طلاب كلية العلوم جامعة قاريونس

سوا صفيت ولا مصفيت أنت لازم تكون فخور بروحك بغض النظر على نتائج أنت درت يلي عليك سعيت وحاولت كان هدفك تصفي موادك كلهن يمكن صفيت وحمد لله كانت نعمة كبيرة من ربي ويمكن مكانش عندك نصيب تصفي برضوا الحمد لله سوا تشيل معاك مادة ولا مادتين ديمه قول الحمد لله مهما كانت هذا قدرك من ربي واكيد فيها خير لك متيأسش وحاول واستمر يما ناس فشلت في حياتها في بداية ونجحت بعدين وخاصة في وقت حالي نادر متلقى حد يكمل راه اغلبيتهم نفسيتهم تتعب ويوفقوا لكن أنت لا خلي عندك صبر وعزيمة ومهما كانن قدامك العوائق ومهما واجهت استمر عشان توصل لمكان كويس وتكون فخور بروحك، وديمه حط في بالك الفشل ماهو إلا جزء من نجاح عمره مكان الفشل عكس نجاح شخص الفاشل هو الشخص يلي يستسلم وديمه ياخذ في قرار الانسحاب لأنه معندش ثقة في روحه وشايف ميقدرش يكمل، لكن مدام ربي حطك في مكان هذا معناها هو شايف بأنك أنت تقدر عليه فأسعى وحاول واستمر مهما كانن نتائج مهما كانن ظروف حاول متيأسش عشان تكون فخور بروحك بعدين، أنت درت يلي عليك والنتيجة كانت من ربي فأرضى بالمكتوب وربي حيرضيك بعدين ويعوضك خير لأنه ديمه عوض ربي معجزة وموفقييين يارب و إن شاء الله كل واحد ربي يوفقه في تخصصه 💙.

https://sci.uob.edu.ly/ar/final-results-for-students-of-the-faculty-of-science-spring-semester-2025-2026/

قائمة بأسماء الطلبة الذين تم الموافقة علي إجراء الامتحان التكميلي لهم ... والذي حدد بيومي الأحد والأثنين القادمين الموافق (12/13/7/2026) بمدرسة السيدة سمية علي تمام الساعة (2:30_4:30).

مسك الختام خلاص خلاص قربنا 🫶🏼🫶🏼🫶🏼

السلام عليكم ، قربنا من نهاية المطاف وقريباً حـ ينتهن الامتحانات و بدأ جهدنا يقل ورغبة كذلك ، خلاص هانت ما ترخيش المنهج ولا الامتحان وخلي ختامها مسك واستمر وخلي فرحتك تكمل وتصفي جميع موادك ، توكلوا على الله و استمروا وهـانت مش باقي لنا واجد نسأل الله ان يوفقكم جمعاً ❣️

انتوا من جماعة هانت ولا مزالت ولا كملتوا امتحانات؟🥲

يمكن نضت بدري عشان تقرا وتكمل ويمكن سهرت ليل كله عشان تقرا في حالتين أنت قاعد تجتهد وتحاول تقدم أحسن ما عندك يمكن حتى معندكش جهد ولا طاقة للقرايا لكن قاعد تحاول خليك متذكر ربي قاعد يشوف فيك ومستحيل يشوفك تتعب هك بدون ميرزقك ويعوضك على التعب هذا عشان هك اطمن لأنه عند ربي ميضيع شي و إن شاء الله ربي يسهللكم قرايتكم ويفتحها عليكم كالنصيحة خلو القرآن معبي يومكم ومزاحم قرايتكم حتلقوا بركة في كل شي تقروه واجتهدوا وتذكروا هذا مستقبلكم يلي يستحق تتعبوا عشانه وخلاص هانت طشه ايام وينتهي سمستر وحتتريحوا فشدوا حليكم🩵🩵🌟

امتحان نهائي سابق #فيزياء_2