✨TARIQ|طارق✨

٨/٨✨♥️

عن النبي (صلى الله عليه وآله): (لا تنال شَفَاعَتِي مَنِ اسْتَخْفُ بِصَلَاتِهِ)

https://almojib.com/l/cD12gj

عن الإمام الصادق (عليه السلام) أنّه قال: (امْتَحِنُوا شِيعَتَنَا عِنْدَ ثَلَاثٍ: عِنْدَ مَوَاقِيتِ الصَّلَاةِ، كَيْفَ مُحَافَظَتُهُمْ عَلَيْهَا؟ وَعِنْدَ أَسْرَارِهِمْ، كَيْفَ حِفْظُهُمْ لَهَا عِنْدَ عَدُوِّنَا؟ وَإِلَى أَمْوَالِهِمْ،كَيْفَ مُوَاسَاتُهُمْ لِإِخْوَانِهِمْ فِيهَا؟) [١]. كما ورد عنه (عليه السلام): (إِنَّ شَفَاعَتَنَا لَا تَنَالُ‏ مُسْتَخِفّاً بِالصَّلَاةِ) [٢].

للتقديم اضغط هنا

⁨ ✨ مؤتمر مسمار الخامس في محافظة البصرة🔬 مسمار … جيلٌ يبحث ويبتكر -مستعد تكون جزء من مؤتمر علمي متميز 🔭؟ - عندك مواهب مثل الرسم، العزف، التصوير أو غيرها وتحب تظهرها🎨؟ - تدور على فرصة تطوع تضيف قوة وخبرة لسيرتك الذاتية📄؟ لا تفوّت الفرصة انفتحت استمارة التقديم للمشاركة في مؤتمر مسمار العلمي في البصرة❕ 📌اقسام التقديم: 👨‍🔬-باحث شروط البحث: 1- ان يكون وقت البحث بحدود 10-15 دقيقة 2- يكون البحث باللغة الانكليزية مع امكانية اشراك اللغة العربية لغرض ايصال الفكرة الرئيسية للحضور 3- ان يكون الموضوع علمي و يجذب الحضور 4- ان يحتوي البحث على مصادر تُعرض في نهاية البحث 5- لا يمكن للباحث المشاركة كمنظم والعكس كذلك لضمان استفادة اكبر عدد من الطلاب 👨‍🎨-موهوب تشمل جميع انواع المواهب بشرط توافر مقطع فيديو يوضح الموهبة و يرفق مع التقديم 👨‍💻-منظم اقسام التنظيم: الاستقبال الضيافة تنظيم القاعة تنظيم البازار القسم الاعلامي (Media) 📍مكان المؤتمر: المركز الثقافي النفطي 🗓️ موعد المؤتمر: الجمعة 25/9/2026 🕔 الساعة 4:00 عصرا ⏳اخر موعد للتقديم : الخميس 27/8/2026

احب ابتسامتي 💛✨ و قبل كم يوم احد قال انه يحب ابتسامتي هم وهالشي فرحني هم ✨♥️

فكرت انو شنو اللي اختلف؟ هواي اختلف ، الهموم زادت ، ما اعتقد جنت افكر او يشغل تفكيري شي من الاشياء اللي افكر بيها هسه ، جنت طاب بحماس لكلية الهندسة ... هيه الهندسة طفتني مدري انا طفيت 🤣... بس النا عودة أن شاء الله

شگد چنت مُبتهج و اشع طاقة !💛✨

شفت الصور بملفات جهازي المؤقتة ، و ابتسمت من شفتهم ، ذكرتني بمشاعر المرحلة الأولى، وصح دقة الصور مو حلوة و حتى الصور هيج كلش عفوية و ملتقطيها على السريع بس ما ادري اجاني شعور يگلي دزهن هنا علمود يتم الاحتفاظ بيها لزمن بعيد ، عندي احساس انو بعد ٢٠ سنة من اشوف الصورة راح امتن لروحي وراح اشتاق لمشاعر الصورة

هذا الأقتباس الي جان ببالي وأني أكتب(إن جل ما تحتاجه أن تغير نفسك، على أمل أن يفعل ذلك الكثيرون، فيتغير العالم دفعة واحدة )♥️ أتوقع بتول جانت ناشرته ماذكر بالضبط لأن لگيته منسوخ،عموماً شكراً للشخص الي نشره لأن لمسني بوقتها♥️

أتمنى حاضرنا ومستقبلنا يبدي يغار من ماضينا.. ويمكن صدك أذا كلنا حاولنا نتغير كل واحد من مكانه حيبدي يبيّن تغيير.. مثل ثورة تشرين،لكن بدون أندفاعها العاطفي والشبه أعمى تجاه التغيير.. -أقصد التغيير الي يبلش من منذب زبالة بالشارع لأن هذا نفس الشارع الي نتحسر من نشوفه نظيف بغير دول التغيير الي يبلش من نلتزم بأحترام أبو المرور وأهل السيطرات والشرطة.. من نلتزم بالسرا..من ننظف ورانا من نگعد بمكان عام وعادي نشيل الوصخ أذا شفناها بطريقنا حتى لو مو أحنا ذابيها .. من نبطل نخرب الأماكن السياحية والحياطين الي بالشوارع بخرابيط يوزرات الأنستا وأحبج سارة.. هالتغيير الي يبلش من نبطّل نشتكي ونحاول نسوي أفعال صغيرة ، كلنا وبشكل يومي مو مؤقت وبأخلاص ، هو التغيير الي حيخلق تأثير وهالتأثير ورغم بساطته حيكون فارق♥️🌱.

هالشايب روحه خضرة ويضحكني 🤣

والله ضحكني 🤣

على طاري الدراسة مساع اخوي الصغير بالابتدائية سمعته يقول: اتمنا اصير وزير التربية ؟ قلت له ليش ؟ يقلي علمود احذف المناهج خاصةً ليلى والذئب لأنها اربع صفحات والست تخلينا نكتبها 😔

نظرتي اله وقتها: