The Brand Guys | TBG

لو شايف ان الموضوع مناسب ليك تقدر تملى الفورم من هنا ، الفورم هيقفل يوم 30 سبتمبر

بسم الله على مدار السنين اللي فاتت ، كنت دايماً بحاول الاقي طريقة اشارك بيها مع الناس طريقة الشغل على اساس استراتيجي في البراندنج من وجهة نظرنا في TBG و اللي دايماً كانت بتبدأ من حتة بعيدة تماماً عن التصميم، لكن التصميم و الكتابة بيكونوا هما الوسط او الـMedium بصري اللي بتظهر من خلاله سواء في التصميم و الـMessaging محاولات مشاركة الـProcess و الـMindset دي طلعت حاجات زي الBrand Map و الـBrand Kick-Off و سيشنز اونلاين او اوفلاين بس كل ما كان حاجة من دي تطلع يجيلي عشرات الاقتراحات ان محتاجين طريقة نقدر نتابع مع بعض النتايج اللي توصلوا ليها او الاسئلة و المناقشات ، ازاي طريقة تفكيره قبل المعلومة اتغيرت من ناحية و من ناحية تانية ازاي هو غير في شكل استخدام المعلومة او الاداة اللي شاركته بيها، بس مكنتش بشوف ان المتابعة دي تنفع ب كورس متسجل او حتى كتابات عشان كدة فكرنا إن ليه منشاركش مجموعة صغيرة جداً من الناس " في حدود 6 اشخاص " ازاي بنفكر في بناء البراند اولاً و بعدها ازاي بنبني البراند و ايه الادوات المختلفة سواء اللي عاملينها و لسة مطلعنهاش للناس او متاحة بالفعل بس هي متعملتش اصلاً اصلاً للبراندنج و المسدجنج و طريقتنا في استخدامها و ازاي بنبني انظمة بصرية و لغوية للبراند بحيث تفضل مرنة و مميزة ، كمان يشاركوا مع عملاء حقيقين ازاي طريقة الشغل دي بتحل مشاكل حقيقية او بتضيف قيمة للبراند ككل و نتيجة الشغل عالفكرة دي كانت الـStrategic Brand Camp الكامب ده هيكون اونلاين ، و هيكون لمدة 6 شهور ، يومين في الاسبوع تقريباً و متقسم ل 3 مراحل بنبدأ بمرحلة ازاي بنستخدم احنا الـBrand Map في شغلنا و ازاي بنستخدم الoutputs اللي بتطلع منها و بعدها ازاي بنعرض البراند لجمهورها من ناحية و ازاي بنشاركها مع العميل او الجمهور بيهانس او الـKick-Off للكوميونتي من ناحية تانية ، لإن كل واحدة حد فيهم بيكون ليه تطريقة وصول مختلفة و اخر مرحلة هو تطبيق اللي فات ده على ارض الواقع مع عملاء عندهم مشاكل حقيقية ليه العدد صغير ؟ بالعكس , يبان العدد صغير بس الحقيقة هو كبير جداً بالنسبة لشكل المتابعة ، ده عشان مطلوب outputs كتير هتخرج من الناس و عشرات الساعات من الماتريال اللي هتحتاج تتذاكر و ادوات كتير هتحتاج تشتغل بيها كتير عشان تفهمها ، متابعة كل الoutputs دي و الاسئلة اللي ناتجة عن الماتريال دي من غير ما نتخلى عن الكفاءة تخلي العدد قليل , حقيقي كان نفسي الموضوع يبقى اكبر من كدة ، بس اساس نجاح الكامب ده هو التواصل المستمر الكامب ده بكام ؟ الكامب ده مجاني , و الحقيقة هو مجاني عشان هو مش هيكون مناسب لأي حد ف محبتش بصراحة ان اللي يحسم التواجد هو انك معاك فلوس ولا لأ ، التجربة دي بشكل اساسي قايمة على إن يكون في توافق ما بيننا في طريقة التفكير , عشان انا مقتنع ان مفيش طريقة واحدة صح ، لكن كل واحد عنده طريقة تناسب عقليته طب احنا هنختار الناس على اساس ايه ؟ الموضوع مناسب لفئتين من ال3 اللي اتعملتهم البراند ماب المصممين و كتاب المحتوى ولكنه مش هيكون مناسب لأي حد مبتدئ ، لازم يكون حد جرب كتير و عرف مشاكله فين و ايه ناقصه و شايف ان البراند ماب او الKick-Off جاوبوا على اجزاء بس لسة في حاجات اكتر عاوز يوصلها فلو انت ديزاينر لازم تكون فاهم كويس اسس التصميم الصحيحة شغلك، بصرياً مظبوط من ناحية الlayout و الhierarcy و غيره، و بتقدر تترجم ده شكل هوية البصرية كاملة، لكن حاسس إن دايماً الجانب الاستراتيجي و جانب الMessaging بتبدأ بيهم و بتعملهم جوا دماغك قبل ما تبدأ في التصميم و كل مرة بتحتاج تخترع طريقة تستنتجهم بيها كمان لو محتاج تفهم ازاي تبني لغة بصرية و انظمة بصرية و انظمة لغوية جوا البراند مش مجرد هوية بصرية و لو انت كاتب محتوى لازم تكون اشتغلت مع عملاء كتير، بس حاسس ان في كل مرة بتكتب بتقعد تبني حاجات للبراند دي لوحدك قبل ما تبدأ، فمحتاج إطار عمل تحول بيه المجهود ده لـ Delivrable واضح يخليك بتشتغل كـ Brand Strategist الفئتين دول في اخر الكامب ان شاء الله هيكون كل فئة اتعلمت مهارات الفئة التانية، عشان من وجهة نظري اللي بيشتغل عالبراندنج مهارته في الـMessaging متقلش اهمية عن مهارته بالتصميم، بل إن دايماً الموضوع بيبدأ بالـMessaging سواء واخد بالك او لأ انا اسف لو حد حس ان في احساس بالتناكة، خالص والله الفكرة بس ان الموضوع لناس معينة عندها احتياجات معينة و احنا شايفين اننا قادرين نوفي الاحتياجات دي بالظروف دي حالياً، كان نفسي يكون متاح للكل والله , و هنحاول نكرر ده في التجارب اللي جاية، الموضوع هيكون في Delivrables كتير ، فحتى لو الموضوع يناسبك بس مش متاح ليك تحضر مرتين في الاسبوع + مذاكرة و تطبيق و مناقشة حاجات لمدة 6 شهور ، الموضوع مش هيكون مفيد ليك

