معلومات صيدلانية SY-Tour

https://www.facebook.com/share/v/18wA8TvpG3/ شوفو الريل عالاخير بعدين علقو 😁

هي الواجهة المبدئية رح تتعدل معكم انتو دكاترة مافي شي اسمه خيال في حقيقة و واقع رح يصير معكم

مختصر مفيد #ملازمة بالالتهابات النسائية تشخيص الفطور مميز بالمفرزات البيضاء يلي تشبه خثارة اللبن ورائحة خفيفة لكن في حال ما كانت الحالة فطور وما فيك ميزت بين مشعرة مهبلية وانتانات بكتيرية ببساطة اعطي تينيدازول 2 غرام ليومين وللزوجين اذا بدك التفاصيل كمل معي علاج المشعرة المهبلية 2 غرام من التينيدازول جرعة وحيدة للزوجين علاج الانتانات البكتيرية المهبلية 2 غرام من التينيدازول جرعة وحيدة يوميا لمدة يومين وهلق سلام #د_لؤي_علي_بلال

هضمية 🙄 بعلاج الاسهال أول فكرة لازم تخطر عبالك سبب الإسهال، أنا فيي الغي او عالج او أمنع هاد السبب !؟ اذا الجواب اي ف هاد الجزء الاساسي بالعلاج بنكمل بعدها .. الشي الاول يلي لازم يخطر عبالك لما توصف الدوا .. محاليل المعاوضة الفموية .. لحتى تتجنب يصير عند المريض تجفاف اعطيني اسم شكل صيدلاني لمحلول معاوضة فموية موجود بالصيدلية #د_لؤي_علي_بلال

مبارك من القلب النا جميعا منشارك فرحتنا معكم بحسم 30% لمدة اربع أيام منستفيد من الحسم بتواصلنا مع المعرف https://t.me/SY_TOUR وارسال اسم الكورس ملاحظة محتوى الملازمة (هنا)

اذا انت مانك شايف اشكال عينية وحيدة الجرعة .. فتعال معي عرفك ع هالصنف واشرحلك عنه هاد جفاف العين من مشاكله أن لما تستخدم القطرات العينية احتمال يزيد .. هلق أنت بتسأل ليش بقلك لأن في بنزالكونيوم كلورايد هلق أنت عم تفكر أن بنشيل هالمادة و خلص الأمور محلولة .. وهاد الشي صحيح لكن كملن التركيب والصياغة بتلعب دور ومو كل المواد بتتوافق مع بعضها حل تاني كان أن اعمل قطرات وحيدة الجرعة .. كلشي وهيي مسكرة ما رح تتلوث "عقيمة" .. ولما بفتحها وبستخدمها بتخلص فورا .. لهون تمام .. وهاد موضوع حديثنا .. بس قبل ما نكمل رح بخبرك خبرية أخيرة أن كمان اخترع العلماء تصميم لعبوات بتمنع التلوث بدون ما يحطو مادة حافظة .. وهلق مو سيرتنا هالسيرة خلينا نكمل بالقطرات وحيدة الجرعة. عنا شكل اسمه Fresh-Drop لشركة ميديكو حلو .. وهاد من اسمه مبين لجفاف العين .. طيب وحيد الجرعة وبدون مادة حافظة ولجفاف العين وPVA .. ختمناها لهون حاج .. يلا بنتركن مع صورة الصنف .. سلام #د_لؤي_علي_بلال

رمضان مبارك ❤️❤️❤️

بكرا الساعة 8 المسا بتخلص المسابقة باقي حتى الآن تقريبا 15 مقعد من اصل 75 مقعد للمشاركة والاستفادة من حسم كورس الملازمة عبر الرابط https://www.facebook.com/share/p/19rBvL7qAC/

الدكاترة المهتمين بمجال الكيمياء الصيدلية او العضوية او الدوائية بنصحكم بمتابعة الصفحة وعلى مسؤوليتي الدكتورة داليا من افضل الناس يلي بتقدم معلومات بشكل مميز رابط الصفحة فيسبوك https://www.facebook.com/share/15qXefPC6o/ قناة التلغرام https://t.me/ChemistryWithDalia

مرحبا كيفكم طلابنا بجامعة طرطوس الفحص قريب وحابين نقدم مساعدة شوي لاكتر من سبب: الوقت المتبقي قليل الوضع المادي هالفترة شوي صعب ممكن الكورس يساعدك نفسيا على الدراسة اكتر حتى لو كانت الاستفادة ببعض المحاضرات مو كلها لهيك رح نعمل حسم 50% لكورسات الكيميا الصيدلية 1+ 2 والكيميا الدوائية التسجيل بكون من خلال التواصل عبر المعرف @SY_TOUR

