the HODL: KZ

Құрметті қазақстандықтар! Сіздерді Қазақстан Республикасы Конституциясының қабылданғанына 30 жыл толуымен құттықтаймыз! Қазақстан Конституциясы мемлекеттілікті, тұрақтылықты нығайтуға, азаматтардың құқығы мен бостандығын қамтамасыз етуге қызмет етуде. Әлемнің өркениетті елдерімен жан-жақты экономикалық-саяси тең дәрежеде қарым-қатынас қалыптастыру, ірі реформаларды жүргізу — Ата Заңымыздың аясында атқарылуда. Тәуелсіздігіміздің кепілі болған Конституция күнімен баршаңызды құттықтай отырып, отбасыңызға амандық, зор денсаулық, ырыс пен ынтымақ тілейміз! Еліміздің болашағы жарқын болсын!

❗️Қарыз ресімдеу кезінде қоса қарыз алушының жауапкершілігі қандай? Қоса қарыз алушы – қарыз алушымен бірге кредит шартына қол қоятын және оның орындалуына ортақ жауапкершілік алатын тұлға. Бұл қарыз алушы қарызды өтемеген жағдайда банк қоса қарыз алушыдан міндеттемелерді толық немесе ішінара орындауды талап етуге құқылы екенін білдіреді Әдетте, қоса қарыз алушыны ипотека ресімдеу кезінде қарыз алушының банктен мақұлдау алуы үшін кірісі жеткіліксіз болған кезде тартады. Нәтижесінде қарыз алушы мен қоса қарыз алушының кірістері қосылады, бұл кредитті мақұлдау мүмкіндігін арттырады. Алайда, қоса қарыз алушының жауапкершілігі қарыз алушының жауапкершілігіне тең болады: төлем мерзімін өткізген жағдайда банк қаражатты оның кез-келген шоттарынан есептен шығара алады, мүлкін өндіріп алады немесе сотқа жүгіне алады. Кепілгерден (кепілдік берушіден) айырмашылығы, қоса қарыз алушының табысы кредит сомасын есептеу кезінде ескеріледі. Бұл ретте қоса қарыз алушының тәуекелдері жоғары болады: ол қарызды белгіленген кепілдік шегінде ғана емес, толық көлемде өтеуге міндеттенеді. Қоса қарыз алушы нелерді білуге тиіс? Кредиттік мәмілеге қатысуға келісім бермес бұрын мыналарды: 🔘шарт талаптарын мұқият зерделеу; 🔘қарыз алушының төлем қабілетсіздігі жағдайында қарызды өтеу үшін қаржылық мүмкіндігін бағауы; 🔘бірнеше қоса қарыз алушылар болса да шарт толығымен орындалғанға дейін міндеттемелердің сақталатынын ескеру маңызды. Қоса қарыз алушы болуға келіспес бұрын, барлық тәуекелдерді мұқият бағалау қажет. Тәуекелдерге тиісінше баға бермей басқа адамға кредит ресімдеуге қатысу күрделі қаржылық салдарға әкелуі мүмкін. #талдау the HODL: KZ

📡 Starlink спутниктік интернет қызметтерінің іске қосылуы туралы 2025 жылғы 13 тамыздан бастап Starlink компаниясы Қазақстан Республикасының аумағында спутниктік интернет қызметтерін ресми түрде ұсына бастады. Бұл еліміздің тұрғындарына SpaceX компаниясына тиесілі төмен орбиталы Starlink спутниктері желісі арқылы жоғары жылдамдықты және сенімді интернетке қосылуға мүмкіндік береді. 2025 жылғы 12 маусымда Қазақстан Республикасының Цифрлық даму, инновациялар және аэроғарыш өнеркәсібі министрлігі мен Starlink компаниясы қызмет көрсету барысында Қазақстан заңнамасын толық сақтау жөнінде келісімге қол қойды. Бұл келісім ақпараттық қауіпсіздік пен байланыс саласындағы барлық талаптарды орындауды қамтиды. Starlink технологиясы шалғай және қолжетімділігі қиын аймақтарда да тұрақты интернет қосылуын қамтамасыз етіп, халыққа заманауи цифрлық сервистерді пайдалануға мүмкіндік береді. Тарифтер, қосылу шарттары және қосымша ақпарат SpaceX компаниясының ресми сайтында жарияланды: https://www.starlink.com/ #жаңалық the HODL: KZ