إيه اللي تحب إنه يتضاف في النسخ الجاية من الKick-Off ؟

مبسوط جداً إن الناس دلوقتي بتخصص من وقتها جزء كبير بهدف مشاركة المحتوى العربي اللي بيتناقش في الجانب الإستراتيجي في التصميم و البراندنج بشكل عام كتاب داخل صندوق الشركات لصديقنا سعيد الرشيد - SaeedDesginer7 مثال هايل على ده , كتاب خفيف في طريقة السرد و عميق في المحتوى , و ممتع جداً على المستوى البصري و القصصي و ازاي تم صياغته بيفكرني بطريقة سرد الكتب الاجنبية المشهورة في اي booklist بتتكلم عن التصميم الإستراتيجي و بيرشحها كل الناس , و ازاي بيبسطوا طرح الافكار من غير ما يختذلوا او يسطحوا المعلومة بمجهود مضاعف عن ما يعرضلك المعلومة بشكلها المجرد , بس مقابل ده بيتدفع في الكتاب مبلغ "دلوقتي" يعتبر غالي على معظم الجمهور العربي , لكن سعيد بيقدم ده بشكل مجاني تماماً الاهم من ده إنه فعلاً بيساعدك تجاوب على سؤال بيواجه تقريباً اي حد عرفته و عنده بيزنس بقاله 3 ل 5 سنين و هو امتى , ازاي و الـRebranding يكون مفيد ليا , ارشحه جداً للمصممين اللي العملاء بيسألوهم السؤال ده كتير و ريادي الاعمال اللي بيدور في بالهم السؤال ده تقدر توصل للكتاب من هنا

الشكل الحالي للـKick-Off توصلناله و احنا شغالين على حاجة تانية خالص , و هي ازاي البريزنتيشن يقدر يعرض الجزء الاستراتيجي في رحلة بناء البراند وده عشان معظم الشغل في الجزء الاستراتيجي بيكون كتابة و بيانات , فلما بيكون وسط البريزنتيشن اللي مليان صور و عناصر بصرية طبيعي الناس بتنجذب للصور اكتر من الText , خصوصاً لو المصطلحات اجنبية و مركبّة , فالموضوع بيتحول لمقالة بتسيب الكتابة اللي فيها و تتفرج عالصور عشان كدة الKick-Off كان طريقة سرد بجانب البريزنتيشن عشان نقدر نغطي تجربة البناء الكاملة لبراند على اساس استراتيجي , بس مهم اوي اوضح انها "بجانب" البريزنتيشن , لإن الKick-Off بيشرح ازاي وصلنا لنتايج و تطبيقات كتير في دقايق , لكن عشان تشوف التطبيقات كاملة و تقف على كل واحدة فيهم , هيكون مهم جداً تشوف البريزنتيشن. الجميل بقى إن الـKick-Off على الناحية التانية ساعدنا في إعادة بناء طريقة السرد في البريزنتيشن و بقى في طريقة و techniques معينة تخليك ممكن تستمتع بالـText و الViusals مع بعض في البريزنتيشن و بقينا قادرين نطبق الـStructure ده في كل البريزنتيشنز و ينفع نشارك بيه تفاصيل اي بروجيكت , بس ده هنتكلم عنه بعدين لإن الكلام فيه يطول فلو شفت الـKick-Off و اتبسطت و ده اللي اتمناه يعني , البريزنتيشن هيوريك تفاصيل اكتر تقدر توصله من هنا

