شيء مني

ادعوا لي بالصبر والعافية وتسكين الألم

شوية فكة من الأيام وهنروح لا تكترث كثيرًا

الحمد لله رب العالمين نعم الرب ربنا

🤎")

🤎")

الشيطان من دوره إنه ينسيك الموجود ويشغلك بالمفقود فتتكدر عيشتك ولا تصبر ولا تحمد الله على نعمه

"المتسوفة لا تجيء لهم أزمنة مسعفة .." الشيخ مصطفى البحياوي

الله

يوم آخر من الأجر إن شاء الله

وفيه حاجة تعلمتها كمان من التجارب الحياة مش هتيجي تتحايل عليك يعني هتكون زعلان جدا منها هتسيبها هتقع فوق دماغك عارف هي سنن في الكون اتخاذ الأسباب والسعي فهتوقفها حياتك انت اللي هتقف والدنيا هتكمل عادي جدا ولن تأبه لك

كنت متعودة من صغري إنه لازم القى إجابة نموذجية ولازم احل الموضوع ولازم اوصل لنتيجة كان التفكير يأكلني وبسكدا الآن بحاول أكون أهدى بحاول اتعايش بحاول اطلع بأقل خسارة واكتر مكسب مش حياة لامعة ولكن حياة إنسان بيختار شرف المحاولة

حتى الابتلاء فيه مساحات فيه كده الحاجة الوحيدة اللي بتهدي إنه فيه جنة وفيه رب رحيم وحكيم وهيلطف بي

اتعلمت حاجة مؤخرًا عدم انتظارا الاجابات كاملة يعني حصل موقف وحش اوي انتظاري ردود لكل شعور حسيت بيه وأني افضل افكر واحاول الاقي رد عشان أهدى طلع مش مناسب خالص أصل فيه حاجات بتحصل ممكن نقول انها من نكد الدنيا اصلها دنيا فاهمني؟ والاجابات التامة مش هنا وأنا كمان معنديش المقدرة التامة اني افهم كل حاجة

شجعوا بعض يا شباب جرب تقول لامك النهاردة إن أكلها حلو ولأختك إن شعرها حلو ولابوك إن كتر خيره إن بيصرف عليك ولاخوك إنه طول عمره راجل معاك..اختار أي صفة فيهم وقولهم عليها، وبدون ما تبقى غلس وتستدرك، أنت حلوة لكن.. من غير ولكن الله يخليك، أنت أحسن واحدة في الدنيا وشكرا إنك كدا. جرب تقول كلمة حلوة، لله، وخذ نية، والله يا شباب الإنسان أسير الإحسان، وهتفرق معاك قبل ما تفرق معاهم.