Taхтакөпир таңы газетасы

🎉 Қарақалпақстанлы (тахтакөпирли ) ескекши Айдана Сметуллаева Жәҳән чемпионатында жуплық беллесиўде 2-орынды ийелеген Болгария мәмлекетинде спорттың Ескек есиў түринен У-19 жастағы ер балалар ҳәм қызлар арасында Жәҳән чемпионаты болып өтти. Онда қызлар арасында болып өткен беллесиўлерде Өзбекстан сайланды командасы қурамында қатнасқан Айдана Сметуллаева жуплық беллесиўде сыйлы 2-орынды ийелеп, гүмис медаль ийесине айланды. Табысларың көбейе берсин, Айдана! 👏 Ағза болың: https://t.me/taxta_tani

⚡️21 жастан өтип некеден өтиўши жасларға қосымша жеңилликлер бериледи ✅ Президенттиң 03.03.2026-жылдағы ПП-33-санлы Пәрманына бола, 2027-жылдан еки тәреп те кеминде 21 жасқа толғанда биринши мәрте некеден өткен жас шаңарақлар ушын: ➤ мәмлекет тәрепинен қосымша жеңиллик ҳәм басқа түрдеги қоллап-қуўатлаў илажлары бериледи; ➤ бул шаңарақлар Социаллық реестрге киргизилгенде, шаңарақлардың ағзаларына берилетуғын пуллы жәрдемлер (субсидия, ссуда, грантлар) улыўма белгиленген муғдарлардан 1,5 есеге арттырылған ҳалда бериледи; ➤ неке шәртнамасын дүзген некелениўшилер «ЗАГС книжканы» алыў ушын белгиленген төлемнен азат етиледи. Ағза болың: https://t.me/taxta_tani

Баслаўыш билимлендириў муғаллимлерине маманлық сертификаты, ҳуқықтан болса миллий сертификат бериў жолға қойылады Ҳүкиметтиң тийисли (411-санлы, 29.07.2026-жыл) қарары менен, 2026/2027-оқыў жылынан баслап: ➖ Баслаўыш билимлендириў муғаллимлериниң билим дәрежеси ҳәм педагогикалық шеберлиги анықланып, оларға 3 жыл мүддетке әмел етиўши А+, А, Б+, Б, С+, С сертификатлары бериледи. Б+ ҳәм оннан жоқары сертификатқа ийе оқытыўшылардың айлық мийнет ҳақысына 15 процент үстеме төленеди; ➖ Ҳуқықтаныў пәнин билиў дәрежесин анықлаў ҳәм миллий сертификат бериў жолға қойылады; Қытай, корейс, япон, испан, итальян, парсы, дарий, пушту, урду, ҳинд ҳәм уйғыр тиллеринен шет тилин билиўдиң көп дәрежели ( multi-level ) тест системасы енгизиледи. ➖ Ағза болың: https://t.me/taxta_tani

“30-июль – Халықлар дослығы күни” мүнәсибети менен “Дослық фестивалы” кең түрде белгиленди Бүгин Тахтакөпир районы «Қаратерең» туристлик орайында “30-июль – Халықлар дослығы күни” мүнәсибети менен “Дослық фестивалы” салтанаты өткерилди. Онда Қарақалпақстан Республикасы Жоқарғы Кеңесиниң Баслығы Аманбай Орынбаев шығып сөйлеп, жыйналғанларды сәне мүнәсибети менен қутлықлады. Айтып өтиў орынлы, ҳәр жылы елимизде “Халықлар дослығы күни” байрамы ҳәм “Дослық фестивалы” көтериңки руўхта өткерилип келинбекте. Кең түрде белгиленип атырған байрам илажлары шетки аўыл ҳәм мәҳәллелерден баслап барлық қала ҳәм районларда халық сейиллери, миллий мәдений орайлар, миллий тағамлар, сүўретши ҳәм өнерментлердиӊ көргизбелери менен кең түрде даўам етпекте. Бүгинги күнде елимизде жасап атырған түрли миллет ўәкиллери бир мақсет жолында бирлесип, ана-Ўатанымызды еле де раўажландырыў жолында аянбай мийнет етип, жоқары табысларды қолға киргизип келмекте. Әлбетте, бул бағдарда әмелге асырылып атырған илажлар ең тийкарғы байлығымыз болған елимиз тынышлығын сақлаўда, халықлар дослығын, миллетлер аралық татыўлықты жəне де беккемлеўде əҳмийетли орын тутпақта. Байрам илажы белгили қосықшылар атқарыўындағы гала-концерт бағдарламасы менен даўам етти. ___ 30 июль - Халқлар дўстлиги куни муносабати "Дўстлик фестивали" кенг нишонланди Бугун Тахтакўпир тумани «Қаратерең» сайёҳлик марказида «30 июль - Халқлар дўстлиги куни» муносабати билан «Дўстлик фестивали» тантанаси ўтказилди. Унда Қорақалпоғистон Республикаси Жўқорғи Кенгесининг Раиси Аманбай Орынбаев сўзга чиқиб, йиғилганларни сана муносабати билан табриклади. Таъкидлаш жоизки, ҳар йили юртимизда «Халқлар дўстлиги куни» байрами ва «Дўстлик фестивали» кўтаринки руҳда ўтказиб келинмоқда. Кенг нишонланаётган байрам тадбирлари чекка овул ва маҳаллалардан бошлаб барча шаҳар ва туманларда халқ саиллари, миллий маданий марказлар, миллий таомлар, рассом ва ҳунармандларнинг кўргазмалари билан кенг турда давом этмоқда. Бугунги кунда юртимизда яшаётган турли миллат вакиллари бир мақсад йўлида бирлашиб, она-Ватанимизни янада ривожлантириш йўлида меҳнат қилиб, юқори натижаларга эришиб келмоқда. Албатта, бу борада амалга оширилаётган чора-тадбирлар энг асосий бойлигимиз бўлган юртимиз тинчлигини сақлашда, халқлар дўстлини, миллатлараро тотувликни янада мустаҳкамлашда катта аҳамият касб этмоқда. Байрам тадбири таниқли хушовозлар ижросидаги гала-концерт дастури билан давом этди. Каналға ағза болыў: @joqargikenes Website|Telegram|Instagram|Facebook|YouTube