Teaching Agency

🎓 GED Social Studies သင်မဲ့ ဆရာ/ဆရာမတို့အတွက် သင်တန်းကောင်းတစ်ခု 📚 GED Social Studies သင်ပေးဖို့ Subject Matter ကျွမ်းကျင်ပေမဲ့ သင်ကြားနည်းပိုင်း ထပ်မံဖြည့်ဆည်းချင်သူများ၊ သင်ကြားနည်းပိုင်း ကျွမ်းကျင်ပိုင်နိုင်ပေမဲ့ Subject Matter ပိုင်းမှာ အားနည်းနေသေးသူများအတွက် 💡 ✨ How to Teach GED Social Studies (Batch-12) ကို ပြန်လည်ဖွင့်လှစ်ပေးလိုက်ပါပြီ။ 👨‍🏫 ဆရာ Yolo ကိုယ်တိုင် သင်ကြားပေးမဲ့ သင်တန်းဖြစ်တာကြောင့် GED Social Studies ကို ပိုမိုထိရောက်စွာ သင်ကြားပေးနိုင်ဖို့ လိုအပ်တဲ့ အရည်အချင်းတွေကို ဖြည့်ဆည်းနိုင်မှာပါ။ 📌 အခုပဲ အပ်နှံလိုသူများ 💬 Comment မှာ “Social Studies” လို့ ရေးခဲ့ပေးပါခင်ဗျာ။ ❤️

မြန်မာစာကို ကျောင်းသားတွေရဲ့ နှလုံးသားထဲ ရောက်အောင် သင်ကြားနိုင်တဲ့ ဆရာကောင်းတစ်ယောက် ဖြစ်ချင်တယ်ဆိုရင် ဒီသင်တန်း ဆရာ၊ဆရာမတို့အတွက် အဖိုးတန်တဲ့ ခြေလှမ်းတစ်ခုပဲဖြစ်ပါတယ်လို့ အသိပေးပြောပြပါရစေ။ 🟦 အလယ်တန်းဆင့်မြန်မာစာသင်ကြားနည်း (Batch - 9) သင်တန်းဖွင့်ပွဲ - 16. 8. 2026 (Sun) သင်တန်းစရက် - 17. 8. 2026 (Mon) သင်တန်းရက် - Mon, Tue, Thu, Fri သင်တန်းပိတ်ပွဲ - 12. 9. 2026 (Sat) သင်တန်းကာလ - 1 Month (4 Weeks) သင်တန်းအချိန် - 8:30 PM - 10:00 PM သင်တန်းကြေး - 60000 ကျပ် TA သင်တန်းသားဟောင်း - 50000 ကျပ် 🔹 Teaching Agency အနေနဲ့ ဆရာ၊ဆရာမတို့ရဲ့ သင်ကြားရေးခရီးစဉ်အတွက် အစဉ်အမြဲ ကူညီပံ့ပိုးပေးလျက် ရှိနေပါတယ်။

အလယ်တန်းဆင့် မြန်မာစာ သင်ကြားနည်းသင်တန်းမှာ ဘာတွေသင်ကြားပေးမှာလဲ။📘📨 မြန်မာစာဆိုတာ ကျွန်တော်တို့ရဲ့ မိခင်ဘာသာစကားဖြစ်သလို ယဉ်ကျေးမှု၊ စာပေနဲ့ ဝိသေသလက္ခဏာတွေရဲ့ အခြေခံအုတ်မြစ်လည်းဖြစ်ပါတယ်။ အထူးသဖြင့် အလယ်တန်းအရွယ်ဟာ ကျောင်းသားတွေရဲ့ ဘာသာစကားအပေါ် နက်ရှိုင်းတဲ့ နားလည်မှု၊ ဝေဖန်ပိုင်းခြားတွေးခေါ်မှုနဲ့ ဖန်တီးနိုင်စွမ်းတွေ ဖွံ့ဖြိုးလာတဲ့ အချိန်ကာလပါ။ ဒါကြောင့် ဒီအရွယ်မှာ မြန်မာစာသင်ကြားနည်းဟာ ထူးခြားတဲ့ နည်းစနစ်တွေ လိုအပ်ပါတယ်ခင်ဗျာ။ ကျွန်တော်တို့ TA ရဲ့ အလယ်တန်းဆင့် မြန်မာစာ သင်ကြားနည်းသင်တန်း က ဘယ်လိုအကြောင်းအရာတွေကို အဓိကထား သင်ကြားပေးမလဲဆိုတာ မိတ်ဆက်ပေးပါရစေ။ ✨️ဒီသင်တန်းရဲ့ အဓိကရည်ရွယ်ချက်က အလယ်တန်းကျောင်းသားတွေရဲ့ သင်ယူမှုပုံစံနဲ့ လိုအပ်ချက်တွေကို နားလည်ပြီး ထိရောက်တဲ့ မြန်မာစာသင်ကြားနည်းတွေကို လက်တွေ့ကျကျ အသုံးချတတ်လာစေဖို့ ဖြစ်ပါတယ်။ ဒီသင်တန်းက သင်ရိုးညွှန်းတမ်းကို နက်ရှိုင်းစွာ နားလည်စေရုံသာမက သင်ကြားရေးမှာ လက်တွေ့အသုံးချနိုင်မယ့် ကျွမ်းကျင်မှုတွေကိုပါ အလေးပေးမှာဖြစ်ပါတယ်ခင်ဗျာ။ 🔷️သင်တန်းပါဝင်မယ့် အဓိကအကြောင်းအရာတွေ ဒီသင်တန်းကို စနစ်တကျ သင်ယူနိုင်အောင် အောက်ပါ Module တွေနဲ့ ဖွဲ့စည်းထားပါတယ်။ 1️⃣အလယ်တန်းသင်ရိုးညွှန်းတမ်းကို နက်ရှိုင်းစွာ နားလည်ခြင်း ပထမဆုံး သင်တန်းသားတွေကို အလယ်တန်းဆင့် မြန်မာစာသင်ရိုးညွှန်းတမ်းရဲ့ ဖွဲ့စည်းပုံ၊ ရည်မှန်းချက်တွေနဲ့ ကျောင်းသားတွေမှာ မွေးမြူပေးချင်တဲ့ အရည်အချင်းတွေကို အသေးစိတ် ရှင်းလင်းပေးသွားမှာပါ။ ဒါကြောင့် သင်တန်းသားတွေအနေနဲ့ ဘယ်အကြောင်းအရာကို ဘာအဆင့်မှာ သင်ကြားရမယ်ဆိုတာ ရှင်းရှင်းလင်းလင်း မြင်သွားမှာဖြစ်ပါတယ်။ ဒါဟာ ထိရောက်တဲ့ သင်ကြားရေးရဲ့ အခြေခံအုတ်မြစ်ပါ။ 2️⃣ ဘာသာစကားကျွမ်းကျင်မှု (စာဖတ်၊ စာရေး၊ စကားပြော) သင်ကြားနည်းများ ဒါကတော့ သင်တန်းရဲ့ အဓိကအချက်ပါ။ ဘာသာစကားမှာ အခြေခံကျတဲ့ ကျွမ်းကျင်မှုတွေ ဖြစ်တဲ့ စာဖတ်၊ စာရေး၊ စကားပြောတို့ကို အလယ်တန်းကျောင်းသားတွေအတွက် ဘယ်လို ဆွဲဆောင်မှုရှိရှိနဲ့ ထိရောက်အောင် သင်ကြားရမလဲဆိုတဲ့ နည်းလမ်းတွေကို သင်ကြားပေးမှာပါ။ စာပိုဒ်တိုများမှ စာပေအရည်အသွေးမြင့် စာသားများအထိ အဆင့်ဆင့် သင်ကြားနည်း၊ စာသားကို ပိုင်းခြားစိတ်ဖြာပြီး အနှစ်ချုပ်ထုတ်နိုင်စေရန်စ ာဖတ်ခြင်း (Reading)သင်ကြားနည်း။ စာရေးခြင်း (Writing)ပိုင်းအတွက် အကြောင်းအရာတစ်ခုကို စနစ်တကျ စီစဉ်ရေးသားခြင်း၊ ဖန်တီးမှုဆိုင်ရာ အရေးအသားနှင့် သဒ္ဒါအသုံးအနှုန်းများကို မှန်ကန်အောင် သင်ကြားနည်း။ ·စကားပြောဆိုနိုင်စွမ်းနှင့် တက်ကြွစွာ နားထောင်နိုင်စွမ်းတို့ကို သင်ခန်းစာများအတွင်း ပေါင်းစပ်သင်ကြားနည်း။ 3️⃣ သဒ္ဒါနှင့် ဝေါဟာရ သင်ကြားနည်းဗျူဟာများ သဒ္ဒါနဲ့ ဝေါဟာရဟာ ဘာသာစကားရဲ့ အခြေခံအုတ်မြစ်ပါ။ ဒါပေမယ့် ဒါတွေကို အလွတ်ကျက်ခိုင်းတာမျိုး မဟုတ်ဘဲ ကျောင်းသားတွေ သဘာဝကျကျ နားလည်ပြီး အသုံးချတတ်အောင် ဘယ်လိုသင်ကြားရမလဲဆိုတဲ့ ဆန်းသစ်တဲ့ နည်းလမ်းတွေ ကို သင်ကြားပေးမှာပါ။ ဒီအပိုင်းက သင်တန်းသားတွေရဲ့ သင်ကြားရေးပုံစံကို သိသိသာသာ ပြောင်းလဲစေနိုင်မှာဖြစ်ပါတယ်ခင်ဗျာ။ 4️⃣သင်ခန်းစာစီစဉ်ခြင်းနှင့် ထိရောက်သော သင်ကြားရေးနည်းလမ်းများ သီအိုရီတွေကို လက်တွေ့ကျင့်သုံးနိုင်ဖို့ ဒီအပိုင်းက အဓိကပါ။ သင်တန်းသားတွေကို ကျောင်းသားဗဟိုပြု သင်ကြားရေးနည်းလမ်း (Learner-Centered Approach) ကို အခြေခံပြီး သင်ခန်းစာအစီအစဉ်တွေ ရေးဆွဲတတ်အောင် သင်ကြားပေးမှာပါ။ ဒါအပြင် အုပ်စုလိုက်လုပ်ဆောင်မှုတွေ၊ ဆွေးနွေးမှုတွေနဲ့ ပရောဂျက်အခြေခံ သင်ကြားရေးနည်းလမ်းတွေကိုလည်း မိတ်ဆက်ပေးမှာဖြစ်ပါတယ်ခင်ဗျာ။ 5️⃣ အကဲဖြတ်ခြင်းနှင့် တုံ့ပြန်ချက်ပေးခြင်း ကျောင်းသားတွေရဲ့ တိုးတက်မှုကို ဘယ်လိုတိုင်းတာမလဲ၊ ဘယ်လိုအကဲဖြတ်မလဲဆိုတာလည်း အရေးကြီးပါတယ်။ ဒီအပိုင်းမှာ ပုံမှန်စစ်ဆေးမှု (Formative Assessment) နဲ့ အဆုံးသတ်စစ်ဆေးမှု (Summative Assessment) တွေရဲ့ ခြားနားချက်၊ ကျောင်းသားတစ်ဦးချင်းစီရဲ့ အားသာချက်၊ အားနည်းချက်တွေကို အခြေခံပြီး အဓိပ္ပါယ်ရှိတဲ့ တုံ့ပြန်ချက်တွေ ပေးနည်းတွေကို သင်ကြားပေးမှာပဲဖြစ်ပါတယ်ခင်ဗျာ။ 🔷️ဒီသင်တန်းက ဘယ်သူတွေအတွက်လဲ။ ✅️အလယ်တန်းဆင့် မြန်မာစာကို စတင်သင်ကြားမယ့် ဆရာ၊ဆရာမလောင်းတွေ ✅️လက်ရှိ မြန်မာစာသင်ကြားနေပေမယ့် နည်းစနစ်အသစ်တွေကို လေ့လာလိုတဲ့ ဆရာ၊ဆရာမတွေ ✅️သားသားမီးမီးတွေကို အိမ်မှာ မြန်မာစာ ပိုမိုထိရောက်အောင် သင်ကြားပေးချင်တဲ့ မိဘတွေ ✅️မြန်မာစာသင်ကြားရေးကို စိတ်ပါဝင်စားတဲ့ ပညာရေးနယ်ပယ်ကလူတွေ TA ရဲ့ အလယ်တန်းဆင့် မြန်မာစာ သင်ကြားနည်းသင်တန်းကို ဘာကြောင့် ရွေးချယ်သင့်သလဲ။ ကျွန်တော်တို့ရဲ့ သင်တန်းဟာ သီအိုရီနဲ့ လက်တွေ့ကို ဟန်ချက်ညီညီ ပေါင်းစပ်ထားပြီး သင်တန်းပြီးတာနဲ့ ချက်ချင်း စာသင်ခန်းထဲမှာ အသုံးချနိုင်မယ့် အရည်အချင်းတွေကို အဓိကထား သင်ကြားပေးပါတယ်။ ခေတ်မီပြီး ကျောင်းသားဗဟိုပြုတဲ့ သင်ကြားရေးနည်းလမ်းတွေကို အသုံးပြုပြီး ဆရာတွေရဲ့ သင်ကြားရေးစွမ်းရည်ကို အဆင့်မြှင့်တင်ပေးဖို့ ရည်ရွယ်ပါတယ်ခင်ဗျာ။

