السحلة الاخيرة

السحلة الاخيرة pinned a photo

بالفترة الراحت اشتغلنا على بناء كورس Clinical Medicine يحتوي كلما يخص العملي بالباطنية ويفيد طلبة مراحل الـ Clinical كلها وحرصنا يكون شي ما مطروق سابقاً كل تفاصيل المحتوى موجودة بهذا البوست Contact me if anyone is interested @hu_kinani

يكولون اكو عالم خلصت السادس 🤩. الف مبروك وان شاء الله افضل النتائج للكل🎉👏🏻🔥. ماكو احلى من شعور آخر امتحان بالكلية.

الله يساعدهم شلونها الباطنية؟ ان شاء الله كل شي تمام 👌

عيد سعيد عليكم وكل عام وانتم بخير. اتمنى لكم كل التوفيق بقادم الاسابيع. وامتحانات سهلة يسيرة. ودكاترة لطيفين ومتعاونين. وان شاء الله تكون فترة هينة وتعدي بخير. 🩵

Tic Tac ⏳ 🔥

سنة سعيدة عليكم ستاجيرتنا الابطال اتمنالكم التفوق واليسر بما تبقى من رحلتكم وان شاء الله توصلون لكل طموحاتكم ومساعيكم ويبعد عنكم الدكاترة المو خوش بالعملي اطيب الامنيات الكم ♥️♥️

السلام عليكم جمعة مباركة الف مبروك خلصتوا اول روتة 🎉🤍 اطمنكم باقي الروتات راح تتساقط مثل الذباب وما تحسون اله الفاينل بوجهكم 💀 هي شدتها بس الاولى 😆 هم استفاديتوا من القناة والمحاضرات؟

صباح الخير وجمعة مباركة شنو شلونها اول اسبوعين من حياة الستاجيرية عدكم سؤال استفسار؟ بديتوا تقرون لا؟😃 نكدر نساعدكم بشي

تسلسلي العاشر على طب بغداد ٢٣/٢٤ الف الحمد لله والشكر 🤲🏻🤍

٤- الجراحة: - كنظري فهي اضخم مادة وبالفاينل راح تكون مرعبة وحرفيا اصعب امتحان بحياتك بكلية الطب… فكلش انصحكم تطلعون من الروتة وانتم خاتمين الجنرل كله + الـGIT كله وحجيت بالفويز وين تقرون (اما الباقي فحاولوا تقروها بأي وقت فراغ وانه خليت الكم المحاضرات واهم شي بيها الكارديوثوراسك… الاطفال والنيوروسرجري راح يكون الها اسبوع ضمن روتة الجراحة تكدرون تخلصوها بيها لان سهلات… الكسور انتم عدكم اسبوعين والها وكذلك البولية ضمن الماينرات فلازم تقرون اغلبها وتخلصون منها… الرديولوجي انصح تتركوها عدا الجست لان انتم خلال قرائكم للمحاضرات راح تطلعون على كل شي ولهسه متندم ضيعت يوم من الفاينل قريت بيها رديولوجي وما استفاديت حرف واحد بعدين)… فيعني اهم شي جنرل وGIT وكسور وبولية… ذني عليهن الدرجة العظمى والبقية طكطكوا بيهن حسب البلوبرنت واذا ما لحكتوا بالدوام فمو مشكلة. - اما ملاحظات الدكاترة فيفضل هم تطلعون عليها قبل كل سشن لان كذلك يكررون كلامهم (خصوصا اسعد، علاء، اوس، منذر، عقيل شاكر والبقية)… انه ما قريتها خلال الروتة عدا مال اوس (عجز مني) فما راح تلكون ملفاتها بالفولدرات بس تكدرون تحملوها من قناة حمزة هنا - العملي: فهو بارتين… الاول اورال… هنا ممكن تنسأل كل شي بس الغالبية يركزون عالمواضيع المهمة وال Common الي هي جنرل وGIT (خلال الروتة بس ذني تنسألون بيها اما بالفاينل فحرفيا ممكن كل شي يطلعلك… حسب انت وحظك… انه طلعلي كارديوثوراسك وجنرل سرجري بالاورال 🤣) ومادته فهو النظري نفسها والسوالف الي يحجوها الدكاترة (فلود، درينز، ATLS وذني المواضيع الي حجيت عنها ضمن خانة ال principles) - اما البارت الثاني فهو الشورت كيس… فهنا ممكن ينطلب منك تسوي اكزام معين او تاخذ هستري او هيج سوالف وتكعد تنسأل عليها… هو عينا نفس الاورال بس واكف مو كاعد ويمكن حتى ما تلمس المريض… الغالبية العظمى تنسأل جنرل وابدومن (يعني سوالف جنرل سرجري) وراح تلكوها بملف ستاجير كايد الي نزلته فوك… هاي بالنسبة للروتة… إما بالفاينل فيعني ممكن تنسأل غير امور (انه مثلا انسألت كسور، غيري انسأل تخدير، بس هالشي قليل لان حتى لو اجاك دكتور ماينر فراح يسألك بالجنرل وهيج صار وي الغالبية) - فيعني اهم شي بالجراحة هي المعلومات النظرية لان الاختبار اغلبه عليها وهذا الي يخليها اسوء روتة. ملاحظات شاملة لكل المواد: 1 اطلعوا على اسئلتنا الوزارية خلال الروتة حتى تعرفون شلون تقرون ويتوجه تفكيركم صح. 2 كأسئلة تقروها للوزاري فأنصح بالبنك مال د هيثم… كلش مرتب وشامل ويختصرلكم كومة وقت… فحاولوا تبدون بيه من وكت حتى لا تصير حصرة بالفاينل (مثل ما صار وياي). 3 ممكن تشوفون الحجي هذا يخوف وهواي بس اطمئنوا… الوقت كلش كافي واقروا بس مال روتتكم الحالية حتى لا تنخبصون… تكدرون تقرون وتخلصون كل شي وتتونسون… ما تتصورون شكد سختت خلال السادس.