كونو الدنيا جاي ع شتوية وموسم الرشح وشرابات السعال والصادات ، تعال معي بكلمتين صغار نحكي ع دوا مهم أيوه يعني الحكي عن شرابات الفترة القادمة بالضبط .. التيوفللين بالبداية لخبرك هاد الدوا من زمرة الكزانتينات، ما بهمني تعرف أن هالدوا من الكزانتينات إلا لسبب ويلي هوي تعرف ان التيوبرومين و الكافيين كمان هود من الكزانتينات  .. ويلي هنن بالكاكاو والشاي والقهوة حلو وشو بفيد هالحكي هون انتبه معي ع هالفكرة التيوفللين يعتبر من الادوية الي بتستخدم بالسعال والربو و COPD والرشحة وخلينا ما نطول السيرة ونقوت بالموضوع دغري قال بكرا بالصيدلية رح بيجيك وصفة فيها التيوفللين .. أي !؟ هالوصفة بدي ياك تنتبه أن صاحب الوصفة مانو مريض صرع .. لان رح بتزيد الاختلاجات  عنده وممكن نصير بنوبة صرع يعني اي تواصل مع الطبيب وقلو هيك السيرة .. هاد لان عمك المريض ممكن ما يخبره شو كمان ؟؟ كمان انتبه انو الوصفة ما فيها مثبط سيتوكروم P450 .. اذا بدك تعرف ليش ، بالاول لازم تعرف التيوفللين هامش علاجي صغير .. ومثبط سيتوكروم يعني رفعت التراكيز البلازمية وصرت بتاثيرات جانبية بتسالني .. نوبة صرع !؟ رح بقلك لا .. عندك شي تاني يلي هوي تطاول QT .. أي !؟ وشو يعني .. يعني لا نظميات قلبية .. بكفيك لهون لتعرف خطورة الموضوع طيب والمريض يلي عم ياخد محفزات انزيمية .. برافو عليك .. هاد رح يحتاج جرعات اكبر والتراكيز ممكن ما تكون علاجية لهون خلصت .. بس فتحلي عينك منيح  عمريضك المدخن .. شبو !؟؟ هاد المدخن عندو تعرض للنيكوتين .. يعني تحفيز انزيمي .. اي هون اتفنا انو  ما في خطر وبس ممكن ما يستفاد لان التراكيز البلازمية اقل من التركيز العلاجية حلوو .. تخيل معي ان المريض وقف دخان قبل ما تروح بخيالك لبعيد .. ارجع اقرا وتذكر .. النيكوتين محفز و التيوفللين هامش صغير اي .. يعني هاد المريض اذا وقف تدخين شو بصير !؟ رجاع عيدها .. ايوه تماما هي هيي بترتفع تراكيز التيوفللين وبصير عندي سمية .. يعني اثار جانبية هلق لاختملك ياها .. بالصيدلية بوصفة المريض انتبهلي عالتيوفللين وعالمحفزات والمثبطات .. ويعطيك العافية صيدلاني خبير ❤️ اخيرا هالمادة عم يخف الاعتماد عليها بالصناعات الدوائية على الاقل محليا .. وعم نشوفها اقل استخداما و تصنيعا

كتير احيان لما بدك تعطي دوا OTC بتوصف عالغميضة ... بس مع البندازول بدك تهدي شوي مسالخيرات تعالو نختم الحكاية اول اشارة وقف عليها البندازول كانت خضرا .. الاطفال .. اتفقنا فوق السنتين بعطيه والجرعة متل البالغين الاشارة التانية سالوه عن الحوامل .. قلنالهن FDA ما بتقول اي ولا بتوصي فيه .. وشو يعني انا شو بستفيد بتقلك بعض الدراسات جرعة وحيدة للحامل ما شافو خطر بس قبل ما يوقع الفاس بالراس انتبه ان لازم تسال طبيب المدام ولا تصرف لحالك المرضع .. خلينا نتفق ان هالجرعة ما رح بتاثر .. بس يفضل ايقاف الارضاع وافراغ الحليب هلق فتحلي عينيك منيح مريض الكبد .. مريض الكبد يا عزيزي اذا اخد جرعة وحيدة ما بتاثر طيب وجرعات مستمرة .. هون بنتبه براقب وظايف الكبد ولسا براقب بالجرعات المستمرة الصيغة الدموية . لان العينتين قال بثبط النقي غيرو في شي دخيل عينك انتبهلي عالكبد والصيغة الدموية بالاستخدام المزمن