💔 လတ်တလော ဖြစ်ပွားသွားတဲ့ ထိုင်းနိုင်ငံ၊ နွန်သဘူရီခရိုင်က "Debsirin Nonthaburi School" ကျောင်းတွင်း ပစ်ခတ်မှုကြောင့် မိဘတွေဟာ စိုးရိမ်စိတ်နဲ့ ထိတ်လန့်နေကြမယ်ဆိုတာ တကယ်စာနာပါတယ်။ အပြစ်မဲ့တဲ့ ကလေးတွေနဲ့ ဆရာ၊ ဆရာမတွေ အသက်ဆုံးရှုံးခဲ့ရသလို၊ ကျူးလွန်သူသေနတ်သမားကိုယ်တိုင်ကလဲ အသက် (၁၄) နှစ်ပဲ ရှိသေးတဲ့ ကျောင်းသားလေးတစ်ယောက် ဖြစ်နေတာက ပိုပြီး ရင်ကျိုးစရာကောင်းပါတယ်။ ဒီဖြစ်စဉ်ရဲ့ နောက်ကွယ်မှာ မိသားစုအိမ်ထောင်ကွဲမှု၊ ကလေးရဲ့ တိတ်တဆိတ် စိတ်ဒဏ်ရာနဲ့ ကျောင်းမှာ ရေရှည်ခံစားနေရတဲ့ အနိုင်ကျင့်ခံရမှုတွေကြောင့်လားဆိုတဲ့ မေးခွန်းတွေဟာလည်း ဝေဖန်စရာဖြစ်လို့နေပါတယ်။ အခုဆိုရင်…ဒီအဖြစ်အပျက်က အမှန်တရားကို ရှာဖွေနေဆဲဖြစ်တာကြောင့် ဝမ်းနည်းစရာ သတင်းတစ်ခုဆိုတာထက် ဖေဖေ၊ မေမေတို့အနေနဲ့ ကိုယ့်ကလေးကို တကယ် ပြည့်ပြည့်ဝဝ ဂရုစိုက်နေမိရဲလားဆိုတဲ့ ဒွိဟပွားစေတဲ့၊ ဆင်ခြင်တွေးတောသင့်တဲ့ အဖြစ်အပျက်တစ်ခု ဖြစ်လာပါပြီ။ ဒါကြောင့် ဖေဖေ၊ မေမေတို့အနေနဲ့ ကိုယ့်ကလေးကို လမ်းမှားမရောက်သွားရ‌အောင်၊ ကလေးစိတ်ဒဏ်ရာရပြီး၊ ကူကယ်ရာမဲ့သလို ဖြစ်လို့ အမှားလုပ်မိတာမျိုးမဖြစ်ရအောင်၊ ဒီအချက် (၄) ချက်ကို သတိတရနဲ့ လုပ်ဆောင်ပေးသင့်ပါတယ်။ 💠 (၁) ကလေးကို စကားပုံမှန်ပြောပေးပါ၊ နားထောင်ပေးပါ။ ဘယ်လောက်ပဲ အလုပ်ကြောင့် အချိန်မရဖြစ်နေပါစေ၊ ကလေးရဲ့ တစ်နေ့တာကို မေးမြန်းဖို့ အချိန်ကို သီးသန့်ထားသင့်ပါတယ်။ ကျောင်းကပြန်လာရင် "ဒီနေ့ စာမေးပွဲ ရရဲ့လား" ဆိုတာထက် "ဒီနေ့ ကျောင်းမှာ ပျော်ရဲ့လား၊ စိတ်ညစ်စရာ ပေါင်းတာရော ရှိခဲ့လား" ဆိုပြီး ကလေးရဲ့ ခံစားချက်ကို ဦးစားပေး မေးမြန်းပေးပါ။ 💠 (၂) ကျောင်းတွင်း အနိုင်ကျင့်ခံရတဲ့ လက္ခဏာတွေရှိနေလားဆိုတာ စောင့်ကြည့်ပါ။ ကလေးက ကျောင်းမသွားချင်ဘဲ ငြင်းဆန်တာ၊ ပစ္စည်းတွေ ခကြာခဏ ပျောက်လာတာ (သို့) ပျက်စီးလာတာ၊ အကြောင်းမဲ့ စိတ်တိုတာ ဒါမှမဟုတ် ပိုစကားနည်းသွားတာမျိုး ကြုံနေရရင် ကလေး အနိုင်ကျင့်ခံနေရတာ ဖြစ်နိုင်တာမို့၊ ကျောင်းဖွင့်ရက်တွေမှာ ကလေးရဲ့ အပြုအမူ၊ စိတ်ခံစားချက်တွေကို သတိထားပေးသင့်ပါတယ်။ 💠 (၃) ကလေးရဲ့ လုံခြုံရာ၊ အားကိုးရာ ဖြစ်ပေးပါ။ မိသားစုအခြေအနေ ဘယ်လိုပဲရှိနေပါစေ၊ ကလေးရဲ့စိတ်ထဲမှာ၊ ဘာပဲဖြစ်ဖြစ် အိမ်မှာ ဖေဖေနဲ့မေမေ ရှိတယ်၊ တိုင်ပင်လို့ရတယ်ဆိုတဲ့ စိတ်လုံခြုံမှုမျိုး အပြည့်အဝ ပေးထားနိုင်ဖို့ လိုအပ်ပါတယ်။ ဒါကြောင့် နေ့စဉ်နေ့တိုင်း ဖေဖေနဲ့မေမေက ကလေးနဲ့သီးသန့်အချိန်ဖြုန်းပေးတာမျိုးကို တစ်လှည့်စီ တာဝန်ယူပြီး၊ ပုံမှန် ဂရုစိုက်ပေးသင့်ပါတယ်။ 💠 (၄) လက်နက်နဲ့ အန္တရာယ်ရှိ ပစ္စည်းတွေကို သိမ်းဆည်းထားပါ။ အကျိုးအပြစ်တွေကို ပြောပြပါ။ အိမ်မှာ အန္တရာယ်ရှိတဲ့ ပစ္စည်းတွေ၊ တရားဝင် ကိုင်ဆောင်ထားတဲ့ သေနတ်၊ ဓါး စတာတွေကို ကလေးတွေ လက်လှမ်းမမီနိုင်တဲ့နေရာမှာ စနစ်တကျ သိမ်းဆည်းထားသင့်ပါတယ်။ ဒါ့အပြင် ကလေးအနေနဲ့ သူရဲ့ ဝမ်းနည်းမှု၊ ဒေါသနဲ့ စိတ်ဖိစီးမှုတွေကို ကိုင်တွယ်ဖြေရှင်းဖို့ လက်နက်ကို အဖြေတစ်ခုအနေနဲ့ အသုံးပြုမိသွားရင် ဘာကောင်းကျိုးမှ မရနိုင်ဘဲ၊ နောက်ဆက်တွဲ အပြစ်နဲ့ဆိုးကျိုးတွေကို ကလေး စဉ်းစားတတ်အောင် ပြောပြပေးသင့်ပါတယ်။ ကလေးတွေရဲ့ တိတ်ဆိတ်သွားမှုတွေက သူတို့လေးတွေ ငိုကြွေးနေတာထက် ပိုပြီး အန္တရာယ်များလှတာမို့၊ ကြေကွဲစရာ အခြေအနေမျိုး မရောက်ရအောင် ဒီနေ့ကစပြီး၊ ကလေးရဲ့ ခံစားချက်နဲ့ စိတ်ကျန်းမာရေးကို အနီးကပ် ဂရုစိုက် နားထောင်ပေးကြဖို့ တိုက်တွန်းလိုက်ပါတယ်ခင်ဗျာ။ ❝ ထိရောက်တဲ့သင်ကြားရေးရဖို့ TAstudents+ နဲ့ တစ်ဦးချင်းသင်စို့ ❞

❓❝ ကလေးတွေမှာရှိတတ်တဲ့ Special Needs ကို အမျိုးအစား (၄) မျိုးအထိ ခွဲခြားလို့ ရတာကို သိပြီးပြီလား။ တကယ်လို့ သေချာမသိသေးရင်၊ ဒီဗီဒီယိုကို ကြည့်ကြည့်ဖို့ မမေ့နဲ့နော်။ ❞ https://www.facebook.com/share/v/1EA5dSqvTY/ Special Needs နဲ့ ADHD ရှိတဲ့ ကလေးတွေကို အိမ်နဲ့ ကျောင်းပတ်ဝန်းကျင် နှစ်ခုလုံးမှာ ထိရောက်စွာ ပံ့ပိုးပေးနိုင်အောင်၊ Dr Hnin Wai Wai Htet ကိုယ်တိုင် မျှဝေပို့ချပေးသွားမယ့်၊ “Supporting Children with learning disabilities: Special Needs & ADHD (Batch-1)” သင်တန်းကို အသစ်ဖွင့်လှစ်လိုက်ပါပြီ။ ကလေးတိုင်းရဲ့ မတူညီတဲ့ အနာဂတ်ကို လှပအောင် ကူညီပေးနိုင်မယ့် ဒီသင်တန်းကို စိတ်ဝင်စားတယ်ဆိုရင်၊ ကောမန့်မှာ “TA Special” လို့ ရေးပေးခဲ့ပါ။ ကျနော်တို့ဘက်ကနေ အမြန်ဆုံး ဆက်သွယ်ပေးသွားပါမယ်ခင်ဗျာ။ 🔹 Teaching Agency အနေနဲ့ ဆရာ၊ ဆရာမတို့ရဲ့ သင်ကြားရေးခရီးစဉ်အတွက် အစဉ်အမြဲ ကူညီပံ့ပိုး ပေးလျက်ရှိနေပါတယ် 🔹

