طلبة ذوي شهداء العراق/علي العراقي

اكو طلاب هالسنة عدهم شهيد في وزارة الشهداء و المؤنفلين في اقليم كوردستان و يريدون يقدمون كليات او معاهد حتى يحصلون امتياز الـ5 درجات و الـ 7 درجات ؟ وهمه خريجين مدارس تابعة لبغداد هنا الفئة مالتكم نشملت جديد بامتيازات قانون مؤسسة الشهداء بأخر سنتين ف كل الي عليكم ومن هسه قبل لا ينفتح التقديم تروحون الى اربيل على (وزارة شؤون الشهداء والمؤنفلين) مكانها داخل اربيل بشارع 30 قرب جسر سيداوة و تاخذون منهم تأييد استشهاد بأسم الشهيد مالتكم معنون الى مؤسسة الشهداء المركزية/بغداد و تودون التأييد لبغداد حتى شهيدكم يسجلونة و يعممونة على كافة المديريات الي بالمحافظات حتى من يبدي التقديم يكون اسم شهيدكم جاهز و بس تقدمون لذلك ابدوا من هسه ب الي كلت الكم عليه ضروري حتى تحصلون امتيازكم اسوة بباقي فئات الشهداء علقوا حتى نعرف اذا اكو احد من هاي الفئة بهذا المنشور https://www.facebook.com/share/p/1QSJ6auQDM/

تعالوا طلاب اسمعوا كلام استاذ حيدر الشريفي مدير مديرية الشؤون التعليمية و الثقافية المركزية بمؤسسة الشهداء الرئيسية و الكلام يوضح الكم بي عن امتيازكم بالكليات الحكومية و الاهلية الي راح يقدمون هاي السنة على الكليات او المعاهد وامتياز الدرجات الـ 5 و الـ 7 و الـ 8

ذوي الشهداء تم فتح التقديم لكم على كلية الشرطة دورة 73 والتقديم لمدة اسبوع رابط التقديم https://app-rcrt.moi.gov.iq/ العمر لازم عمرك من 18 سنة الى 22 سنة واذا تقدم على كلية الشرطة الي ببغداد لازم تكون خريج هاي السنة الدور الاول حصرا بس اذا تقدم على كلية الشرطة الثانية الي بالبصرة مشمولين خريجين سنة 2024 و سنة 2025 وسنة 2026 و ذوي الشهداء الكم امتياز مقاعد تتنافسون بينكم عليهن للمؤسسة ما يحتاج تروح حاليا قدم بس بالنت و اختار فئة شهيدك و من يطلع اسمك راجع المؤسسة ينطوك كتاب تأييد استشهاد و كل واحد يختار فئة الشهيد مالته كما موضحها الكم

الامانة العامة لمجلس الوزراء بهذا الاعمام توجه بإيقاف احتساب الشهادة الدراسية لذوي الشهداء و مستندين بهذا الشي على قرار مجلس الوزراء رقم 11 لسنة 2026 الذي اوقف احتساب الشهادة للموظفين في حكومة تصريف اعمال ، طبعا للاسف على هذا الشي لان الكل يعرف انه ذوي الشهداء مشمولين بقوانين العدالة الانتقالية و لديهم قوانين خاصة بهم و ابرز المادة القانونية هي احتساب الشهادة لذوي الشهداء استثناءً من القوانين النافذة و منها الاستثناء من العدم ممانعة و احتساب شهادة المطابق + المغاير ، لكن قرار يلغي مادة قانونية عجيب ! و كلنا نعرف قانون ذوي الشهداء اعلى من قرار مجلس الوزراء رقم 11 لسنة 2026 لكن منو يسمع و كل الاسف اصبحت قوانين ذوي الشهداء معطلة و القانون اصبح حبر على ورق ! وهذا الشي يقع على مسؤولية كل شخص او جهة حكومية يهمها حقوق ذوي الشهداء اين دورهم من هكذا قرارات ! و لازم التحرك في محكمة قضاء الموظفين لالغاء هكذا قرارات تعطل حقوق ذوي الشهداء المرتبطة بقوانين العدالة الانتقالية ، و نتأمل من مؤسسة الشهداء الوقوف مع ذوي الشهداء في هذه القرارات التي تعيق تطبيق القانون

بخصوص تقديم المعهد العالي لخريجين الكليات دائرة الرعاية العلمية بالمؤسسة نشرت انه الي يريد يقدم يراجعنا ننطي كتاب ترشيح لغرض التقديم ف اوضح الكم انه كتاب الترشيح ما ينرفق بإستمارة التقديم على المعهد العالي والي سوا خلي يحتفظ بي بالبيت من يطلع اسمه بالمقابلة خلي يودي و استمارة التقديم مابيها ارفاق مستند بس تختار فئة شهيدك و ترسل الاستمارة ف الافضل ما يحتاج تروحون للمؤسسة تسوون هذا الكتاب حاليا ما مطلوب و بس خلي يقدم بالنت و في حال نقبل و طلع اسمه بالمقابلة خلي يروح للمؤسسة يسوي الكتاب هيج احسن و افضل اله لان ليش اتعب نفسك و تروح للمؤسسة و بالاخير اسمك ما يطلع ف كلشي ما راح تستفاد