Көпбалалы отбасыларға берілетін жәрдемақылар мен жеңілдіктер Қазақстанда құрамында бірге тұратын төрт және одан көп кәмелетке толмаған баласы, оның ішінде кәмелеттік жасқа толғаннан кейін білім беру ұйымдарын бітіретін уақытқа дейін (бірақ 23 жасқа толғанға дейін) орта, техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру ұйымдарында күндізгі оқу нысаны бойынша білім алатын балалары бар отбасылар көпбалалы отбасылар болып саналады. Мұндай отбасыларға табысына қарамастан ай сайынғы жәрдемақы төленеді. Көпбалалы отбасыларға төленетін төлемдердің мөлшері балалардың санына байланысты сараланады және 2025 жылы: • 4 балаға — 16,03 АЕК немесе 63 030 теңге; • 5 балаға — 20,04 АЕК немесе 78 798 теңге; • 6 балаға — 24,05 АЕК немесе 94 565 теңге; • 7 балаға — 28,06 АЕК немесе 110 332 теңге; • 8 және одан да көп балаға — 4 АЕК немесе әр балаға 15 728 теңге төленеді. Сонымен қатар, 6 және одан да көп бала туып, тәрбиелеген, «Күміс алқа», «Алтын алқа» алқалары бар немесе бұрын «Батыр ана» атағын алған, I және II дәрежелі «Ана даңқы» ордендерімен наградталған аналарға мынадай мөлшерде ай сайынғы жәрдемақы төленеді: • «Күміс алқа» алқасымен марапатталған — 6,4 АЕК немесе 25 165 теңге; • «Алтын алқа» алқасымен марапатталған немесе бұрын «Батыр ана» атағын алған, I және II дәрежелі «Ана даңқы» ордендерімен марапатталғандар — 7,4 АЕК немесе 29 097 теңге. #жаңалық the HODL: KZ

Alexander the Great коллекциялық монеталары сатуға шығарылатыны туралы ҚР Ұлттық Банкі 2025 жылғы 29 шілдеден бастап https://kazcoins.nationalbank.kz интернет-дүкені арқылы «Ұлы қолбасшылар» сериясынан Alexander the Great коллекциялық монеталары сатыла бастайтынын хабарлайды. • Монеталар 925 сынамды күмістен жасалған. • Массасы — 31,1 грамм, диаметрі — 38,61 мм, дайындау сапасы — PROOF, номиналы — 1 000 теңгелік, таралымы — 2000 (екі мың) дана. Коллекциялық монеталар Қазақстан теңге сарайында дайындалған. #жаңалық the HODL: KZ

Айырбастау пунктіне құжатпен бару керек пе? Қазақстанда валюта айырбастау кезінде сәйкестендіру шегін 500 мыңнан 200 мың теңгеге дейін төмендету ұсынылуда. Мұндай шара Қаржы нарығын реттеу және дамыту агенттігінің сайтында жарияланған «Қылмыстық кірістерді заңдастыру тәуекелдерін ұлттық бағалау» құжатында көзделген. Міне, толық құжатқа сілтеме — танысып шықсаңыз болады. Мәселенің мәні неде? Қазіргі кезде 500 мың теңгеден жоғары сомаға валюта айырбастаған кезде клиенттің аты-жөні, ЖСН және басқа да деректері тіркеледі. Егер шек төмендетілсе, бұл мәліметтер 200 мың теңгеден бастап-ақ сұралатын болады. Құжатта айырбастау пункттері осал нысандар ретінде қала беретіні көрсетілген: олар үлкен көлемдегі қолма-қол ақшамен жұмыс істейді және қаражаттың шығу тегін бақылауда шектеулерге тап болады. Бұл жағдай ақшаны қолма-қол жасау мен жылыстатуға тәуекелдер тудырады. Шын мәнінде, бұл жаңалықты жағымсыз деп айту қиын. Бақылау — пайдалы құрал. Мысалы, көптеген мемлекеттерде, қандай сома болмасын, айырбастау пунктіне құжатсыз кіруге болмайды. Бір жағынан, шынымен де, қылмыстық жолмен келген табысты заңдастыратындар жай ғана айырбастау пунктінен ұсталады дегенге сену қиын. Миллиондар ұрлағандарды бізде әдетте басқа тәсілмен ұстайды (ұсталса, әрине) 🫠 #жаңалық the HODL: KZ