ဆရာ၊ဆရာမတို့ရဲ့စာသင်ချိန်ရဲ့ ၃၀% ကို ညွှန်ကြားချက်တွေ ထပ်ခါတလဲလဲ ပြောရင်းနဲ့ပဲ အချိန်ကုန်နေပြီလား⚠️⚠️ အင်္ဂလိပ်စာဆရာ၊ ဆရာမအဖြစ် အခုမှစလျှောက်လှမ်းချင်သူတွေအတွက် ကျောင်းသားတွေကို အင်္ဂလိပ်စာ တကယ်ကျွမ်းကျင်စေချင်တဲ့ စာသင်ခန်းတစ်ခန်းရဲ့ အကြီးမားဆုံး စိန်ခေါ်မှုတစ်ခုအကြောင်းကို ဝေမျှပေးချင်ပါတယ်ခင်ဗျာ။ အင်္ဂလိပ်စာ သင်ကြားမှု (English Language Teaching) မှာ Teacher Talk Time (TTT) နဲ့ Student Talk Time (STT) ဆိုတဲ့ သဘောတရား နှစ်ခုရှိပါတယ်။ အတွေ့အကြုံအရ စာသင်ချိန် အကန့်အသတ်ရှိတဲ့ အတန်းတစ်ခုမှာ ဆရာက "Open your book", "Turn to page 10", "Do you understand?" ဆိုတဲ့ ညွှန်ကြားချက် (Instructions) တွေကိုပဲ ထပ်ခါတလဲလဲ ပြောနေရရင် ကလေးတွေရဲ့ လေ့ကျင့်ခွင့်နဲ့ ပြောဆိုခွင့် (STT) ၃၀% မက ဆုံးရှုံးသွားရပါတယ်ခင်ဗျာ။ ဒီပြဿနာကို ဖြေရှင်းဖို့နဲ့ အင်္ဂလိပ်စာ သင်ကြား/သင်ယူမှုကို ထိရောက်မှု အပြည့်အဝရရှိစေဖို့ ကျွန်တော်တို့ Teaching Agency အနေနဲ့ ဆရာမတွေ အသုံးပြုနိုင်မယ့် နည်းလမ်းကောင်းအချို့ကို မျှဝေပေးလိုက်ပါတယ်ခင်ဗျာ။ 🔷️၁။ ICQs (Instruction Checking Questions) ကို စနစ်တကျ သုံးပါ "Do you understand?" (နားလည်လား) လို့ မေးမယ့်အစား ကလေးတွေ တကယ်လုပ်ရမယ့် အလုပ်ကို နားလည်မလည် စစ်ဆေးတဲ့ မေးခွန်းတိုလေးတွေ မေးကြည့်ပါ။ - " Read page 5 and write answers. Understand?"လို့ပြောမယ့်အစား ပြောင်းလဲသုံးရမယ့် ICQက - "Are you reading or writing first?" (စာအရင်ဖတ်ရမှာလား၊ စာရေးရမှာလား) သို့မဟုတ် "How many minutes do you have?" (ဘယ်နှစ်မိနစ် ရလဲ)စသဖြင့်မေးကြည့်ပါ။ ဒါဆိုရင် ညွှန်ကြားချက်ကို ထပ်ခါတလဲလဲ ရှင်းပြနေစရာ မလိုတော့ဘဲ ကလေးတွေ ကိုယ်တိုင် ဘာလုပ်ရမယ်ဆိုတာ ချက်ချင်း သဘောပေါက်သွားပါလိမ့်မယ်။ 🔷️၂။ Gestures နဲ့ Visual Cues (ခန္ဓာကိုယ်အမူအရာနှင့် ရုပ်ပုံများ) ကို သုံးပါ စကားလုံးတွေချည်းပဲ သုံးပြီး ညွှန်ကြားမယ့်အစား ခန္ဓာကိုယ်အမူအရာ (Body Language)၊ လက်သင်္ကေတ သို့မဟုတ် Visual Cards လေးတွေကို တွဲဖက်သုံးပါခင်ဗျာ။ စာအုပ်ဖွင့်ခိုင်းချင်ရင် စာအုပ်ပုံပြတာ ဒါမှမဟုတ် လက်နဲ့ စာအုပ်ဖွင့်ပြတာ နားထောင်ခိုင်းချင်ရင် နားကို လက်ညှိုးထိုးပြတာမျိုးလုပ်ပေးပါ။ ဒါဟာ ညွှန်ကြားချက်ပေးရတဲ့ အချိန်ကို ထက်ဝက်မက လျှော့ချပေးနိုင်ရုံတင်မကဘဲ စာသင်ခန်း စီမံခန့်ခွဲမှု (Classroom Management) ကိုလည်း ပိုမို ချောမွေ့စေပါတယ်ခင်ဗျာ။ 🔷️၃။ Classroom English Routines များကို လေ့ကျင့်ပေးပါ အတန်းစတင်ချိန်မှာတင် ပုံမှန်သုံးလေ့ရှိတဲ့ ညွှန်ကြားချက်တွေကို Routines အဖြစ် သတ်မှတ်ထားပါ။ ကလေးတွေအနေနဲ့ အချိန်တိုအတွင်းမှာ အဆိုပါ အင်္ဂလိပ် စကားလုံးတွေကို ရေလည်အောင် နားလည်သွားပြီး ဆရာဘက်က အရှည်ကြီး ရှင်းပြနေရတဲ့ အချိန်တွေ သက်သာသွားပါလိမ့်မယ်။ ကျောင်းသားဗဟိုပြု စာသင်ခန်း (Student-Centered Classroom) ဖြစ်လာဖို့ ဆရာတစ်ယောက်ရဲ့ အခန်းကဏ္ဍက ညွှန်ကြားချက်တွေ အမြဲပေးနေသူ မဟုတ်ဘဲ ကလေးတွေ အင်္ဂလိပ်စာကို လွတ်လပ်စွာ ပြောဆိုသုံးစွဲနိုင်အောင် လမ်းကြောင်းပြပေးသူ (Facilitator) သာ ဖြစ်သင့်ပါတယ်ခင်ဗျာ။ ဆရာ၊ ဆရာမဖြစ်လိုသူတွေအတွက် ဒါဟာ စာသင်ခန်းကို ထိရောက်စွာ ထိန်းချုပ်နိုင်မယ့် အဓိက သော့ချက်ဖြစ်ပြီး၊ မိဘတွေအတွက်လည်း မိမိကလေးတွေ အတန်းထဲမှာ တကယ် စကားပြောလေ့ကျင့်ခွင့် ရမရ ဆိုတာကို သုံးသပ်နိုင်မယ့် အချက်ပဲ ဖြစ်ပါတယ်ခင်ဗျာ။ 🔔အင်္ဂလိပ်စာသင်တဲ့ ဆရာဆရာမတွေအနေနဲ့ စာသင်ခန်းတွင်းမှာ English through English ပြောဆိုသင်ကြားနိုင်ဖို့အတွက် Trainer Tr. Zar Chi ကိုယ်တိုင်သင်ကြားပေးမဲ့ "Classroom Language : English Communication skills for Teachers" တက်ရောက်နိုင်ပါသေးတယ်။ အတန်းအပ်ချင်တယ်ဆိုရင်တော့ "Classroom Language" လို့ ကောမန့်ရေးခဲ့ပေးပါခင်ဗျာ။ ကျွန်တော်တို့ TA အနေနဲ့ ထိရောက်ပြီး ခေတ်မီတဲ့ English Communication သင်ကြားရေး နည်းလမ်းတွေကို ဆရာ၊ဆရာမတွေအတွက် အစဉ်အမြဲ ထောက်ပံ့ကူညီပေးလျက် ရှိတာမို့ အခု page လေးကို like and follow လုပ်ပြီး ဆက်လက်စောင့်မျှော်ဖတ်ရှုပေးပါဦးခင်ဗျာ။ 🔹 Teaching Agency အနေနဲ့ ဆရာ၊ဆရာမတို့ရဲ့ သင်ကြားရေးခရီးစဉ်အတွက် အစဉ်အမြဲ ကူညီပံ့ပိုးပေးလျက် ရှိနေပါတယ်။ 🔷ဆရာ၊ဆရာမများရဲ့ စွမ်းရည်ကိုမြှင့်တင်ပေးနိုင်ဖို့ သီးသန့်သင်တန်းများရယူလိုတဲ့ Private School, International School များအတွက်လည်း Coach Session and Cooperative Session များ ဆောင်ရွက်ပေးလျက်ရှိပါတယ်

