مع أي شخص تاني. • ورقة طلب للاحتياط لا أكثر لعل تحتاج تكتب فها وكذا. •خليك إيجابي قدر الامكان { ادعم نفسك بنفسك}. • لقيت شخص منحبط، خائف، متوتر...إلخ حاول تدعمه تحفزه بأي كلمة تريحه وحتشوف كيف حينعكس عليك شيء هذا، وفي ميزان حسناتك. • خودلك شكلاته أو أي حاجة حلوة قبل الامتحان، الله يحلي أيامكم. • الأدعية، ثم الأدعية، ثم الأدعية. موجودة فوق تلقوها. • صلاة الفجر + أذكارك قبل لتطلع من الحوش. • سورة يس بالنية تيسير الأمور. • ثقتك في الله ثم في قدراتك مفيش شيء مستحيل أنت قدها وحتوصل -بإذن الله-. ° لن نستسلم حتى نصل لي أحلامنا🤎. ختامًا هكي نكون كملت وأجبي معاكم، و إن شاء الله القناة تكون أعطتكم استفادة🤎. لو أخطأت فمن نفسي، و أن أصبت  فمن الله. اذكروني بين ثنايا دعواتكم يا أصدقاء ولكم بالمثل🤎.

دعواتكم لي بالسداد والتوفيق في امتحان البايُو غدًا، مادة منهجها دسم وتبي دعوات هلبا🤎. نسأل الله التوفيق لي و لجميع زملائي🤎.

مواد السيم الثاني لدفعة 2006 كالتالي:- مادة الإحصاء: مادة قنينة تبي فهم وتمرين يد هلبا وابسط التفاصيل فيها مهمة وتبي تركيز هلبا. تعتبر كأنها منهج الشهادة الثانوية إلا أنها متوسعها، ولي اساسة صح في ثالثة مش حيتعب منها. منهجها كان قاعدة نذكر يضمن التجربة العشوائية والأحداث والاحتمالات وتوزيع بواسن وذو الحدين. دكاترة كورسات:- د. عادل د. نور الإسلام د. الخذراوي د. ياسين الزويك د. ياسين القماطي عن نفسي قريتها من دُكتر عادل ونور الإسلام وبجد دُكتر نور الإسلام إبداع فيها المادة بكل تفاصيلها ونصصحكم تجربوا شرحه إذا مشي معاكم كملوا معاه. مادة علم النبات: مادة تبي تعامل قراية اول بي اول وتعتمد على التكرار لأنها أشياء بسيطة فهم والأكثرية حفظ بس يستحسن تفهم المعنى وبعدها تثبت بالحفظ. تحكي على نباتات وفؤادها وعلماء تاخد شوي من مادة الإحياء الشهادة الثانوية. دكاترة كورسات: د.مصطفى برق في دكاترة تانين بس نسيتهم الحق وطبعًا قريتها مع دُكتر مصطفى وشرحه الله يبارك الحق، وبرضو جربوا بروحكم قبل. مادة مصطلحات: مادة قنينة الحق تبي فهم وحفظ أكثر. منهجها يتكون من 4 وحدات يضموا تعريفات واجهزة مختلفة كأنها تعطي في لمحة عن مواد الطب. دكاترة الكورسات: د. مصطفى برق د. ساجدة بن كورة د. أية المنتصر قريتها من د. أية نصفي و د. ساجدة فاينل وزوز الله يبارك وأكيدة دُكتر مصطفى إبداع فيها بس للأسف قبل ليفتح اشتركت. وجربوا ليمشي معاكم أنتم. مادة الفيزيا الطبية: مادة هيّا منهجها كويس وتبي قراية أول بأول وفهمها كويس كويس وفيها جزئيات حفظ منهجها 9 وحدات، تبي تمرن يدك على حل مسائل هلبا هلبا وخصوصًا مسائل تكون معقدة. دكاترة كورسات: د. محمد المعموري د. ياسين الزويك قريتها من د. محمد وكان مُبدع فيها الحقيقة و د، ياسين الله يبارك عليه. جربوا وشوفوا شن يمشي معاكم. مادة اللغة العربية 2: مادة قنينة هلبا وخفيفة وامتياز فيها مضمون بعون الله كمنهج لطيف والأغلب يلم فيها ليلة الامتحان ويجاوب وفي يقرأ فيها أول بأول ويجاوب كل طالب وطريقته، والجميل في موضوع أن لفي شيت يجي في الامتحان ميطلعش من شيت. دكاترة كورسات: د. ذرار شرع الله قريتها بروحي وقريت دفعة معاي والحمد لله كنت يد العون ليهم في هذهِ المادة لأن الأغلب ميشتركوش فيها كورس، كل منهج السيم الثاني موجود في قناة من أ إلي ي وبرضو ملخصات وأسئلة وكل شيء وتقدروا تعتمدوا على قناتي وتجيبوا امتياز بإذن الله. مادة الكيمياء: مادة مكس بين عامة وعضوية على قد ما تبي فهم تبي حفظ وفيها مسائل وحل وتبي صبر الحق وسعت بال وقراية أول بأول وتمشي أمورها. دكاترة كورسات: د.أحمد هبهب د. محمد الشنباري د. فردوس قريتها مع د. أحمد ومع طالب ثالثة بشري كان يشرح لينا مجاني وتسجيلات د. فردوس ويوتيوب مادة متعبة الحقيقة شيء منلقاش حد شارحة نشوف غيره بس أنتم متشتتوش رواحكم وأثبتوا على مصدر واحد. وبهكي تحدثت عن كل موادكم السيم الثاني وحاولت نغطي كل التفاصيل المطلوبة منكم🤎. القناة فيها كل ملخصات وأسئلة سنوات وكوزات لمادة اللغة العربية بالخصوص ولكل مواد السيم الثاني، إن شاء الله تكون مصدر إستفادة ليكم🤎. وهذا بوست فيه قنوات دكاترة:- https://t.me/summaries_Arabic_05/1125 إن شاء الله ربي يوفقكم ويفتحها عليكم جميعًا🤎. متنسونيش من دعائكم في الأيام المُباركة. دُمتم بالخير 🤎.