🟢🟢🟢 🟢🟢🟢🟢 Күн саны: 11,8% VS 5%. Бұл не? Ресми инфляция және ҚР ҰБ-ның инфляция бойынша мақсаты. Ұлттық банк әзірге өз мақсатына толық жете алмай отыр… #күнсаны the HODL: KZ

📊 IV тоқсанда коммуналдық тарифтерге жаңа өсімдер енгізілмейді! 2025 жылдың төртінші тоқсанында коммуналдық қызметтер бойынша реттелетін тарифтерге жаңа өсімдерді бекіту көзделмейді. Сонымен қатар, олардың өсу қарқынын төмендету жоспарланып отыр: • электр және жылумен жабдықтау бойынша — 35%-дан 20%-ға дейін; • сумен жабдықтау, су бұру және газбен жабдықтау бойынша — 50%-дан 30%-ға дейін. Қазақстан Республикасы Ұлттық экономика министрлігінің Табиғи монополияларды реттеу комитеті бұрын жоспарланған тарифтік өсімдердің бір бөлігі кейінгі мерзімдерге ауыстырылатынын хабарлайды. Тарифтердің өсуін тежеуге бұған дейін жоспарланған кейбір түзетулерді кейінге қалдыру, ұзақ мерзімді қаржыландыру тарту, табиғи монополия субъектілерінің операциялық шығындарын қайта қарау, сондай-ақ уақытша өтемдік тарифтер мен өткен жылыту маусымы үшін жылу энергиясына қайта есептеу қолдану арқылы қол жеткізу мүмкін болады. Бастапқыда 2025 жылы тарифтердің өсуінің инфляцияға әсері 1,32 пайыздық тармақ деңгейінде болжанған болатын. Қабылданған өзгерістерге байланысты инфляциялық қысым 0,5 п. т. қысқарады және 0,82 п. т. құрайтын болады. Қабылданған шаралар азаматтардың сатып алу қабілетін қолдауға, бағаға қатысты күтілімдерді тұрақтандыруға және инфрақұрылымның тұрақты жұмысын қамтамасыз етуге бағытталған. Алдағы уақытта тарифтерді көтеру әлеуметтік сезімталдық пен мемлекеттік экономикалық саясаттың басымдықтарын ескере отырып, теңгерімді түрде жүзеге асырылатын болады. Еске сала кетейік, инженерлік инфрақұрылымды жаңғыртуға бағытталған жаңа тарифтік саясатты іске асыру аясында коммуналдық қызметтерге тарифтерді кезең-кезеңімен арттыру көзделген болатын. Бұл шаралар желілерді жаңартуға инвестиция тарту, табиғи монополия субъектілері қызметкерлерінің жалақысын көтеру, сондай-ақ электр энергиясы, көмір және отын сияқты стратегиялық маңызды ресурстар бағасының өсуі жағдайында қарастырылған болатын. #жаңалық the HODL: KZ

👾👾👾 👾👾👾👾 Күн саны: 13,6% Қазақстанда жүк айналымы осынша пайызға өсті, 2025 жылдың қаңтар–мамыр айларында 229,4 млрд ткм-ге жетті. Осы кезеңде жүк тасымалының көлемі 455,9 млн тоннаны құрады, бұл 2024 жылғы ұқсас кезеңнің деңгейінен 11,9%-ға артық. #күнсаны the HODL: KZ

