Терговчи хотиралари | Ҳаёт ва ҳақиқат

Менимча, жиноят ишлари бўйича шаҳар (туман) суди судьяси бўлишдан вилоят судида судья бўлиш нисбатан енгил бўлиши керак. Сабаби, жазони барибир кўпчилик ҳолларда биринчи инстанция беради, айбдор деб топади! Вилоят суди судьяси эса кўп ҳолларда жазо бермайди! Айбдорлик масаласини ҳал қилиш ва биринчи бўлиб жазо тайинлаш энг оғир руҳий босим бўлса керак. Судья биринчи марта инсон тақдирини кескин ўзгартирувчи қарорни қабул қилади.

13-мактуб. Бепарволик ҳақида.pdf

Суд ҳукми: Кутилган хавотирлар ва ҳақиқат манзараси Мазкур суд жараёни атрофидаги баҳслар фонида бир муҳим жиҳатни таъкидлаш жоиз. Кўпчилгимиз воқеалар ривожидан хавотирда эдик ва ҳукм биз кутгандан ҳам қаттиқроқ бўлиши мумкинлигини истисно қилмаётгандик.…

Янги иш бошлаган терговчилар қайсар бўлмасликлари керак. Ҳар бир нарсани мураббийдан сўрашлари ва доим изланишда бўлишлари лозим. Терговчилик нима эканлигини тушуниб етишингиз учун деярли 2 йил вақт керак бўлади. Ана шундан кейингина олдингизда ҳали жуда кўп нарсани ўрганиш вазифаси турганини биласиз. 2-3 та ишни судга чиқариб қўйиб, «бўлди, энди бу ёғи меники» дейдиганлар адашади. Айнан шундайларнинг ишидан доим камчиликлар топилади. Ҳозирги кунда мана шу муаммо тергов бўлинмаларида жуда катта жарликни келтириб чиқармоқда. Ёш терговчилар ўрганишни исташмайди, айтилган топшириқларни чала бажаради, ўзидан катталар билан маслаҳатлашмайди. Натижада эса ҳам ўзига, ҳам бошқаларга зарар етказади. Маслаҳат сўрамай, ҳамма юкни ўзига олиб, охирида хатолар гирдобига ботган ёш ходим тез орада касбдан совийди. Битта мавзу бўйича 10 та мисол ечган талабадан кўра, шу мавзу бўйича 100 та мисол ечгани кучлироқдир!

Тўғриси, ушбу муносабатни ўқиб, наҳотки буни расмий давлат органи ёзган бўлса, деб ҳайрон қолдим. Матндаги «ўзга сайёралик» ибораси мутлақо ноўрин ишлатилган. Бу гал Тошкент шаҳар суди матбуот котибига ҳаддан ташқари эркинлик бериб юборилгандек таассурот уйғотмоқда.…

#Муносабат Хаёл бошқа, ҳаёт бошқа! Адвокат Б. Мукадамов мазкур писандаларни ўйнаб ёзилганига шубҳа йўқ. Рост-да, пойтахт судининг жиноят ишлари бўйича судида “процесси бошланишини кутиб” ўтирган одамнинг хаёлига нималар келмайди?! Бироқ хаёл бошқа, ҳаёт…

Саидмурод Давлатовнинг "Менинг буюк фарзандим" китобини ўқиб тугатдим. Бу асар қайта-қайта мутолаа қилинса ҳам ҳар гал янги илм берадиган, асло меъдага тегмайдиган китоб экан. Муаллиф унда фарзанд тарбияси энг биринчи вазифамиз эканлигини, фақат унга яхши…

Сфетафорда сал туриб қолсанг, орқангдан даарров сигнал чалиб юборадиганларни шу тўхтатаб туриб, машинадан тушиб, энсасидан битта қўйиворсанг! А? Нима дейсиз? Акалар, сал сабр қилайлик! 2 секунд ҳам кутишмайди-ей! Ёнди, сразу ҳайдаш керак!