The Brand Guys | TBG pinned a photo

من اكلة مصرية لمنتج عالمي | رحلة بناء علامة تجارية و تصميم هوية بصرية لچاست حواوشي نسخة جديدة للـBrand Kick-Off من TBG - The Brand Guys , بنشارك فيها تفاصيل المراحل الخمسة في تصميم و بناء علامة تجارية على اساس استراتيجي لـ Just Hawawshi و ازاي ابتكرنا Cuisine او تصنيف اكل جديد و هو الـUrban Food , التنصيف اللي ساعد البراند في تحويل الحواوشي من اكل مصرية لمنتج عالمي. شوف الحلقة كاملة من هنا: https://youtu.be/Vgt-JqHU1qk مشروع البيهانس لتفاصيل اكتر : https://www.behance.net/gallery/203748569/Just-Hawawshi لتحميل البراند ماب مجاناً : https://tbg.bg/brandmap

سعداء بإعلاننا عن التعاون مع فريق CEIBA و جامعة اليرموك بالأردن 🇯🇴 اول نشاطات التعاون ستكون ورشة "اونلاين" نشارك فيها إجابات عن اسئلة كثيرة مثل كيف يمكنك تحويل أي فكرة لديك إلى علامة تجارية ناجحة وبنائها على أساس استراتيجي ؟ و بين أكثر من 333 مليون شركة في العالم، كيف نضمن دائمًا أن العلامة التجارية التي نصممها لا يوجد لها مثيل؟ وهل يمكننا أن نفعل ذلك دون تعقيد؟ و كيف من الممكن أن تكون قد عملت / تعمل بالفعل في مجال البراندنج دون أن تدري ؟ ستكون الورشة يوم الاثنين 12 اغسطس الساعة الثامنة و النصف مساءاً بتوقيت القاهرة / الاردن يمكنك التسجيل مجاناً من هنا رابط الحضور من هنا

حابين نشارككم إن مشروع KimCam Academy بقى Featured على Packing Of The World ! ❤️ المشروع بالكامل على بيهانس من هنا على Packing Of The World من هنا

The Brand Guys | TBG pinned a photo

في المشروع الاخير , شاركنا رحلة بناء براند KimCam Academy بالكامل على اساس استراتيجي لو عاوز تشوف كل التفاصيل دي ازاي اتنفذت و اطبقت بالكامل , هتلاقيها بالتفصيل في بريزنتيشن بيهانس , اللي مصممينه انه يكون Case study بتعرض كل عنصر و ايه كان تأثير كل واحد فيهم عاللي بعدها تقدر تشوفه من هنا

من تعليم الهندسة إلى هندسة التعليم | كيف ساعدنا بالتفكير الإستراتيجي منصة "كيم كام" في تغيير تجربة التعليم في الوطن العربي ؟ نسخة جديدة للـBrand Kick-Off من TBG - The Brand Guys , بنشارك فيها تفاصيل الخمس خطوات لبناء تجربة العلامة التجارية و الهوية البصرية لأكبر منصة تعليم هندسي في الوطن العربي, و ازاي كان التغيير ده ليه تأثير كبير على جانب البيزنس. الحلقة كاملة : https://youtu.be/MldOMT_eDrw و لتفاصيل اكتر شوف مشروع البيهانس : https://www.behance.net/gallery/198398455/KimCam-Academy رأيكم يهمنا جداً ❤️