GED Social Studies မှာ Charts, Graphs & Maps ကို ကျောင်းသားတွေ ကိုယ်တိုင်ဖတ်တတ်၊ ဖြေတတ်အောင် ဘယ်လိုသင်မလဲ❓ ======================= 🔷GED Social Studies သင်ပေးနေတဲ့ ဆရာဆရာမတွေအနေနဲ့ ဒီလိုအခြေအနေတွေ ကြုံဖူးပါသလား ⛔Chart တစ်ခု ပေးလိုက်တာနဲ့ ကျောင်းသားတွေက Data ကို ဘယ်ကနေစဖတ်ရမလဲ မသိဘူး ⛔Graph ထဲက နံပါတ်တွေကိုတော့ ဖတ်တတ်ပေမယ့် ဘာကို နှိုင်းယှဉ်ရမလဲ၊ ဘာကို ခွဲခြမ်းစိတ်ဖြာရမလဲ မသိဘူး ⛔Map ဆိုရင်လည်း နေရာတွေကို ကြည့်ပြီး အဖြေကို ခန့်မှန်းတာမျိုး ဒီလိုအခြေအနေမှာ မေးခွန်းတစ်ခုချင်းစီရဲ့ အဖြေကိုပဲ ပြောပြပေးနေတယ်ဆိုရင် ကျောင်းသားက အဖြေကို သိသွားရုံပဲဖြစ်ပြီး ဘယ်လိုစဉ်းစားပြီး အဖြေရှာရမလဲဆိုတာ တကယ်မသိသေးပါဘူး။ ဒါကြောင့် GED Social Studies သင်ကြားတဲ့အခါ ဘယ်ကနေ စဖတ်ရမလဲ၊ ဘာကို သတိထားရမလဲ၊ Data ကို ဘယ်လိုရွေးချယ်ပြီး စဉ်းစားမလဲ ဆိုတဲ့ (Process)ကို ကျောင်းသားကိုယ်တိုင် ဖတ်နိုင်၊ ခွဲခြမ်းစိတ်ဖြာနိုင်ပြီး အဖြေရှာနိုင်အောင် Teaching Strategy နဲ့ သင်ပေးဖို့ အရေးကြီးပါတယ်။ 🔷Chart ကို ဗျူဟာကျကျဘယ်လိုသင်မလဲ❓ Chart သင်တဲ့အခါ Data တွေကို တစ်ခုချင်းဖတ်ခိုင်းတာထက် “Chart က ဘာကိုပြောချင်တာလဲ” ဆိုတဲ့ Main Idea ကို အရင်ရှာခိုင်းပါ။ ပြီးရင် Title → Categories → Numbers/Units → Highest/Lowest → Comparison → Conclusion ဆိုတဲ့ အဆင့်လိုက်စဉ်းစားခိုင်းပါ။ ဥပမာ Chart တစ်ခုမှာ အုပ်စု (၄) ခု ပါလာရင် “ဘယ်ဟာအများဆုံးလဲ” လောက်နဲ့တင်မဟုတ်ဘဲ ✅ဘယ်အုပ်စုနဲ့ ဘယ်အုပ်စုကို နှိုင်းယှဉ်ရမလဲ ✅အဲဒီ Data က ဘာကိုဖော်ပြနေလဲ ✅ အနှစ်ချုပ်ကဘာလဲ ဆိုတဲ့ မေးခွန်းတွေကနေ အဖြေကို ကျောင်းသားကိုယ်တိုင်ရှာတတ်အောင် လမ်းညွှန်ပေးရပါမယ်။ 🔷Graph ကိုရော အကောင်းဆုံး ဘယ်လိုသင်ပေးမလဲ❓ ဆရာတွေအနေနဲ့ နံပါတ်ဖတ်တတ်ခြင်း(Reading numbers) နဲ့ Graph ကို အမှန်တကယ် နားလည်ခြင်း(Understanding trends) မတူညီတာကို သတိပြုဖို့ လိုအပ်ပါတယ်ခင်ဗျာ။ ကျောင်းသားတွေကို X-axis → Y-axis → Scale → Trend → Increase/Decrease → Comparison → Evidence ဆိုပြီး အဆင့်လိုက်ဖတ်ခိုင်းပါ။ “ဒီ Graph က ဘာပြောလဲ” လို့ ချက်ချင်းတန်းမေးမယ့်အစား ✅ဘယ်အချိန်မှာ တက်လာတာလဲ ✅ဘယ်အချိန်မှာ ကျလာလဲ ✅ဘယ်အချက်က အထင်ရှားဆုံးလဲ အဖြေကို Graph ထဲက ဘယ် Data နဲ့ သက်သေပြမလဲဆိုတဲ့ မေးခွန်းတွေသုံးပြီး Critical Thinking နဲ့ အ‌ဖြေကိုယ်တိုင်ရှာတတ်အောင် သင်ပေးပါ။ 🔷Map ကို ဘယ်လိုသင်မလဲ❓ Map Questions တွေမှာ ကျောင်းသားတွေ အလွယ်တကူ မှားတတ်တာက Map ကို ကြည့်ပြီး ခန့်မှန်းဖြေတာပဲ ဖြစ်ပါတယ်။ ဒါကြောင့် Map ကို သင်တဲ့အခါ Title → Legend/Key → Direction → Scale → Location → Pattern → Relationship ဆိုပြီး ဖတ်တဲ့အလေ့အကျင့်ကို အရင်တည်ဆောက်ပေးနိုင်ပါတယ်။ ဥပမာ မြေပုံတစ်ခုကို ကြည့်ပြီး ဒီနေရာက ဘယ်နိုင်ငံလဲ လို့ပဲ မေးတာထက် ✅Legend က ဘာကိုဆိုလိုတာလဲ ✅ဘယ်နေရာမှာ Data ပိုများလဲ ✅ဘယ်နေရာတွေနဲ့ ဆက်စပ်မှုရှိလဲ ✅Map က ဘာ Pattern ကို ပြနေတာလဲ ဆိုတဲ့ Guiding Questions တွေကနေ Evidence ရှာပြီး အဖြေထုတ်တတ်အောင် လေ့ကျင့်ပေးရပါမယ်။ 🔷အဓိကကတော့ Chart, Graph & Map သင်တဲ့အခါ အဖြေမှတ်ခိုင်းတာမဟုတ်ပါဘူး။ဘယ်ကနေ စဖတ်ရမလဲ၊ ဘာကို သတိထားရမလဲ၊ ဘယ်လို Data ကို ရွေးရမလဲ၊ဘယ်လိုစဉ်းစားပြီး အဖြေရှာရမလဲဆိုတဲ့ Process ကို ကျောင်းသားတွေ သိသွားအောင် သင်ပေးနိုင်ဖို့လိုအပ်ပါတယ်။ဒီလို Teaching Strategies တွေကို ကျွမ်းကျင်လာပြီဆိုရင် GED Social Studies ရဲ့ Data Analysis Questions တွေကို ဆရာက အဖြေပြောပေးရတဲ့အဆင့်ကနေ ကျောင်းသားကိုယ်တိုင် အဖြေရှာနိုင်အောင် Guide လုပ်ပေးနိုင်တဲ့ ဆရာကောင်းတစ်ယောက် ဖြစ်လာမှာပါ။ 🔷GED Social Studies ကို Professional ကျကျသင်ကြားပြသပေးနိုင်ဖို့ August လ (၁၈) ရက်နေ့မှာ Saya Yolo ကိုယ်တိုင်သင်မဲ့ “How to teach GED Social Studies Batch (12)” ကို တက်ရောက်နိုင်ပါပြီ။ အတန်းအပ်ဖို့အတွက် comment မှာ “Social Studies” လို့ ရေးခဲ့ပေးပါခင်ဗျာ။ 🔷Teaching Agency အနေနဲ့ ဆရာ၊ ဆရာမတို့ရဲ့ သင်ကြားရေးခရီးစဉ်အတွက် အစဉ်အမြဲ ကူညီပံ့ပိုး ပေးလျက်ရှိနေပါတယ်။ ဆရာ၊ဆရာမများရဲ့ စွမ်းရည်ကိုမြှင့်တင်ပေးနိုင်ဖို့ သီးသန့်သင်တန်းများရယူလိုတဲ့ Private School, International School များအတွက်လည်း Coach Session and Cooperative Session များ ဆောင်ရွက်ပေးလျက်ရှိပါတယ်။

🔹 Teaching Agency အနေနဲ့ ဆရာ၊ဆရာမတို့ရဲ့ သင်ကြားရေးခရီးစဉ်အတွက် အစဉ်အမြဲ ကူညီပံ့ပိုးပေးလျက် ရှိနေပါတယ်။

Young Learners (YL) စာသင်ခန်းတွေမှာ Active Learning ဆိုတာ ကလေးတွေ ထိုင်ပြီး နားထောင်နေရုံမဟုတ်ဘဲ လှုပ်ရှား၊ ပြော၊ ဆော့၊ စဉ်းစား၊ ဖန်တီး ရတဲ့ သင်ယူမှုပုံစံပဲဖြစ်ပါတယ်။ အခုပြောပြမယ့်နည်းလမ်းတွေက ဆရာ၊ဆရာမတို့ရဲ့ YL စာသင်ခန်းကို အသက်ဝင်လှုပ်ရှားစေမှာပါခင်ဗျာ။ ၁. TPR (Total Physical Response) – ကိုယ်လက်လှုပ်ရှားပြီး သင်ခြင်း လူကြီးတွေထက် ကလေးတွေဟာ “လုပ်ရင်း သင်ယူ” တတ်သူတွေပါ။ ဒါကိုဘယ်လို သုံးမလဲ။ "Stand up, turn around, touch your nose, sit down!"စတဲ့လှုပ်ရှားခိုင်းပါ။ ဆရာကိုယ်တိုင်လည်း လုပ်ပါ။ စကားလုံးအသစ်သင်ရင် ကိုယ်ဟန်နဲ့ပြခိုင်းပါ ဥပမာ- "jump" ဆိုရင် ခုန်ခိုင်း၊ "happy" ဆိုရင် ရယ်ပြဟန်လုပ်ခိုင်းပါ။ ပုံပြင်ပြောရင်းလည်း သရုပ်ဆောင်ခိုင်းပါ။ "The cat is sleeping" ဆိုရင် အိပ်တဲ့ဟန်လုပ်ခိုင်းပါ။ ဥပမာ – Simon Says “Simon says touch the desk.” “Simon says run to the door.” (Simon မပြောရင် မလုပ်ရတာမျိုး) ဒါဆိုရင် ကလေးတွေ အာရုံစူးစိုက်ရင်း ပျော်ပျော်သင်ယူနိုင်လာမှာပဲဖြစ်ပါတယ်ခင်ဗျာ။ ------------ ၂. Learning Stations အတန်းကို ထောင့်သေးသေးလေး ၃-၄ ခု ခွဲလိုက်ပါ။ ကလေးတစ်စုစီက ထောင့်တစ်ခုစီမှာ ၅-၁၀ မိနစ်စာ လှုပ်ရှားမှုလုပ်ပြီး လှည့်ပတ်သွားလာနိုင်တဲ့ Learning station လေးတွေခွဲထားလိုက်တာမျိုးပါခင်ဗျာ။ ဥပမာ – "Animals" သင်ခန်းစာအတွက် ထောင့်လေးတွေကို ဘယ်လိုအသုံးချမလဲဆိုတာကို လေ့လာကြည့်ရအောင် Station 1 (Listening) – တိရစ္ဆာန်အသံဖမ်းထားတဲ့ ဖုန်း/တေ့ဘလက်၊ "What animal is this?" မေးခွန်းဖြေ။ Station 2 (Speaking) – တိရစ္ဆာန်မျက်နှာဖုံးစွပ်၊ တစ်ယောက်ကပြောပြီး တစ်ယောက်က ခန့်မှန်း – "I have four legs. I say moo. What am I?" Station 3 (Writing/Drawing) – "My favorite animal" ပုံဆွဲပြီး "It is big. It has four legs." စာတိုလေး ရေးခိုင်း။ Station 4 (Movement) – "Walk like a penguin, hop like a frog" လှုပ်ရှားမှုလေးတစ်ခုလို ဆိုတာမျိုး လှုပ်ရှားရင်း သင်ယူစရာ cornerလေးတွေ ဖန်တီးထားတာမျိုးပါခင်ဗျာ။ -------- ၃. Games-Based Learning (ကစားနည်းဖြင့် သင်ခြင်း) YL တွေအတွက် ကစားနည်းဟာ သဘာဝကျတဲ့ Active Learning ပါ။ ဒါပေမယ့် Learningဖြစ်အောင် ကစားနည်း ဘယ်လိုကစားမလဲ‌ဆိုတော့ သင်ယူရမယ့် Flashcard Race ကတ်ပြားလေးတွေကို အတန်းအစွန်မှာခင်းထား ဆရာက စကားလုံးပြော၊ ကလေးတွေ ပြေးသွားထိခိုင်းပါ။ Listeningအတွက် နားထောင်နိုင်မှု၊ အမြန်မှတ်မိနိုင်မှုကို လေ့ကျင့်ဖို့အတွက် Hot Seat လိုမျိုးဂိမ်းလေးတွေဆော့တာမျိုး၊ Board Race အုပ်စုနှစ်စုခွဲ ဘုတ်ပေါ်မှာ category တစ်ခုခု (e.g., fruits) ရေး၊ ပြေးတက်ရေးပြိုင်တာမျိုးကလည်း ဝေါဟာရအသစ်တွေကို မှတ်မိလွယ်စေပါတယ်။ ဂိမ်းနည်းတွေကတော့ အများကြီးကိုရှိတာမို့ YL Active Learning Gamesဆိုပြီး ထပ်မံလေ့လာရှာဖွေကြည့်နိုင်ပါတယ်ခင်ဗျာ။ ------ ၄. Pair Work & Group Work (တွဲဖက်/အုပ်စုလိုက် လုပ်ဆောင်ခြင်း) ကလေးတွေ အချင်းချင်း ပြောဆိုဆက်သွယ်ရတဲ့အခါ သင်ယူမှုက ပိုပြီးတက်ကြွလာပါတယ်ခင်ဗျာ။ ဘယ်လိုလုပ်ရမလဲဆိုတော့ Think-Pair-Share လိုမျိုး ဆရာက မေးခွန်းတစ်ခုမေး (e.g., "What color is the sky?") → ကလေးတစ်ယောက်ချင်း စဉ်းစား (Think) → တွဲဖက်ပြော (Pair) → အတန်းရှေ့မျှဝေ (Share)လုပ်ရတာမျိုးပေါ့ခင်ဗျာ။ Information Gap လိုမျိုး ကလေး A မှာ ပုံတစ်ဝက်၊ ကလေး B မှာ ကျန်တစ်ဝက်ပေးထားမယ်။ တစ်ယောက်က "ငါ့ပုံမှာ သစ်ပင်ရှိတယ်၊ မင်းပုံမှာ ဘာရှိလဲ" ဆိုပြီး မေးရင်း ဖြည့်စွက်ကြရပါတယ်။ ဒီလိုလေးတွေကလည်း ကလေးတွေအရမ်းပျော်ကြတယ့်ဂိမ်းလေးတွေ ဖြစ်ပါတယ်ခင်ဗျာ။ ------ ၅. Realia & Hands-on Activities (လက်တွေ့ပစ္စည်းများနှင့် ထိတွေ့လုပ်ဆောင်ခြင်း) ကတ်ပြားနဲ့ textbook တွေကိုပဲ မှီခိုမနေပါနဲ့ခင်ဗျာ။ အသီးအနှံသင်ရင် အသီးအစစ်တွေ ယူလာ apple, banana ကိုင်ခိုင်း၊ အနံ့ခံခိုင်း၊ အခွံခွာခိုင်းတာမျိုးလုပ်လို့ရပါသေးတယ်။ နောက်ထပ် "My family" သင်ရင် ဓာတ်ပုံတွေ ယူလာခိုင်း၊ အတန်းရှေ့မှာ "This is my mother" ဆိုပြီး မိတ်ဆက်ခိုင်းပါ။ အချိန်သင်တဲ့အခါ "Make a paper clock"၊ အိမ်အစိတ်အပိုင်းတွေသင်ရင် "Build a house with cardboard" စသဖြင့် Craft လေးတွေလုပ်ခိုင်းကြည့်ပါ။ အဓိကသတိပြုမိစေချင်တာကတော့ (Key Takeaways) ✅ ဆရာက စကားပြောနေရင် ကလေးတွေ Passive ဖြစ်နေပြီးတော့ ✅ ကလေးတွေ လှုပ်ရှားပြောဆိုနေရင် Active Learning ဖြစ်နေတယ်ဆိုတာကို သတိရပေးစေလိုပါတယ်ခင်ဗျာ။ ဒါ့ကြောင့် သင်ခန်းစာတိုင်းမှာ ကိုယ့်ကိုယ်ကို မေးပါ။ "ငါ့ကလေးတွေ ဒီသင်ခန်းစာမှာ ဘာတွေ လုပ်နေကြသလဲ။ ထိုင်နားထောင်နေတာလား။ ဒါမှမဟုတ် ပြေး၊ ခုန်၊ ပြော၊ ဆွဲ၊ဒီလိုနည်းလေးတွေနဲ့ ကစားရင်း သင်ယူနေကြတာလား"ဆိုတာကို အမြဲသုံးသပ်ကြည့်ပါခင်ဗျာ။ ဒုတိယနည်းလမ်းနဲ့ သင်ယူဖြစ်အောင် စီစဉ်နိုင်ရင်တော့ ဆရာတို့ ဆရာမတို့ဟာ YL Active Learning ရဲ့ ကျွမ်းကျင်ဆရာတစ်ယောက် ဖြစ်ကိုဖြစ်နေပြီဆိုတာကို ရဲရဲဝံ့ဝံ့ပြောပါရစေ။