🚨 Қаржы пирамидасын анықтаймыз Қазақстанда қаржы пирамидалары мәселесі әлі де өзекті күйінде қалып отыр. Мыңдаған азаматтар қылмыстық жалған инвесторлардың арбауына түсіп жатыр. Апта сайын адамдардың алаяқтарға алданып, қаражаты қалмағаны жөнінде түрлі жаңалықтар жарияланады. Біз бұған дейін инвестициялық компанияларды қалай тексеруге болатыны жөнінде және қаржы пирамидаларын қалай тануға болатыны туралы бірнеше рет жаздық. Бүгін адамдарды арбау үшін қаржы пирамидалары жиі қолданатын 15 сөз тіркесін назарларыңызға ұсынамыз. Егер төмендегі сөздердің бірін естісеңіз — сақ болыңыз: 1. «Кепілдендірілген табыс — тәуекелсіз!» Тәуекелсіз инвестиция болмайды. Бұл — миф. 2. «Айына 30%-ға дейін табыс!» Ертегі сияқты естіледі, себебі шынымен де солай. 3. «Қазірдің өзінде мыңдаған адам бізбен бірге табыс табуда!» Дәлелдер қайда? Пікірлер жалған болуы мүмкін. 4. «Құпия схема — тек таңдаулылар үшін» Жиі қолданылатын психологиялық айла. 5. «Тек 2-3 адам шақырсаңыз жеткілікті» Нағыз пирамида. 6. «Сіз ештеңе жоғалтпайсыз — көріңіз!» Уақытыңызды, ақшаңызды, достарыңыз бен өзіңізге деген сенімді жоғалтасыз. 7. «Бұл пирамида емес, біздің өніміміз бар!» Пирамиданың нақты мәнін жасыру үшін көбіне жалған тауарлар қолданылады. 8. «Сіз ештеңе істемейсіз — жүйе сіз үшін бәрін жасайды» Егер бұл рас болса, бәрі миллионер болар еді. 9. «Тек шақыру бойынша кіру» Ажиотаж қалыптастыру үшін жасалатын жасанды эксклюзивті элемент. 10. «Біз Дубайда, Кайманда, Эстонияда тіркелдік...» Офшорлар — «ізін суытуға» ең тиімді құралдардың бірі. 11. «Біздің жоба блокчейнде / метаәлемде / Web 3.0 алаңында жүзеге асырылуда» Әдемі, заманауи сөздер әрдайым сенімділік белгісі емес. Мазмұны маңыздырақ. 12. «Ертеңнен бастап-ақ ақша таба бастайсың!» Шынайы өмірде бәрі бұлай оңай емес. 13. «Ұйықтап жатсаң да, ақша саған пайда әкеледі» Тек оларды қалай және қайда салғаныңды білсең ғана. 14. «Жақында кіруді жабамыз — асығыңыз!» Уақытпен қысым жасау — манипуляцияның классикалық әдісі. 15. «Біз ақшаны сақтамаймыз — барлығы ақылды келісімшарт арқылы» «Ақылды келісімшарттар» қате шешімдерден қорғай алмайды. #лайфхак the HODL: KZ

🟢🟢🟢 🟢🟢🟢🟢 Күн саны: 6% 2025 жылдың қаңтар–мамыр айларының қорытындысы бойынша ҚР ЖІӨ жылдық динамикада осынша пайызға өсті. Кейбір негізгі салалар бойынша өсім мынадай: • өнеркәсіптік өндіріс — 6,4%; • ауыл шаруашылығы — 4%; • құрылыс — 15,4%; • тұрғын үй құрылысы — 5,7%; • сауда — 7,8%; • байланыс және телекоммуникация — 2,8% (сондай-ақ интернет — 13,9%); • көлік саласы — 23,1%. #күнсаны the HODL: KZ