اهم موقع علمني ازاي احكي عن البراند و ازاي اعملها , متعملش للحكي ولا البراندنج في الـKick-Off الاول اتكلمنا عن "التمويل الجماعي - Crowd Funding" و ازاي بيقدر ريادي اعمال و اصحاب افكار يجمعوا من خلاله تمويلات لمشاريعهم اللي بتوصل اوقات لملايين الدولارات التمويل الجماعي بإختصار هو تمويل مشروع عن طريق تجميع مبالغ صغيرة من الناس قبل ما المشروع يكون موجود , في المقابل الناس اللي ساهمت في التمويل بتاخد مميزات حصرية اول ما المشروع يتنفذ الموضوع ببساطة بيحصل عن طريق إن صاحب الفكرة بيعرضها في فيديو وبيرفع الفيديو ده مع دراسة الجدوى و المبلغ اللي محتاجه على منصة من منصات الCrowd-Funding , ده بجانب جدول فيه كل واحد هيساهم بمبلغ معين ايه المميزات اللي هياخدها الفكرة إن صاحب الفكرة مبيكنش معاه اي حاجة إلا الفكرة و نموذج اولي , لكن معاه اهم حاجة و هي طريقة سرده للمشروع واحد من اهم منصات الCrowd Funding دي بقى هو KickStarter الموقع ده قدر يجمع تمويلات للمشاريع اللي عليه " اكتر من 200 الف مشروع" بأكتر من 8 مليار دولار $8,062,035,636 , جمعهم من 95 مليون بني ادم! في 95 مليون بني ادم دفعوا فلوس في مشاريع قبل ما تكون موجودة , في مشاريع كتير عالموقع منجحتش , ولكن كل المشاريع اللي نجحت بتشترك في حاجة واحدة , طريقة سردها للمشروع على مدار 12 سنة بقى , Kickstarter يعتبر نيتفلكس بتاعي , تقريباً كل يوم في وقت مبعملش فيه حاجة غير اني بشوف مشاريع , شفت ازاي مشاريع مبهرة فشلت عشان طريقة السرد , و مشاريع مستحيل كنت اتخيل انها تنجح بس تنجح و تجمع ملايين الدولارات , برضه لنفس السبب بشكل غير مباشر , هو برضه اهم مصدر اتعلمت منه البراندنج , اغلب الافكار اللي عليه بتكون ناس معندهاش لوجو حلو او حتى الفيديو متصور بإمكانيات اعلى , ولكن معاهم اهم حاجة في البراندنج , قصة البراند و الإجابة عن اهم سؤال "ايه يقدر يميزك عن المنافسين" , دول اساس البراندنج , اي حاجة تانية بعدهم بتدعمهم تراكم العادة دي على مدار 12 سنة , قدر يخليني اميز البيزنس وسط منافسينه و اجاوب عالسؤال ده قبل ما نروح لمرحلة التصميم " اللي تقدر تعتبرها براند استراتيجي " , عالناحية التانية خلاني اقدر اشارك الناس و العملا ازاي وصلنا للنتيجة دي و بتفاصيلها المعقدة بتسلسل واضح و هادي من خلال تجربتي , دي كانت اسهل و احسن طريقة اتعلمت بيها السرد , عالناحية التانية , دي اهم مهارة لازم ينميها أي حد , اياً كان الخلفية اللي جاي منها عاوز بيشتغل في البراندنج بشكل حقيقي.

زي البلايستيشن او الانمي او جمع الطوابع 😀 قراية تاريخ الرايات و تصميمها هواية عندي بقالها اكتر من 6 سنين , حاجة بتسليني بعد الشغل. لحد ما هيجي بروجكت كيبلر و نحتاج لحاجة اكتر انسانية من الشعار تميزه و تعبر عن قصة المكان المختلفة و ازاي اتأسس و الهواية اللي كانت مجرد تسلية بقت هي الحل , و كيبلر يكون ليه علَم بدل العلامة الرصيد المعرفي اللي اتراكم في الحتة دي كان مخلي الموضوع منطقي ليا بس جديد للناس , زي ما مبهر بالنسبالي حفظ الناس لماتشات الكورة او الرسم او تعلم اكتر من لغة رغم انها حاجة بيتسلى بيها ناس كتير بشوف ان اهم حاجة في مجال البراندنج ان الرصيد ده ميخلصش , حتى لو حاجة بتتسلى بيها و شايفها مش مهمة , ممكن جداً الحل يكون فيها , كل ما عرفت عن حاجات اكتر , كل ما عرفت تميز اكتر عشان كدة بيلفت نظري جداً إن اي حد شغال في البراندنج مكنتش الباك جراوند بتاعته تصميم او بيزنس في البداية , افكاره دايماً مختلفة و جديدة لإنه ببساطة هو بيجيب من عوالم منعرفش عنها حاجة في نفس الوقت هي بديهية بالنسباله تقدر تعرف تفاصيل أكتر عن مشروع "كيبلر" وإزاي استفدنا من الأعلام من مشروع البيهانس هنا : Behance Project