❝ ကလေး စာအမြဲလုပ်နေတာကို ကြည့်ပြီး၊ စိတ်အေးနေတတ်တဲ့ မိဘတစ်ယောက်လား ❞ အိမ်က သမီးလေကလေ အိမ်မှာဆိုရင် ဖုန်းလည်းမကိုင်ဘူး၊ အပြင်လည်းမထွက်ဘူး၊ စာပွဲမှာပဲ အမြဲထိုင်ပြီး စာလုပ်နေတာဆိုပြီး၊ ကျေနပ်ပီတိဖြစ်နေမိတဲ့ ဖေဖေ၊ မေမေတွေ ရှိကြပါလိမ့်မယ်။ ကလေးက စာတော်တာ၊ ကြိုးစားတာက တကယ်တော့ ဂုဏ်ယူစရာပါ။ ဒါပေမဲ့ ကလေးတစ်ယောက် “စာအမြဲလုပ်နေတာ” က ရာနှုန်းပြည့် စိတ်ချရတဲ့ လက္ခဏာတစ်ခုတော့ မဟုတ်ပါဘူး။ ဖေဖေ၊ မေမေတို့အနေနဲ့ သတိထားကြည့်ပေးရမယ့် အချက် (၂) ချက် ရှိပါတယ်။ 💠 (၁) စာမလုပ်ရင် စိတ်မလုံခြုံတော့တဲ့ Burnout Stress ကို ခံစားနေရလို့လား။ တချို့ကလေးတွေက စာကို စိတ်ဝင်စားလို့ လုပ်တာမဟုတ်ဘဲ၊ စာမလုပ်ထားရင် အပြစ်တစ်ခုခု လုပ်ထားသလိုဖြစ်နေတဲ့ စိုးရိမ်စိတ်ကြောင့် စာအုပ်ကိုပဲ ကြည့်ပြီး၊ စာလုပ်နေတာမျိုး ဖြစ်နေတတ်ပါတယ်။ စာလုပ်နေတဲ့အချိန်မှာလည်း၊ ခေါင်းထဲ စာတကယ်မဝင်ဘဲ စိတ်ဖိစီးမှုတွေနဲ့ ရင်းပြီး ထိုင်နေရတာမျိုးပါ။ ဒီလိုအခြေအနေက ရေရှည်မှာ ကလေးကို စိတ်ပိုင်းဆိုင်ရာ ပင်ပန်းနွမ်းနယ်လာစေတဲ့ “Mental Burnout” အထိ ခံစားရစေနိုင်ပါတယ်။ 💠 (၂) မိဘရဲ့ မျှော်လင့်ချက်ဆိုတဲ့ ဝန်ထုပ်ကို ထမ်းထားရနေတာလား။ “ငါစာမလုပ်ရင် အဖေနဲ့အမေ စိတ်ပျက်သွားလိမ့်မယ်” ဆိုတဲ့ မိဘကို အမြဲကျေနပ်စေချင်တဲ့စိတ်၊ “People-Pleasing Mindset” ကြောင့် စာပွဲမှာပဲ အချိန်ကုန်နေရတာလားဆိုတာကို ဖေဖေ၊ မေမေတို့အနေနဲ့ စမ်းစစ်ကြည့်ဖို့လိုပါတယ်။ ကလေးရဲ့ ပျော်ရွှင်မှုထက် မိဘတွေဆီက အသိအမှတ်ပြုမှုကိုပဲ လိုက်ရှာနေရတဲ့အခါ၊ ကလေးရဲ့ သဘာဝအတိုင်း ပေါ့ပေါ့ပါးပါး၊ ပျော်ရွှင်ရမယ့် ကလေးဘဝလေး ပျောက်ကွယ်သွားနိုင်သလို၊ ရေရှည်မှာ စိတ်ပင်ပန်းနွမ်းနယ်မှုတွေကို ခံစားရနိုင်ပါတယ်။ “စာတော်တဲ့ကလေး” ဖြစ်ဖို့ထက် “ကျန်းမာပျော်ရွှင်၊ ထက်မြက်တဲ့ကလေး” ဖြစ်ဖို့က ပိုမိုအရေးကြီးပါတယ်။ စာလုပ်ချိန်၊ အနားယူချိန်နဲ့ အနားယူချိန်ကို စနစ်တကျ ခွဲခြားပေးနိုင်မှ ကလေးရဲ့စိတ် ရွှင်လန်းပြီး၊ ကလေးရဲ့ အနာဂတ်ကလည်း တောက်ပနေမှာ ဖြစ်ပါတယ်။ ဖေဖေ၊ မေမေတို့ရော ကလေး စာပဲအမြဲလုပ်နေတာကို ကြိုက်တဲ့ မိဘမျိုးလား။ ဒါမှမဟုတ် စာအုပ်ထဲကထွက်ပြီး အပြင်မှာ လွတ်လွတ်လပ်လပ် ဆော့ကစားတာမျိုးကို ပိုသဘောကျတဲ့ မိဘမျိုးလား။ ဖေဖေ၊ မေမေတို့ရဲ့ အမြင်နဲ့ အတွေ့အကြုံလေးတွေကို တခြားမိဘတွေလည်း ဖတ်ရှုနိုင်အောင်၊ comment မှာ မျှဝေဆွေးနွေးသွားကြပါဦးနော်။ ❝ ထိရောက်တဲ့သင်ကြားရေးရဖို့ TAstudents+ နဲ့ တစ်ဦးချင်းသင်စို့ ❞

📚 အလယ်တန်းဆင့် မြန်မာစာသင်ကြားနည်း သင်တန်းကို အပ်ပြီးကြပြီလား? 👩‍🏫👨‍🏫 ဆရာမှုးကိုယ်တိုင် သင်ကြားပေးမယ့် အလယ်တန်းဆင့် မြန်မာစာသင်ကြားနည်း သင်တန်း လေးကတော့ 📅 August 17 ရက်နေ့မှာ စတင်ဖွင့်လှစ်တော့မှာပါ။ 🎉 မြန်မာစာသင်ကြားရေးနဲ့ ပတ်သက်ပြီး ဗဟုသုတ၊ အတတ်ပညာတွေ ဖြည့်ဆည်းချင်တဲ့ ဆရာ၊ ဆရာမများအတွက် အခွင့်အရေးကောင်းတစ်ခု ဖြစ်ပါတယ်။ ✨📖 သင်တန်းအပ်ချင်တာဖြစ်ဖြစ်၊ သင်တန်းအကြောင်း အသေးစိတ်မေးမြန်းချင်တာဖြစ်ဖြစ် 💬 Comment မှာ “အလယ်တန်းမြန်မာစာ” လို့ ရေးခဲ့ပေးပါခင်ဗျာ။ ❤️👇