ركزت معي مبارح بالبندازول ما هيك ؟ طيب تعال كفيلك السيرة بتجي بتقلي البندازول بينعطى لمدة 3 ايام .. انا بقلك مبارح حكيتلك عالحرقص "الدودة الدبوسية" حبة واحدة مرة وحدة بعيد عن الاكل بعيدها بعد 14 يوم رجاع اقراها مرة لو سمحت ... بعيد عن الأكل !؟ ليش؟؟ لأن الإصابة معوية وبدي التأثير بالأمعاء "بدون امتصاص" لهيك بعيد عن الأكل كمل معي لقلك البندازول استخدامه أوسع من الديدان الدبوسية .. يعني في كمان الشريطية العزلاء وبعطيه بهالحالة بين 8 و 30 يوم وهون رح بسألك كونك عرفت ان بزيد الامتصاص مع الأكل .. بعطيها بعيد عن الطعام او مع الطعام!؟ المسلكية شعرية الرأس 3 أيام الكيسات المذنية و الكيسات العدارية "هون الإصابة دماغية أو رئوية او بالعين .. " يعني بعطيه ؟ برافو عليك مع الأكل تعال خدلك هالمعلومة بزيد امتصاص البندازول مع الوجبة الدسمة 4 ل 5 اضعاف و بالتالي بسنتتج ؟؟ ... تماما مع الطعام إصابة جهازية بعيد عن الطعام إصابة معوية "موضعية" هاد الحكي شو بفيدك بالصيدلية رح بقلك أن إذا أجاك مريض معه حرقص أو اسكاريس ف بتعطيه بعيد عن الأكل وهون اكيد هلق صرت بتعرف ليش و لما بتجيك وصفة فيها مع الطعام او بعيد عن الطعام و لفترات مختلفة .. ما بدي تستغرب ... لان الاستخدام بيختلف حسب التشخيص هاد OTC !؟ .. لا هاد لتعرف ان الوصفة صح وال OTC هوي الديدان الدبوسية خليك معي المسا .. رح بكملك السيرة

تعال انتبه معي شوي بهالكلمتين اول شي مسالخير جرعة الديدال بتعرفها؟ واحد بيوصفها مرة وواحد مرتين .. وفي واحد لمدة عشر ايام ومنهن لشهر تعال نبسطها سوا شوي شايف لما انت بالصيدلية .. مين رح بيراجعك !؟ مريض معه او حدا من العيلة معه حرقص "يعني دودة دبوسية" اي وهاد كيف علاجو ؟ الديدال ما غيرو .. بتعطيه مرة وحدة بجرعة 400 ملغ وبتعيدها بعد اسبوعين ، وإذا أطفال ؟ كمان بعطي نفس الجرعة طيب وهال 400  شو بتعني ؟ بتعني يا حبة وحدة بس يا أما كامل المعلق "الشراب يعني" في شي لازم انتبهلو !؟ حامل ومرضع لا "في دراسات بتقول جرعة وحيدة ما بتأثر .. بس حتى الان FDA ما بتقلك اعطيه اطفال . فوق السنتين اعطيه

مسالخيرات دكاترتنا اليوم رح نفتح باب المناقشة عالقناة هون حول االأوجمنتين بالبداية رح بنحكي معلومتين عنو الأولى أنه من الصادات الحيوية واسعة طيف بتركيب بيتكون من الأموكسيسيللين وحمض الكلافولينيك والمعلومة التانية أنه موجود بعيارات مختلفة طبعا هالعيارات هي نحنا ما فينا نقول انها نفس الشي ومالفرق فقط بس بالعيار لهيك رح نحكي هون عن الفرق بينها ونشوفها ونتعلم سوا كيف ممكن نوصف ونختار العيار الملائم بالبداية ببقى معكن باسئلتكن لنشوف كيف نتوجه عالمعلومات الي انتو بتحسو اكتر شي في نقص فيها بتعليقات عهالرسالة بنستقبل الاسئلة

تأسس فريق SY-Tour بتاريخ 5/10/2021 بمناسبة الذكرى الثالثة على تأسيس المركز حسم 50% على كورسات المركز 🛑الصيدلة الملازمة الصيدلانية كورس الجلدية مندوب دعاية طبية التحاليل المخبرية بتاريخ 5/10/2024 لمدة يوم واحد للاشتراك بالكورس والاستفادة من الحسم التواصل تلغرام عبر المعرف https://t.me/SY_TOUR وإرسال عبارة حسم ذكرى التأسيس الثالثة  مع اسم الكورس

طلابنا بجامعة طرطوس السنة الرابعة والسنة الخامسة بدنا نخبركم انو بلشنا بكورسات اونلاين للمواد كيميا دوائية وكيميا صيدلية 2 اونلاين والمواد صارت تحريري يعني اذا فعلا مهتم تدرس من اول الفصل لا تتاخر بالتسجيل المواد بدها شغل منيح التسجيل عبر التواصل…

طلابنا بجامعة طرطوس السنة الرابعة والسنة الخامسة بدنا نخبركم انو بلشنا بكورسات اونلاين للمواد كيميا دوائية وكيميا صيدلية 2 اونلاين والمواد صارت تحريري يعني اذا فعلا مهتم تدرس من اول الفصل لا تتاخر بالتسجيل المواد بدها شغل منيح التسجيل عبر التواصل مع المعرف https://t.me/SY_TOUR وارسال اسم المادة