Ұмытылған зейнетақы: 264 мың қазақстандық зейнетақы жинақтарын алмаған 2025 жылғы 1 маусымдағы жағдай бойынша БЖЗҚ-ның шоттарында 37 млрд теңгеден астам теңге «қозғалмай» тұр, бұл өз ақшасына талап етпеген 264 мыңнан астам адамның зейнетақы жинақтары. Олардың ішінде: 🔘148 335 адам қайтыс болды, олардың жинақтарын мұра арқылы алуға болады. 🔘59 800 шетелге тұрақты тұруға кетті. 🔘56 560 зейнеткерлік жасқа жеткенімен, зейнетақы ресімдемеген. БЖЗҚ мемлекеттік органдармен деректерді салыстырып, бюджеттен зейнетақы алатын тұлғаларға төлемдерді алдын ала төлей бастайды. Бірақ адам немесе оның мұрагерлері өздері өтініш жасамайынша, кейбір жинақтар сұралмаған күйі қалады. Төлемдерді қалай алуға болады: ➡️зейнеткерлер тұрғылықты жері бойынша халыққа қызмет көрсету орталығына жүгіну керек; ➡️шетелге кеткендер растайтын құжаттарды ұсыну керек; ➡️қайтыс болған жандардың мұрагерлері қайтыс болған сәттен бастап 6 ай ішінде нотариусқа, сосын сотқа жүгіну керек. Зейнетақы жинақтары салымшы сұратқанға дейін шотта сақталып, инвестиция арқылы көбейе береді. Құжаттардың толық тізімі enpf.kz сайтында «Қызметтер – Зейнетақы төлемдері» бөлімінде берілген. Жақындарыңызбен бөлісіңіз, мүмкін, олардың кейбірі осы қаражатқа құқығы бар екенін әлі күнге дейін білмей жүрген шығар. #талдау #жаңалық the HODL: KZ

❗️ Кешбэк тек бонустық сый емес. Енді оны да декларацияда көрсету қажет! ⠀ Бірден айтайық: декларация мәселесі тек бір банкке — Freedom-ға ғана қатысты (иә, оның атауы осы тұрғыда ерекше аталып өтеді). Егер сіз Freedom Bank-тен кешбэк алған болсаңыз, есіңізде болсын: оны декларациялау керек, себебі кешбэк теңгемен емес, Freedom-ның инвестициялық валютасында беріледі, ал ол бағалы қағаз болып есептеледі. ⠀ ❓ Декларацияны кімдер тапсырады? Freedom Bank-тен кешбэк алған барлық кәмелетке толған азаматтар. Тапсырмайтындар — мемлекеттік қызметкерлер мен кәмелетке толмағандар. ⠀ ❓ Қандай нысандарда тапсыру керек? — 250.00 нысаны — егер сізде осы валюта түрінде активтер болса. — 270.00 нысаны — егер табыс алынған болса: мысалы, сату немесе сыйға алу арқылы. ⠀ 2024 жылғы декларация 2025 жылдың 15 қыркүйегіне дейін, 2025 жылғы декларация 2026 жылдың 15 қыркүйегіне дейін тапсырылады. ⠀ Freedom Bank бәрі оңай жасалады деп сендіруде: декларацияны тапсыру қиын емес, оны Freedom SuperApp арқылы тапсыруға болады, бәрі автоматты түрде есептеледі, бірақ ондай жеңіл бола ма екен… ⠀ Маңызды: бұл кешбэктерге салық салынбайды, бірақ декларацияны міндетті түрде тапсыру қажет. Әйтпесе, 58 980 теңгеге дейін айыппұл салынады. Мұндайға қандай да бір пікір айту қиын. #талдау #жаңалық the HODL: KZ

Ұлттық Банк зерттеу жүргізушілерге грант ұсыну үшін байқау жариялайды Қазақстан Ұлттық Банкі зерттеу жүргізушілерге грант ұсыну үшін ізденушілер арасында конкурстық іріктеу өтетінін хабарлайды. Ізденушілер арасындағы конкурстық іріктеу мынадай зерттеу тақырыптары бойынша өтеді: 1) ЕАЭО шеңберіндегі интеграциялық процестердің Қазақстан экономикасының құрылымына әсері. 2) Қазақстанда жеке тұлғаларды кредиттеуді құқықтық талдау. Конкурстық іріктеуге: • жоғары және жоғары оқу орнынан кейінгі білім беру бағдарламаларын іске асыруға, зерттеу ісіне, ғылыми қызметке немесе сауалнамалар жүргізу, деректерді интеграциялау арқылы деректер жинау, сақтау және (немесе) өңдеу қызметіне байланысты мақсатқа, міндеттер мен функцияларға сәйкес қызметті жүзеге асыратын; • банкротқа ұшырамаған немесе таратылу процесінде тұрмаған заңды тұлғалар қатыса алады. Ізденуші тараптың өтінімдері бірінші басшысының немесе ізденуші өкілінің сенімхаты негізінде уәкілеттік берілген адамның электрондық цифрлық қолтаңбасымен растала отырып, электрондық үлгіде Қазақстан Ұлттық Банкінің порталы арқылы беріледі. • Өтінім қабылдау басталатын күн — 2025 жылғы 30 маусым. • Өтінім ұсынудың соңғы мерзімі — 2025 жылғы 13 тамыз. Ұлттық Банк өтінімдерді қарап болған соң зерттеу тақырыбына сай бірнеше грант беруге немесе мүлдем бөлмеуге құқылы. Конкурстық құжаттамада хабарландырудың толық мәтіні, оның ішінде зерттеу тақырыбы, зерттеу жұмыстарына қойылатын талаптар, ізденушілерді іріктеу шарттары, Ұлттық Банктегі жауапты тұлғалардың байланыс деректері берілген. Конкурсқа қатысты сұрақ туындаған жағдайда, мына электрондық мекен-жайларға хабарласуға болады: esaphieva@nationalbank.kz, Kamilla.J@nationalbank.kz. #жаңалық the HODL: KZ