✨ မြန်မာစာသင်ကြားရေးမှာ ယုံကြည်မှုအပြည့်နဲ့ စာသင်ခန်းထဲ ဝင်ရောက်နိုင်ဖို့ ✨ မြန်မာစာဘာသာရပ်ကို သင်ကြားရတာ ထင်သလောက် မလွယ်ကူဘဲ ဘယ်လို နည်းစနစ်ကျကျ သင်ရမလဲဆိုတဲ့ စိန်ခေါ်မှုနဲ့ စိုးရိမ်စိတ်တွေ ဆရာ/မတိုင်းမှာ ရှိတတ်ကြပါတယ်။ ဒါပေမဲ့ Teaching Agency ရဲ့ "အလယ်တန်းဆင့် မြန်မာစာသင်ကြားနည်း (Batch 8)" တက်ရောက်အပြီးမှာတော့ ဆရာ/မတို့အတွက် ဘာသာရပ်ဆိုင်ရာ အသိပညာ ဗဟုသုတတွေ တိုးပွားရုံတင်မကဘဲ မြန်မာစာ သင်ရမှာကို ကြောက်နေတဲ့ စိတ်တွေပါ လုံးဝကင်းစင်သွားခဲ့ကြပါပြီ။ 💙 ဆရာမှူးရဲ့ စနစ်ကျပြီး အတွေ့အကြုံပြည့်ဝတဲ့ သင်ကြားပြသပေးမှုတွေကြောင့် ... 📍မြန်မာစာသင်ကြားရေးဆိုင်ရာနည်းစနစ်များကို စနစ်တကျ နားလည်လာခြင်း 📍စာသင်ခန်းထဲမှာ အထောက်အကူဖြစ်စေမဲ့ လက်တွေ့ကျတဲ့ ဗဟုသုတများ တိုးပွားလာခြင်း 📍အလယ်တန်းအဆင့် မြန်မာစာကို ယုံကြည်မှုအပြည့်ဖြင့် စိတ်အေးချမ်းစွာ သင်ကြားနိုင်လာခြင်း စတဲ့ ရလဒ်ကောင်းတွေကို အပြည့်အဝ ရရှိသွားကြပြီး နောက်ထပ် မြန်မာစာဆိုင်ရာ သင်တန်းတွေကိုပါ ထပ်မံတက်ရောက်ဖို့အထိ စိတ်ကျေနပ်မှု ရရှိခဲ့ကြပါတယ်။ ဆရာ/မတို့ရဲ့ ရင်တွင်းဖြစ် စကားသံလေးတွေ ဖတ်ရှုနိုင်ပါတယ်ခင်ဗျာ။ https://www.facebook.com/share/p/1JTzkuCiXM/ 📣 မြန်မာစာသင်ကြားရေး စွမ်းရည်ကို အဆင့်မြှင့်တင်ပြီး၊ စာသင်ခန်းထဲမှာ ယုံကြည်မှုအပြည့်နဲ့ သင်ကြားချင်တယ်ဆိုရင်တော့... မကြာခင် စတင်တော့မဲ့ "အလယ်တန်းဆင့် မြန်မာစာသင်ကြားနည်း (Batch 9)" အတွက် အချိန်မီအပ်နှံထားလိုက်ပါခင်ဗျာ။

အလယ်တန်း မြန်မာစာမှာ Formative Assessment ကို အလွယ်တကူဘယ်လိုအသုံးချမလဲ ________________ 🔷Assessment (သင်ယူမှုအကဲဖြတ်ခြင်း) ဆိုတာက စာမေးပွဲဖြေရုံသက်သက်ပဲ မဟုတ်ပါဘူး။ ကျောင်းသားက ကိုယ်သင်ပေးတဲ့သင်ခန်းစာကို ဘယ်လောက်နားလည်သလဲ၊ ဘယ်နေရာမှာ အခက်အခဲရှိသလဲ၊ ဆရာက ဘာထပ်သင်ပေးဖို့လိုသလဲဆိုတာကို သိနိုင်တဲ့ လုပ်ငန်းစဉ်တစ်ခုပဲ ဖြစ်ပါတယ်။ Assessment ကောင်းတစ်ခုကနေ ရလာတဲ့ ဒေတာအပေါ်အခြေခံပြီး ဆရာက သင်ကြားမှုကို ကောင်းကောင်းပြင်ဆင်နိုင်ပါတယ်။ ဒီနေ့မှာတော့ အလယ်တန်းဆင့်မြန်မာစာ စစ်ဆေးအကဲဖြတ်တာနဲ့ပတ်သက်ပြီး လေ့လာကြည့်ရအောင်ပါ။ ❓Formative Assessment ဆိုတာဘာလဲ။ Formative Assessment ဆိုတာ သင်ကြားနေစဉ်အတွင်း ကျောင်းသားရဲ့ သင်ယူမှုကို အဆက်မပြတ် စစ်ဆေးပြီး Feedback ပေးတဲ့ Assessment တစ်ခုဖြစ်ပါတယ်။ သူ့ရဲ့ရည်ရွယ်ချက်က အမှတ်ပေးဖို့မဟုတ်ဘဲ သင်ယူမှုတိုးတက်စေဖို့ပဲ ဖြစ်ပါတယ်။Summative Assessment (နှစ်ဝက်စာမေးပွဲ၊ အဆုံးသတ်စာမေးပွဲ) က “ဘာရလဒ်ရလဲ” ဆိုတာကိုတိုင်းတာာပြီး Formative Assessment က “ဘယ်လိုတိုးတက်အောင်လုပ်မလဲ” ကို အဓိကထားပါတယ်ခင်ဗျာ။ ⛔တကယ်လို့သာ Assessment ကောင်းကောင်းမလုပ်ဘူးဆိုရင် ဒီအခြေအနေတွေကို ကြုံတွေ့ရနိုင်ပါတယ်။ 🔹ကျောင်းသားနားလည်တယ်လို့ ထင်ပေမယ့် တကယ်နားမလည်တာ 🔹အမှားတွေကို အချိန်မီမပြင်နိုင်တာ 🔹အားနည်းတဲ့ ကျောင်းသားတွေ နောက်ကျကျန်ခဲ့တာ 🔹သင်ခန်းစာပြီးသွားပေမယ့် သင်ယူမှုမပြီးတာ 🔹စာမေးပွဲအချိန်မှ ပြဿနာတွေ ပေါ်လာတာ 🔹ဆရာရဲ့ သင်ကြားနည်းကိုလည်း တိုးတက်မလာတာတွေ ဖြစ်နိုင်ပါတယ်။ ✨Formative Assessment လုပ်ခြင်းအားဖြင့် ကျောင်းသားတစ်ဦးချင်းစီရဲ့လိုအပ်ချက်တွေကို မြင်တွေ့နိုင်ပြီး လိုအပ်တဲ့ကူညီမှုတွေ ပံ့ပိုးပေးနိုင်ပါတယ်။ ဉပမာ - ဆရာက Grade 7 စနစ်သစ်မြန်မာစာသင်ခန်းစာထဲက စာစီစာကုံးတစ်ပုဒ်ရေးနည်းကို သင်နေတယ်ဆိုပါစို့။ စာစီစာကုံးတစ်ပုဒ်ရဲ့ နိဒါန်း၊ စာကိုယ်၊ နိဂုံးတွေဘယ်လိုမျိုး ကျစ်ကျစ်လျစ်လျစ် လှလှပပရေးရတယ်ဆိုတာကို သင်ပေးပြီးတဲ့အခါမှာ လက်တွေ့စာစီစာကုံးတစ်ပုဒ်ကို ရေးဖို့စဉ်းစားစေခြင်းဖြင့် စစ်ဆေးနိုင်ပါတယ်။ စာစီစာကုံးခေါင်းစဉ်ကိုပေးပြီး မှတ်စုကြမ်း (Outlines) ကို တစ်ယောက်ချင်း ရေးခိုင်းနိုင်ပါတယ်။ သူတို့ရေးလာတာတွေကို ဆရာကမှတ်ချက် (feedback) ပေးလိုက်မယ်ဆိုရင် Formative နဲ့ စစ်ဆေးမှုတစ်ခုအောင်မြင်ပြီ ဖြစ်ပါတယ်။ 🔰နောက်တစ်ခုအနေနဲ့ Grade 6 မြန်မာစာထဲက “ပိတောက်မယ်” ကဗျာသင်တဲ့အခါမှာ ကျောင်းသားတစ်ယောက်ကို “ဒီကဗျာကို ဘယ်လိုနားလည်သလဲ”ဆိုတဲ့ အကြောင်းအရာ နားလည်မှုမေးခွန်းနဲ့ စစ်ဆေးနိုင်ပါတယ်။ ကျောင်းသားရဲ့ ပြန်ဖြေလာတဲ့အဖြေအပေါ်မှာမူတည်ပြီး feedback ကောင်းကောင်းပေးသင့်ပါတယ်။ ဒါဆိုရင်တော့ Formative ဆိုတာဘာလဲ၊ ဘယ်လိုအသုံးချမလဲဆိုတာကို ပိုပြီးသိရှိသွားလိမ့်မယ်လို့ မျှော်လင့်မိပါတယ်ခင်ဗျာ။ 📚မြန်မာစာဆရာတွေဆိုတာက ပညာဝမ်းစာအမြဲဖြည့်ပြီး သင်ကြားရေးကောင်း၊ အပြောအဟောကောင်းဖို့လည်း လိုအပ်ပါတယ်။ ဒါကြောင့် Teaching Agency ကနေ အလယ်တန်းဆင့်မြန်မာစာသင်ကြားပေးနေတဲ့ ဆရာ၊ဆရာမတို့အတွက် 📚 ”အလယ်တန်းဆင့်မြန်မာစာသင်ကြားနည်း (Batch 9)” 📚ကို ထပ်မံဖွင့်လှစ် ပေးလိုက်ပါပြီ။ ဒီသင်တန်းကိုတော့ သင်တန်းပေါင်းများစွာသင်ကြားပေးလာတဲ့ ဆရာမှုးတေဇကိုယ်တိုင် ဆွေးနွေးမျှဝေပေးသွားမှာပါ။ အခုပဲအတန်းအပ်ချင်တယ်ဆိုရင်တော့ “အလယ်တန်းမြန်မာစာ” လို့ ရေးခဲ့ပေးပါခင်ဗျာ။ 🔷Teaching Agency အနေနဲ့ ဆရာ၊ ဆရာမတို့ရဲ့ သင်ကြားရေးခရီးစဉ်အတွက် အစဉ်အမြဲ ကူညီပံ့ပိုး ပေးလျက်ရှိနေပါတယ်။ 🔷ဆရာ၊ဆရာမများရဲ့ စွမ်းရည်ကိုမြှင့်တင်ပေးနိုင်ဖို့ သီးသန့်သင်တန်းများရယူလိုတဲ့ Private School, International School များအတွက်လည်း Coach Session and Cooperative Session များ ဆောင်ရွက်ပေးလျက်ရှိပါတယ်။