Агар терговчининг ақли ва илми ўткир бўлса нима бўлади: 1) Жабрланувчиларнинг бузилган ҳуқуқ ва манфаатлари максимал даражада тикланади; 2) Жиноятлар қилмишига яраша, қилмишидан ортиқча ҳам эмас, кам ҳам эмас, жавобгарликка тортилишади. Ҳозирда сарсон бўлиб юрган жабрланувчиларни кўрсам, ёки содир қилганидан ҳам оғирроқ жавобгарликка тортилаётган ёхуд ҳақиқий жиноятчини тўлиқ фош этилмаганлигини кўрсам, терговчиларнинг салоҳиятига ачиниб кетаман!

Саидмурод Давлатовнинг "Менинг буюк фарзандим" китобини ўқиб тугатдим. Бу асар қайта-қайта мутолаа қилинса ҳам ҳар гал янги илм берадиган, асло меъдага тегмайдиган китоб экан. Муаллиф унда фарзанд тарбияси энг биринчи вазифамиз эканлигини, фақат унга яхши таълим ва тарбия берсаккина у камбағал бўлмаслигини таъкидлайди. Шунингдек, бизнесни шунчаки пул топиш учун эмас, балки инсонларга сидқидилдан хизмат қилиш ва сифатли маҳсулот етказиб бериш учун ташкил этсаккина, том маънодаги бой одам бўлиш мумкинлигини айтади. Яхшиликни эса, ҳеч ким буюрмаса ҳам инсон ўз-ўзидан англаб қилиши кераклигини уқтиради. Шу ўринда, мен ҳам ҳаётимда содир бўлган бир воқеани айтиб бермоқчиман – ахир бу хотира каналимиз-ку! ИИВ Академиясида таҳсил олган ва олаётган тингловчилар яхши билишади: Академиянинг саф майдони – Ўзбекистондаги энг йирик саф майдонларидан биридир. Очиғи, ҳозир унинг аниқ ўлчамларини тахмин қилишим қийин, лекин эни 200 метрлардан ҳам ортиқ бўлса керак. Ўша йиллари Тошкентда қишда қор жуда кўп ёғарди. Академия ҳудудини қордан тозалаш учун ҳар бир курсга алоҳида ҳудудлар бўлиб бериларди. Саф майдони эса доим 3-курсга бириктирилган. Биз ҳам 3-курсга кўчганимизда саф майдони бизга берилган. Курсимизда 400 та тингловчи, 4 та отряд ва ҳар бир отрядда 5 тадан гуруҳ, жами 20 та гуруҳ бор эди. Саф майдонини қордан тез ва сифатли тозалаш учун уни 20 та гуруҳга доим тенг тақсимлаш керак эди. Тақсимлаш жараёнининг ўзи эса анча вақт талаб қиларди. Лекин Академияда вақт доим чегараланган ва ҳамма нарсага ўз вақтида улгуриш шарт . Гарчи менга ҳеч ким топшириқ бермаган бўлса-да, саф майдонини 4 та отрядга тақсимлаб чиқишни ўз зиммамга олганман. Кечаси қор ёғишни бошлаган кунлари эрталаб соат 05:30 ларда уйғониб, белкуракни олиб, саф майдонига йўл олардим. Соат 06:00 да курсдошларим келгунига қадар масофани қадам билан ўлчаб, ҳар бир отряд учун иш ҳажмини тенг тақсимлаб чиқардим. Кейин курсдошларим билан бирга ўз ҳудудимиз қорларини тозалашга киришардик. Қайтараман, буни менга ҳеч ким буюрмаган эди. Фақатгина курсимиз вазифаларни вақтида бажаришини ва ҳамма ўз ишини сифатли қилишини хоҳлаганим учун бу ишни қиш бўйи такрорлаганман. 2014 йилнинг баҳорига келиб, навбатдаги тарқатув (развод) вақтида отряд командиримизнинг ўринбосари, ўша пайтдаги унвони катта лейтенант бўлган Мақсуд ака Бобонов менга: "Артиков, номзодингни ота-онанг номига Академия бошлиғининг 'Миннатдорчилик хати' юборилиши учун берамиз", деган. Онам Академия бошлиғининг ушбу миннатдорчилик хатини Хоразмда вилоят ИИБ бошлиғи ўринбосаридан қабул қилиб олганлар. Генерал-майор Шавкат Тахирович Икрамовдан "Миннатдорчилик хати" олиш нима эканлигини у кишини таниган инсонлар жуда яхши билишади. Мен бу билан "энг зўр тингловчи эдим" демоқчи эмасман. Шунчаки, зарур деб ҳисобланган ишларни ҳеч ким айтмаса ҳам қилиш кераклигини айтмоқчиман. Жамиятимизда "Нега айнан мен? Яна менми? Ўзимни ишим тиқилиб ётибди-ку!" дейдиганлар қанчалик кўпайса, ишимизда ва ҳаётимизда ривожланиш, силжиш бўлмайди. Ютуқ ва барака — масъулиятни ўз зиммасига ола биладиган фидоий инсонлар билан келади.