ذوي الشهداء تم فتح التقديم على معهد دورة ضباط وزارة الداخلية دورة 32 و التقديم للولد و البنات رابط التقديم https://app-rcrt.moi.gov.iq/Officer/apply/start و ذوي الشهداء امتيازكم نسبة مقاعد في القبول و حاليا تأييد استشهاد من المؤسسة ما يحتاج بس قدموا بالاستمارة بهذا الرابط و اختاروا فئة شهيدكم و من يطلع اسمكم بالقبول يلا روحوا للمؤسسة سوو تأييد استشهاد ومدة التقديم لغاية 8/12 و الاقسام المطلوبة نشرتها الكم بالصور ايضا وفئة الشهيد موضحها الكم باول صورة شنو تختارون

طلاب ذوي الشهداء الي نجحوا هالسنة و جابوا المعدل الاصلي بدون درجات الشهيد 95 فما فوق انتم ان شاء الله كلكم مقبولين طب عام بنسبة 100% ، بس بشرط يكون تقديمكم للانسيابية صحيح ! يعني من ينفتح التقديم شهر التاسع ترتبون استمارة التقديم بشكل مضبوط وتقدمون بس على قناة الشهداء المركزية و لا تقدمون على القناة العامة ! ، و الانسيابية تختارون بيها 50 اختيار 40 كلية و 10 معاهد ، و شرط تختارون اول 26 اختيار طب عام لان بالعراق عدنا 26 كلية طب عام حكومي تخلونهن كلهن بالانسيابية بالبداية قبل الاسنان و الصيدلة و ان شاء الله يطلع الكم احد اختيارات الطب ، بالنسبة لجماعة معدل 94.14 لحد 95 ايضا انتم هم رتبوا الانسيابية نفس جماعة معدل ال 95 فما فوق بلكي تنزل معدلات شي و معدل 94.57 نقبلوا طب عام للسنة الي قبلكم ، من يبدي التقديم ابلغكم و انشر الكم تعليمات التقديم والتقديم يبدي 2026/9/1

طلبة ذوي الشهداء درجة الدور الاول ايضا تنضاف الكم على المعدل و كذلك الفرنسي هم تنضاف الكم و الكم امتياز درجات ذوي الشهداء ايضا الـ 5 درجات و الـ 7 درجات

وزارة التعليم تعلن عن الموافقة على تدوير مقاعد الدراسات العليا لذوي الشهداء بين الجامعات يبدأ التقديم على التدوير يوم الاحد 2026/9/8 و ينتهي يوم الخميس 2026/8/13 و القبول يكون لاعلى معدل تفاضلي والاستثناء من شرط النجاح في التنافسي يعني جامعة مالتك قبطت مقاعد ذوي الشهداء واكو جامعة ثانية باقي بيها مقاعد ما مقبطة تكدر تروح لكليتك الاصلية و تقدم على التدوير وتنقبل ولازم نفس القسم و التخصص بي شاغر بالجامعة المراد التدوير لها

بخصوص السادس الاعدادي و كذلك باقي التقديمات لكثرة الاستفسار عن الحفيد مشمول بالدرجات ال7 او ال5 او غير امتياز لو لا ف اوضح الكم 1- فئة شهداء النظام البائد / الحفيد مشمول 2- فئة شهداء الحشـد الشعبي / الحفيد مشمول 2- فئة شهداء الكورد المؤنفلين المسجلين في اقليم كوردستان / الحفيد مشمول 3- فئة شهداء ضحايا الارهاب بكافة صنوفهم / الحفيد غير مشمول و ليس لديه اي امتياز و لا اي درجة او تخفيض من القسط او اي شي اخر ولا يحقله يقدم على اي شي من مؤسسة الشهداء لذلك اقتضى التنويه حتى كل حفيد يعرف موقفة

طلاب وطالبات السادس الاعدادي ذوي الشهداء الي استلموا نتائج اليوم طمنونا ان شاء الله معدلاتكم زينه ؟ و الف مبارك للناجحين و كل التوفيق للمؤجلين 🌷🌷 ، ان شاء الله من يبدي التقديم على الجامعات بشهر العاشر راح اكون وياكم و ارشدكم للتقديم الصحيح ، و انتم عدكم امتياز درجات على المعدل 5 درجات للمجموعة الطبية طب عام و طب اسنان و صيدلة و 7 درجات لباقي الكليات والمعاهد و الدرجات يكونن فارق قبول وليس اضافة على المعدل يعني الدرجات ما ينكتبن على المعدل، هذا المنشور https://www.facebook.com/share/p/1DuiSHmefj/

لكثرة الاستفسارات اختار يا فئة بمعهد مفوضية الشرطة وضحتها الكم مقابل كل فئة شرحها و كذلك من تختار فئة شهيدك يطلع الك حقل درجة القرابة اذا مثلا الشهيد والدك تختار بالحقل (ابن) واذا الشهيد جدك وانت حفيد تختار حفيد و ما يحتاج تراجع المؤسسة حاليا ما مطلوب تأييد استشهاد لان الاستمارة مابيها مرفق طلب مستند بس قدم هسه و من يطلع اسمك ودي تأييد استشهاد اذا شهيدك مثلا شرطي او جيش وانت ابنه و ابوك استشهد بحرب داعش اختار ثاني فئة الي هي شهداء عمليات التحرير افضل الك بالقبول لان كل اختيار بالقائمة المنسدلة الة نسبة من القبول ف تزيد فرصة قبولك ومنافسين ماعندك هواي