Қазақстанда ШОБ несиелерін субсидиялау қағидалары өзгерді «Даму» кәсіпкерлікті дамыту қоры Қазақстан Үкіметінің 2025 жылғы 2 маусымдағы қаулысымен субсидиялау қағидаларының өзгерістері бекітілгенін хабарлайды. Негізгі өзгерістер: 🔵Құны 200 млн теңгеден аспайтын микро және шағын кәсіпкерлік субъектілерінің кредиттері субсидиялауға жатады. 🔵Субсидиялау мерзімі 3 жылға дейін. 🔵Экономиканың басым салаларындағы жобалар үшін портфельдік субсидиялау тетігі енгізіледі: 1) өңдеу өнеркәсібі; 2) көлік және қоймалау; 3) туризм; 4) білім беру; 5) денсаулық сақтау. 🔵Кредит бойынша ең жоғары мөлшерлеме — Ұлттық Банктің базалық мөлшерлемесі +4%. Қарыз алушыға түпкілікті мөлшерлеме 12,3%-дан, ал әлеуметтік кәсіпкерлер үшін 11,3%-дан. 🔵Субсидия мөлшері — кредиттің жалпы мөлшерлемесінің 40%. Несиенің максималды сомасын 200 млн теңгеге дейін қысқарту және мемлекеттік қолдау шараларын қайта қарау нәтижесінде субсидиялауға бюджет қаражаты шығынын 40%-ға дейін қысқарту күтілуде. #жаңалық #талдау the HODL: KZ

💲 «Даму» кәсіпкерлікті дамыту қоры жаңа «Өрлеу» бағдарламасы іске қосылғанын хабарлайды «Өрлеу» бағдарламасы өңдеу өнеркәсібі, көлік және қоймалау, туризм, білім беру, денсаулық сақтау сияқты экономиканың басым секторларында жеңілдікті кредиттер беру арқылы кәсіпкерлік қызметті ынталандыруға бағытталған. • Жеңілдікті кредиттеудің жаңа бағдарламасы бойынша түпкі қарыз алушы үшін сыйақы мөлшерлемесі жылдық 12,6%-дан аспайды. • Бағдарлама бойынша жалпы қаражат көлемі 750 млрд теңге болады, оның 300 млрд теңгесін Қор бөледі, ал 450 млрд теңге екінші деңгейлі банктер тарапынан бірлесіп қаржыландыру аясында тартылады. «Өрлеу» бағдарламасы инвестициялық мақсаттарға жеңілдікті қарыз беруді, айналым қаражатын толықтыруды және 2025 жылғы 1 қаңтардан бастап берілген қолданыстағы кредиттерді қайта қаржыландыруды көздейді. Негізгі шарттар: • қарыздың ең жоғары сомасы — инвестицияға 7 млрд теңгеге дейін, айналым қаражатына 3,5 млрд теңгеге дейін; • сыйақы мөлшерлемесі — жылдық 12,6%-дан аспайды; • қаржыландыру мерзімі: — инвестициялық мақсаттарға 10 жылға дейін; — айналым қаражатын толықтыруға — 3 жылдан аспайды; — кредиттерді қайта қаржыландыруға — қаржыландырылатын берешек мерзімінің қалдығынан артық емес. «Өрлеу» бағдарламасы жеңілдікті кредит беру арқылы кәсіпкерлік қызметті келесі экономиканың басым секторларында: 🔵өңдеу өнеркәсібі; 🔵көлік және қоймалау; 🔵туризм (қонақ үйлер, кемпингтер және т.б. қызмет көрсету); 🔵білім беру (мектеп және мектепке дейінгі мемлекеттік білім беру тапсырысы бар); 🔵денсаулық сақтау (медициналық орталықтар, көп бейінді клиникалар) ынталандыруға бағытталған. «Өрлеу» бағдарламасына қатысу үшін кәсіпкерлер тікелей несие берушілерге жүгінуі қажет. Қазіргі кезеңде Freedom Bank, ЦентрКредит Банкі және Halyk bank-пен тиісті келісімдерге қол қойылды. #жаңалық #өнім the HODL: KZ