Лео ҳам болалик билан хайрлашибди( Ота кетса, болалик ҳам тугар экан… (с) М. Юсуф @xayrulla_hamidov

Бўлажак ва ҳозирда ҳам ҳақиқий терговчи бўлиш учун изланаётганларга тавсия: Жуда кучли терговчи бўлиш учун аввал қўлингизга берилган материалларни ўта дақиқ диққат билан ўрганиб чиқишни ўрганинг! Бу сизга ҳеч нарсани эътибордан четда қолдирмасликка ёрдам беради! Ҳамма нарсани хотирада сақлаб қолишни иложи йўқ, маълумотларни қоғозга ёзинг ва иш бажарилгач уни бирма-бир ўчириб боринг!

Ким нима деса десин-у, агар ҳар битта жиноят иши бўйича айбланувчига нисбатан қандай эҳтиёт чораси қўллашни прокурордан сўраш амалиёти йўлга қўйилган бўлса, ўша тергов бўлинмасида тирик одам йўқ, дегани! Менимча, фақат қамоқ эҳтиёт чорасини маслаҳатлашиш керак!

Film ijodkorlariga tashakkur aytaman! Eng dolzarb va kerakli muammo aniq bayon qilingan. Qashshoqlik va yetishmovchiliklarga barham berishning aniq va ishonchli usuli haqida fikr yuritilgan. Do'stlar bu videoni albatta ko'ring, qayerda xato qilayotganimizni…

Film ijodkorlariga tashakkur aytaman! Eng dolzarb va kerakli muammo aniq bayon qilingan. Qashshoqlik va yetishmovchiliklarga barham berishning aniq va ishonchli usuli haqida fikr yuritilgan. Do'stlar bu videoni albatta ko'ring, qayerda xato qilayotganimizni anglab olishimiz kerak. Do'stlarga ham ulashing!

Ижтимоий тармоқлардан фойдаланишда маданиятга риоя қилинг! Ps: Шевамиз сабаб юзага келган ноқулайлик учун узр!

Тарбия борасида: Тўғри, ҳеч ким боласига ўғри бўл, наркоман бўл, деб тарбия бермайди. Аммо агар қандай қилиб тўғри инсон бўлиш мумкинлигини ўргатмасангиз, у ўз-ўзидан ўғрига айланиши мумкин! Вақтида хулоса қилинг!

Профилактика инспектори, деган сўз, “отказ материал” деган сўз билан синонимдир! Нима дедингиз?😅

Агар сиз бошқа одамларга керакли нарсани олишга ёрдам берсангиз, хоҳлаган нарсангизга эриша оласиз. Зиг Зиглер, “Чўққида учрашгунча” китобидан.