شلون ممكن تستفاد من الروتات حتى تقلل العبئ عليك بالفاينل… كل مادة وشنو افضل شي تسويه بيها… كنظري (فهو وزاري ما راح يكون بيه مشاكل هواي) وكعملي (فهي هنا المشكلة) ١- النسائية: - للنظري فأهم شي تقرا كل المحاضرات الموجودة بالبلوبرنت والي مخليها بالفولدر. تريد تقرا على نادين فبعد بكيفك (عن نفسي قريت على محاضراتنا وحدي وشفتها كلش كافية) - للعملي: فأمتحان نهاية الروتة سولفنا عليه بالفويز الخاص بالنسائية… اما للفاينل فهو راح يكون بارتين: الاول هو لونك كيس (فمجرد تتعلم شلون تاخذ هستري نسائية وتحفظ الجكلست مال النسائية نفس فكرة الاطفال… هستري عادي حاله حال اي مادة وراح تتناقش بيه وي الدكاترة الي يمتحنوك)، اما الثاني فهو اورال (ممكن تنسأل بأي موضوع بالنسائية او التوليد… حرفيا اي موضوع فلذلك ضروري واحد يقرا المحاضرات كلها ويطلع عليها بالروتة… وهي سهلة تخلص ب٤ اسابيع او اقل اذا انت قاريها زين بالخامس) ٢- الاطفال: - كنظري فهو كذلك تقرا محاضرات د هيثم لان هي اكمل واشمل من محاضرات الكلية (كونه امتحان وزاري) وما يهم جنت مشترك او لا (تكدر تقرا بدون اشتراك) وانه مخليها الكم كل سستم على حده مثل ما ذكرت بالفويز الخاص بالاطفال. - للعملي فهو امتحان يتكون من ٣ بارتات… الاول هو اللونك كيس… عيناً نفس الخامس لكن نقاشه يكون اطول كونك سادس حالياً… فالمطلوب منك هستري ثم هستري ثم هستري… اخذ هستريات شكد ما تكدر وتقوى بيها وكذلك الاكزام (اهم شي الجنرال)… وحتى تستفاد من سشنات الروتة فأطلع على ملاحظات الدكاترة الموضوعة بالملف قبل لا ياخذكم دكتور فلان وبهيج انت بنهاية الروتة تكون مطلع عليها كلها… البارت الثاني هو السلايدات… هذا البارت حجيت عليه بالتفصيل بالفويز… يفضل تطلعون عليها خلال الروتة (كل يوم وجبة)… البارت الثالث هو الطوارئ وكذلك حجيت عنه بالفويز (كذلك يفضل تقرا المواضيع تدريجيا خلال الروتة حتى لا تتراكم عليك)… واحب انوه انو امتحان نهاية الروتة هو نفسه بالضبط امتحان الفاينل (ما يفرق اي شي بس بالنهاية راح يمتحنوك ٢ دكاترة وواحد منهم ساكت) ٣- الباطنية: - للنظري: ذكرت كل شي بالفويز… اهم شي تخلص المادة كلها خلال الروتة (عدا النيورو الها وقت بحده اسبوعين ضمن الماينرات) والمادة فهي على د هيثم انه قريتها وشفتها كلش زينة (كذلك ما يهم سواء اشتركت او لا… لان محاضراته الpdf كلش مرتبة) وانه مخليها بالفولدر كلها. - للعملي: فهو بارتين… الاول هو شورت كيس (نفس مال الرابع) فيعني مجرد راجعوا الاكزام وقوّوا نفسكم بالفحص وشوفوا اكبر قدر ممكن من الsigns وتعلموا الربط بينها خلال الروتة لان هي نفسها تتكرر بالامتحان… وهذا البارت نفسه يتكرر بالفاينل وينضاف عليه بارت الاوسكي… هذا ما يحتاجله اي شي تقروه خلال الروتة… هو بالفاينل تخلصوه خلال يوم واحد (عبارة عن محطتين فوكس هستري وملفاتها مخليها الكم + محطتين سلايدات اغلبها تتكرر وهم مخلي ملفاتها الكم + محطة communication skills بايخة نفس مال الثالث تلكون عليها شرح بوقتها عود)

واذا احد عنده سؤال فخلي يكتبه بالردود 🤍

شلون تفتح الملف المضغوط بسهولة بالايباد

السحلة الاخيرة pinned «For Quick access - introduction - Gyne & Obs - Paediatrics - Minors - Internal Medicine - Surgery»

For Quick access - introduction - Gyne & Obs - Paediatrics - Minors - Internal Medicine - Surgery

.

.