➕1️⃣Қазақстанда жаңа шетелдік банк пайда болды! Қазақстан Республикасының Қаржы нарығын реттеу және дамыту агенттігі «БиЭнКей» коммерциялық банкі» АҚ-қа банкоперацияларынжүргізугелицензия берді. Бұл Қазақстанда 2010 жылдан бері берілген алғашқы банктік лицензия. «БиЭнКей» коммерциялық банкі» АҚ әмбебап цифрлық сервистерді дамытуға, шағын және орта бизнеске кредит беруге және автокөлік алуға кредит беруге бағдарланған. Банк бұрын микроқаржы ұйымы мәртебесінде жұмыс істеген «BNK Finance Kazakhstan» ЖШС қайта құру нәтижесінде құрылды. • 2024 жылғы маусымда Агенттік микроқаржы ұйымдарын қайта құру мүмкіндігін көздейтін заңнама шеңберінде екінші деңгейдегі банкке айналдыруға рұқсат берді. • Биыл 30 мамырда Агенттік қайта құру жөніндегі іс-шараларды іске асыру туралы есепті бекітті, содан кейін компания банк ретінде мемлекеттік қайта тіркеуден өтті. Берілген лицензия банкке банк операцияларын, оның ішінде заңды тұлғалардың депозиттерін қабылдауды, банктік шоттар ашуды және жүргізуді, кассалық және аударым операцияларын, кредиттер беруді және шетел валютасымен операциялар жүргізуді жүзеге асыру құқығын береді. Депозиттерге міндетті кепілдік беру жүйесіне қосылғаннан кейін жеке тұлғалардың депозиттерімен және банк шоттарымен операциялар жүзеге асыруға мүмкіндік болады. Қайта құру сәтінде ұйымның активтері 25,8 млрд теңгені, кредиттік портфель 21,8 млрд теңгені құрады. 2024 жылдың қорытындысы бойынша ұйым активтер мөлшері бойынша микроқаржы ұйымдары арасында 15-ші орында болды. «БиЭнКей» коммерциялық банкі» АҚ халықаралық қаржы холдингі – Оңтүстік Кореяның BNK Financial Group Inc. құрамына кіреді, оның активтері 103 млрд АҚШ долларынан асады. Сонымен бірге топтың құрамына Busan Bank және Kyongnam Bank банктері, сондай-ақ инвестициялық компаниялар кіреді. Топтың екі Корея банкінің «A2» деңгейіндегі халықаралық рейтингтері және 300-ден астам филиалы бар. #жаңалық the HODL: KZ