AI သုံးတဲ့ဆရာက မသုံးတဲ့ ဆရာထက် ဘာတွေပိုသာနိုင်လဲ ▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️ ဆရာတစ်ယောက်ရဲ့ အချိန်နဲ့ စွမ်းအင်ကို အများဆုံး ကုန်ဆုံးစေတာက အတန်းထဲမှာ စာသင်ရတဲ့ အချိန်တွေမဟုတ်ပါဘူး။ အတန်းမစခင် ပြင်ဆင်ရတဲ့ Lesson plan ၊ Worksheets ၊ Activity အသစ်တွေ စဉ်းစားရတာနဲ့ ညဉ့်နက်တဲ့အထိ အဖြေလွှာစစ်ရတဲ့ ထပ်တလဲလဲလုပ်နေရတဲ့ အလုပ် (Repetitive Tasks) ကသာ ဆရာတွေကို လူရောစိတ်ပါ ပင်ပန်းနွမ်းနယ်စေတာပါ။ ခေတ်တွေပြောင်းလာတာနဲ့အမျှ ပညာရေးလောကမှာ Artificial Intelligence (AI) က အတော်လေး နေရာယူလာပါတယ်။ AI ကို မှန်ကန်စွာ အသုံးချတတ်တဲ့ ဆရာက အချိန်နဲ့ စွမ်းအင်ကို ပိုထိရောက်စွာ စီမံနိုင်ပြီး၊ သင်ကြားရေးမှာ အဓိက အကျိုးကျေးဇူး (၃) ခုကို ရရှိနိုင်ပါတယ်။ 🔷 Smart ကျကျ အလုပ်လုပ်နိုင်ခြင်း နေ့စဉ် ထပ်တလဲလဲလုပ်နေရတဲ့ ပုံမှန်အလုပ်တွေကို AI ဆီ စနစ်တကျ လွှဲပြောင်းပေးလိုက်ခြင်းအားဖြင့် ဆရာ့ရဲ့ ဝန်ထုပ်ဝန်ပိုးတွေကို သိသိသာသာ လျှော့ချနိုင်ပါတယ်။ 🔷 ပိုမိုကောင်းမွန်စွာ သင်ကြားနိုင်ခြင်း စာအုပ်ကြီးထဲကအတိုင်း ပျင်းစရာမဖြစ်ဘဲ ကျောင်းသားတွေ စိတ်ဝင်စားမဲ့ Interactive Activities တွေ၊ Games တွေ၊ ပညာပေးပုံပြင်တွေနဲ့ ဆွေးနွေးစရာ မေးခွန်းတွေကို AI ကို Brainstorming Partner အဖြစ်သုံးပြီး အတန်းကို ပျော်ရွှင်တက်ကြွစွာ သင်ကြား‌ပေးနိုင်ပါတယ်။ 🔷 ကျောင်းသားများအပေါ် အပြည့်အဝ အာရုံစိုက်နိုင်ခြင်း AI က ကူညီပေးလို့ ရလာတဲ့အချိန်ပိုတွေကို ကျောင်းသားတစ်ယောက်ချင်းစီရဲ့ လိုအပ်ချက်ကို နားထောင်ပေးတာ၊ ထိရောက်တဲ့ Feedback ပေးတာနဲ့ နွေးထွေးတဲ့ ဆက်ဆံရေး တည်ဆောက်တဲ့နေရာမှာ အကျိုးရှိရှိ ပြန်လည်အသုံးချနိုင်ပါတယ်။ AI ကို သုံးလိုက်လို့ ဆရာတစ်ယောက်ရဲ့ တာဝန်တွေ လျှော့ချလိုက်တာ မဟုတ်ဘဲ၊ ဆရာတစ်ယောက်အနေနဲ့ အရေးကြီးဆုံးဖြစ်တဲ့ကျောင်းသားတွေအတွက် အချိန်ပိုတွေ ဖန်တီးနိုင်သွားတာပဲ ဖြစ်ပါတယ်။ 💠 စာသင်ခန်းထဲမှာ AI ကို ဘယ်ကနေ စတင်အသုံးချရမလဲ မသိသေးတဲ့ ဆရာ၊ ဆရာမတွေအတွက် Teaching Agency ကနေ "Educational AI Tools for Teachers" ဆိုတဲ့ အတန်းလေးကို ဖွင့်လှစ်ပေးထားပါတယ်။ ဒီအတန်းမှာ ဆရာတို့အတွက် တကယ်လက်တွေ့ အသုံးဝင်မယ့် AI Tools အသုံးပြုနည်းတွေကို အခြေခံကနေ စနစ်တကျ လေ့လာသင်ယူနိုင်မှာ ဖြစ်ပါတယ်။ 📍 အတန်းနဲ့ ပတ်သက်တဲ့ အသေးစိတ်ကို သိချင်တယ်ဆိုရင်တော့ Comment မှာ“AI” လို့သာ ရေးခဲ့ပေးပါခင်ဗျာ။ 🔹 Teaching Agency အနေနဲ့ ဆရာ၊ ဆရာမတို့ရဲ့ သင်ကြားရေးခရီးစဉ်အတွက် အစဉ်အမြဲ ကူညီပံ့ပိုး ပေးလျက်ရှိနေပါတယ် 🔹

ကလေးနဲ့ မိဘကြားနံရံခြားသလို ဝေးမသွားစေဖို့ မိဘတိုင်း သိထားသင့်တဲ့ (၄) ချက် ======================= ကလေးတွေ ကြီးပြင်းလာတာနဲ့အမျှ တစ်ခါတရံ မိဘနဲ့ သားသမီးကြားမှာ နံရံတစ်ခုခြားထားသလို ဆက်ဆံရေးတွေ အေးစက်ကွာဟလာတာကို ကြုံဖူးကြမှာပါ။ “ငါ့ကလေးက ဘာလို့ ငါ့ကိုဘာမှမပြောတော့တာလဲ”၊ “ဘာလို့ စကားအကောင်းမပြောနိုင်တော့တာလဲ” ဆိုပြီး စိတ်ညစ်နေရတဲ့ မိဘတွေ အများကြီးရှိပါတယ်။ ကလေးတစ်ယောက်ရဲ့ နှလုံးသားတံခါးကို ဖွင့်နိုင်ဖို့ဆိုရင် အော်ဟစ်ဆူပူတာ၊ ရိုက်နှက်ဆုံးမတာတွေထက် သူတို့ရဲ့ ရင်တွင်းခံစားချက်နဲ့ စိတ်ပိုင်းဆိုင်ရာ ဖွံ့ဖြိုးမှုကို နားလည်ထားဖို့ လိုအပ်ပါတယ်ခင်ဗျာ။ ဒီနေ့မှာတော့ ကျွန်တော်တို့ TAကနေပြီး ကလေးနဲ့ ဆက်ဆံရေး အေးစက်မသွားဘဲ တစ်သက်လုံး နွေးထွေးတဲ့ သံယောဇဉ် တည်ဆောက်နိုင်မယ့် Child Psychology (ကလေးသူငယ် စိတ်ပညာ) အခြေခံ လျှို့ဝှက်ချက်တွေကို မျှဝေပေးလိုက်ပါတယ်။ 🟦 ၁။ “တက်ကြွစွာ နားထောင်ခြင်း” စွမ်းအား ကလေးတွေ မိဘနဲ့ စကားမပြောချင်တော့တဲ့ အဓိကအကြောင်းရင်းက သူတို့ပြောတာကို မိဘက တကယ်နားမထောင်ဘဲ ချက်ချင်း ဆုံးမဖို့ ဒါမှမဟုတ် အပြစ်တင်ဖို့ပဲ စောင့်နေတတ်ကြလို့ပါ။ စိတ်ပညာအရ ကလေးတွေဟာ သူတို့ရဲ့ ခံစားချက်ကို အသိအမှတ်ပြုခံရဖို့ အလွန် လိုလားကြပါတယ်ခင်ဗျာ။ ကျွန်တော်တို့ ဘယ်လိုလုပ်သင့်လဲ။ကလေးက ကျောင်းမှာ ဖြစ်လာတဲ့ကိစ္စတစ်ခုခု လာပြောပြတဲ့အခါ ဖုန်းကိုချ၊ အလုပ်ကိုခဏရပ်ပြီး ကလေးရဲ့ မျက်လုံးကို သေချာကြည့်ပြီး နားထောင်ပေးပါ။ "ဪ... ဟုတ်လား၊ သား/သမီး အဲဒီတုန်းက တော်တော် ဝမ်းနည်းသွားမှာပဲနော်" မဟုတ်ရင် "ဒီကိစ္စက သားကို တော်တော် စိတ်ဆိုးစေတာပဲ" စသဖြင့် သူတို့ရဲ့ ခံစားချက်ကို ကိုယ်ချင်းစာကြောင်း အရင်ဆုံး ထုတ်ဖော်ပြသပေးပါ။ ပြီးမှ ဖြေရှင်းနည်းကို အတူတူရှာဖွေပါ။ 🟦 ၂။ နေ့စဉ် (၁၅) မိနစ် အနှောင့်အယှက်မဲ့ အချိန် Child Psychology အရ ကလေးတစ်ယောက်ရဲ့ စိတ်ပိုင်းဆိုင်ရာ လုံခြုံမှု (Emotional Security) အတွက် အရေအတွက်ထက် အရည်အသွေးက ပိုအရေးကြီးပါတယ်ခင်ဗျာ။ တစ်နေ့ကို အနည်းဆုံး ၁၅ မိနစ်ခန့် ဖုန်း၊ တီဗီ၊ အလုပ်ကိစ္စအားလုံးကို ဘေးဖယ်ထားပြီး ကလေးတစ်ယောက်တည်းအတွက်ပဲ အချိန်ပေးပါ။ ကလေးလုပ်ချင်တဲ့ ကစားနည်းကို အတူတူကစားတာ၊ ပုံပြင်ပြောတာ ဒါမှမဟုတ် သူစိတ်ဝင်စားတဲ့ အကြောင်းအရာတွေကိုပဲ ဇောက်ချပြီး အတူတူလုပ်ဆောင်ပါ။ ဒီအချိန်လေးက ကလေးကို "ငါ့မိဘတွေက ငါ့ကို တကယ်တန်ဖိုးထားတာပဲ" ဆိုတဲ့ စိတ်ပိုင်းဆိုင်ရာ ဖြည့်ဆည်းမှုကို ပေးစွမ်းနိုင်ပါတယ်ခင်ဗျာ။ 🟦၃။ အပြုအမူထက် ခံစားချက်ကို ခွဲခြားနားလည်ပေးခြင်း (Validate Emotion, Limit Behavior) ကလေးတွေဂျီကျတာ၊ စိတ်ဆိုးပြီး ပစ္စည်းတွေ ပစ်ပေါက်တာဟာ သူတို့ရဲ့ ရင်တွင်းခံစားချက် (ဥပမာ- မနာလိုတာ၊ စိတ်ပျက်တာ၊ ပင်ပန်းတာ) ကို စကားလုံးနဲ့ သေချာမဖော်ပြတတ်လို့ ဖြစ်ပါတယ်။ အကြံပြုချင်တာက ကလေးရဲ့ "ဒေါသဖြစ်တဲ့ ခံစားချက်" ကို လက်ခံပေးပါ။ ဒါပေမဲ့ "ပစ္စည်းပစ်ပေါက်တဲ့ အပြုအမူ" ကိုတော့ စနစ်တကျ တားမြစ်ရပါမယ်ခင်ဗျာ။ "မငိုနဲ့၊ ဂျီမကျနဲ့" လို့ အော်မယ့်အစား "သား စိတ်ဆိုးနေတာကို မေမေ/ဖေဖေ နားလည်ပါတယ်။ ဒါပေမဲ့ ပစ္စည်းတွေ ပစ်ပေါက်လို့တော့မရဘူး။ စိတ်တည်ငြိမ်သွားမှ အတူတူ စကားပြောရအောင်" ဆိုပြီး ကလေးကို စိတ်တည်ငြိမ်အောင် အရင်လုပ်ပေးပါ။ 🟦၄။ ကလေးရဲ့ ကိုယ်ပိုင်လွတ်လပ်ခွင့်ကို လေးစားပါ ကလေးတွေ အသက်ကြီးလာတာနဲ့အမျှ (အထူးသဖြင့် Pre-teen နဲ့ Teenager အရွယ်တွေမှာ) သူတို့ရဲ့ ကိုယ်ပိုင်နေရာ နဲ့ လွတ်လပ်ခွင့်ကို လိုချင်လာကြပါတယ်။ ဒါကို မိဘက လိုက်လံချုပ်ချယ်ပြီး စစ်ဆေးလွန်းရင် ဆက်ဆံရေးက ချက်ချင်း အေးစက်ဝေးကွာသွားတတ်ပါတယ်။ သူတို့အခန်းထဲမဝင်ခင် တံခါးခေါက်တာ၊ သူတို့ရဲ့ ကိုယ်ပိုင်ပစ္စည်းတွေကို ခွင့်ပြုချက်မရှိဘဲ မွှေနှောက်မကြည့်တာမျိုးက ကလေးကို လေးစားရာရောက်ပါတယ်။ ရလဒ်အနေနဲ့ကတော့ မိဘက မိမိအပေါ် ယုံကြည်မှုနဲ့ လေးစားမှုပေးတယ်လို့ ခံစားရတဲ့ ကလေးဟာ မိဘကို ပြန်ပြီး လျှို့ဝှက်ထားလေ့မရှိဘဲ ပွင့်ပွင့်လင်းလင်း တိုင်ပင်လာတတ်ပါတယ်ခင်ဗျာ။ ကလေးနဲ့ ဆက်ဆံရေးဆိုတာ အပင်စိုက်ရသလိုပါပဲ။ စိတ်ပညာသဘောအရ ကလေးတွေဟာ သူတို့ကို နားလည်ပေးတဲ့၊ လုံခြုံမှုပေးနိုင်တဲ့သူဆီကိုပဲ အမြဲတမ်း ခြေဦးလှည့်တတ်ကြပါတယ်။ ဒါကြောင့် ဆူပူအပြစ်တင်ခြင်း အလျင်မလိုဘဲ သူတို့ရဲ့ ကမ္ဘာလေးထဲကို စာနာစိတ်နဲ့ ဝင်ရောက်နားထောင်ပေးဖို့ အမြဲတမ်း ကြိုးစားကြည့်ကြပါစို့ ခင်ဗျာ။