بعد ما نتحدث على مواد بعون الله نحاول نحصل وقت ونديروا فقرة استفسارات لكل حد عنده استفسار بخصوص اي شيء🤎.

⁣ابعتولي هنا🤎

السلام عليكم ورحمة الله وبركاته🤎 كيف حالكم وشنّ أجواء العطلة معاكم؟ في كدا مرة يجيني سوال منكم على صارحني بخصوص المواد السيم الثاني حاطتكم في بالي بأن بنحكي عليهم بس الإلتزمات ويريح من بالي، يمكن تقسيمة المواد فيها اختلاف مع دفعتنا على ما أظن. فا ياريت اي حد منكم يكتبلي شن هما موداكم السيم التأني بحيث نتحدث عليهم بكل بالتفاصيل لتبوها🤎.

اللهم بارك لنا في رمضان وبلغنا إياه لا فاقدين ولا مفقودين، جعله الله شهر رحمة ومغفرة وعتق من النار، وكتب لنا فيه القبول والتوفيق، وأعاننا على صيامه وقيامه. رمضان كريم عليكم جميعًا💜.

ابشرو درجات اللغة العربية ؟🤎

مسجاتكم حتقعد في قناة لذكرة🤎🥳

الحمد لله 🥹🤎 مُبارك مُبارك يا دُكتر الفال لسيم الثاني🤎

⁣💌 وصلتك رسالة جديدة ⏱ وقت الرسالة: 2025/02/27 - 09:08:25 PM ---- الحمدلله امتياز🥹🫶🏻 ---- - تبرع لإستمرار عمل بوت صارحني 🎁