سردات🖤.

القناة الي فيها شغلي اشتراكاتكم ..

https://t.me/aborahah

خليك مع الشخص يلي ما بخليك تندم على المبادرة بالتواصل معو وما بحسسك انك تقيل عليه نهائياً ، شخص مارح تهون عليه لو شو ما عملت .. صبحكم الله بالخير

خلينا متفقين أنو بعمرها ما وقفت على حدا ، ولا رح توقف ..🖤

جد في عالم بتشبه مسائل الرياضيات هدول تقيلات الدم ، بكون الحل تبعهم طويل بس القيمة صفر ..🖤

أسوء ابتلاء هو ابتلاء التفكير ، إنك تكون شخص مدمن تفاصيل ، تحليل كلام ، تسألك حالك بكل مرة ألف سؤال ؛ عقلك مرهق وأنت تزيد بالتفكير 🖤

سنعبر الأزمات ونذلل الصعاب ، بس نفطر ونشرب متة بالأول .. صبحكم الله بالخير..🖤

بس في شغلة تصالحوا مع فكرة أنو نحنا خلص كبرنا ما عدنا مراهقين ، لما بتتصرف تصرف مراهقة وأنت فوق ل 20 صدقني بصير شي واضح انو تصنع وبتوصل لحد المسخرة خلص بكل عمر في تصرفات محددة الطفولة طفولة ، المراهقة مراهقة ، الوعي خلص وعي مافي داعي نرجع نخلط بين الطفولة والوعي والمراهقة كبرنا يا اخوان كبرنا صارت اعمارنا بسن الختيرة لولا شوي ..🖤

اوعك تفكر بيوم من الأيام انو الي متعبك هو الباب يلي أنت سكرتو لا أبدا ، يلي متعبك هنن الشبابيك يلي انت تاركهن مشان ما تقطع الحبال يلي هي أصلاً مقطوعة ، لهيك أوعى تحط فاصلة بأي شي بحياتك بالوقت يلي المفروض تحط نقطة ، خلص احسم قرارك بشغلات بدها حسم حتى ترتاح ..🖤

٠*بينحَبو* بينحبو اللي بيبقو متل ما عرفناهن أوَل مرة ، اللي بيبقو دائماً حَوالينا وكأنهَن المَلاذ الوَحيد بهَالعالم ، اللي بيبقو يهونو علينا مرارة هالحَياة ، اللي بوقفو حَدنا وبكونو أول الداعمين ، اللي بيسمعو الموضوع اللي موجِعنا مرة ومرتين لحتى يبطل يوجَع ، اللي دائما بيحكو .. أنا هون مَعَك وجنبَك ، *بينحبو كتير ..🖤

ولك ياعيني كلو بحب ع الشكل لا تصدقلي هي تبع روحك الحلوة ومدري ايش ، روحك الحلوة اعمل فيها ساندويش حلاوة وافطر عليها .. 🖤

صبحكم الله بالخير.. يلا نرجع التفاعل غبنا فترة حقكم علينا..🖤

بيطلعلك تحس إنك أحسن واحد بهالكوكب لمجرد إنك حنون بتصرفاتك ..🖤 #مو ؟

تبدأ حياتك محاولاً فهم كل شيئ وتنهيها محاولاً النجاة من كل شيئ ..🖤

القلق من المجهول شي كتير صعب يعني من ناحية أنو أنت مو عارف تعيش وتتأقلم على حياتك وتعرف شو بدك ولوين بدك توصل ، ومن ناحية تانية أنت مو فاهم ليش أنت قلقان من شغلة أنت مو عرفانها ..🖤

الأجواء الأحب إلى القلب

مشكلة المحادثات الكتابية انك بتكتب بناء على حالتك النفسية ، والطرف الآخر بيقرأ بناء على حالتو النفسية ف الكلمة يلي بتكتبها على سبيل المزح مثلا ، ربما تكون أصابت الطرف الآخر بنص قلبو ..🖤

الحياة ماشية معي على مبدأ ، شوف أنت شو بتحب يا غالي وطبعا نحن هنحرمك منو .. 🖤