ကလေးက IGCSE ဘာသာရပ် (၆) ခု ဖြေပြီး အမှတ်ကောင်းရထားပေမဲ့၊ တက္ကသိုလ်ဝင်ခွင့် လျှောက်တဲ့အခါ "လျှောက်ထားခွင့်မရှိပါ" ဆိုပြီး ငြင်းပယ်ခံလိုက်ရရင် ဘာလုပ်မလဲ။ ဒီလိုအခြေအနေမျိုးက ကလေးအပါအဝင် ဘယ်မိဘကမှ မကြုံချင်ပေမဲ့၊ လက်တွေ့မှာ သတိထားမိရင်၊ ကြုံတွေ့ရတတ်တဲ့ အိပ်မက်ဆိုးတစ်ခုပါ။ IGCSE ဘာသာရပ်ရွေးချယ်မှုမှာ အမှားသေးသေးလေးတစ်ခု စလုပ်မိလိုက်တာနဲ့ ကလေးရဲ့ အနာဂတ်တက္ကသိုလ် လမ်းကြောင်းတစ်ခုလုံး ပိတ်သွားနိုင်ပါတာမို့၊ ဖေဖေ၊ မေမေတို့ သတိထားဖြစ်အောင် မျှဝေပေးသွားပါမယ်။ 💠 မိဘနဲ့ကျောင်းသားအများစု မှားယွင်းတတ်တဲ့ ဘာသာရပ်ရွေးချယ်မှုပုံစံဆိုတာ ဘာလဲ။ IGCSE ဘာသာရပ်ရွေးချယ်မှုနဲ့ပတ်သက်ပြီး၊ ကျောင်းသားတော်တော်များများနဲ့ မိဘအများစုက ကလေးသွားချင်တဲ့ လိုင်းနဲ့ သက်ဆိုင်တဲ့ ဘာသာရပ်တွေအစား၊ ကလေးအတွက် အမှတ်ရလွယ်တဲ့ ဘာသာရပ်တွေကို ပြောင်းရွေးလိုက်မိတာကြောင့်၊ Core subjects တွေကို စုံလင်အောင် မယူခဲ့မိခြင်းပါ။ ကလေးက အနာဂတ်မှာ၊ ဆေးပညာမေဂျာတွေကို တက်ချင်ပေမဲ့၊ IGCSE Biology တစ်ခုတည်းယူပြီး၊ ဆေးကျောင်းသားတွေ မဖြစ်မနေ ယူသင့်တဲ့ IGCSE Chemistry ကို ချန်ခဲ့တာမျိုး ဖြစ်ပါတယ်။ 💠 ဘာသာရပ် ရွေးချယ်မှု မှားတဲ့အခါ ဘယ်လိုနောက်ဆက်တွဲတွေနဲ့ ကြုံရလဲ။ (၁) A-Level/Foundation တက်ရောက်ခွင့် လမ်းကြောင်းများ ပိတ်သွားခြင်း IGCSE ဆိုတာ တက္ကသိုလ်မဝင်ခင်၊ တက်ရမည့် Pre-University (A-Level နဲ့ University Foundation Program) တွေဆီ သွားဖို့ ပေါင်းကူးတံတားတစ်ခု ဖြစ်ပါတယ်။ ❒ IGCSE ဘာသာရပ် ရွေးချယ်မှု မှားတာနဲ့ အဲ့ဒီ တံခါးပေါက် အလိုလို ပိတ်သွားမှာ ဖြစ်ပါတယ်။ IGCSE မှာ Math (Extended Level) အမှတ်မရှိရင်၊ A-Level Maths ယူခွင့်မရသလို၊ A-Level Maths မပါရင်၊ Data Science, Computer Science နဲ့ Engineering စတဲ့ တက္ကသိုလ် လျှောက်ခွင့် ရတော့မှာ မဟုတ်ပါဘူး။ ❒ ဒါ့အပြင် တက္ကသိုလ်တွေနဲ့ ကောလိပ်အများစုမှာ “Prerequisites” မဖြစ်မနေ အခြေခံပါရမဲ့ ဘာသာရပ်ဆိုတဲ့ စည်းမျဉ်းသတ်မှတ်ချက် ရှိကြပါတယ်။ ဒီလို သတ်မှတ်ထားတဲ့ ဘာသာရပ်တွေကို မရွေးမိ၊ မသင်မိဘဲ၊ IGCSE ဘာသာရပ် ရွေးချယ်မှု မှားယွင်းသွားတဲ့အခါ၊ တက္ကသိုလ်မတက်ခင် တက်ရမဲ့ သက်ဆိုင်ရာ မေဂျာအလိုက် Foundation တန်းတွေကို တခြား ဘာသာရပ်တွေ အမှတ် ဘယ်လောက်ကောင်းကောင်း လျှောက်ခွင့်မရတော့ပါဘူး။ (၂) အချိန်နှစ်ချီ ပိုကုန်ခြင်း တက္ကသိုလ် လျှောက်ခါနီးမှ ကလေးလျှောက်ချင်တဲ့ မေဂျာအတွက် မဖြစ်မနေ ပါရမယ့် IGCSE ဘာသာရပ် ကျန်ခဲ့မှန်း သိလိုက်ရတဲ့အခါ၊ မပါခဲ့တဲ့ ဘာသာရပ်ကို ပြည့်အောင် ဖြည့်ဖို့၊ IGCSE စာမေးပွဲကို ပြန်လည်ဖြေဆိုရပါတော့တယ်။ တခြားသူငယ်ချင်းတွေ တက္ကသိုလ်တက်နေချိန်မှာ၊ ကိုယ့်ကလေးကတော့ IGCSE ဘာသာရပ်တစ်ခုတည်းကို (၁) နှစ်ကနေ (၂) နှစ်အထိ ပြန်လည်သင်ယူပြီး၊ စာမေးပွဲပြန်ဖြေနေရတာကြောင့် အတန်းဖော်တွေထက် နောက်ကျကျန်ခဲ့မှာ ဖြစ်ပါတယ်။ (၃) ငွေကြေး နှစ်ထပ်ကွမ်း ပိုမိုကုန်ကျခြင်း IGCSE အတန်းတက်ရောက်ဖို့ ကျောင်းလခ၊ ကျူရှင်ခနဲ့ Exam Fees ပမာဏတွေက တရိပ်ရိပ်တက်နေတာမို့ နည်းလွန်းတဲ့ ပမာဏ မဟုတ်ပါဘူး။ ဘာသာရပ် မှားယူမိသွားတဲ့အခါ၊ မလိုအပ်တဲ့ ဘာသာရပ်တွေအတွက် ကုန်ခဲ့ရတဲ့စရိတ်အပြင်၊ လိုအပ်တဲ့ ဘာသာရပ်ကို ပြန်လည်ဖြေဆိုဖို့အတွက် ကျောင်းလခ၊ ကျူရှင်ခနဲ့ Exam Fees တွေပါ ထပ်မံ ကုန်ကျရတော့မှာ ဖြစ်ပါတယ်။ 💠 အခုဆိုရင်တော့၊ IGCSE ဘာသာရပ်ရွေးချယ်မှုကို ပိုပြီး သတိထားဆုံးဖြတ်ဖြစ်လာမယ်လို့ ယုံကြည်ပါတယ်။ တကယ်လို့ မေမေ့ကလေးဝါသနာပါရာ လမ်းကြောင်းအလိုက်၊ လေ့လာထားရမယ့် IGCSE ဘာသာရပ်တွေကို One On One သင်ယူချင်တယ်ဆိုရင်၊ TAstudents+ တစ်နေတည်းမှာ စုံစုံလင်လင်၊ စိတ်ချလက်ချ သင်ယူနိုင်ပါပြီခင်ဗျာ။ Page Chatbox မှ တိုက်ရိုက်ဆက်သွယ်ရန် - http://m.me/tastudents.official TELEGRAM @tafinancedepartment Viber +66947717570 မြန်မာနိုင်ငံမှ တိုက်ရိုက်ဆက်သွယ်ရန် - 📞 09 762 012 599 🇹🇭 ထိုင်းနိုင်ငံရောက် မိဘများအတွက် - 📞 082 496 5216 (ထိုင်းနိုင်ငံတွင်းမှ တိုက်ရိုက်ခေါ်ဆိုရန်) 📞 +66 82 496 5216 (Viber / International Call) ❝ ထိရောက်တဲ့သင်ကြားရေးရဖို့ TAstudents+ နဲ့ တစ်ဦးချင်းသင်စို့ ❞