🍴 Үй шаруашылықтарындағы азық-түлік өнімдерін тұтыну туралы Бюро тұрмыс деңгейі бойынша 12 мың үй шаруашылығы арасында жүргізілген іріктемелі зерттеу нәтижесінде І тоқсандағы азық-түлік тұтыну көрсеткіші бойынша жиналған деректерді жариялады. Өткен жылдың сәйкес кезеңімен салыстырғанда азық-түлік тауарларының барлық негізгі топтары бойынша тұтынудың өсуі байқалады. Тұтынудың ең жоғары өсімі жемістер (+3,5%), балық және теңіз өнімдері (+2,2%) бойынша байқалды. Азық-түлік өнімдерінің жекелеген түрлері бойынша халықтың жан басына шаққандағы орта есеппен бір айда тұтынуы: 🥔 картоп — 3,7 кг; 🍞 1-сұрыпты ұннан жасалған бидай наны — 2,3 кг; 🥩 сиыр еті — 2 кг; 🍏 алма — 1,6 кг; 🍬 құмшекер — 1,5 кг; 🍚 күріш — 1,3 кг; 🥛 шикі сүт — 0,9 л; 🥚 жұмыртқа — 17,1 дана; 🍜 макарон өнімдері — 0,9 кг; 🐟 енді ауланған немесе салқындатылған балық — 0,6 кг құрады. • Өңірлер арасында нан өнімдері мен жармаларды тұтыну көрсеткіші Түркістан облысында ең жоғары (жан басына шаққанда айына 14,1 кг), ең аз тұтыну Маңғыстау облысында (жан басына шаққанда айына 7,9 кг). • Балық пен теңіз өнімдері Шығыс Қазақстан тұрғындарының рационында көбірек (жан басына айына 1,7 кг), ең азы шымкенттіктерде — 0,5 кг. • Көкөністерді тұтыну көрсеткіші Түркістан облысында жоғары (жан басына айына 7,3 кг), ең азы Абай облысында (жан басына айына 4,5 кг). Орташа жан басына шаққандағы негізгі тамақ өнімдерін тұтыну — қарастырылып отырған уақыт ішінде үй шаруашылығының бір мүшесінің орташа тұтынған тамақ өнімдерінің (әрбір өнімнің түрі бойынша бөлек) саны. Ол азық-түлік тауарларының жекелеген түрлерін тұтынудың көлемін үй шаруашылығының бар мүшелерінің санына бөлу жолымен есептеледі. Ірілендірілген топтар бойынша тұтыну құрамдастарды бастапқы өнімге қайта есептеу есебімен анықталады. #аналитика #жаңалық the HODL: KZ

👾👾👾 👾👾👾👾 Күн саны: 4,4 млн адам. Бұл — ШОБ кәсіпорындарында жұмыс істейтін ҚР азаматтарының саны. #күнсаны the HODL: KZ

🐶 Сіздің үй жануарыңызға арналған цифрлық паспорт — енді eGov Mobile қосымшасында Барлық мәліметтер TABAN — үй жануарларын есепке алу Бірыңғай деректер базасынан жүктеледі. Бұл жүйеде тіркелген барлық жануарлар және оларға қатысты маңызды оқиғалар жазылып отырады. Цифрлық паспортта мына мәліметтер қамтылады: жануардың жеке нөмірі, құжат нөмірі, аты, түсі, тұқымы, туған күні, ерекше белгілері, жануардың түрі мен жынысы, тіркелген мекенжайы, нақты тұратын мекенжайы, иесінің толық аты-жөні мен ЖСН, сондай-ақ чиптеу, стерилизация және вакцинация туралы ақпарат – даталары мен мәртебелері көрсетілген. Қызметті пайдалану үшін: ✅ eGov Mobile қосымшасына авторизациядан өтіп; ✅ «Цифрлық құжаттар» сервисіне кіру қажет; ✅ «Басқа құжаттар» бөлімінде Жануар паспортымен танысу керек; ✅ егер құжат көрінбесе, «Құжаттарды жаңарту» батырмасын басу қажет. Цифрлық төлқұжат ветеринарлық клиникаға барғанда, саяхатқа шығарда, көрмелерге қатысқанда немесе жануар жоғалған жағдайда оның деректерін жедел ұсынуға мүмкіндік береді. Сонымен қатар, бұл қызмет үй жануарларын жүйелі түрде есепке алуға, қаңғыбас жануарлар санын азайтуға және иелерінің жауапкершілігін арттыруға септігін тигізеді. 🐈‍⬛ 2025 жылғы наурыз айындағы жағдай бойынша жүйеде 224 мыңнан астам үй жануары тіркелген, оның ішінде 20 мыңнан астамы — үйсіз жануарлар. #жаңалық the HODL: KZ